قصة قتيلة المسيد -بقلم أيمان حموري مع صورة لها الرحمة

11:56 AM April, 28 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

ﺳﻼﻡ ﻋﻠﻴﻜﻢ ﻳﺎﺟﻤﺎﻋﻪ
ﻫﻨﺪ ﺍﻭ ﻫﻨﺪﻭﻳﻪ ﻗﺮﻳﺒﺘﻨﺎ ﻭﺟﺎﺭﺗﻨﺎ ﻭﻧﺴﺎﺑﺘﻨﺎ ﺑﺎﺑﻬﻢ ﻓﺎﺗﺢ ﻓﻲ ﺑﺎﺑﻨﺎ ﺍﻟﻘﺼﻪ ﺣﺪﺛﺖ ﻳﻮﻡ ﺍﻟﺘﻼﺗﻪ 12 ﺍﺑﺮﻳﻞ ﺑﻌﺪ ﻣﺎ ﻫﻨﺪ ﺧﻠﺼﺖ ﺍﺧﺮ ﺍﻣﺘﺤﺎﻥ ﺍﻟﻘﺼﻪ ﻣﻦ ﺍﻟﺨﺮﻃﻮﻡ ﻟﻠﻤﺴﻴﺪ ﻭﻟﻴﺴﺖ ﻣﻦ ﺍﻟﻤﺴﻴﺪ ﺍﻟﺨﺮﻃﻮﻡ ﺍﻱ ﺑﻌﺪ ﻫﻨﺪ ﺧﻠﺼﺖ ﺍﻣﺘﺤﺎﻥ ﺿﺮﺏ ﻟﻴﻬﺎ ﻣﺠﺬﻭﺏ ﻭﺩ ﻋﻤﻬﺎ ﺍﻟﻠﻲ ﺭﻓﻀﺘﻪ ﻟﻠﺰﻭﺍﺝ ﺑﺎﻋﺘﺒﺎﺭ ﺍﻟﻘﺼﻪ ﻣﻨﺘﻬﻴﻪ ﺑﺠﻴﻬﻢ ﻓﻲ ﺍﻟﺒﻴﺖ ﻋﺎﺩﻱ ﻧﺴﺖ ﻗﺼﺔ ﺍﻟﺨﻄﻮﺑﻪ ﺿﺮﺏ ﻟﻴﻬﺎ ﻗﺎﻝ ﻟﻴﻬﺎ ﺍﻧﺘﻲ ﻭﻳﻦ ﻗﺎﻟﺖ ﻟﻴﻬﻮ ﺍﻧﺎ ﺧﻠﺼﺖ ﺍﻣﺘﺤﺎﻥ ﻭﻫﻮ ﺍﺻﻼ ﺳﻮﺍﻕ ﺭﻭﺯﺓ ﻗﺎﻝ ﻟﻴﻬﺎ ﺧﻼﺹ ﺍﻧﺎ ﻃﺎﻟﻊ ﺍﻟﻤﺴﻴﺪ ﺗﻌﺎﻟﻲ ﺍﻟﻤﻮﻗﻒ ﻟﻤﺎﺟﺎﺕ ﺍﻟﻤﻮﻗﻒ ﺷﺤﻦ ﻟﺤﺪﻱ ﺑﺘﺮﻱ ﺍﻟﻠﻲ ﺑﻌﺪ ﺳﻮﺑﺎ ﻃﻮﺍﻟﻲ ﻭﻫﻨﺪ ﻗﺎﻣﺖ ﺳﺎﻟﺘﻮ ﻟﻴﻪ ﺷﺤﻨﺖ ﻟﺤﺪﻱ ﺑﺘﺮﻱ ﻗﺎﻝ ﻟﻴﻬﺎ ﻣﻤﻜﻦ ﺍﺷﺤﻦ ﻣﻦ ﺍﻟﻄﺮﻳﻖ ﻭﻋﻨﺪﻱ ﻏﺸﻮﺓ ﻟﻮ ﺍﺣﺪ ﺻﺎﺣﺒﻲ ﻓﻲ ﺍﻟﺒﺎﻗﻴﺮ ﺍﻟﻤﻬﻢ ﺑﻌﺪ ﺍﻟﺮﻛﺎﺏ ﻧﺰﻟﻮ ﺑﺘﺮﻱ ﺑﻘﻮﺍ ﻫﻨﺪﻭﻳﻪ ﻭﻣﺠﺬﻭﺏ ﻓﻲ ﺍﻟﺤﺎﻓﻠﺔ ﺍﻟﻤﻬﻢ ﻟﻤﺎ ﻭﺻﻠﻮ ﺍ ﻗﺼﺎﺩ ﺟﻨﺎﻳﻦ ﺍﻟﺒﺎﻗﻴﺮ ﻧﺰﻝ ﺑﻴﻬﺎ ﻋﻠﻲ ﺍﻟﺠﻨﺎﻳﻦ ﺑﺘﺎﻋﺖ ﺍﻟﺒﺎﻗﻴﺮ ﺟﻤﺐ ﺍﻟﺒﺤﺮ ﻭﻗﺎﻝ ﻟﻴﻬﺎ ﻳﺎ ﺍﻧﺎ ﻳﺎ ﺍﻟﻤﺮﺿﻲ ﺍﻟﻤﺮﺿﻲ ﺩﺍ ﺧﻄﻴﺒﻬﺎ ﺍﻟﺤﺎﻟﻲ ﻗﺎﻟﺖ ﻟﻴﻬﻮ ﺍﻟﻤﺮﺿﻲ ﻗﺎﻡ ﺧﻨﻘﻬﺎ ﻭﻗﻄﻌﺖ ﺷﺮﺍﻳﻨﻬﺎ ﻭﻗﻄﻊ ﺍﺻﺒﻌﻬﺎ ﺍﻟﻔﻴﻬﻮ ﺍﻟﺪﺑﻠﻪ ﺧﻼﻫﺎ ﻓﻲ ﺍﻟﺮﻭﺯﺓ ﻭﺿﺮﺏ ﻟﻲ ﺍﺧﻮﻩ ﻗﺎﺍﻟﻴﻬﻮ ﻋﻤﻠﺖ ﺣﺎﺩﺙ ﺍﺧﻮ ﺍﻓﺘﻜﺮ ﺍﻟﺤﺎﺩﺙ ﻓﻲ ﺍﻟﺸﺎﺭﻉ ﺑﺘﺎﻉ ﺍﻟﺨﺮﻃﻮﻡ ﻣﺪﻧﻲ ﻟﻜﻦ ﻗﺎﻡ ﻗﺎﻟﻴﻪ ﻓﻲ ﺟﻨﺎﻳﻦ ﺍﻟﺒﺎﻗﻴﺮ ﺍﻟﻤﻬﻢ ﺍﺧﻮ ﻭﺯﻭﺟﺘﻪ ﻟﻤﺎ ﺟﻮ ﻟﻘﻮﻩ ﻋﺎﻭﺯ ﻳﺸﻨﻖ ﻧﻔﺴﻪ ﻓﻲ ﺷﺠﺮﺓ ﻭﺍﻟﺮﻭﺯﺓ ﻭﺍﻗﻔﻪ ﺳﺎﻟﻮﺍﻟﺤﺎﺻﻞ ﻗﺎﻝ ﻟﻴﻬﻢ ﺍﻧﺎ ﻗﺘﻠﺖ ﻫﻨﺪﻭﻳﻪ ﻗﺎﻟﻮ ﻭﻳﻨﻬﺎ ﻗﺎﻟﻴﻬﻢ ﻓﻲ ﺍﻟﺮﻭﺯﺓ ﺯﻭﺟﺔ ﺍﺧﻮ ﻃﻠﻌﺖ ﺍﻟﺮﻭﺯﺓ ﻟﻘﺖ ﻫﻨﺪ ﺣﻴﻪ ﺳﺎﻟﺖ ﺍﻧﺘﻲ ﺟﻴﺘﻮ ﻣﻌﺎﻫﻮ ﻛﻴﻒ ﺣﻜﺖ ﻟﻴﻬﺎ ﺍﻟﻘﺼﺔ ﺍﻧﻮ ﺍﺗﺼﻞ ﻋﻠﻴﻬﺎ ﻭﺷﺤﻦ ﻟﺤﺪﻱ ﺑﺘﺮﻱ ﻭﻛﺪﺓ ﺍﻟﻤﻬﻢ ﺍﻟﻜﻼﻡ ﺍﻻﻧﺎ ﺣﻜﻴﺘﻮ ﺩﺍ ﻛﻼﻡ ﺍﻟﻤﺮﺣﻮﻣﻪ ﺍﺍﻟﻤﻮﺿﻮﻉ ﻣﺎﻓﻴﻬﻮ ﺍﻏﺘﺼﺎﺏ ﻭﻻﺍ ﻓﻴﻬﻮ ﺍﻱ ﺷﻲ ﻭﺍﺭﺟﻮ ﺍﻟﻨﺎﺱ ﻣﺎﺗﺨﻮﺽ ﻓﻲ ﺍﻋﺮﺍﺽ ﺍﻟﻨﺎﺱ ﻭﻣﺎﺗﺎﻟﻤﻮ ﺍﻫﻠﻬﺎ ﺍﻛﺘﺮ ﻣﻦ ﺍﻻﻟﻢ ﺍﻟﻬﻢ ﻓﻴﻬﻮ ﺍﻟﺤﺎﺩﺛﻪ ﺑﺸﻌﻪ ﻭﺍﻟﻤﻮﺿﻮﻉ ﻣﺎﺳﺎﻫﻞ ﻣﺎﻓﻲ ﺩﺍﻋﻲ ﻟﻼﺷﺎﻋﺎﺕ ﻭﺯﻳﺎﺩﺓ ﺍﻟﻜﻼﻡ ﻭﺍﻟﻔﺒﺮﻛﺔ ﺭﺍﻋﻮ ﻟﻲ ﻣﺸﺎﻋﺮ ﺍﺳﺮﺗﻬﺎ ﺍﻟﻤﻜﻠﻮﻣﻪ ﺍﻟﻤﻬﻢ ﻫﻨﺪﻭﻳﻪ ﺑﺪﻝ ﻣﺎﻳﺴﻌﻔﻮﻫﺎ ﻟﻲ ﺳﻮﺑﺎ ﺍﺳﻌﻔﻮﻫﺎ ﻟﻲ ﺟﻴﺎﺩ ﻭﻻﻥ ﺍﻟﻤﺴﺎﻓﻪ ﺑﻌﻴﺪﺓ ﻫﻨﺪﻭﻳﻪ ﺍﺗﻮﻓﺖ ﻗﺒﻞ ﻣﺎﺗﺼﻞ ﺟﻴﺎﺩ ﺍﻟﻤﻬﻢ ﺍﻟﻘﺎﺗﻞ ﻣﺸﻲ ﺳﻠﻢ ﻧﻔﺴﻪ ﻟﻠﺸﺮﻃﻪ ﻭﻫﻮ ﻣﺴﺠﻮﻥ ﺍﻻﻥ ﻓﻲ ﺳﺠﻦ ﺍﻟﺒﺎﻗﻴﺮﺟﺪﻫﺎ ﻗﺎﻝ ﻋﻔﻲ ﻋﻦ ﺍﻟﻤﺠﺮﻡ ﻗﺎﻝ ﺍﻟﺒﺖ ﺑﺘﻮ ﻭﺍﻟﻮﻟﺪ ﻭﻟﺪﻭ ﻭﻟﻜﻦ ﺍﻟﻨﺎﺱ ﺍﺣﺘﺠﺖ ﻭﻗﺎﻟﻮ ﻻﺯﻡ ﺍﺗﻌﺪﻡ ﻭﺣﺎ ﺍﺣﻜﻢ ﻋﻠﻴﻬﻮ ﺑﺎﻻﻋﺪﺍﻡ ﺍﻧﺸﺎﺀﺍﻟﻠﻪ ﻡ ﺍﺩﻋﻮ ﻟﻬﺎ ﺑﺎﻟﺮﺣﻤﻪ ﻭﺍﻟﻤﻐﻔﺮﺓ ﺍﻥ ﺍﻟﻌﻴﻦ ﻟﺘﺪﻣﻊ ﻭﺍﻟﻘﻠﺐ ﻟﻴﺤﺰﻥ ﻭﺍﻧﺎ ﻟﻔﺮﺍﻗﻚ ﻳﺎﻫﻨﺪ ﻟﻤﺤﺰﻧﻮﻥ
ﺍﻳﻤﺎﻥ ﺣﻤﻮﺭﻱ
ﻣﻨﻘﻮﻭﻭﻭﻭﻝ عن الاستاذة أيمان حموري
صورة القتيلة