Post: #1
Title: مالو المنبر اليومين ديل؟ بدون زعل أو تأويل بعيد
Author: محمد عبد الله الحسين
Date: 04-23-2016, 08:11 AM
Parent: #0
07:11 AM April, 23 2016 سودانيز اون لاين
محمد عبد الله الحسين-الدوحة
مكتبتى
رابط مختصر
لي خمسة يوم و لا اسبوع كده ادخل المنبر و اعاين شمال يمين عشان اعلق.... و لا اقرا بمزاااااج. ما القى حاجة..
|
Post: #2
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 08:22 AM
Parent: #1
اقيف شوية و اعاين فيه و اضحك و امشي و اجيه راجع.
برضه و الله ما فاهم حاجة ابداا ابدا
يا ربي الكلام ده ياهو و لا انا بيتخيل لي ساكت؟
يا ربي يكون في حاجة انا ما فاهمة؟
إحتمال العيب فيني؟
إحتمال.
لكن المشكلة الملاحظة دي ما مني أنا براي.
|
Post: #3
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 09:17 AM
Parent: #2
و الله بالجد الكتابة و التعليق في المنبر بقت زي الكورة و السياسة عندنا
.........و ما في زول قادر يفهم حاجة و لا في زول قادر يقول حاجة.
واحد شايت يمين و واحد شايت شمال و واحد قالش الكورة و واحد مدخلها في قونه
يا ربي الموضوع ده مقصود؟ و الله ما عارف.
|
Post: #4
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 10:12 AM
Parent: #3
أكيد بدت بعض قرون الاستشعار ترتفع ..
...... و اجهزة التحسس تشتغل......................
.. و بعض العيون تبدأ في الإحمرار و هي تواصل القراية..
لكن أقول ليكم بكل صراحة:
روّقو المنقة شويةييي يا الحبّان
و الله يا جماعة البقول فيه ده رأيّ شخصي بحت .....
و ما عنده علاقة بي زول محدد
... و الا قاصد زول معين
............. و لا موضوع معين.
............عشان الامور تكون واااضحة
و ترتاحوا و تريحوا بالكم
و الداير يواصل و يقرا يواصل ...
و الداير يفوت ..إن شاء الله قشة ما تعتّر ليه
و العايز يرد و يعلق مرحب بيه
و ألف مرحب
و البعاين من بعيد بعيد و يسكت ساااكت .... الله يديهو العافية
|
Post: #5
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 10:43 AM
Parent: #4
ملخص عام :المنبر بشكل عام بقى الشيء السائد فيه ( طبعا حسب رأي) :كثير من الترصد و المكايدات و المشاجرات و المعاندة و المغالطة و الدغالة ، و مكابرة، شتائم، و معاكسات، كمان في كتير من كسّير التلج و مجاملات بالكوم ........................................................و ضحك ناعم تحت تحت....و و نظرات مترقبة، ..................................و نظرات تائهة، ......................قلوب تموت من الغيظ و الغتاتة أعوذ بالله.و كلمات بلا معنى، ....................و احقاد، و دسائس، و مؤامرات.
|
Post: #6
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 10:48 AM
Parent: #5
ود الحسين سلام يا عزيز ..
Quote: لي خمسة يوم و لا اسبوع كده ادخل المنبر و اعاين شمال
يمين عشان اعلق.... و لا اقرا بمزاااااج. ما القى حاجة.. |
امشي للمواضيع البايتة فيها حاجات جميلة وممكن تقراها بمزاج .
ولك الشكر ..
|
Post: #7
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 10:56 AM
Parent: #6
هههههههه
و الله إنت يا بت عمسيب الصريحة و واضحة و حقانية و مواضيعك قنابل و حقيقية و ما بتجاملي.
يا ريت لو كنا كلنا زيك
الله يديك العافية
|
Post: #8
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 11:00 AM
Parent: #7
ياود الحسين ..
بالمناسبة دايرة افتح بوست دردشة لو فاضي
عشان تحكي لينا زيارة العمل المشيت ليها في
اوربا رأيك شنو ؟ كنت من الاسبوع الفات دايرة
افتح البوست لكن قلت استشيرك احتمال تكون
مشغول وما تقدر ترد علي . اسه رايك شنو افتح
البوست ولا اديك فرصة تفكر ؟
ولك الشكر ,,,
|
Post: #9
Title: Re: مالو المنبر اليومين ديل؟ بدون زعل أو تأوي�
Author: سيف الدين محجوب
Date: 04-23-2016, 11:01 AM
Parent: #7
أؤيدك بشدة
المنبر بايخ جداً البومين ديل
ما في حاجة كدا تعمل إثارة وفوران
كلها مواضيع باردة
عدا موضوع رحلة إغتراب ود الدسيس
لكن شغال معانا بالقطارة
غايتو حنس شحتفة
الله يلزمنا الصبر بس
|
Post: #10
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 11:12 AM
Parent: #9
مشكورة بت عمسيبانا براي قلت بت عمسيب دي اظنها مشغولة.لانها سألتني سؤال و ما رجعت.طبعا المدة الفاتت كان في ظروف عامة خلتني ما افكر في طرح موضوع شخصيزلكن قبل كم يوم فجاة لقيت خلال تصفح لإحدى المقالات وجدت (جملة بس ) خلتني ابدأ أكتب مباشرةز.و على طول فكرت قلت اكتب الموضوع بشكله الكامل و انشره في الراكوبة لفائدة الجميع و ليس كتصور شخصي.
