Post: #2
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 10:14 AM
Parent: #1
هددتينا انا والمواطن دينق بالاستكية انتي قالوا ليك انحنا استيكتنا في اجازة على اليمين الايام دي شغالة يمين وشمال للبرضى والما برضى استكية تعجب شرفاء شعبنا وتزلزل مشاركات انصار القتلة والمجرمين هددي ليك زول ما عنده استكية حتى اسالي القائم باعمال كلس المبروم بريمة من جبروت استيكتنا ومن لف لفه ولسه وعد بمزيد من الاستكية
|
Post: #3
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 10:22 AM
Parent: #2
من باب حفظ الحقوق لف لفهم دي ملفوحة من بوست ناصر حسين الشيوعيين ومن لف لفهم شفتي كيف انحنا مع الاستكية بنفسخ الفسيخ ونطلع منه شربات بنكهة عصر عصير قصب السكروبرضه ما عايزين نطلع من موضوعنا قلتي شنو بي هناك؟؟بالله عليك درجة حرارتك كيف ؟معقول يا بت عمسيب غايتو لو ما بعرفك كويس كان قلت الزولة دي بقت زولة ملحسة
|
Post: #5
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 10:30 AM
Parent: #3
اسمعي النجيضة من ابو روضة في مكان ما بتقدري تاستكي
وعهد ووعد انا ما باستكك
بكرة لو ما الزول ده كتب بانك رفعتي في مقام الالوهية واحتلفتي بيه في كرنفال مهيب
وجاب ليه خطب رنانة ببعض اكاذيب عنك
قولي ابو روضة الكضاب
واسالي مجرب
|
Post: #4
Title: Re: الكنداكة منى عمسيب اخبار الطقس عندكم كيف �
Author: مني عمسيب
Date: 05-03-2016, 10:26 AM
Parent: #2
صجيقي الصدوق اباروضة ..
بخصوص جونا والله ( لاعارفاهو احمر ولا بي لبن ) كدي النحكي ليك
القصة دي عشان تاني تقولها معاي ولما اقولها ليك تفهمني قاصدة
شنو . عندنا خالاتنا النوع المخلص في العلاقات لما يحيرك اها هن جارات
ثلاتة طالعات وداخلات مع بعض قومي ياوحد فيهم جاءها الغدر واتوفت
حزنن حزن ما شفتو حزنو زول كل وحدة تقول لي التانية يا ريت لو مات راجلي
وحييت هي اها نايمات في بيت البكاء الصباح جابوا الشاي والاتنين قاعدات ابكن
وحدة كانت بتشرب سألت التانية قالت ليها الشاي بتشربي في الشاي ؟ ردت عليها
بشرب فيهو لكن والله لاعارفاو احمر ولا بي لبن ! اها انا اسه بقول ليك الجو من الحزن
العلي لاعارفاهو احمر ولا بي لبن .
| Quote: هددتنا انا المواطن دينق بالاستكية |
ايوا خليك في البوست دا نتونس فيهو يعتبر وقوفك البعيد وعامل شخيت هههه .
الثورة مستمرة ..
***************
حرية سلام وعدالة
والثورة خيار الشعب .
|
Post: #6
Title: Re: الكنداكة منى عمسيب اخبار الطقس عندكم كيف �
Author: مني عمسيب
Date: 05-03-2016, 10:43 AM
| Quote: وجاب ليه خطب رنانة ببعض اكاذيب عنك |
ابو روضة اسه الموضوع دا جميل لانه بالادلة والبراهين زول
بقول كلام زي دا موش مفروض نعلنها علي العلن عمومآ انا
في انتظارو .
بس المهم انت ودينق ما اشوفكم بهناك هههههههه .
الثورة مستمرة .
