يا المغتربين البيقرأ الكلام دة ما ظنيتو ينزل السودان

11:31 AM May, 03 2016 سودانيز اون لاين
Adam Youssif-Jeddah, Saudi Arabia
مكتبتى

Quote: طبعا الايام دي خلاص موسم عودة المغتربين من دول الخليج للاجازة السنوية ..اها مرحب بيكم في بلدكم الثاني (السودان ) وحبابكم عشرة بلا كشرة بس في حاجات عايزكم تنتبهوا ليها ..اول حاجة الصابون والمعجون والسفنجات والطواقي والسبح وريحة مكة هنا عندنا راقدات ومفروشات في الشارع وارخص من الحتجيبوهم معاكم ..تاني شئ: مافي داعي للدلاقين والخمخمة!!..اصلو الحتة الانتو جيتو منها دي ذوقهم في التياب (هندي) وكمان قديم فاحسن بدل ما تلقطوا ليكم كم شنطة من الدلاقين من ابو عشرة او ابو خمسين كهدايا ..وتجوا فرحانين بيهم وتدوهم هدايا للناس يلوا بوزم ويصروا ليك ..أحسن تديهم حقهم (ناشف) ..وبعدين ياخ الوزن ذاتو اغلى من الحاجة البتشتروها لينا دي ..تعالوا خفاف وجيبوا لينا حاجات هنا ما عندنا ..ياخ التانك واللبن وصابون البودرة هنا رااااقد ..وبصراحة هنا كل شئ رااااااقد بس ما تحيرك إلا قروشك ..! اها من حيث الموبايلات بالله اختونا من الصيني ..دا هنا في السوق الشعبي بتباع بالكوم ..يعني لو عايز تجيب موبايلات هدايا شوف (جلاكسي 6+) ، (وايفون 7 ) ، والحاجات الزي دي..بس حاجة مكتوب فيها made in china خليها في محلها ..النبي فيك كان جبتها ..كدا بتفضحونا مع الاجانب ! كمان اوعاك تقول لينا بلدكم دي ياخ وسخانة والكشرة مالية الشوارع ..ترى عنا بنظفوها من الفجرية!! مافي داعي للمقارنة عشان ما تفرسنا وتعمل لينا مصران عصبي ..براها الدنيا سخانة والناس فلسانة !! كمان لو لاقيت ليك شافع صغيروني ما تقول ليهو ماشاء الله كبرت لما ما عرفتك! ياخ انت يا دوب ليك سنتين إلا تلاتة شهور كبر كيف يعني؟! بعدين اوعاك تقول ليك لاي بت يا حرمة !! تقول لواحدة يا (حُرمة) والله تعرف مليون حاجة ! كمان برضو ما تقعد تحكي لينا قصص وافلام عن الامراء والاميرات والشيوخ والهوامير.!!!.ياخي هنا برضو عندنا انترنت واي حاجة بتحصل في الدنيا بنعرفها قبل الناس الانت جيت منهم ديلاك ! واحذر واوعاك تقول للحلة ‫#‏طنجرة‬! وللجردل (سطل) !! واوعاك تقول لي جيبي الدشاشة ..ياها السفنجة حقتك الخليتها زمان لميناها ليك في المخزن (ذكرى) ونخرتها مقطوعة وداقنها بمسمار! وكل فردة لونها براهو ! بلا دشاشة بلا سحساحة معاك! اها كمان ما تقعد تتفلسف لينا في السياسة وتعمل لينا فيها الامام الصادق المهدي ..وتعمل لينا فيها انك لو كنت قاعد كان عملت ثورة وتغيير وهملجرا..ياهو داك الشارع يلا امشي ورينا الثورة كيف ؟ بعدين اوعاك تقارن لينا الاسعار بالريال او الدرهم او الدينار ..كدا بتفقع مرارتنا عديل كدا ..! ما تسالنا من الريال بي كم ؟ انت عارفو اكتر مننا ولو ما حسبتو من هناك صاح ما كان جيت ! وكان عندك باقي ريالات داير تفكها امشي السوق العربي جنب الجامع الكبير وفكها بي راحتك! يا زول هو كوز الموية بي 50 قرش يعني نص جنيه وما تقول لينا في السعودية البنزين ارخص من الموية ..الحاجات دي كلها عارفنها وقريناها في الانترنت .شيل معاك موية النيل وبيعها هناك شوف تجيب ليك كم ريال وريحنا من التنظير يا ريال ! اها كمان ما تغش ليك واحد وتقول ليهو بجيب ليك اقامة ولما ارجع برسل ليك فيزا .. او تقول ليهو الاقامات للسودان الايام دي موقوفة .. ياخي خليك واضح وما تخلي الناس تعشم فيك ساي وفي النهاية تطلع كضاب..اها وبالنسبة لموبايلك عبد الواحد دا ..صدق عاجبني شديد ، وان قعدت شهرين او قعدت شهر ياهو موباايلك دا بقلعو منك بقلعو منك كان ترضى كان تزعل ..موبايلك شايلنو شايلنو..كان مسفرني بكرة دي برضو موبايلك دا خلاص اقنع منو ..ودي مسالة منتهية.. وبعدين ياخ عندك عطر جميل كدا ..غايتو عاجبني..حتى لو القزازة باقي فيها شوية برضو حنصادرو منك غصبا عنك !! اها ياخ البدلة والكرفتة full suit دي عوارة ياخ..الدنيا سخانة ..اقشر ليك بجلابية او على الله.. وما تخلي الناس يتفرجوا فيك يقولوا دا شغال في بنك ولا محامي خانق رقبتو بالليل دا ؟!!!اهم حاجة اوعاك تعمل فيها (شفت) ومفتح وحويط وتمشي تشتري ليك (بيت) أو واطة من غير ما تكلم ناس البيت ..والله الشفوت بتاعين الاراضين يركبوك التونسية ويخلوا خشمك ملح ملح ..بلا شهادة بحث بلا ورقة مبايعة معاك ..بلا وثقتها عند محامي صاحبي !لو عازم ليك ناس بلا قبال تعزم زول اقعد من ناس البيت وشوف الطلبات والعدد عشان نستعد..ما تعزم ساي وتقول لينا هناك البقالة قريبة في دقيقتين تشتري المقاضي كلها! المقاضي هنا اسمها الحاجات ..والبقالة اسمها الدكان وفي الحلة اسمو كنين وغير الجردقة والعطرون والشاي والبن مافيهو شئ !!! بعدين لمن تكون جاااي خليك عارف البرادو والاسبورتاج والتوسان هنا كرهونا الشوارع ،،،كمان جاري عامل ليها سبت وشغال تكتب فيها لا اله ال الله محمد رسول الله ،،ونعم بالله لكن حركاتكم دي بطلوها سمح ؟ وعليكم الله لمن تجو بصالة القدوم خليكم طبيعيين شنو بتجو رافعين الراس وداخلين بفلهمة حركاتكم دي نحن بنضحك فيها وظاااهرة ،،وبعدين حكاية ملبسين الشفع الهدوم المنفوشة ومشيلين الشفع شنط الدببة دي عوارة ساااي والله جنس كتاحة هنا الدب تغسلوه الاجازة كلها ماينضف ،،،اها لو مشيت شارع النيل بالليل اوعى تتعاور وتكتب رقمك في قصاصات ورقية وترميهو للجكس كلما تشوف مجموعة بنات سمحات ماشات او قاعدات ..والله تعمل الحركة دي هنا حيبقى ليك بنبي ..دا لو ما شلخوك 111 ..واتش وسلم وثعبان ومطارق ونقرابي !!ههههههههههههه غايتو حذرتك !ومرحب بيك في بلدك ورمضان بيكم أحلى..

