الحلاقيم المشروخة .. وفساء الخنفساء الكيبوردي!

06:50 AM April, 30 2016

سودانيز اون لاين
بريمة محمد-الولايات المتحدة، ولاية فرجينيا
مكتبتى
رابط مختصر

أرحمونا من نتانة فساءكم الكيبوردي .. الذي لا يسمن ولا يغنى من جوع.

بريمة

هيييييع ول ابا بريمة سادي خدمة بالمجان نيابة عن جهاز أمن الكيزان

بريمة يغازل في نظام الخرطوم البائس ممنيا النفس بقيادة وفد المنافي 2
يأخ الكيزان الاستفادو صحي صحي فيهم ناس تبلو من المركب الغرقانة دي
وأنت جاي ناطي فيها وهي ماشا علي القاع ؟؟ دا اسمو أنتحار يا نمس

صباح المحبة للناس الاحبة
بريمة اختشي

العبار الكوز بريمة بلل.

بطل جرسة وأركز.

بلغ جماعة حميدتي وقول لهم أوعكم تمشوا الخرطوم تانيتقتلوا الطلاب وتدافعوا على نظام الإنقاذ الهالك، القصة خلاص أنتهت.

اللخو....
> أب حلاقمة ما تلاقمة.... صاقمة<

ول أبا عادل الباهي،

سلامات ..

Quote: هيييييع ول ابا بريمة سادي خدمة بالمجان نيابة عن جهاز أمن الكيزانبريمة يغازل في نظام الخرطوم البائس ممنيا النفس بقيادة وفد المنافي 2يأخ الكيزان الاستفادو صحي صحي فيهم ناس تبلو من المركب الغرقانة ديوأنت جاي ناطي فيها وهي ماشا علي القاع ؟؟ دا اسمو أنتحار يا نمس

القوات المسلحة السودانية .. نحن معها قلباً وقالباً .. أنا واقف مع القوات المسلحة فى هجليج، قوز دنقو، الجكو، الناصر وغرب النوبير .. فى أنتزاع هجليج ناس المعارضة ذهبوا فى أمريكا لمظاهرة ينددون وأنا ذهبت حفل سفارة النظام فى واشنطن تحية وإجلال للقوات المسلحة .. لن نتنازل عن قوت الشعب المسلحة عشان نستبدلها بجيش عرمان أو الحلو أو عبد الواحد بمبو أو أي سجمان أخر ..

أنا ما سادي خانة لأي إنسان .. أنا جزء من سيرة نضال القوات المسلحة .. من أجل وطن يعمه السلام ..

أمشي البوست الأخر وشوف كمال عباس نكت لي كلام قديم .. حينما أعلنت المحكمة الجنائية القبض علي الرئيس أمشي شوف ماذا قلنا للأوباش .. يا زول نحن مواقفنا مشهودة وما بنخاف منها .. الداير الدواس ينزل الخرطوم .. الفساء الكيبوردي وزج أبناء البسطاء هو جريمة قتل أراواح بريئة.


بريمة

العبار دينق،

Quote: العبار الكوز بريمة بلل. بطل جرسة وأركز. بلغ جماعة حميدتي وقول لهم أوعكم تمشوا الخرطوم

حميدتى الرقيق خيط الشلة .. عن عرضه يوماً ما تخلي .. دابي الهجعة السمه رشح .. تمساح الجزائر الخوف البحارا .. أسد الغابة الزمر وكر.


ألعب بعيد يا العبار دينق .. الفارس حميدتى شعر ما عندكم له رقبه.

بريمة

والله 36 مرحال من مراحيل أهلنا الرعاة ما لم يتم فتحها وتسير حركة ضعائنا كما كانت فى الزمن الجميل .. نظل نقطع الطريق للأوباش قبل القوات المسلحة ما تصل الموقع وفى أي مكان ..

الله أكبر ولا نامت أعين أصحاب الحلاقيم المشروخة.