***************
حرية سلام وعدالة
والثورة خيار الشعب .
|
Post: #7
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 10:45 AM
| Quote: ايوا خليك في البوست دا نتونس فيهو يعتبر وقوفك البعيد وعامل شخيت هههه . |
ومالو نتونس ونضحك ونفرفش وانحنا فرحانيين ووعد باكر مالينا يقيين
ركب الجنجويد والمحبطين والمتشككين في مقدرة الشعب السوداني على انتزاع جلاده
موجة النضال خوفاً او طمعاً او صحوة ضمير متاخرة او استمروا في غيهم وضلالهم
لا يعنينا ذلك في شي
هم لهم اخلاقهم التي تتلون وتتشكل وتكذب وترتدي جلد الحرباء ولشعبنا وجه واحد الحق وقول حسم وما سواه باطل
شعبنا يا بت عمسيب ما محتاج يقيم كرنفالات لمن يضنم اليه ولقضاياه وهذا
واجب كل الاحرار الشرفاءوحق الوطن عليهم
اما ناس سندوني وفخموني ولمعوني من اجل موقف مع الثورة والثوار والله يا بت عمسيب ضرهم اكثر من نفعهم بل معقيين للوطن ولمسيرته ولكل تطلعاته كما ديوك العدة تماماً والكتابة عنهم بهذا الاحتفاء لا تزيدهم الا انتفاخ وتكبر ذايف وتمادي في قلة الادب على استحقاق الشعب السوداني ودائما ما يستغلون طيبتنا الزايدة في التعامل معهم وعدم تقديرنا لسؤ عقليتهم ولانهم يدركوننا جيداً باننا شعب طيب ومسالم وبامكاننا ان نقول عفا الله عنما سلف حتى في قضايا تمس الوطن والمواطن
لذا لا يكترثون لنا كثيراً يسيؤن لقياداتنا وللرموز الوطنية يسخرون من هبات شعبنا الجماهيرية يصفقون لمن يضعون ايديهم مع القتلة والمجرمين بل ويصل الامر بهم حد الغزل المفضوح من اجل الالتحاق بركب حوار خايب بلا خجل
مثل هؤلاء يا منى الوطن لا يحتاجهم ولا قضايا الوطن انتصارها متوقفة عليهم هم موقفهم اضعف وعلى جرف منهار دعيهم وشانهم يتحملوا وزر مواقفهم الخايبة الجبانة لا انتي بقادرة على تذكيتهم وبصمهم بختم ابناء الوطن المخلصين ولا هم قادرين على الفكاك من ديكتاتور يعلفهم ويامر سطورهم بان تكون خناجر على خاصرة الوطن
|
Post: #8
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 11:12 AM
Parent: #7
اها قلتي الزول هبب شنو
انا الفيديو ما فتحتو
لاناوي
وعارف ممكن يقول في شنو
وهسي لو قلتي لي الزول ده حيجي يرد يقول شنو
والله افصد لييييييييييك
هو كمان قول ناس قرع ود العباس عايز ليه تخمين ولا عقلية خارق
|
Post: #9
Title: Re: الكنداكة منى عمسيب اخبار الطقس عندكم كيف �
Author: مني عمسيب
Date: 05-03-2016, 11:20 AM
Parent: #8
كدي امشي افتحو اول .. عشان نتناقش
نقاش موضوعي ومفيد .
حقيقة متغيرات الانسان بعض المرات تقودك الي
الذهول المخيف !
الثورة مستمرة ..
*************
حرية سلام وعدالة
والثورة خيار الشعب .
|
Post: #10
Title: Re: الكنداكة منى عمسيب اخبار الطقس عندكم كيف �
Author: محمد أبوالعزائم أبوالريش
Date: 05-03-2016, 11:32 AM
Parent: #9
أبو روضة، ما جابوا ليك الخبر؟
بت عمسيب آخر ما وصلت ليهو، بتعمل تطبيع علاقات مع كبر.
تكون ناوية تمشي امسودان؟
|
Post: #11
Title: Re: الكنداكة منى عمسيب اخبار الطقس عندكم كيف �
Author: مني عمسيب
Date: 05-03-2016, 11:40 AM
Parent: #10
يا ريشو ..
