Post: #2
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-02-2016, 01:58 PM
Parent: #1
الخرطوم -الطيب محمد خير
أعلن الناطق الرسمي للحزب الشيوعي السوداني يوسف حسين يوسف
عن قرارات تبناها الحزب تقضي لتسخير مايطرحه الدين الاسلامي
حول الحرية والعدالة والمساواة في برامج الحزب الجماهرية ودعوته وكل
أدبياته
|
Post: #3
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-02-2016, 02:05 PM
Parent: #2
وقال الناطق باسم الحزب يوسف حسين في حوار مع
( الصيحة ) ينشر لاحقا انهم يريدون من تلك الخطوة
احداث تغيرات علي كافة المستويات والأصعدة خاصة
بالأوضاع المعيشية للمواطن حتي يستطيع ان يعبد ربه
دون ان يكون مشغول بالامور الدنيوية بحسب تعبيره
ويؤكد انهم كحزب يحترم مقدسات شعبه. في البرنامج
الأساسي للحزب والذي يتضمن لايحة تعاقب كل من يتجني
علي المقدسات الدينية لأعضائه
|
Post: #4
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-02-2016, 02:44 PM
Parent: #3
نشوف باقي الحوار وننشره
|
Post: #5
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-02-2016, 03:06 PM
Parent: #4
مرحبا بالحزب الشيوعي السوداني في حظيرة الاسلام السياسي
----------
اها بعد ده فصل الرفاق والرفيقات ومنع الاختلاط
|
Post: #6
Title: Re: الحزب الشيوعي يقرر تسخير مايطرحه الاسلام
Author: sadig mirghani
Date: 05-02-2016, 03:18 PM
Parent: #1
هههههههههههه
حلوه فصل الزملا والزميلات دي
|
Post: #7
Title: Re: الحزب الشيوعي يقرر تسخير مايطرحه الاسلام
Author: حامد بدري
Date: 05-02-2016, 03:58 PM
Parent: #6
مسا النور
الاسم ظاتو داير تغيير والخصوصية دي نقد قالا في المؤتمر الخامس للمركزية وبدل نقد بصلي وحميد حج البيت اربعة مرات مفروض كان الاعتراف صراحة بالقصة دي الحتة دي كانت حتريحنا من الصراع التاريخي مع الاخوان والاتهام بالتكفير وطرد الحزب من البرلمان
براحة على الشيوعييين ناس كويسين وبجي منهم بس ناس النظرية زي ماقال الكتاب والنوع البرسم ليك اسم الجلالة وفوق ليو شاكوش ديل يجب التعامل معاهم بحذر
|
Post: #8
Title: Re: الحزب الشيوعي يقرر تسخير مايطرحه الاسلام
Author: قصي محمد عبدالله
Date: 05-02-2016, 05:30 PM
Parent: #7
ناس الحزب الشيوعي ديل دايرين ليهم فرمطة دينية وتأهيل فقهي كامل
قبل التنظير في الدين والدغمسة في أوامره ونواهيه...
|
Post: #9
Title: Re: الحزب الشيوعي يقرر تسخير مايطرحه الاسلام
Author: munswor almophtah
Date: 05-02-2016, 11:19 PM
Parent: #8
وقالو الكيزان زادن عدد اللهم أنصر الإسلام بشيوعى السودان لكن يا مسلمى فى واحدين منهم يمشو الضل شوف يا مسلمى فيهم
ناس شطار وفرسان لكن فى فارات يا حليل ناس كوبيل وقطان وجعفر جيفارا وأسعد الزبير والمرحوم مامون سيد أحمد والمرحوم
زهير فيصل وعادل وإبراهيم سعيد وأبو الجلاجل وأبو حديد وعلى العوض البوب ياخ شوايعة هسع ديل خليهم ساكت كل
ما شافو ليهم فراش قالو خلاس نقلبا ياخ حيرونا وحماك الله واحدين لافين بى هنا!!
