Post: #2 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-22-2016, 11:20 PM Parent: #1
Post: #3 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-22-2016, 11:21 PM Parent: #2
Post: #4 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-22-2016, 11:23 PM Parent: #3
ياسلام ياخى الواحد ليهو..زمن ماسمع غناء دسم زى ده التحية لهذا الفنان الجميل.
Post: #5 Title: Re: المطر نيران ماهو موية..الفنان محمد العصام� Author: Moawia Mohammed Date: 04-23-2016, 05:45 AM Parent: #4
شكرا جزيلا أخونا عبد المنعم سيد أحمد علي هذا الغناء الجميل الشجي
أخونا الفنان محمد العصامي رجل فنان معتق تنضح اعماله بثورية و رمزية عميقة إفتقدناها من زمن الهرم الراحل مصطفي سيد أحمد وله مزهر تتلاعب أنغامه بشغاف قلوبنا حينما تداعب أنامله الأوتار.
محمد العصامي مظلوم ظلم الحسن و الحسين مننا نحن محبيه و من الإعلام بكل أشكاله.
وصلتنا اليوم للتو هذه الفيديوهات عبر الواتساب من الأخ الصديق محمد العصامي وكنت بصدد الإتصال به لإستئذانه لنشرها في سودانيزأونلاين مع إستعراض لمسيرته الفنية الرائعة و نضالاته من زمن معهد الموسيقي و المسرح بغرض التوثيق.
بما أنك السباق في هذا فأنا ما زلت فيها سأرفد البوست بما أحصل عليه من معلومات و صور من محمد العصامي هذا إن لم يكن لديكما أي موانع أنت و هو
و لك جزيل الشكر و التقدير
Post: #6 Title: Re: المطر نيران ماهو موية..الفنان محمد العصام� Author: Moawia Mohammed Date: 04-23-2016, 05:57 AM Parent: #5
يا ناس السعودية يا بورداب السعودية أنشط ناس و أكتر ناس حايمين هنا
الزول دا معاكم في السعودية لو دايرين تعطروا أمسياتكم و لياليكم باستماع معتق مكرب كوسوا الزول دا وين و جيبوهو يمتعكم
نحن ناوين نستقدمه في التسجيلات لو لحقنا خمشناهو تاني ما بتلموا فيهو بالهين
Post: #7 Title: Re: المطر نيران ماهو موية..الفنان محمد العصام� Author: عبدالحفيظ ابوسن Date: 04-23-2016, 05:57 AM Parent: #5
تحياتي معاوية يا سلام عليك ياخ محمد العصامي ود كوستي .. وجارنا وصديق شقيقي منعم من الابتدائي وهو من اسرة مبدعة .. فالكاتب الجميل نزار السمندل ابن خاله والمبدعة ميرفت نصرالدين ابنة عمه
Post: #8 Title: Re: المطر نيران ماهو موية..الفنان محمد العصام� Author: Moawia Mohammed Date: 04-23-2016, 06:07 AM Parent: #7
سلامات يا ود أب سن والله متوقعك أول زول تجي هنا عشان كوستي الجميلة
أقول ليك كلام لمن الفيديوهات دي جات كان معاي اتنين من أجمل أبناء كوستي و سألتهم قبل كدا منك و قالوا بيعرفوك عز المعرفة واحد منهم هو سبب معرفتي بالفنان الرائع محمد العصامي و هو الاقترح القصة دي
Post: #9 Title: Re: المطر نيران ماهو موية..الفنان محمد العصام� Author: Moawia Mohammed Date: 04-23-2016, 06:10 AM Parent: #8
عشان ما تفكر كتير يا عبد الحفيظ الناس ديل معاي يوماتي و هم عادل عوض الله و عبد العظيم مكاوي
Post: #10 Title: Re: المطر نيران ماهو موية..الفنان محمد العصام� Author: عبدالحفيظ ابوسن Date: 04-23-2016, 06:14 AM Parent: #8
اشكرك والله وتحية ليهم وليك كانت كوستي تزخر بالفن والادب والموسيقي .. وبالذات حلتنا . فهي كوستي القديمة .. السمندل وميرفت واحمد ضحية و قبلة للفنانين والشعراء .. العبادي الشاعر الفخيم في عشرة بيتي .. وشهدت انطلاقات محمود عبدالعزيز و عمر احساس العصامي صديق منعم اخوي وكان مهووس بالغناء منذ صغره .. يحب الغناء جدا الدنيا صباح والذاكرة لسة ما شربت القهوة
