Post: #1
Title: هروب جماعى لمنسوبي الحركة الشعبية من الميدان بجنوب كردفان
Author: فدوى الشريف
Date: 05-04-2016, 08:48 AM
Parent: #0
08:48 AM May, 04 2016 سودانيز اون لاين
فدوى الشريف-
مكتبتى
رابط مختصر Quote:
كشفت حكومة ولاية جنوب كردفات عن عمليات هروب جماعي لمنسوبي الحركة الشعبية قطاع الشمال من الميدان، فيما قامت الحركة باعتقال العشرات من الفارين لمنعهم من التسليم الي الحكومة.
وقال ياسر كباشي معتمد محلية كادوقلي في تصريح ان الحركة الشعبية أصبحت في أضعف حالاتها ميدانياً وباتت تعيش في الرمق الاخير، الأمر الذي أدى إلى هروب العشرات من منسوبيها من المعسكرات، مشيراً إلى اعتقال الحركة لأعداد كبيرة من مقاتليها بسبب إمتناعهم عن المشاركة في الحرب.
ولفت كباشي إلى أن الحركة لجأت لتجنيد واختطاف الأطفال وكبار السن والرعاة في الشريط الحدودي دون مراعاة لاعمار الذين يتم اختطافهم من مناطقهم بغرض سد النقص في المقاتلين بسبب الهروب الجماعي المتكرر لمنسوبيها والوضع الميداني، مشيراً إلى أن الخطط المحكمة التي نفذتها قوات الأمن لإنقاذ بعض منسوبي المنظمات والمواطنين الذين قامت باختطافهم الحركة الشعبية مؤخراً زعزعت الثقة في منسوبي الحركة الامر الذي أدى إلى تدافعهم وهروبهم إلى مناطق الحكومة بولاية جنوب كردفان.
|
|
Post: #2
Title: Re: هروب جماعى لمنسوبي الحركة الشعبية من الم�
Author: Deng
Date: 05-04-2016, 08:51 AM
Parent: #1
من هي فدوى الشريف؟
بمعنى أخر
هل في زول في المنبر ده بعرفها معرفة شخصية أم لا؟
مش غريبة أن تكون بعض الأقلام التي تكتب في المنبر وتدافع على النظام هي أقلام أصحابها غير معروفين للناس أبدا؟
هل بتتزكرو "محمد فرح" ؟
|
Post: #3
Title: Re: هروب جماعى لمنسوبي الحركة الشعبية من الم�
Author: خالد حاكم
Date: 05-04-2016, 03:56 PM
Parent: #2
Quote: من هي فدوى الشريف؟
بمعنى أخر
هل في زول في المنبر ده بعرفها معرفة شخصية أم لا؟
مش غريبة أن تكون بعض الأقلام التي تكتب في المنبر وتدافع على النظام هي أقلام أصحابها غير معروفين للناس أبدا؟
هل بتتزكرو "محمد فرح" ؟
|
دينق
تحياتى
فعلا وبما انهم من بورداب الخرطوم هم الوحيدين الماشاركوا فى اى لقاء اومناسبة بتخص بورداب الخرطوم وما سمعت بزول قال لاقى واحد فيهم
|
Post: #4
Title: Re: هروب جماعى لمنسوبي الحركة الشعبية من الم�
Author: nour tawir
Date: 05-04-2016, 05:55 PM
Parent: #3
يا فدوى او نجوى او نهى او ايا كان...
لم يحدث فى تاريخ الكون..
أن نوباى فر من ميادين القتال..
ما سمعتى بالمثل السودانى( ما قلتوا نوبة)؟
الكلام الكتبتيه دا واسع شديد..
وما بيدخل فى عقل طفل..
ودا كووولو عشان الناس تبطل تطلع الشوارع..
كضابة والله...
|
Post: #5
Title: Re: هروب جماعى لمنسوبي الحركة الشعبية من الم�
Author: Khalid Kodi
Date: 05-04-2016, 06:31 PM
Parent: #4
كتبت الاخت نور تاور:
Quote:
لم يحدث فى تاريخ الكون..
أن نوباى فر من ميادين القتال..
ما سمعتى بالمثل السودانى( ما قلتوا نوبة)؟
الكلام الكتبتيه دا واسع شديد..
وما بيدخل فى عقل طفل..
ودا كووولو عشان الناس تبطل تطلع الشوارع..
كضابة والله... |
آهو يانور ، اتفقنا في حاجه اخيرا!
هالاااالويا!
قال هروب قال!
|
Post: #6
Title: Re: هروب جماعى لمنسوبي الحركة الشعبية من الم�
Author: Haytham Ghaly
Date: 05-04-2016, 06:34 PM
Parent: #4
يا بت تاور سلام
زي نوع فدوى وللا فروة دي الكضب عندهم منهج ؤ كمان يعتبر جهاد
بعدين رئيسهم الذي علمهم الكذب واللف والدوران اصبح مضرب مثل في هذا المجال
يعني ماها شاحداهو واذا كان رب بيت الكيزان على الدف ضارباً
فشيمة زي ناس فدوى ديل الكشف والجبجبة
|
Post: #7
Title: Re: هروب جماعى لمنسوبي الحركة الشعبية من الم�
Author: Deng
Date: 05-04-2016, 06:39 PM
Quote: فدوى الشريف
تاريخ التسجيل: 09-14-2006
مجموع المشاركات: 4756 |
الأخ خالد حاكم.
