اخونا حرسم ليه سايقنا للحتة دى واخونا بى غادى قال الرسول يا ناس شوفو حالا والساق مليان لى نعالا و يا ناس صلّو على جمالا ____ الفنان سابقا و المادح حاليا و صديق الاسرة الجيلى الشيخ كان دايما رقم هام فى مناسباتنا الصغيرة و كانت يا مولاي متعة المتعة فى يوم زواجى ترنم بها و عينك ما تشوف الا النور اهلك الشوايقة رفضو تب يسمعو غيرا تكمل يطلبوها تانى شغل كده تحس بيهو كده مش عارف كده شنو داك تقول لى اذاعة هى بتقدر على جنس النضم ده با مولاى اه من غلبى من النار حرقت قلبى
Post: #6 Title: Re: شفت عيونى فى سيقانها Author: محمد عبد الله حرسم Date: 04-20-2016, 08:14 AM Parent: #5
حبيبنا جلالدونا
لك التحية والشكر على توقيعك
ما دعانى لتابة هذت البوست هو ما تركته هذه الاغنية من اخيلة ومشاعر بداخلى ظلت حبيسة زمنا طويلا
وظل ايضا السؤال القديم يرهن اجابتى بثقافتى انا مواليد مدن (بورتسودان) وملىء بانتمائى (دنقلاوى) وافتش عن سودانيتى
.
Post: #7 Title: Re: شفت عيونى فى سيقانها Author: جلالدونا Date: 04-20-2016, 08:44 AM Parent: #6
اقسم بالله العظيم ولو داير سودانيتك تلقاها فى الطين الصبغ عراريق ترابلتنا و انين و حنين سواقينا و ترمة معطونة بالطمى الجميع يتقاسما و القلب مليان رضا و الهم سجم ..رادم الكل ..و مع الضيق تتمدا الايد لو تلحق غيرا ده محل القاك و تلقانى و تلقى سودانيتك و سيبك من الناس القالو على الانانية و الانكفاء على الذات خصوصية
Post: #8 Title: Re: شفت عيونى فى سيقانها Author: ALWALEED ALSHEIKH Date: 04-20-2016, 09:22 AM Parent: #7
تحياتي أستاذنا الجميل حرسم واحدة من أجمل المقاطع التي قيلت في هذا( السياق ) ما كتبه شاعر آسيا ود الزومة شاهد الله ان وقفت عديل تشوف وشيك في ساقا في الليل و ليتك بحسك الأدبي الراقي تطوف بنا في تلك المعاني النابعة من صميم البيئة و دلالاتها في القصيدة مثل أمك ذاتا هي نطفة حلال آسيا تبشة و لقت الرمال أو العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص تحياتي و احترامي
Post: #9 Title: Re: شفت عيونى فى سيقانها Author: محمد عبد الله حرسم Date: 04-20-2016, 05:56 PM Parent: #8
عبدالعزيز الفاضلابى
الحبيب كيف حالك
شفت كيف ؟
احساس عال واجود الشعر اكذبه واجمله
Post: #10 Title: Re: شفت عيونى فى سيقانها Author: محمد عبد الله حرسم Date: 05-01-2016, 06:25 PM Parent: #9
شفت عيونى فى سيقانها
كيف راى ام انه مجرد تخيل ام ا
ام
ام
؟
Post: #11 Title: Re: شفت عيونى فى سيقانها Author: محمد عبد الله حرسم Date: 05-03-2016, 08:01 AM Parent: #10
ان حركة العين مرتبطة بالذاكرة والاحلام والتمنيات لذا قال الشاعر
كن جميلا ترى الوجود جميلا
ويبقى اننا نجمل الكون بتخيلاتنا ومحاولاتنا لرسمه بشكل بهى ويبقى دوما هناك فى مكان ما من يريد هزيمتنا بتلويث ذاكرتنا وفطرتنا
ويبقى ان يتحكم فينا عقل ما بامسابنا مهارة النظر كما المرسوم
الجميل حرسم نهارك ورد وياسمين ومشتاقين ياخ لك التحية وانت تنثر الجمال والصور الزاهية أينما حللت...
