|
|
|
 Re: الشعب ماغالباهو الثوره الخوف من هلمجره (Re: حمزاوي)
|
Quote:
لك التحية حامد بدري
نعم الثورة والتغيير
والموقف من اخفاقات الماضي
والمراجعة والحسم
من اجل مسار صحيح
وخلاص بلا انكفى او رجعة للوراء
احترامي |
لمتين يااخوي ده ربع قرن من الزمان لايوجد حتى جسم موحد للمعارضة في الشتات والاحزاب نفسها زي مااتا شايف حزب واحد بمارس نقد ذاتي وديمقراطية جواو ماف قناة تلفزيونة تفضح ممارسات النظام
مااسوا ان تكون ضعيفا ياابوروضة الانقاذ فعلت بنا كل شئ وماعندنا حيلة نشكي امرنا لله
| |
 
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
| Quote: لمتين يااخوي ده ربع قرن من الزمان لايوجد حتى جسم موحد للمعارضة في الشتات والاحزاب نفسها زي مااتا |
حامد الصبر ياااخ
خلينا نشوف نهاية الحراك ده
واتمنى انو ينجح في ازالة النظام
واذا لا ..
على الاحزاب ان تنتظر اللوم
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: الامين موسى البشاري)
|
Quote: لقيت البلد خلاء ..
والله زمان تكتب بوست زي دا
الا كان نشوف عجاجة كرعيك والانصار ساكينك
حد يصحي الكونت وعمر فضل الله |
البشاري صباح الخيرات
كدي ادخل الفيس وشوف الانصار واقعين في الراس الكبيرة خبت القصة بقت واضحة بعدين البورض ده مافيو انصار خلى اليجو نجيب ليهم خطاب هلمجره ونخلى المايشتري يتفرج
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
Quote:
Suliman Raffai · Los Angeles, California
حامد بدري
--------
هلمجرا....الصادق المهدي وجماعة الفتة ....يسيرون خلف الشيوعيين الفاضيين. خلونا نصبر على هؤلاء اللصوص إمكن ضميرهم يصحا...في يوم من الايام الكالحة
أعجبني · رد · 21 ساعة |
ود الرفاعي صباح الخير
العالم بقى محكوم بالمصلحة والشيوعيين نصهم الان ينعم بالديمقراطية والجوازات الاوروبية في قلب الامبريالية الراسمالية
بالنسبة لي هؤلاء فماعندهم ضمير اديك مثال الليلة دي بستمع لى شخص من ذوي الاحتياجات الخاصة يعلم الله رجل بكل ماتحمل الكلمة من معنى وهو مناضل شريف اتعرض لي مضايقات من قبل اجهزة الامن طوالي اتذكرتا صاروخ الاحتلال النزل فوق راس الشيخ احمد يسين عليه الرحمة وهو راجع من صلاة الفجر ولافرق بين سلطة الاحتلال ونظام الخرطوم فكلاهما يضرب العزل بالرصاص الحي ويجررف الاراضي لمصلحته
جامعة الخرطوم عايزين يلحقوها السوق واسلحة المدرعات والذخيرة في قلب الاراضي السكنية بعدين اتا صبرك ده قدر شنو اكتر من ربع قرن يشيلو الكباري المنهارة والاكلت الجقور دي ويتخارجو كبري امدرمان القديم وبحري شغالات تش بس وين يرجع لينا السوداني واخلاقو الطاهرة ديل خربو ايو شئ ذهابوم ظاتو زيو والسرطان احتمال كبير نموت كلنا
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
الاحباط الوصلنا ليو فات الحدود معارضة ضعيفة ونظام دكتاتوري ياكل شعبو الحنضل
عاجبني اسر شهدا رمضان من الضباط الاعدموهم نهار رمضان وفي واحدة منهن يوم وفاة شمس الدين بالطائرة محترقا قالت
سمعت بالخبر عبر الراديو.. أتاني الله قوة عجيبة حملت بها ابنائي الأربعة وضممتهم.. وصرت اصرخ: الله جاب ليكم تار ابوكم.. واضرب برأسي في الحائط.. ليس داخل المنزل وانما في شارع الحلة
وهل فينا من يستطيع أن ينتقد مثل هكذا مواقف..
