Post: #1
Title: جوازات مطار الخرطوم والمغتربين (الزيارات العائلية)
Author: مصعب عوض الكريم علي
Date: 04-25-2016, 08:31 AM
Parent: #0
07:31 AM April, 25 2016 سودانيز اون لاين
مصعب عوض الكريم علي-
مكتبتى
رابط مختصر
كل يوم طريقة جديدة .. واجراءات جديدة .
جوازات المغتربين طلبوا من شخص جاي السعودية بزيارة عائلية ان يقدم لهم تذاكر سفر ذهاب وعودة حتى يعطوه تأشيرة الخروج !
جوازات المطار عدة مرات يطالبوا الشخص الذي يريد السفر زيارة عائلية ان يكون بحوزته تذاكر ذهاب واياب !!.
|
Post: #2
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 09:44 AM
Parent: #1
سلامات يا مصعب,,,
طلب صحيح وطبيعى وعادى جدا!!!!!!!!
تذكرة بإتجاه واحد لشخص مسافر لإقامة
أو دراسة طويلة لكن زيارة لازم تذاكر
سفر وعودة!!!!!
وحتى شركات الطيران لا تريد أن تتحمل
أى أخطاء أو لخبطات أخرى طالما زائر
وليس مقيم ..
تحياتى
|
Post: #3
Title: Re: جوازات مطار الخرطوم والمغتربين (الزيارات
Author: طارق زروق
Date: 04-25-2016, 10:06 AM
Parent: #2
| Quote: طلب صحيح وطبيعى وعادى جدا!!!!!!!! |
ياتو دولة في العالم كلو بتفرض الحصول علي تاشيرة خروج مسبقة لمغادرة وطنك غير السودان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #5
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 10:11 AM
Parent: #3
| Quote: ياتو دولة في العالم كلو بتفرض الحصول علي تاشيرة خروج مسبقة لمغادرة وطنك غير السودان؟ |
كلامك صحيح انا لاحظت للحاجة دي بعد كلامك ..
|
Post: #4
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 10:10 AM
Parent: #2
Quote:
طلب صحيح وطبيعى وعادى جدا!!!!!!!!
تذكرة بإتجاه واحد لشخص مسافر لإقامة
أو دراسة طويلة لكن زيارة لازم تذاكر
سفر وعودة!!!!!
وحتى شركات الطيران لا تريد أن تتحمل
أى أخطاء أو لخبطات أخرى طالما زائر
وليس مقيم .. |
لخطبطات في شنو؟
انا حجزت اتجاه واحد لاني ما عارف الزائر برجع متى ..
وهو على مسئوليتي انا ولا توجد مسئولية على شركات الطيران .
الواحد لو ما مقتدر ما بجيب شخص زيارة !
|
Post: #6
Title: Re: جوازات مطار الخرطوم والمغتربين (الزيارات
Author: ابوحراز
Date: 04-25-2016, 10:29 AM
Parent: #4
استقبلت العائلة التي اتت زيارة هذه المرة
استقبلتهم يوم السبت بمطار الملك عبد العزيز بجدة قبل يومين
وسبق ان حجزت لهم تذكرة مغادرة من الخرطوم
ولم احجز لهم تذكرة اخرى
لم يسالهم اي احد عن تذكرة اخرى خاصة بالعودة
لكن كل شيء متوقع مرات في هيصة في الاجراءات
العودة يمكن انتكون بعد اسبوع او شهر او ستة اشهر
فكيف يتم المطالبة بتذكرة عودة ؟؟؟؟
واي قروش هنا تدخل في جيب طيران ناس
والله تاني ما تشم ريحتها
واذا تم الغاء الحجز لأي ظروف يتم خصم 200 ريال رسوم الغاء حجز
ومن ثم يتم خصم 150 ريال عن كل تذكرة
واذا عندك باقي غصبا عنك تسافر بيهو معاهم
كمان قال شنو من شروطهم
ممنوع اصطحاب الجثث !!!!
|
Post: #8
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 10:38 AM
Parent: #4
سلامات أخي طارق,,Quote: Quote: طلب صحيح وطبيعى وعادى جدا!!!!!!!!
ياتو دولة في العالم كلو بتفرض الحصول علي تاشيرة خروج مسبقة لمغادرة وطنك غير السودان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
العادى والطبيعى الذى أتكلم عنه أنا هو أن تطالبك شركات الطيران بتذكرة العودة في حالة الزيارة وهذا أظنه ليس جديدا!!!!!!!!!!