الزول دا ممكن يكون شاف عديل... بلدنا دي لي هسي تلقى فيها الحبوبات بحشن في القيزان في بعض المناطق وصدورهن كاشفات اتقاء لحر "الضهرية" دون ان يثير ذلك أي شهوة او غريزة أو فهم خاطئ عند جيرانها في "البلاد". وفي بعض المناطق ينجح العباقرة من الشعراء في رسم صور تشخيصية مذهلة لوصف المحبوبة تجعل المتلقي يعتقد أن هذا الشاعر "تجاوز" مجرد النظر فقط.
أمنــــــــــة بابكر ود السافل مطرب بربر الأشهر في عقود مضت صاحب أمونة .. أو آمنة يقال أنه شاعرها وملحنها ومؤديها بكل تأكيد ويقال أنها كانت خطيبته أو زوجته ولكنه أُجبر على تركها ليتزوجها أبن عم لها هكذا سمعت بالقصة ولا أدري حقيقة ما سمعت من عدمه فكتب ما كتب فيها:
في عينيها عالم تاني .. ما شفتوها يا خلاني ذي زي آمنة ما لاقاني .. ذي لون امنه ما لاقاني ما شفتوها.. يا خلاني في ايدي الحرير مساني.. في إيدي الحرير مساني ومن يوم داك جاني الجاني .. ما شفتوها يا خلاني واحدين قالوا دابي راهفه واحدين قالوا شفنا الشافها .. ما شفتوها ياخلاني بس براي بجيد أوصافها .. نازل ديسها فوق اردافها قامت وانتنت زي بانه ما شفتوها.. ساقيها يا الندى ورويانه ما شفتوها يا خلاني.. الكمل صبرنا و أزانا.. شفتا عيوني في سيقانا ... جلت قدرتو السواكي ما شوفتوها شال من توب عفاف وكساكي.. ما شوفتوها من كل الجمال اداكي... ومنو اخترتي انتي براكي .. ما شفتوها يا خلاني تعالو اسمعو اخبارا ما شفوتوها المن النسيم تتضارا ما شفتوها شالت من كبيدتي مرارا ما شفتوها المن النسيم تتضارا ما شفتوها يوم صديرا عام في الدارا.. امونه خمجي الدارا.. صديرا عام في الدارا.. امونه خمجي الدارا.. خلت ناس فلانه حيارا ماشفتوها .. يا خلاني الدر في سنونها لؤالئ ما شفتوها والعناب لهيجاً حاني القلل صبرنا الغالي البدر عمرنا الغالي رموش عينها كابي وضافي ما شفتوها يا خلاني يا ناس الفي الضمير كاوياني آمونة الفي الضمير كاوياني ما شفتوها يا خلاني دي القايده العباد بي نارا ما شفتوها منقول
Post: #12 Title: Re: شفت عيونى فى سيقانها Author: محمد عبد الله حرسم Date: 07-17-2016, 06:50 PM Parent: #7
Quote: اقسم بالله العظيم ولو داير سودانيتك تلقاها فى الطين الصبغ عراريق ترابلتنا
لك التحية و برجع ليك
لانو لينا تلاتة سنوات ونحن نقول فى الثقافة ايجاد المشترك بين الكل هامش ومركز هامش المركز ومركز الهامش هامش الهامش ومركز المركز
Post: #13 Title: Re: شفت عيونى فى سيقانها Author: محمد عبد الله حرسم Date: 09-01-2016, 08:19 AM Parent: #12
هل بالفعل قادتنا الاذاعة السودانية من وعينا الى حيث تريد بمثل برامج
ربوع السودان
وغيرها
؟
Post: #15 Title: Re: شفت عيونى فى سيقانها Author: محمد فضل الله المكى Date: 09-01-2016, 03:10 PM Parent: #13
بشوف التوب عليك خايل تقول يالرايقة منسوج ليك . . أكيد يا فاضلابي دي ماااااا الناظرة !! شكراً حرسم على هذا الجمال
Post: #16 Title: Re: شفت عيونى فى سيقانها Author: الامين موسى البشاري Date: 09-02-2016, 06:31 PM Parent: #15
ههههههههههههههههههههه@حرسم
ياخ ذكرتني نكتة قريبة من دي
قالوا في عريبي حمارتو ضاعت منو وفتش عليها في كل مكان
المهم لامن فتر مشى البحر وعند القيفة قال يرتاح شوية وتاني يقوم يفتش
المهم في رقدتو دي سمع واحد بقول لواحدة: انا بشوف الدنيا دي كلها في عينيك
العربي نطه وقال للزول دا: ياخ ما تشوف لي حمارتي معاك عليك الله