منقول

ادم سلام ..

الله يفرج همهم ويعدل الحال وينتقم من الظلمة ..


اللهم ارينا فيهم عظمة جلالك وقدرتك .


مشكور يا ادم علي نقل الحزن .

هههههه حزن شنو يا منى :)
شكلك فطيتي الكلام الكتير و لخيتي من العنوان

سلامات آدم

ود البشري سلام يا حبيب ..

Quote: هههههه حزن شنو يا منى :) شكلك فطيتي الكلام الكتير و لخيتي من العنوان

ياود البشري عليك الله الوضع والحاصل دايرو
قراية؟ تكفينا العنوانين .. وباختصار دا وضع دايرو
كتابة ؟


الثورة مستمرة .



**********
حرية سلام وعدالة
والثورة خيار الشعب .

شحادين و عينكم قويةو كما تتمسخروا علينا؟ و جايبال ليها شيلة حال؟هههههههخلاص ما جايين ..يا لموا كلامكم ده كله عليكمآلحلو مر القاديننا بيه ده شوفوا ليكم سكر تشربوا بيهو.
ده اكان الكهرباء و التلج في عشان يتشرب ليكم
المهم نحن حنتذكركم و ندعوا ليكم الله يفرجا عليكم
و رمضان برة احلىهههههههه

محمد عبدالله الحسين
تحياتي

Quote: آلحلو مر القاديننا بيه ده شوفوا ليكم سكر تشربوا بيه

جاري تنفيذ الطلب
شراء شوال سكر ..خلاص ما تجوا
ههههههههههههههههههههههه

زولك دا عاصر شوية على المغتربين

لكن برضو زول نصيحة شديد
تحياتي

:)
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

ود البشري
سلامات

Quote: هههههه حزن شنو يا منى :) شكلك فطيتي الكلام الكتير و لخيتي من العنوان

هههههههههههههههههههههههههههههههه
صحيح يا منى؟

منى عمسيب تحياتي

Quote: الله يفرج همهم ويعدل الحال وينتقم من الظلمة ..

اللهم آمين

طبعا يااخ ادم دي واحدة من سيئات الغربة بتشيل من جواك "الهيومر سنس"...شوفتهم كيفين حساسين واي حاجة بياخدوها مسالة شخصية .....الضحك دا عندهم بالجلالة كدا واي حاجة يحسبها ليك بالريال والسوداني والكلام لناس السعودية تحديدا... مملين خلاص .....الكفيل مطلع دينهم ...تلقي الواحد مغترب عشرة سنة ..خمسة سنوات رايحة اشارات وصلاة ...... هسي دا يجو طايرين لي جوز .... يااخوانا انا بهظرررررررررررر...

علي القسم عشره سنه غربه اول مره اسمع بي دشاشه وطنجرة دي . .
اهو غايتو عرفنا لينا كلمتين يشكر عليهم كاتب الموضوع . .

يا اخوي يا ادم والله نسمع بجاي وبنفضي بجاي
وبنجي وانتو يا ناس جوا تتريقوا علينا وعلى حاجاتنا ابوعشرة وابودرهمين والصناعات الصينية لكن وحاتكم وغلاوتكم عندي انتو بقيتو طبعكم شين وشحادين لاخر شبشب صيني بتاخدوهو مننا
بلدنا حلوة بناسها واكلها طاعم وناسها حلوين لكن اتغيروا كتير ومش للاحسن ابدا لم يعد انسانها بخير من مجاميعوا
انا مغتربة ومواكبة جدا للبحصل اول باول ورغم السنين الطويلة برا والمعاناة البعانيها في غربتي من نفسي ومن اسرتي ومن الحولي الا انني بكون مبسوطة جدا من الجري والتسوق والضايقات المالية البتحصل لي بعد كل اجازة
بت اختي صغيرة وجات من السعودية في اجازتها مع اسرتها بعربة خاصة وفي الرجوع تعبوا جدا بسواكن وشكلها تعبت من الوقوف في الصفوف والشمس وتجرست جدا وبعد وصلت بيتم ونامت كم يوم جات لامها بهدوء وحيرة وقالت ليها ياماما بنسافر كل سنة الاجازة بالسودان
لانها استرجعت اكيد الحاجات الحلوة بمجرد نست التعب
بعدين انت مواكبتك دي للصغيرة والكبيرة والدقة دي دقة زول كان ممارس الفعل دا يعني اغتربت وجربت وغالبا يا سعودية ويا امارات ما غيرم يلا اعترف

بالمناسبة ناس السودان ديل اي شي عايزنها مافارزين ايطالي او صيني كمان جاهم طمع وقوة عين ماتزعل مننا انت كلمت عن المغتربين براحتك فلازم الدور علينا
يعني الواحد شهري بيوزع مرتبوا في الصرافات ولمن تجي الاجازة يتدين تاني عشان الهدايا دا غير احتياجاتو الشخصية والمواقف كثيرة لاتعد ولاتحصى لكن برضو في اغترابنا الكثير من الفوائد لكل اسرة
وبرضو ابودرهم ودرهمين من برا احسن من اي مصنوع سوداني
والسودان دا نحن البرا بنحبوا اكتر وزيادة من الجوا ها ....