أما تأشيرة الخروج فكلامك صحيح ليست كل الدول تطالب مواطنها بها ولكن بعضها يفعل وإن كان القرق بيننا
وبينهم هو تعقيد الإجراءآت ورسومها العالية جدا,,
تحياتى
|
Post: #10
Title: Re: جوازات مطار الخرطوم والمغتربين (الزيارات
Author: Osama Mirghani
Date: 04-25-2016, 10:50 AM
Parent: #2
أخونا الطيب ..........ياخى هل تكتب عشان تعرض وبس .........ولا طلب طبيعي ولا حاجة
|
Post: #7
Title: Re: جوازات مطار الخرطوم والمغتربين (الزيارات
Author: ياسر منصور عثمان
Date: 04-25-2016, 10:33 AM
Parent: #1
سلام مصعب وضيوفه الاكارم
عن تجربة...الزول الجاي زيارة يمشي يعمل التأشيرة من اي مكتب جوازات ما يمشي المغتربين
زحمة وتعقيدات فارغة
مع ودي
|
Post: #9
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 10:45 AM
Parent: #7
سلام يا معاوية,,Quote: لخطبطات في شنو؟
انا حجزت اتجاه واحد لاني ما عارف الزائر برجع متى ..
وهو على مسئوليتي انا ولا توجد مسئولية على شركات الطيران .
الواحد لو ما مقتدر ما بجيب شخص زيارة ! |
الزائر دا مدة زيارتو مفروض محددة بزمن معين صاح؟
اللخبطة بتكون في حالات كثيرة وأبسطها شغلانة العمرة وزوغة مثلا!!
وفي دول أخرى لا تود شركات الطيران أن تتحمل كلفة إرجاع الزائر
دا (في حالات عدم الإلتزام بمدة الزيارة مثلا) على نفقتها!!!
موظف الطيران أو الجوازات مسؤوليتو إنو يتأكد من تذكرة عودتك
في حالة أنك ماشى زيارة وراجع بلدك تانى على ما أظن يا حبيب,,
تحياتى
|
Post: #12
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 10:55 AM
Parent: #9
أخي أسامة ميرغني سلامات,,| Quote: أخونا الطيب ..........ياخى هل تكتب عشان تعرض وبس .........ولا طلب طبيعي ولا حاجة |
أعرض شنو ؟ والما طبيعى كذلك شنو!!!
ممكن توضح لو سمحت؟
تحياتى
|
Post: #13
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 10:57 AM
Parent: #9
Quote: الزائر دا مدة زيارتو مفروض محددة بزمن معين صاح؟
اللخبطة بتكون في حالات كثيرة وأبسطها شغلانة العمرة وزوغة مثلا!! |
ايمن الطيب تحياتي ...
الزيارة (3) شهور وبامكاني اجددها لمدة (3) شهور اخرى .. وفي خلال المدة دي لو عايز يسافر في اي زمن ويرجع السودان ما علي الا اقطع ليهو تذكرة فقط.
لماذا اتقيد بتذكرة اياب وانا اصلا ما عارف بيرجع الزائر متى ؟
|
Post: #11
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 10:51 AM
Parent: #7
Quote: عن تجربة...الزول الجاي زيارة يمشي يعمل التأشيرة من اي مكتب جوازات ما يمشي المغتربين
زحمة وتعقيدات فارغة |
دي معلومة جديدة
الناس ما بتعرف الاجراءات ..
كل الذي نعرفه ان التاشيرة لازم المغتربين
|
Post: #14
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 11:02 AM
Parent: #11
Quote: دي معلومة جديدة
الناس ما بتعرف الاجراءات ..
كل الذي نعرفه ان التاشيرة لازم المغتربين |
إذا كنت تحمل إقامة دولة ما في جوازك,,
فالمغتربين هو المكان!! (الضرائب والخدمة الإلزامية وملفك كمغترب موجود هناك)
غير كدا أى مكان تانى تأشر فيهو حتى لو برة الخرطوم!!
|
Post: #15
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 11:11 AM
Parent: #14
يا مصعب,,| Quote: لماذا اتقيد بتذكرة اياب وانا اصلا ما عارف بيرجع الزائر متى ؟ |
يا حبيب طالما الموضوع زيارة يبقى لازم تذكرة عودة,,
التذكرة ممكن تكون مدتها شهر أو ستة شهور أو سنة حتى!!!
انا ما عارف إنت مستغرب القصة ليه!!!
شركات الطيران عايزة تأمن نفسها وتبيع في نفس الوقت!!