Quote:
أبو روضة، ما جابوا ليك الخبر؟
بت عمسيب آخر ما وصلت ليهو، بتعمل تطبيع علاقات مع كبر. |
يا ريشو التطبيع انواع واشكال فاسأل اي نوع
من التطبيع نريد عمله هل بعد هذا الفيدو ام
قبله ؟
الثورة مستمرة .....
*************
حرية سلام وعدالة
الثورة خيار الشعب ..
|
Post: #12
Title: Re: الكنداكة منى عمسيب اخبار الطقس عندكم كيف �
Author: Sudany Agouz
Date: 05-03-2016, 12:17 PM
Parent: #11
الأخ الحبيب أبو روضة ..
تعرف .. انو منى بت عمسيب دى .. بمليون راجل ..
أقصد .. الرجال .. الذين يلوون الحقيقة والحقائق ..
لهذا أقول لكِ يا منى يا بتى .. سيرى .. وعين الله ترعاكِ ..
والى الأمام .. أتمنى كل الناس يكونوا واضحين مثلك ..
الله يبارك فى حياتك ..
..
أها يا أبا روضة ,, أخليك بعافية ..
طول ما الجدادة حافية ..
والرب يبارك حياتكم ..
عمكم العجوز ..
ارنست
+++
|
Post: #13
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 05:00 PM
Parent: #12
Quote:
الأخ الحبيب أبو روضة ..
تعرف .. انو منى بت عمسيب دى .. بمليون راجل ..
أقصد .. الرجال .. الذين يلوون الحقيقة والحقائق ..
لهذا أقول لكِ يا منى يا بتى .. سيرى .. وعين الله ترعاكِ ..
والى الأمام .. أتمنى كل الناس يكونوا واضحين مثلك ..
الله يبارك فى حياتك ..
..
أها يا أبا روضة ,, أخليك بعافية ..
طول ما الجدادة حافية ..
والرب يبارك حياتكم ..
عمكم العجوز ..
ارنست
+++ |
سوداني عجوز
والله شهادتك في حق منى دي المفروض يحتفى بها لانها شهادة من حكيم حكماء المنبر بلا منازع
انسان طيب ومسالم
لا ينطق لا درر القول وبرجاحة عقل يحسده عليها
انصار الظلام والظلم وانصار الديكتاتوريات القمعية
وانا ببصم معاك بالعشرة
مع خالص امتناني وتقديري
|
Post: #14
Title: Re: الكنداكة منى عمسيب اخبار الطقس عندكم كيف �
Author: فرح الطاهر ابو روضة
Date: 05-03-2016, 05:07 PM
Parent: #10
Quote: أبو روضة، ما جابوا ليك الخبر؟
بت عمسيب آخر ما وصلت ليهو، بتعمل تطبيع علاقات مع كبر.
تكون ناوية تمشي امسودان؟ |
يا ابو الريش القال منو منى عمسيب
حرة نفسها تمشي على كيفه
ودم الشهداء امانة في رقبته كما كل الشرفاء
وحق الغلابة والمشردين والمعتقلين داخل اجهزة الدولة الامنية
كل ده يا ابو الريش حائط صد يصعب تجاوزه الا بموت ضمير اصلاً محتضر
الزولة دي ما بتقدر على الكلام ده
|
Post: #15
Title: Re: الكنداكة منى عمسيب اخبار الطقس عندكم كيف �
Author: مني عمسيب
Date: 05-05-2016, 08:43 AM
Parent: #14
حبيب قلبي وسوداني الجوه وجداني بريدو ..
تسلم لي يا عجوز يا رمز المحبة والسلام .
| Quote: لهذا أقول لكِ يا منى يا بتى .. سيرى .. وعين الله ترعاكِ .. |
بلاهي واحد يجي داخل الصباح وهو معفرت ويلقي كلام
زي دا في انتظارو ! وكمان من مين من احد العظماء محبي
المحبة والسلام .. والله يا بت نفيسة لقيتي والله اداك .
لك حبي يا عجوز .
****************
حرية سلام وعدالة
والثورة خيار الشعب .
|
|