هل يعقل أن تكون فدوى الشريف موجودة في هذا المنبر منذ عام 2006، ولا يعرف عن حقيقتها أحد حتى اليوم؟
أكيد لا. فدوى الشريف مجرد شبح في هذا المنبر وهي شخصية غير حقيقية.
فما هي الجهة أو الشخص الذي يقف خلف هذا الأسم ويستغله في الكاتبة بالمنبر؟؟
|
Post: #8
Title: Re: هروب جماعى لمنسوبي الحركة الشعبية من الم�
Author: nour tawir
Date: 05-04-2016, 07:31 PM
Parent: #7
الآخ العزيز خالد كودى..
نحن متفقان اتفاقا تاما فى الاطار العام..
يعنى الارض والسكان والمظالم التاريخية من قبل المركز..
ونختلف فقط فى التفاصيل..
والتفاصيل دى لولا الاطماع الخارجية ما كان حصل حولها أختلاف..
والاختلاف فى التفاصيل دائما هين..
وحنلتقى فى اخر المشوار..
تأكد من ذلك...
لانه الدم عمره ما ببقى موية..
|
Post: #9
Title: Re: هروب جماعى لمنسوبي الحركة الشعبية من الم�
Author: nour tawir
Date: 05-04-2016, 07:36 PM
Parent: #8
الآخ الفاضل هيثم الغالى
...
يا بت تاور سلامزي نوع فدوى وللا فروة دي الكضب عندهم منهج ؤ كمان يعتبر جهاد
....
دى جرسة كيزان ساكت يا هيثم..
وحالتو لسه ما جا يوم حسابهم..
فتخيل يوم الحساب حيعملوا شنو ؟
الناس ديل أجبن منهم مافى..
القدر بس هو السلطهم علينا..
راقب الموقف بس وأت تشوف الجرسة الما خمج..
|
Post: #10
Title: Re: هروب جماعى لمنسوبي الحركة الشعبية من الم�
Author: مامون المعتصم أحمد
Date: 05-04-2016, 08:31 PM
Parent: #9
الحرب ما حبابا أبداً على أي حال ....
بس الأيام دى صحيح ... ناس الحركة ماكلين نيم ..
و البسكــوهم ذاتهم نوبة عشان كدا النوبة بتاعين
الحركة ... فرَّوا .....
|
Post: #11
Title: Re: هروب جماعى لمنسوبي الحركة الشعبية من الم�
Author: خالد حاكم
Date: 05-05-2016, 00:22 AM
Parent: #10
Quote: و البسكــوهم ذاتهم نوبة عشان كدا النوبة بتاعين
الحركة ... فرَّوا .....
|
مامون المعتصم
يعنى عايز تقول نوبة المؤتمر الوطنى اشجع من نوبة الحركة هههههههههههههه
حتى فى المثل بيقولوا ( حديد يلاقى حديد ) طالما انت اعترفت ضمنا بشجاعة وبسالة النوبة
|
Post: #12
Title: Re: هروب جماعى لمنسوبي الحركة الشعبية من الم�
Author: مامون المعتصم أحمد
Date: 05-05-2016, 09:13 AM
Parent: #11
خالد حاكم
لا يجادل في شجاعة إخوالى النوبة إلا جاهل ...
عشنا معاهم و عاشوا معانا في مدينة رفاعة ... وجدتهم في
المدينة منذ ولادتى ... و لهم فريق مشهور في رفاعة يسكنه
أغلبهم في ذلك الزمان ... لعبنا مع أولادهم كل الألعاب من البلى
و الكورة حتى الكمبلا ... و درسنا معاً المراحل الدراسية ..
و لى صداقات بل قل أخوة ما تزال ممتدة لأكثر من 50 عاماً مع
زملاء دراستى و زملاء الملاعب ... حيث عشنا في رفاعة لا
توجد قبلية و لا تفرقة عنصرية الجميع أخو الجميع تجدهم في
الأفراح و الأتراح فقيرهم و غنيهم ... و جهائهم و بسطائهم ..
فكلنا أولاد السودان ... و حتى الآن يوجد في رفاعة إخواننا
الجنوبيين و هم كذلك جزء لا يتجزأ من نسيج المدينة السكانى ..
لإخوالى و أبناء إخوالى من النوبة التحية و التقدير حيثما وجدوا ...
و أسأل الله أن يوقف الحرب و الصراع في جبال النوبة و يعيدها
سيرتها الأولى آمنةً مطمئنةً ... فهو وحده القادر على هداية الحكومة
و ناس الحركات لترك القتال و نشر السلام ..
و الموضوع يا خالد ما موضوع سخرية ياخ ... فقتال أولاد البلد
من الجانبين لا يسر من يدعى العقل ... بس ، الله غالب .....
|
Post: #13
Title: Re: هروب جماعى لمنسوبي الحركة الشعبية من الم�
Author: Frankly
Date: 05-05-2016, 09:43 AM
Parent: #1
اعتقد الخبر لا يتحدث عن فرار أثناء القتال بل فرار من الميدان والمعسكرات نتيجة للروح المعنوية وانتفاء سبب الحرب
ومن هذا المعنى هناك الكثير جداً من القايدات ومنسوبي الحركة الشعبية "قطاع طرق الشمال" قد تركوا الميدان وسملموا سلاحهم وانضموا لقطار السلام
اعقتد محرر الخبر لم يتخير العبارة
فالهروب هو من منظور الحركة الشعبية
واختيارهم السلام هو من منظور الحكومة السودانية
|
|