منصور
|
Post: #10
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-03-2016, 06:38 AM
Parent: #1
| Quote: هههههههههههه حلوه فصل الزملا والزميلات دي |
الاستاذ sadig mirghani شاكر مرورك وعلي لجنة الدار تجهيز مصلي للنساء وللرجال وممكن تسجيل كم عضو منهم وتدريبهم في معهد تدريب الدعاة المافي شنو
------
حزب إسلامي ولاكلمة
|
Post: #11
Title: Re: الحزب الشيوعي يقرر تسخير مايطرحه الاسلام
Author: Hafiz Bashir
Date: 05-03-2016, 08:16 AM
Parent: #10
يعني يا مسلمي نتوكل و ننضم للحزب الشيوعي؟
|
Post: #12
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-03-2016, 12:22 PM
Parent: #1
| Quote: مسا النور الاسم ظاتو داير تغيير والخصوصية دي نقد قالا في المؤتمر الخامس للمركزية وبدل نقد بصلي وحميد حج البيت اربعة مرات مفروض كان الاعتراف صراحة بالقصة دي الحتة دي كانت حتريحنا من الصراع التاريخي مع الاخوان والاتهام بالتكفير وطرد الحزب من البرلمان براحة على الشيوعييين ناس كويسين وبجي منهم بس ناس النظرية زي ماقال الكتاب والنوع البرسم ليك اسم الجلالة وفوق ليو شاكوش ديل يجب التعامل معاهم بحذر |
حامد بدري سلام ياطيب انت عارف الحزب الشيوعي وممثله في اخر برلمان عزالدين علي عامر رحمه الله كان امام. بيته عامل مصلايات وبجيب موية الوضوء للجماعة لأكثر من عشرون عام . والخطيب السكرتير العام في لقاء صحفي العام الماضي قال بصلي العشاء في جماعة في المسجد وبرجع البيت يوم اهله التراويح اها الجماعة ديل ضمنوا الكلام ده في دستورهم احسن حاجة يغيروا الاسم
---------
ده حزب إسلامي تاني مااسمع واحد فيهم يقول تجار دين لكن لو قال هي لله ممكن
|
Post: #13
Title: Re: الحزب الشيوعي يقرر تسخير مايطرحه الاسلام
Author: علي عبدالوهاب عثمان
Date: 05-04-2016, 09:56 AM
Parent: #12
حبيبنا المسلمي .. مودتي ..
زمان أيام الشباب ( ليت الشباب يعود يوماً وأخبره بما فعل الاغتراب ) أقول في التسينات ..
تعرف يا مسلمي أي زول ما إشتراكي ( كنا نقول إشتراكي عشان لفظ شيوعي ما كان محبب لدى أهلنا )
كانت أيام جميلة .. كنا نطلق على الاسلاميين ( رجعيين ) كان عددهم قليل جداً آنذاك وخاصة في الشمال
أذكر لم يكن لديهم جاذبية حتى لدى الآخر لأن الشكل واللبس لم يكن جذاب .. وكمان ناس الامة والاتحادي (كانوا منفتحين أكثر) كنا نسميهم ناس الفتةط
الواحد في المدرسة الاميرية الوسطى كان يقرأ كتب الاشتراكية ويسمع الاناشيد والاغاني ومصطلحات عدم الانحياز
والنضال ضد الامبريالية الاميريكية وعلى رأس تلك المرحلة رمزية ( هوشي منه ) الفيتنامي ..
أي واحد يجيب إسم حسن البنا كنا نعتبره عميل لأمريكا وخائن وإمبريالي .. وخاصة أيام حرب اليمن
عبدالناصر رغم إغراق أراضينا في حلفا كنا نعتبره بطل قومي .. كمان وردي واغانيه بالنوبية فيها رموز
الكادحين والنضال الحقيقي .. وزوج اخته حسن عبدالماجد المحامي كان نزل الانتخابات بإسم مستقل لأن (شيوعي)
كان ممكن يعمل ليه مشكلة .. لكن كلنا كنا على هذا النسق .. كان نعتبر ناس الامة والاتحادي كمان (ناس مختلفين ) ههه .. لأنهم ما يعرفوا
يتحدثوا عن .. أبطال التحرير في العالم ( كاسترو .. جيفارا .. نكروما ... إلخ ) وغناء وردي والكابلي (عدم الانحياز)
الكلام ده يا مسلمي في اقصى الشمال في ضواحي الدنيا ريفي دنقلا والمحس .. لا أعرف كيف كانت تصلنا الكتب والمنشورات
إنت عارف أهلنا موروثهم وسلوكهم كان أقرب لليبرالية ومنفتحين أكثر .. لم تكن هناك ثقافة الطرق الصوفية . والإمامة ..
ولكن كانت القيم هم الأهم ..
أغرب شيء الرجعيين كانوا مع أمريكا .. ونحن مع السوفيت ( حالياً الحكاية بقت معكوسة )
مع التحية حبيبنا المسلمي .. ذكريات الزمن الجميل ..
|
Post: #14
Title: Re: الحزب الشيوعي يقرر تسخير مايطرحه الاسلام
Author: ahmedona
Date: 05-04-2016, 10:34 AM
Parent: #13
البرنامج القديم ما جاب رأس مالو...
قالوا يجربوا تجارة الرابحه....
