حصان طروادة وكل القوة خرتوم جوة

11:21 AM May, 03 2016 سودانيز اون لاين
Salah Zubeir-UAE
مكتبتى
رابط مختصر
الحركة الشعبية وتوابعها من قبيلة البلاشفة (شيوعيين/ حق/ مؤتمر
سوداني ,, إلخ) بانت نواجزهم وكبرت أحلامهم بعد مقتل الطالبين
أبوبكر ومحمد الصادق (ربنا يرحمهم) ليس حبا" فيهما وإنما لاحت
لها (الحركة الشعبية) لأول مرة فرصة تحقيق الأماني الكبيرة لي
مؤسسها الهالك جون قرنق في تنفيذ رؤية السودان الجديد. ورؤية
السودان الجديد في مجملها تعني تحويل السلطة والثروة والأرض
والسماء والهواء من الشماليوسودان لي الأفروسودان. لتنفيذ ذلك
فقد صدرت الأوامر لقبيلة البلاشفة (حصان طروادة) بإشعال
الثورة الشعبية مستخدمة أحزاب الغفلة الشمالية لكنس حكم
الكيزان في الخرطوم وإعتقال كافة قيادات الجيش والشرطة
والأجهزة الأمنية الأخري ليسهل تحييد كل القوات في مسارح
العمليات. عندئذٍ تصدر الأوامر لي خمسة فرق عسكرية متمركزة
في شمال جنوب السودان (توزيع الجيش الشعبي منذ الإنفصال
خمسة فرق شمالا" وإتنين في الإستوائية) لدخول الخرطوم وكل
عواصم الولايات وتدشين حكم الحركة الشعبية وسودانها الجديد.
بعد انتصار ثورة السودان الجديد سوف لن تسمح هذه الثورة لمن
ينتسبون إلى الإسلام ممن يندرجون تحت مظلة المهدية أو الأنصارية
أو الختمية أو الصوفية أو الكيزانية أو غيرهم سوف لن يسمحون لهم
بالعودة حكاماً على السودان وإلى الأبد
(آخر تلاتة سطور من أقوال سيف الدين بابكر رضي الله عنه)
وربك يستر ما تجيب ليها تطهير عرقي يضيعو معانا البلاشفة زاتم.
سيناريو قابل للتنفيذ بوجود الهالك قرنق ,,, وأما قد هلك فلندعهم يحلمون.

ما تمارسه الحركة الشعبية الآن مع القوي السياسية السودانية المعارضة وحركات دارفور
من تحالفات تارة" بإسم الجبهة الثورية وأخري بإسم نداء السودان ما هي إلاّ وسائل تكتيكية
لبلوغ هدفها النهائي (دولة السودان الجديد) شاء من شاء وأبي من أبي ,,, حينئذٍ حق لها أن
تشطب تحرير السودان من أدبياتها وبالضرورة إسمها.

مع احترامي ليك يا صلاح ما عايز أمشي بعيد لكن بصراحة كلامك عفوى ..
لو السودان بالسهولة دي كانت الحركة الأم أشطر.

انت شايف الهدف مامشروع ليهم
عشان افروسودانيين مثلا
يعني الحكم لازم يكون من عرقيات بعينها
الليلة الحكومة بتنسق مع الحزب الشيوعي الصيني
دي اسمها سياسة والحشاش يملا شبكتوا

Quote: مع احترامي ليك يا صلاح ما عايز أمشي بعيد لكن بصراحة كلامك عفوى ..

واللهي يا مولانا الملك عارفك بتجي وكنت بتمني تأشر لي العفوية وين لكن إذا
كنت ترى إنو كلامي كلو عفوي فبكون دا رايك ونشكرك علي المرور.