Post: #11 Title: Re: المطر نيران ماهو موية..الفنان محمد العصام� Author: عبدالحفيظ ابوسن Date: 04-23-2016, 06:53 AM Parent: #10
اشكرك والله تحياتي للاصدقاء عادل عوض الله العازف المبدع ودينمو نادي الفنانين في ذلك الزمان عبدالعظيم مكاوي رفيق الابتدائي ومسيرة الجمال بلغهم السلام الشديد والشكر اجزله ل عبدالمنعم سرقنا البوست حقو
Post: #12 Title: Re: المطر نيران ماهو موية..الفنان محمد العصام� Author: Moawia Mohammed Date: 04-23-2016, 07:48 AM Parent: #11
يوصل يا حفيظ
وينك يا منعم
Post: #13 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-23-2016, 01:52 PM Parent: #12
الرائع معاوية محمد ياسلام عليك التحية ليك وللرائع ..محمد العصامى انت صاحب هذا البوست ونحن لديك الضيوف وصل ليه..محبتنا..واعتذارنا ان لم نستاذن منه.. فمن حقه علينا..ان نعطيه هذه المساحة..فما احوجنا لهذا الجمال. فى انتظارك ياعزيزى
Post: #14 Title: Re: المطر نيران ماهو موية..الفنان محمد العصام� Author: Moawia Mohammed Date: 04-24-2016, 05:04 AM Parent: #13
تسلم يا حبيب
و نحن في إنتظار الأستاذ محمد العصامي ليسلط الضوء علي تجربته الثرة
Post: #15 Title: Re: المطر نيران ماهو موية..الفنان محمد العصام� Author: Khalid Saeed Date: 04-24-2016, 07:06 AM Parent: #14
التحية ليك أخي عبد العظيم سيد ولكل ضيوفك الكرام
الفنان الجميل عصامي ، مبدع حد الإدهاش .. عطر ليالينا في رياض الخير وأهدانا أجمل الألحان واطيبها
تحياتي ، أخوك/ خالد الأرباب
Post: #16 Title: Re: المطر نيران ماهو موية..الفنان محمد العصام� Author: عبدالحفيظ ابوسن Date: 04-24-2016, 08:59 AM Parent: #15
تحياتي منعم ياخ عبرنا ولو بي شاكر مرورك اعتذر علي تطفلي في بوستك ..والتطفل مبرره ان لي ذكريات مع محمد العصامي منذ بواكير نشأته ونشأتي عموما لكم الشكر والتقدير والاعتذار
Post: #17 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-24-2016, 03:34 PM Parent: #16
عبد الحفيظ ابو سن تعلم محبتى لك يازول جميل والله اخوك ليهو يومين ماقادر ارفع راسى من السرير وباتت فى عظامى..ههههه البوست ده..برعايتك لم اكن اعرف هذا الفنان المدهش من قبل وها انت تاتينا بالخبر اليقين تشكر عزىزى وحقك علينا يازول يارائع والتحية عبرك..لعصامى الفنان الجميل وفى انتظارك..عزيزى
يا سلام عليك يا عبد المنعم، رجعتنا لأيام جميلة العصامي، غير إنو ولدنا من كوستي، فهو دفعتنا في جامعة الزقازيق طوال النصف الأول من الثمانينيات ما تشوفو (بطوله الفاره ونظارته السوداء) إلا شايل العود في إيدو (تماما كما اعتدنا على رؤية هاشم ميرغني هنا في الدوحة) كان العصامي مقلدا مجيدا لمحمد الأمين في وقت كان الناس يهابون الاقتراب من إبداعات هذا الرائع وللعصامي علاقة قوية مع أسرة الصدّيق في كوستي وهي أسرة اشتهر أفرادها بإجادة العزف على العود وتقليد محمد الأمين أشهرهم عادل الصديق، أظنو في السعودية أيضا (يا ريت زول ينزّل لينا تسجيل له لإحدى أغنيات ود اللمين) التحية يا معاوية محمد لك وعبرك لمحمد العصامي ولكل زملاء جامعة الزقازيق من أبناء كوستي من الذاكرة المهترئة أجازف وأذكر هاني تاج السر الجوبعي نعمات البشير الباسم الكبير والباسم الصغير (أظن العصامي ابن اختهم) إبراهيم عثمان وداعة الله (فِشْ) حسن وحسين تيمان النور علي مجذوب مساعد محمد حسين ومجذوب ديم القراي عصام أبو قرجة ميسره سيد أحمد طارق أحمد علي عباس صديق منى وأشراقة عوض سليمان بنات ست سكينة المدرّسة نزار عوض الشريف التجاني يوسف بشير