و فعلا بديت الموضوع و بدل ما كتبت عن زيارة إطاليا و غيرها من الدول قلت اكتب فيها كل شيء انطباعات شخصية و تاريخ و افكار و و اشياء متنوعة.
و في النهاية و للحقيقة إنتي السبب أولا و اخيرا لانك خليتيني افكر في كتابة هذا الموضوع ........ و كمان اطلع من حرج الكتابة عن موضوع خاص.
فلك كل الشكر و التقدير
و انا ما عايز اقول ليكي يا كنداكة .....لأن هذه اصبحت مستهلكة و مبتذلة تقال لمن يستحق و من لا يستحق فإنتي فوق لك كله.
|
Post: #11
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 11:19 AM
Parent: #10
ود الحسين سيب الحركات البتعل فيها دي ..
قال خاص قال !!!!
Quote: و غإنتي السبب أولا و اخيرا لانك خليتيني افكر في
كتابة الموضوع و كمان اطلع من حرج الكتابة عن موضوع خاص. |
يا رجل من متين كان العمل حاجة خاصة ؟ انا اتخيلتك
من تجي تسولف لينا في الرحلة العملية الشيقة لكن خذلتني!
سيب دا خاص ود عامل وادخل لينا في الرحلة العملية عشان
نجي نشوف رأيك الشخصي ونديك اراءنا ..
اها ممكن تفتح البوست ولانعملو موضوع دردشة ؟ في انتظار
الرد يا حساس محمد حساس هههههههههههههههه .
اسمعني الناس اسه حا يفتكروها شكلة ههههههه . وخليهم علي كدا .
|
Post: #12
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 11:19 AM
Parent: #10
الأخ سيف الدين
( أؤيدك بشدة
المنبر بايخ جداً البومين ديل
ما في حاجة كدا تعمل إثارة وفوران)
هههههه زالله يستر
( كلها مواضيع باردة
عدا موضوع رحلة إغتراب ود الدسيس)
موضوع ود الدسيس جميل و علقت عليه مشيداً به.
( لكن شغال معانا بالقطارة
غايتو حنس شحتفة
الله يلزمنا الصبر بس)
غمكن لزوم الإثارة و المتابعة و إمكن المشغولية.
لك الشكر اخي سيف الدين.
الأخت منى: نسيت أقول ليك اديني يومين تلاتة اشطب الموضوع و ارضى عنه.
|
Post: #13
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 11:23 AM
Parent: #12
ممكن اواصل؟
طيب!
و كمان في ناس عندها اراء حبيسة الصدور ...ما قادرة تطلعا
لانه اصحابها مؤدببين... او مترددين............ او مجبولين على الكلمة الطيبة ...........و الذوق و حسن الخلق
و في ناس ما بحبوا المجاملة.... و لا الكلمة الطاشة.... و لا الما في محلها...
و بالتالي ما عايزة تزعل زول و لا تغلط على زول
بالرغم من إنه في ناس بالعكس:
ما بتقدّر الحاجات دي كلها
ما تعرف تقول عليها شنو: تقالة دم؟
رذالة؟؟
ثقالة؟؟؟
وو ( مع الإعتذار للنعوت)
المهم في ناس زي ديل....ما بيختشوا
|
Post: #14
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 11:30 AM
Parent: #13
فوق
|
Post: #15
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 11:38 AM
Parent: #14
يا بت عمسيب ز..يا حربية إنتي ................ههههه
إنت قاليلة الناس كلها زيك؟
بس اديني يومين تلاتة اخلص كتابة الموضوع و الفكرة...
بس في مشكلة عندي كمية من الصور و الفيديوهات المهمة......التي بتدي للشرح و الموضوع بعد و دسامة.
..لكن المشكلة انا اليف باء تا ثاء في تنزيل الصور و لا الفيديوهات .اها كيف الشورة
|
Post: #16
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 11:45 AM
Parent: #15
Quote: بس اديني يومين تلاتة اخلص كتابة الموضوع و الفكرةز
بس في مشكلة عندي كمية من الصور و الفيديوهات المهمةز
التي بتدي للشرح و الموضوع بعد و دسامة. |
حا اديك علي اقلة من مهلك لاكمال الموضوع بأجمل صورة .
وبالتوفيق ..