Quote: الحركة الأم أشطر

يا مولانا الملك مافي حركة أم وحركة جنا ,,,, هي نفسها الحركة الشعبية لتحرير السودان التي
تتلقي كل أنواع الدعم من رئاسة الحركة في جوبا أما الجيش العندنا في السودان الشمالي وهما
الفرقتان التاسعة والعاشرة في الجيش الشعبي لتحرير السودان ورئاسة أركانه في جوبا.
يامولانا ما ممكن تقنعني إنو الجيش الإتمرد في 6/6/2011 في جبال النوبة في منطقة وعرة
جدا" وبيحارب خمسة سنوات بإمكانيات ضخمة وزخم عالي جدا" بيتلقي دعم السماء فقط.
أخونا sadig mirghan

Quote: انت شايف الهدف مامشروع ليهم عشان افروسودانيين مثلا يعني الحكم لازم يكون من عرقيات بعينها

وين أنا قتا الكلام دا ,,,,, شكرا" علي المرور

Quote: سيحفظ للشيوعيين السودانيين وهم في كامل التواضع امام مدرسة الشعب , بل سيحفظ التاريخ في صفحاته البيضاء الدور الهام في زعزعة النظام الطبقي الطفيلي، وهز كيانه الأيدلوجي المفلس، و ضعضعة عقيدة منتسبيه، و فضح بنائه الكرتوني ، وهو الدور الذي قام به كل من : - جماهير معسكرات الصمود في دارفور، وهي تواصل اختزان التجارب و العذابات المريرة، و تواصل تفجير الوعي المشرق - النضال الشرس العنيد الذي يخوضه نوبيي شمال السودان ضد جرايم السدود و نزع الاراضي ، او ما يعرف ماركسيا بالتراكم الابتدائي لرأس المال the previous accumulation of the capital - بسالة، و أصالة ، و ذكاء قلب حركة الطلبة السودانيين ( الذين صدق فيهم قول تروتسكي : هم ثرمومتر قياس درجة حرارة الغليان الاجتماعي ) - الصمود العسكري اللجب لكتايب الفياتكونج السوداني المسلح لقوى الهامش ، الصمود في مواقع الطرف الأغر السوداني ، وهو الصمود الذي حول كاودا و محلية الباو، وجبل كليقو، نواحي الكيلك و بنزقة ، الي حالة نضالية أشبه ب ( ديان - فو ) عروس الهند الصينية يوم زرة المستعمر الفرنسي في فيتنام

الإقتباس منقول من بوست الدكتور طراوة القيادي بالحزب الشيوعي ,,,,,,,
دا إعلان عن من هم جماهير الحزب الشيوعي في السودان وهم :-
1 :- ستمية حركة مسلحة في دارفور نصها منسلخين من الإسلاميين زائدا" كل الجماهير
المساندة للحركات في المدن والقري وكل النازحين في معسكراتم داخل وخارج السودان
بما فيهم الولد الجا أول ولاية شمال دارفور وحتي والدته (راجع البوست المعني)
2 :- نضال غبش النوبة في الشمال في مدنم وقراهم ومنافيهم
3 :- كل كوادر ونشطاء الحركة الطلابية من مختلف الأحزاب
4 :- كل حاملي السلاح والمقاتلين في هلال الهامش من يابوس مرورا" بي كاودا
لي نرتتي في دارفور.
كلهم طلعتوهم أعضاء وكوادر يأتمرون وينفذون تعليمات الحزب الشيوعي
لزعزعت النظام الطبقي الطفيلي ,,,,,واللهي عفارم عليكم ,,, عينكم قوية ياخي ,,,
سرقة نهارا" جهارا" في مجهود ناس لا يمتون للشيوعية بي صلة وكتابتها كأحد
إنتصارات الحزب الشيوعي السوداني. رجوعا" لعنوان هذا البوست وفي كامل
التواضع نؤكد أن أكثر من وصفكم كحصان طروادة في مساعدة الحركة الشعبية
لتسهيل قيام السودان الجديد (مهمة جميلة ومستحيلة) مع الصوت العالي إسفيريا"
لن تكون لكم مهام أخري يفخر بها الحزب وبلاش تضخيم الزات الما قادرين
تتخلصو منو مما عرفناكم.
ياخي بلا خيبة كدي أول حاجة أعملو ليكم جماهير حقيقية بإسم الحزب بعدين تعالو إتفشخرو.

UP