طالما ماشى زيارة لازم تذتكرة عودة وفي حالة تفيير القصة
وزول الزيارة دا بقى مقيم مثلا لك أن تسترجع جزء من سعر
التذكرة في بعض الحالات وحالات أخرى الله يعوض,,
تحياتى
|
Post: #16
Title: Re: جوازات مطار الخرطوم والمغتربين (الزيارات
Author: Osama Mirghani
Date: 04-25-2016, 11:39 AM
Parent: #15
أقصد عشان تعارض وبس ...نأسف للخطأ
الما طبيعي أن تطلب الجوزات تذكرة ذهاب وإياب ....وهنا أقصد الجوازات السودانية .....ولو طلبوه السعوديون ...ممكن يكون مفهوم السبب. ثانيا أن تكون مطالب بتأشيرة خروج هو أصلا إجراء غير طبيعي ...
تحياتي
|
Post: #17
Title: Re: جوازات مطار الخرطوم والمغتربين (الزيارات
Author: Osama Mirghani
Date: 04-25-2016, 11:45 AM
Parent: #15
أقصد عشان تعارض وبس ...نأسف للخطأ
الما طبيعي أن تطلب الجوزات تذكرة ذهاب وإياب ....وهنا أقصد الجوازات السودانية .....ولو طلبوه السعوديون ...ممكن يكون مفهوم السبب. ثانيا أن تكون مطالب بتأشيرة خروج هو أصلا إجراء غير طبيعي ...
تحياتي
|
Post: #18
Title: Re: جوازات مطار الخرطوم والمغتربين (الزيارات
Author: عمر السلمة
Date: 04-25-2016, 11:46 AM
Parent: #1
الخطوط السعودية فقط تشترط تذكرة ذهاب واياب
طيران ناس ما عندهم مشكلة
عن تجربة قبل كم شهر كدا
|
Post: #19
Title: Re: جوازات مطار الخرطوم والمغتربين (الزيارات
Author: aosman
Date: 04-25-2016, 11:55 AM
Parent: #1
الحمد لله مشاكل السودان إتحلت ...... فضلت لينا بس مشكلة تذاكر الذهاب والعودة ........ سؤال: هل ما زال موظفي الخطوط السعودية بفتشوا الركاب عند الصعود في نهاية سلم الطائرة وبعد ما مروا من تفتشي مطار الخرطوم؟ وهل في واحد فيكم شاف الحالة دي في دولة تانية؟
|
Post: #20
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 12:12 PM
Parent: #19
| Quote: أقصد عشان تعارض وبس ... |
أبدا !!
نقاش طبيعى ولو لديك ما يثبت خطأ في كلام كتبته
ممكن يتقال بشكل أريح من الحكم المطلق الفوق دا!!!!!
مسافر لأي مكان لا تقيم فيه زائرا فقط عليك بتذكرة العودة,,
تاشيرة الخروج من بلدك وإلزامك بها دا أصلا ما نقاشنا ولا
غلاطنا,,,
تحياتى
|
Post: #21
Title: Re: جوازات مطار الخرطوم والمغتربين (الزيارات
Author: محمد البشرى الخضر
Date: 04-25-2016, 12:25 PM
Parent: #20
هههه
غالط يا أيمن ... غالط كويّس
|
Post: #22
Title: Re: جوازات مطار الخرطوم والمغتربين (الزيارات
Author: أيمن الطيب
Date: 04-25-2016, 12:47 PM
Parent: #21
Quote: هههه
غالط يا أيمن ... غالط كويّس |
شوية كدا وبلحقك يا ود البشرى
,,
الحقيقة فعلا في سوء فهم وقصدى أنا إنو طلب تذكرة العودة في حالة الزيارة
من خطوط الطيران وليس من وزارة الداخلية!!!