هذا النظام وافاعيله هي ما اوصلتنا لهذا الحد..
بكرة يموت واحد تاني محترقا يجوني ناس اذكروا محاسن
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
عزة الفراق بي طال كتبا شاعرها عشان مرق من امدر فررد ليلة مابالكم بمن فارق الديار غصبا عنو عشرين سنة وتلتين سنة تقومو طوالي تجردو من وطنيتو وكيبوردو ده اضعف الايمان الله يرضى عليكم خلو
في بوست مجاور واحد قال قاعدين في الكندشة ماتنظرو فينا ويجي المفتاح عشان وافق الكلام هواوو وقاليو ديل بتاعين كلام ولغو ساي على الدين الملاواة هنا مع الكفيل ومكتب العمل وساهر براهن انتفاضة تقطع من لحمك الحي تلتق علاج اخوك في مصر والسكري والايجارات ودراسة الطلبة مع الاسعار المولعه نار برا الاغتراب كان زمان البلد داك مات بالجوع فماتظلمو المغترب مرتين لاخنا العهود لا بنتنازل عن الصمود في وجه الكيزان اخوان الشيطان
المقولة العفوية الاترددت في مقتل محمد الصادق الكتلو منو كتلو الكيزان حتتردد بواسطة جدران المقابر لتسمع من كان به صمم
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
صباح الخير
كتير مرات بكون في احداث داخل الخرطوم بتذكر مرة في قضية الحماداب الشجرة والمظاهرات واستشهاد امراة من الحماداب دقيت تلفون على بيت عمي لزم وفي الحماداب نفسها وبيت المرحومة شارعين بس منهم ماكان عندهم خبر بالموضوع
الميديا ووسائل التواصل المفروض نوظفا ونستفيد من الكيبوردات في ايصال المعلومة لاكبر قدر ونخلى العالم كلو يسمع ويشوف ودونكم جرائم بشار والشبيخة في سوريا
والنية تسبق العمل وكيبوردات الخارج هي اكتر من اكتوى بهجير النظام ومازال يدفع من دم قلبو وهو في عضمو ماعندو اليسد رمقو فماتكتلونا مرتين فلوعة الحرمان من الارض والاهل براها عذاب
Quote:
أحلام مستغانمي
من رواية عابر سرير
النّاس تحسدك دائماً على شيءٍ لا يستحقّ الحسد؛ لأنّ متاعهم هو سقوط متاعك، حتّى على الغربة يحسدونك، كأنّما التشرّد مكسب وعليك أن تدفع ضريبته نقداً وحقداً.
فالغربة يا رجل فاجعة يتم إدراكها على مراحل, ولا يستكمل الوعي بها إلا بانغلاق ذلك التّابوت على أسئلتك الّتي بقيت مفتوحةً عمراً بأكمله، ولن تكون هنا يومها لتعرف كم كنت غريباً قبل ذلك؟ ولا كم ستصبح منفيّاً بعد الآن؟
هل يعلم الصّحبُ أنّي بعد فرقتهم
أبيت أرعى نجوم اليل سهرانا
أقضي الزمان ولا أقضي به وطراً
وأقطع الدّهر أشواقاً وأشجانا
ولا قريب إذا أصبحت في حزنٍ
إنّ الغريب حزين حيثما كانا |
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
سلامات يا حامد | Quote: الميديا ووسائل التواصل المفروض نوظفا ونستفيد من الكيبوردات في ايصال المعلومة لاكبر قدر ونخلى العالم كلو يسمع ويشوف ودونكم جرائم بشار والشبيخة في سوريا |
مع تحرّي المصداقية بالطبع, الجنوح للإثارة و اللفحي و عدم التأكّد و كتابة الأماني بدلا عن الأخبار الحقيقية الصادقة تفقد الكيبورد السايبري مصداقيته على نسق هجم النمر حتى لا احد يصدقه او يلقي له بالا عندما يهجم النمر جد جد
| |
|
|
|
|
|
|
|
|
Re: الشعب ماغالباهو الثوره الخوف من هلمجره (Re: اسامه العريفي)