بريمة

فى قريتنا الصغيرة فى شرق كادقلي ..
1. تم نهب 1036 رأس من البقر .. لم تنهبهن القوات المسلحة بل نهب أبقارنا التمرد.
2. فى قرية البخس مات 22 فرد من أهلنا .. 14 منهم ما بين طفل قاصر وشيخ مسن .. لم يقتلتهم الجيش السودانى .. بل قتلهم التمرد.
3. فى طريق كادقلي - كركراية .. أوقف التمرد عربة ركاب كاملة وضرب أهلها حتى تساقطت أسنانهم .. وكان خالي من بينهم ولم يقل كلمة .. وحينما أراد المتمرد نزع ثوب إحد حرائر وطنا قفز فيه خالي أعزل من أي سلاح .. ليفرغ فيه متمرد أخر شحنة من الزخيرة .. حتى ألتصق مخه بشقوق الأرض ..
4. فى طريق قريتنا أوقف التمرد عربة ركاب وكان من بينهم أبن عمي وزوج شقيقتى الكبيرة .. كان أحد فرسان القوات المسلحة لمدة 27 عاماً شهدت كفاءته القتالية كل ميادين القتال .. أنتزع أبن عمي سلاح شخص أخر وواجه المتمردين حتى أخر طلقة له .. ثم عرفو أسماً وكان مكسوراً وموشحاً سلاحه .. سألوه بالأسم وعرفوه ثم أطلقوا عليه الرصاص ..
5. فى ذات الطريق .. ما بين كادقلي والرصيرص .. أوقف المتمردين أثنين من أبناءنا .. يستغلون موتر، أحدهم أبن بنت خالتى .. وتم ذبحهم كالشياه .. وألقي بهم فى قارعة الطريق.
6. فى قرية أبو سفيفة هاجم التمرد قرية أمنة من قري أهلنا وقتلوا 16 فرداً من بينهم أولاد سردار .. 5 حجاج لبيت الله الحرام لم تمس أيدهم حرمة دماء أنسان أو ماله أو عرضة .. قتلوا بلاسبب ..
7. فى طريق قريتنا قتل نسيبي وشقيق زوجتى الأصغر منها خريج جامعة الخرطوم .. وهو رجل أنصاري سنة .. لا يحمل ولا حتى عصي يحش بها الكـلاب .. هو معه زميله .. كانوا أساتذة يعلمون أبناء جنوب كردفان فى زمن عز فيه وجود المعلم ..

ونواصل .. قائمة المواجع ..

بريمة

ثلاثة من أبناء عمي من أب وأم واحدة قتلهم المتمردين جميعاً ليموت والدهم حسرة عليهم وتلحق بهم والدتهم ..

معركتنا مع التمرد .. لن تنتهى إلا بأنتهائه .. ونحن نقف مع القوات المسلحة والجيش .. والشيطان الأحمر من أجل بقاءنا ومن أجل أن يحي ويعيش أهلنا فى وطنهم أمن وطمأنينة.

ولا نامت أعين أصحاب الفساء الكيبوردي ..


بريمة

كتب الأخ بريمة

Quote: أمشي البوست الأخر وشوف كمال عباس نكت لي كلام قديم ..حينما أعلنت المحكمة الجنائية القبض علي الرئيس أمشي شوف ماذا قلنا للأوباش

والكلام المقصود هو قول بريمة :

Quote: أنت ما عارف الرئيس عمر البشير .. نحن نعتبروه بقاري عدييل .. لو فيكم واحد مس الرئيس بسوء .. الا كن تدخلوا تحت التراب .. يوم داك بنسوها ليكم ضيقة نحن البقارة.

دا كلام خاطئ ومغلوط جملة وتفصيلا الكلام دا إنت قلتو بعد قرار المحكمة الجنائية بسنوات عديدة * قرار المحكمة الجنائية صدر في مارس 2009 إي قبل أن تصبح عضوا في هذا المنبرـ فتسجيلك بالمنبر . (بحسب بروفايلك) تم تاريخ التسجيل: 04-30-2009 .. لم تتعدي كتابتك لهذا الكلام العام ،،، ولنكن أكثر تحديدا كتبته يوم 06-02-2015, 04:22 AMوالمناسبة لم تكن المحكمة الجنائية وإنما كانت إنتخابات العام الماضي ! المحكمة الجنائية بتاعت الساعة كم؟ خليك دقيق وتحمل تبعات ماتكتب!!

عشة عشميق دي رائح ليها الدرب في الموية

كمال عباس

Quote: قرار المحكمة الجنائية صدر في مارس 2009 إي قبل أن تصبح عضوا في هذا المنبر

أنت نسيت الهكر ..




أها فتحت خشمك .. !

ثم ثانياً إذا أنا ذكرت الكلام مرات أخري .. إلا أننى أول ما كتبته فى منبر تراجي .. منبر نيوسودان .. وبسببوا تراجي طردتنى من منبرها.

بريمة

كتب السيد : بريمة.......

Quote: أنت نسيت الهكر .

..أ بريمة لا مانسيت الهكر أنا ـ نفسي ــ بروفايلي يقول أني مسجل ـــ عام 2009 بينما عضويتي أقدم من ذلك بكثير ,,,,,,,,, نعم قد يكون قرار المحكمة الجنائية 2009 قد صدر وأنت عضو بهذا المنبر ولكن هذالايغير حقيقة أنك قد كتبت تمجيدك للبشير العام الماضي تقول .......