ويبقى ع قول منى عمسيب الحبيبة المغتربة الثورة خيار الشعب


ترا مب زين تشيلوا حالنا ونحن كل يوم نطرش الفلوس والملابس والهدايا انتو طماعين وايد وايد

محبتي

بامكاني وبلا فخر أن أعد مؤلفا ..
ومن عشرات المجلدات في هذا الموضوع ..
ولكن زنقة العمل تحول دون ذلك الآن ..
إلا أنني ساخرج من هنا بعد قليل
بعد ان أعطيكم { تصبيرة }
ريثما اعود ان كان في العمر بقية


علي بالطلاق واحد في السودان شغال السنة كلها ..
{ المرة حملت }
{ المرة بتتوحم } !!!
{ المرة ولدت } !!!!
بعد كل { 3 } شهور يقول ليك { مرتي حامل !!!! }
وبي هناك الزغاريد تضرب
لديه ماشاء الله ثلاثة اولاد وبنت
اها { الحمل } مسئول عنه زولنا بتاع السودان !!!!
والسماية مسئول عنها صديقي { الأعزب } هنا بوادي الدواسر !!!!!

هسي دي تجي كيف ؟؟؟؟؟؟؟؟؟؟؟؟؟؟؟
وعليكم الله لو الواحد اشترى كل شوالات الويكة في السودان
تفتكروا بيقدر { يلايق } الشغلانية دي

مش معقول { تحمّلوا النسوان انتوا }
ونحن يكون علينا حق السماية !!!!
كمان قال شنو ؟؟ الولد الأخير دا عاوزين نسميهو عليك !!!

شوت ضفاااااري
في برنامج لذيذ كان ياتي في احد القنوات اللبنانية
برنامج مسابقات
اسمه { الحل عليك }
والتذكرة علينا !!!!!

ابو حراز حبيبنا

Quote: مش معقول { تحمّلوا النسوان انتوا } ونحن يكون علينا حق السماية !!!! كمان قال شنو ؟؟ الولد الأخير دا عاوزين نسميهو عليك !!!

ههههههههههههههه دة مسمار جحا زااااتو

غايتو أكبر "ضحية" وقعت في شر اعمالها هم شريحة "المغتربين" ...دائما بتذكر تصنيفات الراحل العزيز زميل المنبر والمنابر المجاورة (CG) لاطوار حياة المغترب وقد صدق...
فقط فات عليه... طور "جمل الشيل"...

ويموت في السودان كهلا مريضا مهملاً...وحوله اللعنات من اقرب الناس اليه...نفس الناس الكان يدفع مصاريف دراستهم وعلاجهم ...ولايبخل عليهم بالاي فون والجلاكسي...من لحمه ومن راتبه الهزيل

نحن في عصر "عقوق" المغتربين

ههههههههههههههههههههههههههههههههههه بوست لزيز هههههههههههههه

حقوا كمان ناس جهاز شئون المغتربين يحسوا على دمهم ويكتبو لينا رساله ، ذي دي
لأنوا طلباتهم كتيرة والله ..

ههههههههههههههههههههههههههههه

Quote: ترا مب

والله يا نعمات لمن النت زاتو طشا لمن قريت الكلمة دي أنا قايل ترامب في ذات نفسو نازل إجازة السودان أتاريهو الجملة مركبة (تري + ما ب....) يا أخي صحيح من عرف لغة قوم أمن مكرهم على العموم في مغتربين ينطبق عليهم الموضوع وفي مغتربين ياهم حقين زماااان البعملو كل شيء أسياد القدح البجر والحيشان الثلاثة والبقرات الثلاثة كمان ، في الداخل لاشك الناس إتغيرت وإتبدلت غصباً عنها
أهم حاجة أن من سلبيات الغربة أن المغتربين ومن شابعهم تعودوا على النوم في لصناديق المغلقة أو ما يعرف بالشقق وحتى ذلك النوع من المعمار نقولوه للسودان دون مراعاة للبيئة والمناخ والوضع الاقتصادي وتردي الخدمات ، أها وحاتكم عندنا حوش خمسمية متر في أوضتين خلف خلاف وراكوبة بطول حيطة الشارع والحمام تركب ليهو ركشة في آخ الحوش وباقي البيت تلعب فيها كركيت عديل كده أها دا سلاحنا للحر القادم وصيف العبور إنتو دباركم شنو مع الحر صحيح أن شققكم fully equipped بالمكيفات وامعينات الأخرىى وما في حكمها لكن الدبارة شنو لا كهرباء لا ماء ولا حول ولا قوة إلا بالله
التوقيع almulaomar
المكان من تحت شجرة نيم مرشوشة ومن فوق عنقريب حبل حلفا كرابو مرخي وبدون مخدة
الساعة الحادية عشر إلا إثنا عشر دقيقة صباحا ودرجة جرارتنا الآن 38 درجة مئوية يعني 100 درجة فهرنهايت والرطوبة 17% وسرعة الرياح 6 ميل في الساعة والجو عموما مشمس وغروب الشمس كان الله أراد عند الساعة السابعة وتسعة دقائق بالتوقيت المحلي (GMT +3)
أهلا وسهلا بكم في السودان መልካም ጉዞ።

المبدع عمر الملا
تحيات

Quote: وحاتكم عندنا حوش خمسمية متر في أوضتين خلف خلاف وراكوبة بطول حيطة الشارع والحمام تركب ليهو ركشة في آخ الحوش وباقي البيت تلعب فيها كركيت عديل كده أها دا سلاحنا للحر القادم وصيف العبور إنتو دباركم شنو مع الحر

ههههههههههههههههههههههه
كدة بتعمل نفسيات للناس المغتربين ديل ياخ حوش زي دة الشفع يلعبوا فيه بالدراجات الهوائية وكمان الدرجات البخارية
وكورة قدم كمان ياسلاااااااااااام

نعمات حمود يا اختي تحيات كميات

Quote: ترا مب زين تشيلوا حالنا ونحن كل يوم نطرش الفلوس والملابس والهدايا انتو طماعين وايد وايد

اها شفتي لسانك اتعوج بقيتي تتكلمي زيهم تر - نطرش - الفلوس- وايد وايدهههههههههههههههههههطيب ما تترجمي في ناس ما فاهمة حاجة زي اخونا عمر سعيد والملا عمر almoulaomar وانا زاتي ما فاهم

Quote: بعدين انت مواكبتك دي للصغيرة والكبيرة والدقة دي دقة زول كان ممارس الفعل دا يعني اغتربت وجربت وغالبا يا سعودية ويا امارات ما غيرم يلا اعترف

اعترف: انا اغتربت وجربت الغربةفي واحد صحبي وديت ليهو (ترينك) وفنلة هدية ملفوفة في جريدة رجعها لي وقال لي انا ما شاحدكوبعد 10 سنوات مشيت السودان جاني البيت وقال لي بالله افتح الشنطة شوف لينا اي حاجة ان شاء الله طاقة وسبحةقلت ليهو انت قبل كدة اديتك حاجات رجعتها قال لي الزمن اتغير جيب بس جيبتحياتي

العزيز عمر سعيد

Quote: علي القسم عشره سنه غربه اول مره اسمع بي دشاشه وطنجرة

لو ما سمعت بالكلمات دي معناتا انت من ناس السعودية

اخونا محمد ابراهيم

Quote: شوفتهم كيفين حساسين واي حاجة بياخدوها مسالة شخصية

أسألني أنا من الناحية دي حساسين شديد اعمل حسابك من اي كلمة او حركة غير مقصودة
في مرة من المرات قلت ل واحد كان بتكلم معاي بالتلفون قلت ليهو (يلا) مع السلامة
زولي زعل شديد وقال لي كيف تقول لي (يلا)

اب

يا ادمو او الدوما طبعا انا ابوي ادم والله يرحمو يوم يكون عندنا طلبات بندلع زي ما دائرين فيهو
اها جيتك لعوجة الخشم وبالمناسبة الخشم بالاماراتي تعني الانف او النخرة و
انا 13سنة غربة وكتبت عن تراث الامارات ولهجتها واختلافاتها من خلال مهرجان الايام التراثية بالشارقة سبع سنوات يعني مؤرخة ليهم لكن يوم وااحد ما غيرت سودانيتي لدرجة الاوفس بوي او الولد الشغال بقى يجي بالاجتماعات يقول دائرين شاي سادة او موية باكستاني وللعلم بس انا السودانية الوحيدة والوافدة الوحيدة بقسم الاعلام كااامل
وسط المواطنات وكلهم بقولوا زول وزولة وتاثروا هم بي فشنو دي قصة قشرات من الناس ساي
لانو مستحيل 13سنة تمسح عشرين ونيف من السنين على افتراض عمري بالسودان
وبعدين ليه اغير شي حقي عشان اقنع مصري او اماراتي او شامي او زلمي باني افهموا بلهجتو واقعد الولوي في فمي وهيك وميك ههههههه
نرجع للشحدة
المغتربين تعبانيين مع اهاليهم وبعد دا ما في شكر في عالم جحوود وطماعين
ماتزعلوا مني اتمنى الناس تقدر غربتنا ووحدتنا وشقانا وجهودنا المضنية في الارتقاء باسرنا التعبانة ههههه
فتك بعافيا

Quote: براها الدنيا سخانة والناس فلسانة !!

سطرين من كلامو الكتير اعترف .. الناس فلسانة!!!.. بتين كان
الفلسان عندو خيارات بين الصيني والـ ما صيني!.

اخونا Mirghani Taitawi
تحياتي

Quote: بتين كان الفلسان عندو خيارات بين الصيني والـ ما صيني!.

جبتها في الجرح

العزيزة نعمات ادم حمودربنا يرحم الوالد ويدخله فسيح جناته
الخشم بالاماراتي تعني الانف او النخرة
ياخ الخليجيين ديل كلامهم كله غلط في غلط قال خشم يعني نخرةيعني عشان الخياشيم في السمك للتنفس قاموا سمو النخرة خشم عجايب والله هههههههه
لكن يوم وااحد ما غيرت سودانيتي لدرجة الاوفس بوي او الولد الشغال بقى يجي بالاجتماعات يقول دائرين شاي سادة او موية
كونك ما غيرتي لهجنك دي والله حاجة كويسة خالص خليهم يتاثروا بينا بدل ما نتاثر بيهم واخيرا شيلي شيلتك مع ناس السودان بعد كلامك دة:
وبعد دا ما في شكر في عالم جحوود وطماعين
غايتو انا بارع في المديدة الحارة بيوقع بينك وبين ناس السودان هههههههههه
على فكرة انا لحدي الان مغترب من موقع الحدث

السلام عليكم ...

صاحب البوست .. الأخت نعمات والأخوة الأكارم الزوار....

خلوا المغتربين يعوجوا خشمهم ولا يقولوا للعربية سيارة ولا أي حاجة...

التغيير ضرب الأمة كلها.... وإلا

السودان كله يقول ليك الدوام (العمل) من وين جات كلمة الدوام...

يطرشنا سمعنا أهلنا بقولوا الشغل ولا حتى العمل...

وبعدين محلات المندي والمظبي الأنتشرت دي برهنت أنو في الحتة دي

أننا شعب هش الثقافة...

لكن يا نعمات يا أختي كلامك لمس أوتار كثيرة ما زالت صدى إرتداد لحنها يعتور القلب...

لله درنا من مغتربين فقد عقنا الأهل والأصحاب على الرغم مما نظن أننا نبذله

تحياتي

Quote: غايتو أكبر "ضحية" وقعت في شر اعمالها هم شريحة "المغتربين" ...دائما بتذكر تصنيفات الراحل العزيز زميل المنبر والمنابر المجاورة (CG) لاطوار حياة المغترب وقد صدق... فقط فات عليه... طور "جمل الشيل"... ويموت في السودان كهلا مريضا مهملاً...وحوله اللعنات من اقرب الناس اليه...نفس الناس الكان يدفع مصاريف دراستهم وعلاجهم ...ولايبخل عليهم بالاي فون والجلاكسي...من لحمه ومن راتبه الهزيل نحن في عصر "عقوق" المغتربين

على الرغم من الفكاهة في الموضوع
لكن الزول دا جاب الوجعة الحقيقية

تحياتي للجميع

Quote: على الرغم من الفكاهة في الموضوع لكن الزول دا جاب الوجعة الحقيقية

Kamal Karrar

Quote: السودان كله يقول ليك الدوام (العمل) من وين جات كلمة الدوام...

