نضال الحاج ترد علي الكتابة الكويتية فجر السعيد ب(قصيدة)

07:53 PM April, 29 2016

سودانيز اون لاين
Frankly-ارض الله ومعمورته
مكتبتى
رابط مختصر

Quote: الرئيسية / الاخبار العاجلة / نضال الحاج ترد علي الكتابة الكويتية فجر السعيد ب(قصيدة) تنشرها (سودانا فوق) نضال الحاج ترد علي الكتابة الكويتية فجر السعيد ب(قصيدة) تنشرها (سودانا فوق) الكاتبة الكويتية فجر السعيد فجرت جدلا هائلا على صفحات وسائل التواصل الاجتماعي بين السودانيين والمصريين والكويتيين، بلغ درجة الإساءات المتبادلة في بعض الأحيان، وذلك كله على خلفية انتقاصها – أي فجر السعيد – من قدر السودان. واصدرت فجر السعيد رأيا حول (تبعية) السودان لمصر، وأنه (فرع) للأخيرة، على الرئيس المصري أن يعيده لأصله هذا الحديث دفع الشاعرة نضال حسن الحاج لكتابة قصيدة ترد فيها علي الكتابة الكويتية تنشرها (سودانا فوق) التاريخ خبارو قبيلي ماوراك .. وبي حدود البلد ياالفايقه شن دراك. .. الحرر بلادك….والزمان قراك. .. غبشا كانوا يوم ردحي الذخيره ضراك جايه بلا خجل. .بي طولك أسي وعرضك. .. بتطعني في قفا السودان وتشتمي برضك البتقولي نايمين ديلا حررو ارضك. .. وداسوا الكانو متحالفين يفرتقو عرضك. .. نحن فتحنا لي دول الجوار ابوابنا. .. قسمنالن دمينا. ..واكلنا خلي شرابنا. .. بعد ماشدو حيلن. .وانقطع ديدابنا. .. دايرين يقسمو البلد الفداها رقابنا؟؟ شن خساكي في البلد أم كتالا شين وشن دراكي بي الستره وكلام الدين .. نحن أن درنا لا جيم لا ذخيرة يمين نضم افريقيا وآسيا واروبا. .حمرة عين.. يات من نادى ياابومروة نحن فزعنا. .. ويات من درنا طرفة عين انحنا نزعنا.. إن بي ايدنا فوق ايسر ضلوعنا رزعنا. .. كان اندكت الوطه مابتشوفي جزعنا مسالمين نحن لكن ان غضبنا حريقه. .. الجدري البتكج والصداعو شقيقه نحن الفرسه اسياد بيتا نحن فريقه. .. رقبة الزول نجزها قبل ينزل ريقه عاصفة الحزم ساعة الجيوش اتراخت. .. دوشكتنا الوحيده اللا شكت لا ناخت. . كان القوه في قلوب الرججل شاخت. . بنركز ونسعد البي سينا بتتباخت .. في المكسيك رجال سودانا شالو بطوله. . قبال الحروب العالميه الأولى البتخاتفو الميته ام شرف ويسعولا. . مابقهرهن البتقولي ياالمبدوله ……. ساعة سيناء في حربا ضروس كان ناسيه .. فزعوها القلوبن في الشدايد قاسيه. . يوم الردحي في العركه ام خيولا جاسيه. .. فرتقنا الرقاب بقت الكتوف متواسيه … يوغندا وفلسطين من زمن موسليني. . ساعدناها لادولار ولا إسترليني. .. عيبنا انحنا ياام عقلا مصنف صيني… . في دمينا الشجاعه شرف وراثي وجيني نضال حسن الحاج

http://sudanafoogonline.com/%D9%86%D8%B6%D8%A7%D9%84-%D8%A7%D9%84%D8%AD%D8%A7%D8%AC-%D8%AA%D8%B1%D8%AF-%D8%B9%D9%84%D9%8A-%D8%A7%D9%84%D9%83%D8%AA%D8%A7%D8%A8%D8%A9-%D8%A7%D9%84%D9%83%D9%88%D9%8A%D8%AA%D9%8A%D8%A9-%D9%81%D8%AC/

؟

Quote: أنا عن نفسي أشك في صدورها عن روضة الحاج ولكن أعجبني نظمها

يا سيد واضح انك مرتبك
انت نفسك كاتب في العنوان نضال الحاج
وهنا كاتب روضة الحاج

بعدين هي الكاتبة الكويتية ...... ما الكتابة الكويتية

الكتابة دي على وزن الحكامة عندنا في السودان... الحكاية دي ما بتمشي مع العرب ديل...

رويدك ،،،

ليس في الأمر ارتباك بل خطأ عادي جداً

وشكراً

أمس كانت لدينا مداخلات في هذا الموضوع وبقدرة قادر إختفت

فجأة ،،،، إتلحست عديل كدا !!!!!!

يا ربي دا من شنو ؟!!!!!!


هل من مُجيب ؟؟؟؟؟؟