لا عليك يا منعم اخوك برضو مضروب ملاريا والتهاب ووجع اضان .. معليش بكون حساس شوية مع المرض يا معاوية الباسم الكبير والباسم الصغير ما عندهم علاقة رحمية بيهو الا الجيرة .. ومحبة الباسم الكبير للفن فعلا العصامي طوالي حاضن العودة من الثانوي العام عادل وعمر وعبدالله كلهم بقلدو محمد الامين بشكل جيد
Post: #20 Title: Re: المطر نيران ماهو موية..الفنان محمد العصام� Author: Dr. Ahmed Amin Date: 04-24-2016, 05:41 PM Parent: #18
التحية للمبدع بالجد .. العصامي ...رجل فنااان بمعنى الكلمة واتمنى أن ينطلق الآن ليسد ما بالساحة الفنية من فراغ إنه يعيد زمن العمالقة .. وما أحوجنا إليه الآن ..وهو لا زال شابا وله مستقبل كبير باذن الله .
والتحية لكـ أخي عبدالمنعم لإطلاعنا على هذا الإبداع ..
Post: #21 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-24-2016, 05:58 PM Parent: #20
لك التحية عزيزى..خالد سعيد والله انتو محظوظين..عديل كده بالله الغنا السمح ده..ساكتين بيهو الزمن ده كلو ههههه تحياتنا ليهو.. وياريت البوست ده يساهم..بتعريف الناس..بهذا الغناء الدسم تشكر لمرورك الانيق
Post: #22 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-25-2016, 01:00 AM Parent: #21
Quote: يا سلام عليك يا عبد المنعم، رجعتنا لأيام جميلة العصامي، غير إنو ولدنا من كوستي، فهو دفعتنا في جامعة الزقازيق طوال النصف الأول من الثمانينيات ما تشوفو (بطوله الفاره ونظارته السوداء) إلا شايل العود في إيدو (تماما كما اعتدنا على رؤية هاشم ميرغني هنا في الدوحة) كان العصامي مقلدا مجيدا لمحمد الأمين في وقت كان الناس يهابون الاقتراب من إبداعات هذا الرائع وللعصامي علاقة قوية مع أسرة الصدّيق في كوستي وهي أسرة اشتهر أفرادها بإجادة العزف على العود وتقليد محمد الأمين أشهرهم عادل الصديق، أظنو في السعودية أيضا (يا ريت زول ينزّل لينا تسجيل له لإحدى أغنيات ود اللمين) التحية يا معاوية محمد لك وعبرك لمحمد العصامي ولكل زملاء جامعة الزقازيق من أبناء كوستي من الذاكرة المهترئة أجازف وأذكر هاني تاج السر الجوبعي نعمات البشير الباسم الكبير والباسم الصغير (أظن العصامي ابن اختهم) إبراهيم عثمان وداعة الله (فِشْ) حسن وحسين تيمان النور علي مجذوب مساعد محمد حسين ومجذوب ديم القراي عصام أبو قرجة ميسره سيد أحمد طارق أحمد علي عباس صديق منى وأشراقة عوض سليمان بنات ست سكينة المدرّسة نزار عوض الشريف التجاني يوسف بشير
يا عبد الحفيظ أسال لينا صلاح ليبيا يكمل اللسته دي
الرائع..معاوية الزبير انما يحل الجمال.. لك التحية..وللمشاركة الدسمة فى حضرة العصامى الفنان له التحية..ولكوستى الفنانة. نريد ان نعرف الكثير ..عن هذا الفنان المدهش شكرا لحضورك الانيق
Post: #23 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-25-2016, 01:03 AM Parent: #20
Quote: التحية للمبدع بالجد .. العصامي ...رجل فنااان بمعنى الكلمة واتمنى أن ينطلق الآن ليسد ما بالساحة الفنية من فراغ إنه يعيد زمن العمالقة .. وما أحوجنا إليه الآن ..وهو لا زال شابا وله مستقبل كبير باذن الله .
