احتِفَاءً بالمحبه

07:53 AM April, 25 2016

سودانيز اون لاين
Abdelrahim Mohmed Salih-
مكتبتى
رابط مختصر

أبلغ عزيزاً فى ثنايا القلــــــب منزله
أنى وإن كنـــــت لا ألقاه ألقــــــــاه
وإن طرفى موصــــــول برؤيتــــــــه
وإن تباعــــــد عن سكناى سكنــاه
يا ليته يعلــــــم أنى لست أذكـــره
وكيـــــــف اذكره إذ لست أنســــاه
يا مـــــــن توهم أنى لست أذكــره
والله يعلـــــــم أنى لست أنســــاه
إن غـــــاب عنى فالروح مسكنــــه
من يسكن الروح كيف القلب ينساه


• الأبيات أعلاه هناك من ينسبها لابو الطيب المتنبي وهناك من يرجعها ل على بن الجهم(صاحب عيون المها)
من يمتلك معلومات أكثر لها ان يمددنا بها

فكره البوست تكونت بعفوية بعد أن مررت بعدد من البوستات هذا الصباح
وبداء لى كانى اتنقل بين حقول من الألغام لا تعرف متى يصبيك واحد منها
أتفهم أن تكون هناك وجهات نظر مختلفه مصحوبه بحده فى طرح الآراء و الافكار(بلغه أهل الكوره عنف قانونى) مما يثرى النقاش ويكسبه حيويه
لكن ما اراه هنا ضراوه فى العداوه مستمره تحركها طاقه عجيبه لاتنفد مصحوبه برغبه فى سحق الآخر وإزالة وجوده
لاتترك مجال للتراجع كأنها مهمه حياه☺

لعل إحدى قدامى المحاربين يفترع لنا بوست بعنوان
مدخل إلى فهم ميكانزم سودانيزونلاين أو التفسير السريع لتجنب الغربق😊

نحن اصلا ناسك يا محبة
زول نحبو وزول نريدو
والبفوت ريدتنا برضو نفرح بي جديدو
حبابك عبدالرحمن
لا تشبه شعر المتنبي
انا غايتو لا املك سوي الحب واحتفي به

يا هلا بيك عبدالحفيظ

كلام جميل من السهل الممتنع
وجاء فى الاثر العندو محبه ما خلا الحبه و ربنا يهنيك بالمحبه
و اتفق معاك الشعر ما بشبه كلام المتنبى ربما أقرب ل على بن الجهم وحتى هذه غير مؤكده
مؤكد فقط تلكم المحبه الساطعه ...تفنى ذات فى ذات كضوء فى اثير
و ماتنسى تشوف لينا بوست المدخل لفهم سودانيزونلاين باعتبارك من قدامى المحاربين هنا☺
عبدالرحيم

الأخوة الافاضل .. عبد الرحيم .. وود ابوسن .

لكما التحية ..

وانا معكم من المحتفين .

Quote: إن غـــــاب عنى فالروح مسكنــــه من يسكن الروح كيف القلب ينساه

حلفتكم بالمحبة البوست دا ماتفرطو فيهو لانه بداية
شرارة للهيب الحب والجمال ,,

واحب الحب وايامو ..

ودمتم ..

تحياتى يا بت عمسيب
ب لهبك و نيرانك☺
يا ريت تختى لينا معاك جبنه فى النار دى
فنحن قوم نعظم القهوه و المحبه
وإذا ربنا هون سأكتب يوما ما عن القهوه بوست منفصل ...منشاه البن و أنواعه و طقوس شرب القهوه و دورها السياسى و حل الصراعات و ما أحوجنا لقهوه حل الصراعات هنا
زارتنا البركه يا منى و اعتبرى الدار دارك