أنا آسف وبعتذر والله,,
تحياتى
|
Post: #23
Title: Re: جوازات مطار الخرطوم والمغتربين (الزيارات
Author: محمد البشرى الخضر
Date: 04-25-2016, 01:06 PM
Parent: #22
لا ياخ فرق كبير أنا بغالط في حاجة فاهمها كويس
انت مش ماا فاهم وبس, لا و كمان شنو... غالاااااط تسل الروح 
|
Post: #25
Title: Re: جوازات مطار الخرطوم والمغتربين (الزيارات
Author: حامد بدري
Date: 04-25-2016, 01:12 PM
Parent: #23
| Quote: انت مش ماا فاهم وبس, لا و كمان شنو... غالاااااط تسل الروح |
هههههههههههههههههههههههه السلام عليكم
السعودية كلام ايمن صاح
خمستاشر سنة بجيب الوالدة زيارة سنويا بدون تذكرة ذهاب واياب كن نططتا مابتجي بالذات الخطوط السعودية
|
Post: #24
Title: Re: جوازات مطار الخرطوم والمغتربين (الزيارات
Author: اسامه العريفي
Date: 04-25-2016, 01:10 PM
Parent: #22
والله يا مصعب موضوعك عجيب
يفكوك من استخراج الجواز تقوم
تقبل علي جوازات مطار الخرطوم
والمغتربين
|
Post: #27
Title: Re: جوازات مطار الخرطوم والمغتربين (الزيارات
Author: حسين عبد المجيد
Date: 04-25-2016, 01:24 PM
Parent: #24
على الخطوط السعودية لازم تذكرة ذهاب واياب لاكن على طيران ناس م عندهم مشكلة ذهاب فقط امورك تسلك
|
Post: #28
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 01:53 PM
Parent: #24
Quote: والله يا مصعب موضوعك عجيب
يفكوك من استخراج الجواز تقوم
تقبل علي جوازات مطار الخرطوم
والمغتربين |
هههههههه
دي الحاجات القاعدة تواجهنا بصورة دائمة .. عشان كده عايزين الناس تتحاور فيها والكل يعرف الاجراءات
على الاقل الشخص اللي يبحث عن الموضوع يجد الاجابات او على الاقل الحوارات
|
Post: #26
Title: Re: جوازات مطار الخرطوم والمغتربين (الزيارات
Author: الحاج حمد الحاج
Date: 04-25-2016, 01:23 PM
Parent: #22
الاخ ايمنتحياتي| Quote: العادى والطبيعى الذى أتكلم عنه أنا هو أن تطالبك شركات الطيران بتذكرة العودة في حالة الزيارة وهذا أظنه ليس جديدا!!!!!!!!!! |
ليس من حق شركات الطيران ان تطلب منك تذكرة عودة سواء كان هذا الامر جديد او ليس جديد| Quote: الزائر دا مدة زيارتو مفروض محددة بزمن معين صاح؟ |
ما صاح لأنو ممكن يجي بزيارة مدتها شهر و تمدد حتى 6 أشهر| Quote: اللخبطة بتكون في حالات كثيرة وأبسطها شغلانة العمرة وزوغة مثلا!! |
انت من زمن عمرة و زوغة هسع بي اقامتك ان شاء الله تلقى شغل!!| Quote: وفي دول أخرى لا تود شركات الطيران أن تتحمل كلفة إرجاع الزائردا (في حالات عدم الإلتزام بمدة الزيارة مثلا) على نفقتها!!! |
شركات الطيران ما عندها علاقة بي التزام الزائر بي مدة الزيارة لانو عادي ممكن الذهاب يكون عن طريق شركة طيران و العودة تكون عن طريق شركة طيران أخرى
|
Post: #29
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 02:49 PM
Parent: #26
الالزام بتذكرة العودة في رايئ المتواضع غير منطقي .. مرات الواحد عايز يمدد الزيارة او عايز يسافر قبل نهايتها .. لانه اصلا غير محدد وقت العودة .. والكلام ده معروف للجميع .
طالما الزائر عندو تذكرة ذهاب مفروض يسمحوا ليهو بالمغادرة .. في السعودية الزيارة اذا انتهت مدتها دون ان يغادر الزائر يتحمل الشخص طالب الزيارة كل التبعات القانونية وفيها غرامة وترحيل وووو حسب القوانين الجديدة .
ما من حق الجوازات في مطار الخرطوم اشتراط ان يكون لديك تذاكر ذهاب وعودة .. لان الطلب ده غير مبرر ولا منطقي
|
Post: #30
Title: Re: جوازات مطار الخرطوم والمغتربين (الزيارات
Author: الامين موسى البشاري
Date: 04-25-2016, 03:01 PM
Parent: #26
سلام ...
عادي ومطلب منطقي ..من السعودية وغير منطقي من جهاز المغتربين
الغير منطقي هو أن تطلب السلطات السودانية ذلك
ومن حق السعودية أن تطلب تذكرتي سفر ذهاب وعودة عند منح التأشيرة وهذا حق اصيل لها
لكي تضمن عودة الزائر ...