تحياتي المسلمي....
|
Post: #15
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-06-2016, 03:18 PM
Parent: #14
شيخ قُصي سلام
الجماعة فرمطوا نفسهم براهم ورجعوا 😜😜😜😜😜😜
|
Post: #16
Title: Re: الحزب الشيوعي يقرر تسخير مايطرحه الاسلام
Author: Saifaldin Fadlala
Date: 05-06-2016, 08:28 PM
Parent: #15
كشفت دراسة أعدها الباحث البريطاني بول هوسفورد ونشرت في صحيفة "ذي جورنال"، أن إيرلندا هي البلد الأكثر تطبيقا لتعاليم القرآن الكريم على مستوى العالم.
كشفت دراسة أعدها الباحث البريطاني بول هوسفورد ونشرت في صحيفة "ذي جورنال" أن إيرلندا هي البلد الأكثر تطبيقا لتعاليم القرآن الكريم على مستوى العالم، في حين لم تتضمن القائمة أي من الدول العربية.
وحسب الدراسة، فقد احتلت إيرلندا المرتبة الأولى كأكثر الدول التي تطبق تعاليم الديانة الإسلامية، متبوعة بالدنمارك، ثم السويد في المرتبة الثالثة.
و شمل البحث 208 دول، غابت فيها الدول ذات الغالبية الإسلامية من السكان عن قائمة أفضل 25 بلدا تطبيقا للإسلام.
وأتت ماليزيا في المرتبة الـ33 ، ولكنها احتلت المرتبة الأولى للدول ذات الغالبية الإسلامية ، أما بالنسبة للدول العربية فقد حلت الكويت في المرتبة الـ48، متبوعة بالبحرين في المرتبة الـ61 والامارات في المرتبة الـ64.
فيما جاءت المملكة العربية السعودية في المرتبة الـ93، وقطر في المرتبة الـ111، فيما تذيلت السودان قائمة الدول العربية حيث حلت في المرتبة الـ190.
و تم ترتيب الدول باعتماد "معيار الإسلامية" المبني على أربعة قواعد، هي: الإنجازات الاقتصادية، والحقوق الإنسانية والسياسية، والعلاقات الدولية للبلد، إضافة إلى بنية السلطة فيه.
المصدر: RT + وكالات
هذه هي التعاليم التي يقصدها الحزب الشيوعي,,تلك التعاليم التي فشلت كثير من الدول الاسلامية في تطبيقها
رغم انفاقها اموال طائلة في الدعوة وعلوم اصول الدين
|
Post: #17
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-10-2016, 08:13 AM
Parent: #16
حامد بدري سلام ولعلك طيب
مسالة تغيير الاسم أظن الجماعة ساعين ليها . بعد الحزب بقي يعتمد علي الاسلامي
حقوا يسموه الحزب الشيوعي السوداني الاسلامي ، ويختوا شعار الهلال او الحصان
|
Post: #18
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-12-2016, 02:53 PM
Parent: #1
| Quote: وقالو الكيزان زادن عدد اللهم أنصر الإسلام بشيوعى السودان لكن يا مسلمى فى واحدين منهم يمشو الضل شوف يا مسلمى فيهم ناس شطار وفرسان لكن فى فارات يا حليل ناس كوبيل وقطان وجعفر جيفارا وأسعد الزبير والمرحوم مامون سيد أحمد والمرحوم زهير فيصل وعادل وإبراهيم سعيد وأبو الجلاجل وأبو حديد وعلى العوض البوب ياخ شوايعة هسع ديل خليهم ساكت كل ما شافو ليهم فراش قالو خلاس نقلبا ياخ حيرونا وحماك الله واحدين لافين بى هنا!! منصور |
سلام يامنصور الفارات ديل الواحد عدو. نفسه مصيبة. كبيرة لو بتاع المدينة الجويهل ده شيوعي
|
Post: #19
Title: Re: الحزب الشيوعي يقرر تسخير مايطرحه الاسلام
Author: محمد المسلمي
Date: 05-16-2016, 12:11 PM
Parent: #1
الي حين ميسرة
|
Post: #20
Title: Re: الحزب الشيوعي يقرر تسخير مايطرحه الاسلام
Author: munswor almophtah
Date: 05-16-2016, 05:09 PM
Parent: #19
الشوايعه دق أبو ظرطه ياخ دا موضوع قطرو صفر من زمان منذ أن هتفو أنت يا مايو الخلاص
يا جداراً للرصاص يا حبالاَ للقصاص ففعلت مايو لهم ما تغنو به وقالت سكه غير اللاعب ودخل غيرهم
الميس تراك شايف الورطه!!
منصور
|
|