دة حقيق والله كتير سمعت ناس في السودان يقولوا كلمات غريبة علينا زي:
منيح - دوام - شو عم تعمل
ما عارف دي دخيلة علينا من وين جات من المسلسلات ولا الغربة
دمتم

.
ادم كييف حالك وازيك
في نتائج اجتماعات بين رئيس الجمهورية ونائبه ورئيس البرلمان ووزير العدل
وأركان المال وأركان الأمن ..... وقراراته متداوله في المواقع بدرجة ( عاجل )
وهي كما يلي :
.
1. منع التعامل بالعملات الأجنبية بين المواطنين .
2. أي مواطن يتم ضبطه وهو يحمل وهو يحمل أي عملة أجنبية ستتم محاكمته
بالإعدام أو المؤبد ( العقوبتان اللتان أقراهما الإجتماع )
3. إمهال التجار ومدخري العملات الأجنبية مدة أقصاها عشرة أيام لتحويلها
لجنيه عبر البنوك , . وقد أقر الإجتماع التحويل بسعر 13.5 لهذه المرحلة على
أن يتم تثبيت سعر الدولار بواقع عشرة جنيه بعد المهلة ويحدد سعر بقية العملات
على أساس الدولار .
4. سيتم تطبيق الإعدام والمؤبد بعد انقضاء مهلة العشرة أيام على كل من يتم
ضبطه بعملة أجنبية .
5. بعد تثبيت سعر الصرف سيتم التعامل مع تحويلات المغتربين بسعر عشرة
جنيه للدولار بالتحويل فقط ولا يسمح لأي مغترب الدخول بعملة أجنبية وإلا
سيطبق عليه القانون .
6. الشركات والأجانب سيتم استلام تحاويلهم ومعايرتها بالجنيه السوداني بواقع
عشرة جنيه للدولار بعد انقضاء المهلة .
7. القانون لا يستثني أيٍّ من منتسبي الحكومة وأجهزتها وسيطبق عليهم القانون
بالسواء .
.
فلنناقش تداعيات هذه القرارات ....... مشكورين

.
1. أولا كنت أتمنى أن يحيل الإجتماع هذا الأمر ( للجنة ) لدراسته من كافة الجوانب
والوصول لتوصيات سليمة فيها مصلحة السودان اولا ومن ياتون بالعملة .
2. في تقديري إن هذه القرارات ستحد كثيراً من تدفقات أموال المقتربين
للبلاد .
3. لماذا لا تتم العودة لنظام ( الديكلاريشن ) الذي يتم تحريره في منفذ الوصول ؟
على أن يفرض على صاحبه تحويل مبلغ معين عبر القنوات الرسمية . وكان معمولا
بهذا النظام وقد شهدت العملة استقراراً كبيراً نتيجة لتلك السياسة .
4. يحتاج المغترب لبعض المال بالعملة الصعبة عند العودة لعمله بعد الإجازة
فقد يحتاج لفنادق ومواصلات داخل بلد العمل حتى يصل لمكان عمله ..
5. يحتاج المغتربون الذين يأتون بسياراتهم في الإجازة إلى مبالغ بالعملة الصعبة
للبنزين والفنادق والأكل عند العودة عبر السعودية ، وبعضهم يأتي بأطفاله .
.
6. سعادة وزير المالية بدلاً من الإشتراك في اصدار مثل هذه القرارات لتغطية
فشله في الإرتقاء بالإقتصاد .. كان عليه تقديم دراسة علمية اقتصادية للخروج من
المأزق الإقتصادي الذي ترزح فيه البلاد .
7. وكما قال صاحب ( العرضحال ) الهزلي الذي أورده أخونا آدم فإن السماسرة
يقابلوك بالعشرات ( دولار ريال ) طبعاً شيك سياحي الظاهر بقت ما شغاله.. ومافي
سيطرة عليهم ولا حتى ( كشه ) ...
...هذا والسودان من وراء القصد