Quote: ها فتحت خشمك .. !ثم ثانياً إذا أنا ذكرت الكلام مرات أخري .. إلا أننى أول ما كتبته فى منبر تراجي .. منبر نيوسودان .. وبسببوا تراجي طردتنى من منبرها. .

كلامك الذي أقتبسته أنت كتبته في هذا المنبر يوم 06-02-2015, 04:22 AMوالمناسبة لم تكن المحكمة الجنائية وإنما كانت إنتخابات العام الماضي ! وكان موجه للأخ لقمة ..........

Quote: أوعاك من الرئيس ..أنت ما عارف الرئيس عمر البشير .. نحن نعتبروه بقاري عدييل .. لو فيكم واحد مس الرئيس بسوء .. الا كن تدخلوا تحت التراب .. يوم داك بنسوها ليكم ضيقة نحن البقارة...........

انت عاوز شنو بالضبط يا بريمة
يعني حتى مؤازرة اخواننا في منافي الدنيا بسبب الكيزان مستكترها علي من هم في الداخل ...
بصراحة كل يوم تزداد ضحالة ووضاعة ...
يا اخي تعال شوف حال الوطن بنفسك وشوف وصلنا لحدت وين .
ما تقول لي واقف مع الجيش وزفت ..مافي جيش في مليشيات مؤدلجة بتقتل بالمقاولة وبتتحفز بعدد الرؤوس المقطوعة
وحتى من هم عزل يقتلون في وضح النهار ...
عليك الله يا بريمة ما تملانا فقر....
كفاية علينا فرانكلي ..يا اخي حتى ود الباوقة اختشى . دا شنو دا ..

ول أبا المسلمي،
سلام ..

Quote: عشة عشميق دي رائح ليها الدرب في الموية

بالأمس عشة عشميق مصاقرانا فى المنبر أكثر من 16 ساعة .. خلاص دواسها كمل واليوم فى أجازة ال "ويك أند" .. ربما تكون أخذت لها قفزة سريعة لمدينة لندن عاصمة الضباب لزيارة حدائق الهايد بارك .. للنزهة والترويح من معاناة الكيبورد .. أو تكون أتجهت جنوباً إلي فرنسا ديجول لزيارة برج إيفل .. والشانزيليزيه.

ويموت البسطاء من أجل خاطرهم فى تغيير النظام ..

بريمة

Quote: بالأمس عشة عشميق مصاقرانا فى المنبر أكثر من 16 ساعة .. خلاص دواسها كمل واليوم فى أجازة ال "ويك أند" .. ربما تكون أخذت لها قفزة سريعة لمدينة لندن عاصمة الض

ول ابا بريمة سلام ياطيب ياخ عشة عشميق مجموعة بتاعت اشباح يستخدم كما حساب دينق عبارة عن دورية مدورة في تحريض الناس علي القتل وتمجيد الخيال .بالمناسبة ياول ابا انت الشيوعين ديل مالهم يستعملوا المناديل القذرة

أخونا الإعرابى الظريف بريمة بلل
سلام الله عليك ...
يا أخى اول مرة اسمع بحاجة اسمها فساء الخنفساء.. بقيت كمان تشم فساء الخنفساء يا بريمة!!! عندك حاسة شم قوية ... حقو يستفيدو من حاسة شمك القوية دى الكشف عن حاويات المخدرات الخاشة السودان... ينوبك أجر يا أخوى ... تكون خدمت "الغوات" المسلحة والدعم السريع وساعدتهم كمان فى ايقاف تجارة البشر...والطيارات البتقع ساى والحاويات المسرطنة والمعفنة يمكن يكون فيها خنافس بتفسي!! ... والبشير الإعترف بقتل عشرة ألف دارفورى دة حيحتاج لخبراتك العظيمة فى شم فساء الخنفساء والصراصير لأنو بيعتبر العشرة الف ديل وكأنهم صراصير وخنافس... بس يكتلهم ويمشى فى حالو ويخت محكمة الجنايات الدولية تحت جزمتو... هييييع.... على قول صحبك

نور الدين منان،

سلام يا خال .. من أبن أختكم الأعرابي ..

