ككو شنو دا ضنب تمساح عدييييييييل

11:52 AM April, 30 2016

سودانيز اون لاين
Salah Zubeir-UAE
مكتبتى
رابط مختصر

يوم السبت الفات مسكت دينق عصرتو لامن قال (Y) بي مداخلتين في بوست
(عاجل :- المناضل الديمقراطي أستك مداخلتي) فورا" تم قفل البوست وتحديد
مداخلاتي بي مداخلتين في اليوم ,,,, تم لفت إنتباهي يوم الثلاثاء بأن الثورة
إندلعت في سودانيز
طوال الأيام التلاتة الفاتت بدخل بعد منتصف الليل وأتفرج وأقول لي رقبتي
خلاس الكيزان راحو فيها ,,,,, أمبارح بالليل بعد ما إصفحت البورد ولقيتو
مولع نار. عشش في مخي إنو بكرة أصحي من النوم ألقي الحكومة الجديدة
إتكونت والبشير وزمرته قبضوهم زي ما بقبضو الجراد وختوهم في
المجروسات الكبيرة ديك وختو عليهم ود أعمي المرحوم الملازم
أحمد جبارة ود الشلع كقايد كتيبة الحراسة وشالم وداهم سلاح
المدرعات عشان يقتلوهم إنتقاما" للرفاق الماتو بي نفس الطريقة.
ياخي البورد دا طوال التلاتة أيام الفاتت ولغاية الآن قامت فيهو الثورة
وماتو آلاف الناس وإتحررت فيهو الخرتوم من دنس الكيزان وكان
فيهو بديل الكيزان جاهز والز شي النداء الأخير لكل من وقف أو
هادن أو حاورا الكيزان فعليه الإلتحاق بي سفينة نوح (الثورة) أو القتل
والذبح والسحل ولكم في العراق مثال أيها الشيوعيون (الشيعة).
صحيت الليلة من الصباح وقبل ما أشوف سودانيز فتحت التلفزيون
وقتا البريكنق نيوز تكون ماليا نشرات الأخبار بي نجاح ثورة البلاشفة
وبديت بي قنوات المؤتمر الوطني البي بي سي وال سي ان ان والجزيرة
والعربية وسكاي نيوز العربية والإنجليزية وروسيا اليوم وكل القنوات
المصرية ,,,,, ياخي قربتا أصدق إنو حلب السورية الإتصدرت كل نشرات
الأخبار هي جزء من ثورة هؤلاء البلاشفة. ولا خبر واحد عن السودان ,,,,
ياخي الفلقو بي حجر في نابلس جايبيين سيرتو إلا ثورتكم دي ,,, من الذي
مسّك الناس دي كلها ضنب الككو ,,, ككو شنو دا تمساح عدييييييل
من ناحيتي وعلي حسب خبرتي الماها هينة عليكم بالتحالف ,,, بما إنو كل
بلاشفة هذا الزمان يعيشون ويناضلون بي كي بورداتهم من الدول الرأسمالية
فعليكم بي عمتكم أمريكا تكون تحالف من واحد وعشرين دولة وتعمل حملة
تسميها عاصفة البلاشفة وتجيب المرحوم نورمان شوارزكوف كقائد لهذه
الحملة ,,,,,, إمكن تتحرر الكويت ,,,,
Note :- عذرا" دينق محدد لي مداخلتيين في اليوم فمافي طريقة أرد ,,, ههه
غايتو البعصرني شديد بكب ليهو المداخلة التانية

ما تستعجل
كله جاي
وما النار إلا من مستصغر الشرر
ثورة خيار شعب

😜😜😜😜😜😜
وواحد اهبل وعبيط وواحدة كدي رائح ليهم الدرب في الموية فاتحين عشروماية بوست

الله فرجيني

ضنب تمساح عدييييييييل

السلام لصاحب البوست وضيوفه



عندما انظر للشارع الحقيقي والشارع الافتراضي

اري الفرق شاسعا

واعود لاقول ان الوضع السياسي الافتراضي واهله يعيشون

بعيدا عن واقع الشعب السوداني


وعليه فليعش كل شخص في الوقعه الحقيقي او المتخيل

يا هندسة سلامات
دي حاجة ودي حاجة
الاسافير وما يجري فيها و الأماني لا تقود الشارع وكون الاسافير مليئة بالمبالغات لا ينفي هذا ان هناك اسباب حقيقية و موضوعية تدفع الناس للخروج
مقتل طالب وبواسطة طلاب زملائه كارثة بل حقارة عديل كامل الحق للطلاب ان يرفضوها بالوسيلة الوحيدة المتاحة لهم الهتاف و التظاهر
كون الوضع سيئ و المعاناة متفاقمة ايضا حقيقة وخروج الناس طلبا للتغيير أمر طبيعي و متوقع كان ما الليلة بكرة, مصير الضغط يصل لمرحلة الانفجار
فا شنو من الحكمة فرز الحاجات و التعامل مع كل شي في محله ومكانه وعدم تحميل اي شي اكبر من حجمه او التقليل منه