اما طلب جهاز المغتربين فليس من حقهم بأي حال من الاحوال .. ودخلهم اصلا شنو؟
حدث معي هذا الامر العام الماضي وهذا العام ايضا طلبوا مني تذكرة ذهاب وعودة
المزعلني الزيارة شهر واحد وهناك امكانية لتمديدها لتصل الى ثلاثة اشهر كحد اقصي
وبالكرباوي الى ما شاء الله :)
والخطوط السعودية اجبرتني على تحديد العودة بشهر بحسب التأشيرة الممنوحة في الجواز
اجبارهم لي لتحديد العودة بشهر جعلني ادفع 500 ريال لتغيير الحجوزات الى 3 اشهر بدل العودة بعد شهر
المهم هسي انا مجهز الخمسية حقتهم :) بتاعت تعديل التذاكر
الكثير من الدول تطلب توفير تذكرة سفر ذهاب وعودة قبل أن تمنحك تأشيرة زيارة أو سياحة
تحياتي
|
Post: #31
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-25-2016, 03:09 PM
Parent: #30
ان يتم طلب تذاكر ذهاب واياب من السلطات السعودية كشرط لاصدار تاشيرة الزيارة يعتبر طلب منطقي ومن حقهم . وحاليا قاعدين يدرسوا موضوع التامين الطبي للزائرين .. قد يشترطوا مستقبلا ان ترفق مع طلب الزيارة بوليصة تامين طبي .. وهذا من حقهم .
لكن ليس من حق الجوازات السودانية الطلب هذا . لا يمكن احجز زهاب وعودة ولما امدد تاريخ العودة امشي الغي التذكرة وادفع فرق سعر !!
حصلت معاي حكاية في 2009م عندما سافرت للسعودية بتاشيرة عمل ..
مشيت احجز في الخطوط السودانية قالوا لي لازم تقطع ذهاب وعودة .. قطعت ذهاب وعودة ومارجعت السودان الا بعد سنتين ونص .. ولا راجعتهم للالغاء او استرداد المبلغ !!
|
Post: #32
Title: Re: جوازات مطار الخرطوم والمغتربين (الزيارات
Author: ابوحراز
Date: 04-26-2016, 07:05 AM
Parent: #31
توجد مشكلة اخرى قد واجهت الخطوط السعودية
ولازالت تواجهها كل يوم
لدرجة ان الخطوط السعودية نقت كثيرا في هذا الموضوع
وقد لمست ذلك حينما ذهبت لاستقبال احد الأقارب بالسودان
وتتمثل المشكلة هذه في المقيمين
والذين يدخلون بتاشيرات عمل
ويكونوا قد سبق وان عملوا بالمملكة وسافروا لظروف ما بعد ان تم تبصيهم
وتلعب بعض الوكالات هنا في حال ترحيل الأجنبي دورا في تسفيره
حيث ياتون له بوثيقة سفر على ما يبدو وكثيرا
ما يخرج بعضهم باسم { أم ضريوة } وياتي باسم { الحشرو عباس } !!!
اي ياتي باسمه الحقيقي
وهؤلاء يتم حجزهم في صالة القدوم
والدخول لمقابلتهم صعب للغاية
وقد بذلت جهدا كبيرا في الدخول لأحدهم
واتضح لي من سلطات المطار انه خرج باسم ودخل باسم آخر
السؤال : على من يكون عاتق ارجاع هؤلاء ؟؟؟
بالطبع على الخطوط السعودية
واعتقد ان الخطوط السعودية لشدة ما واجهها من هذه الصور ..
قررت ان تتخذ هذا القرار
رغم ان المطلع على الميزانية العامة للمملكة العربية السعودية ..
يجد بندا في باب السلع والخدمات والنفقات التشغيلية بمسمى { ترحيل الأجانب }
حيث خصصت الدولة بندا للصرف على ذلك
زولنا كان قاطع تذكرة على الخطوط السعودية ذهاب فقط
ورجع مع الخطوط السعودية من دون تذكرة !!!
ربما هذا احد الأسباب .. والله أعلم !!
|
Post: #33
Title: Re: جوازات مطار الخرطوم والمغتربين (الزيارات
Author: مصعب عوض الكريم علي
Date: 04-26-2016, 07:58 AM
Parent: #32
لما انا اكون جاي باقامة واقطع تذاكر ذهاب واياب .. واقعد اكثر من سنتين .. ارجع قروش التذكرة بتاعت الاياب كيف ؟
خاصة وانهم لا يرجعوها ليك قروش .. تكون رصيد لمدة سنة !
|
|