Quote: أخونا الإعرابى الظريف بريمة بللسلام الله عليك ...يا أخى اول مرة اسمع بحاجة اسمها فساء الخنفساء.. بقيت كمان تشم فساء الخنفساء يا بريمة!!! عندك حاسة شم قوية ... حقو يستفيدو من حاسة شمك القوية دى الكشف عن حاويات المخدرات الخاشة السودان... ينوبك أجر يا أخوى ... تكون خدمت "الغوات" المسلحة والدعم السريع وساعدتهم كمان فى ايقاف تجارة البشر...والطيارات البتقع ساى والحاويات المسرطنة والمعفنة يمكن يكون فيها خنافس بتفسي!! ... والبشير الإعترف بقتل عشرة ألف دارفورى دة حيحتاج لخبراتك العظيمة فى شم فساء الخنفساء والصراصير لأنو بيعتبر العشرة الف ديل وكأنهم صراصير وخنافس... بس يكتلهم ويمشى فى حالو ويخت محكمة الجنايات الدولية تحت جزمتو... هييييع.... على قول صحبك

أنت طبعاً لم تكلف نفس أن تقرأ فى تراث البقارة .. وهم خليط من قبائل جهينة وطي وسليم وبنى هلال .. (بنى هلال ختها حلقة فى أضانك وهى حلقة وصل أخري بينى وبينك .. وللذين لا يفهمون هذه الأشارة نسب نور الدين ينتهى بجده الشيخ فقيه زمانه هلالي .. وهو عربي من عرب بنى هلال .. نور الدين فى النص قطع النسب وتحول بحسب العرف النوبي فى النسب إلي الأم .. وأنتسب إلي النوبة تسمى بأسم والدته نور الدين جليلة .. وأنا لو كضاب تعال قول لي) ..

نعود ليك وأنت سفيرنا ولم تكلف نفسك بدارسة تراث قبائلنا فى السودان .. أمسك فى أيديك: البقارة يقولون "أنا جمراية القصباية" .. وهل للقصب جمر يحرق .. ويقولون "أنا أم جاعورة كريلو" .. والكريلو أصغر أنواع الضب .. وتراه منتفخاً وينفسه يقوم ويهبط .. وتأخذه برأس أصبعك وتضعه من القرب من أذنك .. تسمع شيخ شيخ .. ذي صوت الراديو الملفس .. ويقولون "أنا فرث أم حميدو" .. وطائر أم حميدو هى الطائر عشوشة فى وسط السودان وشماله .. طويرة صغيرونه وليس لها فرث يذكر .. البقارة طبعاً يقول "فرت" وليس فرث ..

أها يا الخال، الناس البقولون عليهم فلان جمراية قصباي .. وفلان فرت أم حميدو وفلان أم جاعورة كريلو .. يقصدوا به شنو .. وعلي ذلك قس .. فسوة الخنفساء !

وهذا النوع من الوصف .. ربما تظن أنه ضرب من ضروب الأستحقار الذي لا يعرفه أحد فى الدنيا غير البقارة .. وربما يكون هذا صحيح .. لكن أقرأ قول الله تعالي .. فى قوله .. وإن يسلبكم الذباب شيئاً لن تستنقذوه منه .. ضعف الطالب والمطلوب ..

بجيك بشرحو .. ولو لم تستطع الأستنباط ..

إن شاء تكون أسارير وجهك أنلجت أهاليل .. يا خال ..

بريمة

ول أبا المسلمي،
سلام ..
أسمعها من أخوك .. وأنا مبرمج قديم .. 13سنة ويزيدن، أكل عيش عيالي فى طقطقت الكمبيوتر كما تقول المدام (تقول راجلها طقطاق كمبيوتر .. هل تذكرت حديث زوجة الأمام الشافعي .. قالت لو الكتب إمرأة لقتلتها ) .. إن شاء سوف أقوم بكتابة برنامج cryptology .. وأحدد ليكم في الشخصية التى تكتب هل هى شخصية واحدة أم شخصيات عدة .. كما أننى أستطع من خلال البرنامج أن أثبت أو أنفي نسب إنسان للنص ..

وأول ما أبدأ أبد بكتابات دينق .. هل هى حقته أم حقت زول تانى .. أم مجموعة من البشر ..

وسوف يرون .. وعشة بت عشميق يومها قرب .. ودا علم لا يكذب .. أبداً ..

بريمة

يا اخوي سيبك من بلدنا الكلها تراب وكتاحة ودواس دي ... على قولك

اخبار الانتخابات شنو ... اها المتقدم منو لحد هسع ... ترامب وللا كلينتون..

ياخي بي غادي عامل فيها ديموقراطي ومؤسساتي ،، وفي السودان دكتاتوري من الدرجة الاولى،،، ياخ ما تتصالح مع نفسك ياخ.

وللا ناس السودان ما بستاهلو الا تديهم بالحتة الفيها الحديدة..