والتحية لكـ أخي عبدالمنعم لإطلاعنا على هذا الإبداع ..
دكتور احمد امين تحياتى وتقديرى اتفق معك تماما فما احوجنا لهذا الصوت المثقف الساحة الفنية تحتاجه وبشدة شكرا لمرورك الانيق.
Post: #24 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-25-2016, 04:23 PM Parent: #23
Quote: أخونا الفنان محمد العصامي رجل فنان معتق تنضح اعماله بثورية و رمزية عميقة إفتقدناها من زمن الهرم الراحل مصطفي سيد أحمد وله مزهر تتلاعب أنغامه بشغاف قلوبنا حينما تداعب أنامله الأوتار.
عصامي دفعتي بمعهد الموسيقي وأخي وصديقي الذي يسعى دوما للقائي في اجازاتي بكل الطيبة والمحبة وإحساس الفنان. قبل أن يحزم حقائبه قبل أعوام للسعودية عصامي عازف عود ماهر ومبدع وصاحب إحساس رائع في الغناء. واكاديمي ضليع. لك ولكل الاخوة اولاد كوستي ورفاقه بالزقازيق التحية والتقدير
Post: #26 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-25-2016, 09:28 PM Parent: #25
Quote: منعم يا حبيب الكايسه فى عصامي بتلقاها عندي
عصامي دفعتي بمعهد الموسيقي وأخي وصديقي الذي يسعى دوما للقائي في اجازاتي بكل الطيبة والمحبة وإحساس الفنان. قبل أن يحزم حقائبه قبل أعوام للسعودية عصامي عازف عود ماهر ومبدع وصاحب إحساس رائع في الغناء. واكاديمي ضليع. لك ولكل الاخوة اولاد كوستي ورفاقه بالزقازيق التحية والتقدير
وشهد شاهد من اهل الفن والغناء الصديق الرائع عزيز القلوب شواهد ياصديقى كنت ببالى..ها انت تاتينا بالخبر اليقين. شكرا لك..وتقبل تحياتى ساتابع معكم المسيرة الفنية الغنية للمبدع العصامى. فنان رائع بحق. يستحق هذه المساحة..التى ازدادت جمالا بمشاركاتكم الراقية تسلم عزيزى
Post: #27 Title: Re: المطر نيران ماهو موية..الفنان محمد العصام� Author: Moawia Mohammed Date: 04-26-2016, 08:38 AM Parent: #26
وطني عيونك ديل - محمد العصامي
Post: #28 Title: Re: المطر نيران ماهو موية..الفنان محمد العصام� Author: Moawia Mohammed Date: 04-26-2016, 08:42 AM Parent: #27
فتحت ليك الدم - محمد العصامي
Post: #29 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-26-2016, 01:52 PM Parent: #28
ياسلام يامعاوية.. شغل فى منتهى الاناقة لو لميتنا فيهو كمان عايزنو..يكتب لينا فى المسرجة وهى مجلة الكترونية..وصلنا للعدد الخامس ساضع لك الرابط ونكون شاكرين ومقدرين
http://http://www.almasraja.comwww.almasraja.com
Post: #30 Title: Re: المطر نيران ماهو موية..الفنان محمد العصام� Author: عبد المنعم سيد احمد Date: 04-26-2016, 01:55 PM Parent: #29