|
| Quote: مع تحرّي المصداقية بالطبع, الجنوح للإثارة و اللفحي و عدم التأكّد و كتابة الأماني بدلا عن الأخبار الحقيقية الصادقة تفقد الكيبورد السايبري مصداقيته على نسق هجم النمر حتى لا احد يصدقه او يلقي له بالا عندما يهجم النمر جد جد |
ود البشرى سلامات
ايو غلو او تطرف بفقد الفكرة من محتواها فكرة شنو التدين ده لو صاحبو بضيييعو
لامن يكون في قنوات رسمية تتبنى الحدث ناس اللفحي بذوبو في فنجان
الصدق ده ديدن الرجال الزول الكضاب ده ماعندو مكان وسط الناس وبتكشف سرييع
الان جوال واشتراك في نت بجعل منك صحفي وبي قناة في اليوتيوب كمان توثق لشغلك
| |
|
|
|
|
|
|
|
|
 Re: الشعب ماغالباهو الثوره الخوف من هلمجره (Re: اسامه العريفي)
|
| Quote: ممكن يا خال تضيف معاهم السفارة |
هههههههههه يخلخل ضروسك انا خال انا عمتك
ظكرتني مرة عمي كانت سمحة سماحة كافرة عديل وعندها صلب ورقبة تقول ياليل وفي الشبال مابتدي لايو شنب المهم كانت جميلة حد الغرور لامن كبرت ولبست الطقم يوم بدون مااشعر سلمتا عليها ازيك ياحبوبة عشة قالت لي برطانة واضحة ووش مستغرب وشلوفة معكوفة ومعاها جووووب اكا جووووبا تحبك فاطنة حمامة اشنا واحدة في البلد ومهسترة كمان انا عمتك ياولد عمتك
السفارة في العمارة فلم عادل امام ده حالنا معارضة وحكومة
هسة اتا داير تهيييج علينا دينق ماصدقنا سكت مننا 
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: حامد بدري)
|
| Quote: الصدق ده ديدن الرجال الزول الكضاب ده ماعندو مكان وسط الناس وبتكشف سرييع |
هو من ناحية بتكشف سريع دي معاك فيها, لكن قصة ما عندو مكان عند الناس دي في الزمن العلينا دا فيها قولان
ياخوي الكضاب بقى رئيس عديل كدا و ينادى من ناسه بالمجاهد الأسد الفعل الترك, وعلى الضفة الأخرى الكضّاب بقى مناضل كبير ليه ضل و يلقّب من ناسه - برضه - بالنبيل و الشريف و السلطان والأرو و الكنداك و البطيخ وهلم القاب فارغة
______________
أوعى اكون خربت ليك البوست لا سمح الله 
| |
|
|
|
|
|
|
|
|
|
Re: الشعب ماغالباهو الثوره الخوف من هلمجره (Re: محمد البشرى الخضر)
|
| Quote: ياخوي الكضاب بقى رئيس عديل كدا و ينادى من ناسه بالمجاهد الأسد الفعل الترك, وعلى الضفة الأخرى الكضّاب بقى مناضل كبير ليه ضل و يلقّب من ناسه - برضه - بالنبيل و الشريف و السلطان والأرو و الكنداك و البطيخ وهلم القاب فارغة |
ده مامضمون البوست ظاتو وبين الضفتين ضعنا
| Quote: أوعى اكون خربت ليك البوست لا سمح الله |
بالعكس ياخ خد راحتك
المطبلاتية لو اجتمعوا مليون مابغيروا حقيقة ماثلة للعيان
وبرضو بقوليك ماعندو مكان بين الرجال اتا شوفك ده بس من ناحية المنبر والاصطفاف والشلليات المستحيل فيها يتم نقد ذاتي او من باب المؤمن مرآة اخيه وهنا نقول مافي فرق بين ديل وديلاك ناس خلوها مستورة
| |
|
|
|
|
|
|
| |
حامد بدري
فرح الطاهر ابو روضة
ناصر حسين محمد
جلالدونا
الامين موسى البشاري
عادل الباهي عبدالرازق
محمد مجيدو
محمد البشرى الخضر
اسامه العريفي
فيس بوك
تويتر
انستقرام
يوتيوب
بنتيريست