عجبي...

الهادي،
سلامات ..

Quote: يا اخوي سيبك من بلدنا الكلها تراب وكتاحة ودواس دي ... على قولك اخبار الانتخابات شنو ... اها المتقدم منو لحد هسع ... ترامب وللا كلينتون.. ياخي بي غادي عامل فيها ديموقراطي ومؤسساتي ،، وفي السودان دكتاتوري من الدرجة الاولى،،، ياخ ما تتصالح مع نفسك ياخ. وللا ناس السودان ما بستاهلو الا تديهم بالحتة الفيها الحديدة.. عجبي...

لماذا تتعجب يا الهادي .. أنا ليس فى حوار مع أحد .. حتى تدخل الديمقراطية أو الدكتاتورية كطرف فى الموقف .. نحن أمام مجموعة تستغل عواطف الناس ومشاعرهم ليموتوا بالأنابة عنها .. يقدموا أرواحهم وأراوح أبناءهم طعم لمواقفها .. وأصحاب هذه المواقف الأنتهازية هم أصحاب الحلاقيم المشروخة .. يجعرون .. ويزيدون فى الجعير .. حتى يبكي الناس معهم .. أو كذلك يزيدون ..

تعال نحدثك يا الهادي .. فى الغرب أصبح الناس يستأجرون البكايين .. يوم البكاء وعلي حسب عمق جيبك تستأجر عدد منهم .. وكل زول جاي البكاء .. البكايين يبكوا معاه .. ديل الجماعة أصحاب الحلاقيم المشروخه يستأجرون الشعب السودانى يبكي ليهم بكاءهم .. ودا دليل أن صاحب الوجعة ما عنده وجيع .. ما قادر يبكي بكاه .. داير ناس تانين يبكوا بالأنابة عنه .. وهكذا يفعل أصحاب الحلاقيم المشروخة ..

الديمقراطية يا الهادي لا تعنى عدم الموقف .. الديمقراطية فيها مواقف صلبة .. مثلاً الموقف من حق الحياة والموت .. هل يحق تنفيذ الأعدام أو السجن مدي الحياة بدل من ذلك .. يا أخى الناس تكون منقسمة .. ولو دعيت طرف للنظر فى وجهة نظر الطرف الأخر أحسن منه تقتله أو تتفه فى فندق بدل تستخف بمواقفه .. موقفي الواضح أن السلام يجب أن يسود فى السودان .. وحتى لو يتم فرضة فرضاً.

--------------------------------
فى المسألة الديمقراطية .. مازال الأحزاب تخوضها حملاتها منعزلة من بعضها .. حملة الديمقراطيين تتقدم فيها هيلاري .. وحملة الجمهوريين يتقدمها دونالد ترامب .. وإن لم يصل مرشح واحد فى كل حزب للنصاب المطلوب ثم يقوم الحزب بمؤتمر الحزب يحدد فيه من يرشحه .. عملية معقدة .. تسمى contested convention .. وهذه الدورة الأنتخابية غامضة جداً حتى هذه اللحظة .. هيلاري علي وشك الترشح .. وكذا دونالد ترامب .. لكن هناك متاريس رهيبة ما زالت فى الطريق.

بريمة

****

بريمة

سوقهم يا بريمه يسوقهم بلاء

يسوقهم وين اكتر من كده..؟!!

الجماعة طلعوا (زي الناس) يا بريمة ومنصور..!


كبر

Quote: سوقهم يا بريمه يسوقهم بلاء

يسوق مين ووين ؟ لقد تذكرت قول ذلك العربى : إنا اعطيناك المفتاح فصل لربك وارتاح إعط المفتاح للإعرابى بريمة بلل فلسان حاله يقول: أنا الغريق فما خوفى من ال(بلل).
ماهذا الكلام ايها المفتاح؟؟ أأنت مفتاح ام عصا يا أخى؟؟؟؟؟ وهل تحمل عصا الحجاج حتى تسوقهم او تضربهم ضرب غرائب الإبل؟؟؟ ام بطائرات الأنتونوف
هل هذا هو اسلوب الحوار الذى تعلمته من رحلتك الأخيرة ؟ ارجو ان يكون حوارك اولا حوارا مع النفس حتى تجيد أدب الحوار ولا تسيئ الى الآخرين...

أهو منان لحق القطر يا كبر بعد المولد والختمه!!

إنت يا منان جرجير تشوف عشر ما تشوف!!

العبار بريمة بلل.

شايف السفير نور دالدين نفش ريشكم نفش، أنت والإنتهازي منصور مفتاح.