محمد فضل الله المكي
حياك الله
Up

Quote: . 1. أولا كنت أتمنى أن يحيل الإجتماع هذا الأمر ( للجنة ) لدراسته من كافة الجوانب والوصول لتوصيات سليمة فيها مصلحة السودان اولا ومن ياتون بالعملة . 2. في تقديري إن هذه القرارات ستحد كثيراً من تدفقات أموال المقتربين للبلاد . 3. لماذا لا تتم العودة لنظام ( الديكلاريشن ) الذي يتم تحريره في منفذ الوصول ؟ على أن يفرض على صاحبه تحويل مبلغ معين عبر القنوات الرسمية . وكان معمولا بهذا النظام وقد شهدت العملة استقراراً كبيراً نتيجة لتلك السياسة . 4. يحتاج المغترب لبعض المال بالعملة الصعبة عند العودة لعمله بعد الإجازة فقد يحتاج لفنادق ومواصلات داخل بلد العمل حتى يصل لمكان عمله .. 5. يحتاج المغتربون الذين يأتون بسياراتهم في الإجازة إلى مبالغ بالعملة الصعبة للبنزين والفنادق والأكل عند العودة عبر السعودية ، وبعضهم يأتي بأطفاله . . 6. سعادة وزير المالية بدلاً من الإشتراك في اصدار مثل هذه القرارات لتغطية فشله في الإرتقاء بالإقتصاد .. كان عليه تقديم دراسة علمية اقتصادية للخروج من المأزق الإقتصادي الذي ترزح فيه البلاد . 7. وكما قال صاحب ( العرضحال ) الهزلي الذي أورده أخونا آدم فإن السماسرة يقابلوك بالعشرات ( دولار ريال ) طبعاً شيك سياحي الظاهر بقت ما شغاله.. ومافي سيطرة عليهم ولا حتى ( كشه ) ... ...هذا والسودان من وراء القصد

تحياتي للجميع
لن يخمد بريق الإغتراب ، والنظرة للمغترب بإعتباره البقرة الحلوب إلا أذا تجاوز السودان الظرف الاقتصادي الحرج الذي يعيشه
ومتى ما كان المغترب هو جمل شيل وحلال مشاكل البيت السوداني ، سيكون مظهره هو السائد ولهجته هى المسموعة
وثقافيه الخليجية هى السائدة ، ودشداشته هى الملبوسة ..... الخ

محمد علي البصير
هلا والله

Quote: سيكون مظهره هو السائد ولهجته هى المسموعة وثقافيه الخليجية هى السائدة ، ودشداشته هى الملبوسة

والله صحيح
عندي ولد اختي قال لي يا خال بالله جيب لي معاك توب سعودي وشبشب شرقي
يعني الناس بقت تلبس الخليجي عااادي في السودان

أراهن انو الزول الكتب الكلام دا
لو مشي الخليج ساعة بس ح يرجع بعقال وصندل وعوجة لسان ..
واضح جدا انو مشتهي الحنيطير ورايح ليهو الدرب البوديهو هناك ..
دا بكون مشي زيارة بفلاي دبي 15 يوم بعد ما باع عفش بيتم، وما قدر
يزوغ هناك فجاء راجع شايل بقجة غبينتو عشان يفرغا في المستقرين هههههههه
ياخ كمال طه ليهو نحو خمسين سنة في الخليج ولغاية هسع بنادي الزول ها جنا هنا
وياكلا مرشوشة بطماطم وبصل وزيت في حين الدجاج الفخيم والديكة الرومية زاحمة
مختلف الأنعام من فواكه وتينا وعنبا وقضبا في تلاجة تلاتة أمتار في مترين ..
وكمال طه نموذج من طرف الجالية القاعدة في الإمارات كأقرب مثال للسوداني
الواطي جمر الغربة وخيرو لغيرو من عينة الحقود العامل فيها حافظا
فوق دا ..
أنا متأكد أنو الزول الفوق دا من عينة البزعجوا إستعلامات المطار صباح ومساء
عشان يعرفوا مواعيد الطيارات القادمة من الخليج ويمشي صالة المنتظرين
شايل ليهو عريضة تظلم من الحياة القاسية وشظف العيش ودراسة الأولاد ومرض
الوالد الراقد في المستشفي .. عسي أن يكرموهو بريال أو درهم أو حتى فكة
سوداني ... خخخخخخخ

كل مرة بتأكد أكتر من حقد وحسد القاعدين في قهبونة هناك على المرطبين هنا .. خخخخخخخخ
إن الله يعز من يشاء ويذل من يشاء ياخ .

الحبيب طلحة
مساك الله بخير

Quote: أراهن انو الزول الكتب الكلام دا لو مشي الخليج ساعة بس ح يرجع بعقال وصندل وعوجة لسان .. واضح جدا انو مشتهي الحنيطير ورايح ليهو الدرب البوديهو هناك ..

ههههههههههههههه هو كدة بالظبط
دمت