وفي الانتظار .
|
Post: #17
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 11:52 AM
Parent: #16
و موضوع الصور و الفيديوهات كيف؟
|
Post: #18
Title: Re: مالو المنبر اليومين ديل؟ بدون زعل أو تأوي�
Author: Osman M Salih
Date: 04-23-2016, 12:53 PM
Parent: #1
حذف لانتفاء الضرورة.
|
Post: #19
Title: Re: مالو المنبر اليومين ديل؟ بدون زعل أو تأوي�
Author: مني عمسيب
Date: 04-23-2016, 01:00 PM
Parent: #18
يا ود الحسين ..
| Quote: و موضوع الصور و الفيديوهات كيف؟ |
موضوع الصور تمشي للمختصين او بالاخص
لي ملهم كردفان يساعدك في رفع الصور انا
ذاتي عندي بعض مرات مشكلة في رفع الصور
وجاية عشان اشرحوها لي .. اسال ولن تتوه .
ومشكور ,,,
|
Post: #20
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 01:02 PM
المهم في ناس زي ديل....ما بيختشوا
و برضه كمان في ناس تلقاهم كيمان ...كيمان .....
...ناس انصر اخاك ظالما ...
و ناس ...متابعين بلا حدود
و بالتالي في ناس غائبين (لأسباب منطقية)
و في برضوا غياب بلا أسباب.
و ناس بتكتب زهجانة
و ناس بتكتب لي اهداف معينة
و ناس بتكتب بدون هدف
و ناس بتعاين ساكت و تتتعجب
و ناس صامتة و ناس بتتابع و ناس بتتّبّع
|
Post: #21
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 01:11 PM
Parent: #20
و ناس داخلة للشجار و المشاجرات
ناس مكاجرين
و ناس تأكلهم الحسرة
و ناس تاكلهم الندامة..
و ناس ما بيتحملوا كلمة
و ناس يقلبوا تفسير الكلام الوااااضح.
و لكن الشيء البيفرح إنه في ناس كتااااار
ناس كتااااار مهذبين
ناس كتااااار ظريفين
ناس كتااااار تشيلهم النسمة من الذوق ا
ناس كتااااار مسالمين
و
يا ربي خليت زول؟
المهم ده كله مع الإحترام ...... فقط عبارة عن إنطباع و ملاحظات عامة
مع الإعتذار لمن لمسه السوط ......أو هكذا اعتقد من اعتقد
|
Post: #22
Title: Re: مالو المنبر اليومين ديل؟ بدون زعل أو تأوي�
Author: اميرة السيد
Date: 04-23-2016, 01:22 PM
Parent: #20
محمد عبد الله
كيفنك..
الظاهر عليك بتحب افلام العنف ولا شنو....يعني انت ما عاوز المنبر
يكون هادي والمياه جارية بسلاسة....وبدون امواج مضطربة(وجه ضاحك)
..كان كدي زورنا في بوست غرق السفينة تايتانيك ..وحتلقى احداث ما مملة
..وبعدين عليك الله اسمع كلام بت نفيسة واحكي لينا ...وحنجيب بنبرنا ونسمع..
..لكن كان جينا للحقيقة...كلامك كله صحي..
والله يديك الصحة والعافية
|
Post: #23
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 10:03 PM
Parent: #22
الاخ عثمان م
صالح
ىسف للتاخير على الرد لاني طلعت من البوست و كنت تعبااان قاعد من 6 صباحا في الكمبيوتر و بعد داك طلعت لعدة مشاوير .
ارجو ان لا يكون حذف مداخلتك بسبب تاخر الرد..زفإذا كان كذلك لك العتبى حتى ترضى..
اما غذا كانحذفك لمداخلتك لسبب يخصك فليست هناك مشكلة و انت دائما على الرحب و السعة.
|
Post: #24
Title: Re: مالو المنبر اليومين ديل؟ بدون زعل أو تأوي�
Author: محمد عبد الله الحسين
Date: 04-23-2016, 10:14 PM
Parent: #22
الاخت اميرة السيد
تحياتي
أولاً آىسف لتاخير الرد اولا بسبب الإرهاق اضطريت مشيت نمت و بعد كده عندي مشاوير بالكوم مشيت اقضيها.
اكرر اسفي.
اها اجي لتعليقك:
(الظاهر عليك بتحب افلام العنف ولا شنو....يعني انت ما عاوز المنبر
يكون هادي والمياه جارية بسلاسة....وبدون امواج مضطربة(وجه ضاحك)
لا بالعكس ...بس ما بحب العنف بين الاعضاء فيما لا يفيد الجميع.
…...) .كان كدي زورنا في بوست غرق السفينة تايتانيك ..وحتلقى احداث ما مملة(
إن شاء الله بزوركم و اتشرف بزيارة البوست حقكم.
( ..وبعدين عليك الله اسمع كلام بت نفيسة واحكي لينا ...وحنجيب بنبرنا ونسمع(..
على العين و الراس. غالي و الطلب رخيص.
.. شكرا على ذوقك
و دمتي
|
|