كيفية الاستفادة من مياه النيل داخل الاراضي السودانيه

11:08 AM April, 19 2016

سودانيز اون لاين
اخلاص عبدالرحمن المشرف-
مكتبتى
رابط مختصر

موضوع للنقاش
متبقي من نصيب السودان 8مليار متر مكعب من المياة والمياه التي تغطي البحيرة الواقعة داخل الاراضي السودانيه { وادي حلفا تبع فيسل خليل } يمكن ان نستغلها للزراعة وايصال المياه ل بورتسودان
مويتنا وجوه بلدنا لا جزيرة ولا منطقة متنازع عليها


نريد رأي الخبراء

السلام عليكم
الأستاذة أخلاص تحيه ليكي ولي ضيوفك
انا راي المويه دي نخليها لي الأجيال الجايه مامعروف البيحصل شنو لي قدام
الدهب تقريبا مابين التعدين الأهلي وناس الشركات خلص
البترول نزح ومشي وشال شنتطو
الزراعه الواطه بارت ومانافعه ومافي اي طريقه ليها و الباقي اها يا الله مكفيانا
فضل حاجات الشمس + الرياح + المياه
ديل نخلهن لي الأجيال الجايه ممكن يبيعوها لي دول الجوار - دي واحد من اهداف سد النهضه
وممكن يزرعو بيها
وممكن يخلوها تتبخر وتمش محل ما الله كاتبليها
كمان حرام علينا احنا كل شي ننتهي منو
وله رايك شنو
وفي الختام
الفوق دا كلووو كلام ساي

المحترم محمد التازي
نخليها لما تتحل مشكلة حلايب وشلاتين التي تدخل الجميع وتكرم بأهدايها
ما فضل سفير ما أفتي
قال ما عندهم أوراق ضغط قال

من يهن يسهل الهوان عليه. . ما لجرح بميت ايلام

نجفف البحيرة

بحيرتان وفي ارضنا
اضغط الي ان تصاب الشعوب باحدي اتنين الضغط او التعاون

الاستاذه اخلاص
بعد السلام
فى فترة الفيضان يشكل نهر عطبرة فى قمة فيضانه 76% من نهر النيل يمكن اقامة اكثر من سد للاستفادة من المياه حتى لو اقامة غطاء نباتى لا اقول للزراعة فالزارعة فى عقول الانقاذ لا مكان لها والدليل مشروع الجزيرة الذى تحطم فى حكومتهم
وده محرد راى
تحياتى

http://aawsat.com/home/article/619801/%D8%B9%D9%84%D9%8A-%D8%A5%D8%A8%D8%B1%D8%A7%D9%87%D9%8A%D9%85/%D9%88%D9%8A%D9%83%D9%8A%D9%84%D9%8A%D9%...85%D9%8A%D8%A7%D9%87

نشر الاستاذ علي ابراهيم نائب رئيس تحرير جريدة الشرق الاوسط
مقالا بتاريخ 19/4/2016 نشر فيه تقريرا نشرته جريدة نيوزويك
في هذا التقرير رسائل سريه بين دبلوماسيين امريكيين يحذرون من
اضطرابات اجتماعيه سياسيه كبيره نتيجة شح المياه سيكون الشرق الاوسط
في قلب هذه الاضطرابات

الاساتذه بلدي يا حبوب وعمر عثمان
يجب ان نسعي للاستفادة من المياة
عمل سد علي الاتبراوي وتوصيل المياه ل بورتسودان واسترجاع السلفه المائية والتي امتدت من 1959 والي الان بمتوسط 8 مليار متر مكعب من المياه ا مد الغرب السوداني الذي يقتله العطش بالماء

التعديل لتصحيح اخطأ املائية ناتجة عن استعمال الايفون

Quote: ومد الغرب السوداني الذي يقتله العطش بالماء

استاذه اخلاص سلامات
حسب علمى انو مياه النيل الجاااارى ده 70% منها من داخل الاراضى السودانية من الامطار ال بتهطل سنويا
قد تكون الفكرة غريبة شوية لكن مالو لو كلو ولاية او محافظة او بلد او او اياً ما كانت المسميات مالو لو يعملوا سدود على الاودية والمجارى يحجزو فيها الموية الجارية سااااكت دى ويستفيدو منها فى الصيف
انا شخصيا بعرف مجارى مياه امطار (خيران) فى صعيدنا ده حجمها ما اقل من مجرى النيل لو ما اكبر منو
والسدود فى اماكن زى دى ما مكلفة باعتبار انها فى الصيف بتكون جافة


اهل الاختصاص هل للمصريين الحق فى اعتراض مشاريع كهذه؟؟؟؟

الاستاذ معاذ الفحل
مشاريع حصاد المياة معمول بها في كثير من الدول وهي كما ذكرت تستفيد من المياه الموسمية وتخزنها للاستفادة منها في موسم الجفاف

فوق ..

تحية يا دكتورة ..

بريمة

الاستاذة اخلاص بعد التحية والتقدير
من المؤكد ان حكاية الاستفادة من مياه النيل مشكلة منذ تاريخ الممالك الكوشية، يذكر مثلا في تاريخ مدينة مروي النص الآتي:
"في القرون الأولى قبل الميلاد استعان المرويون بالساقية التي اخذوها من المصريين، وكان للساقية اثرها في توسيع الرقعة الزراعية في شمال المملكة مما يعتبر احد أسباب زيادة الكثافة السكانية هناك." [مروي التاريخ والحضارة - البروفيسور: عمر حاج الزاكي ص(141).

واعتقد ان مشكلة النيل معنا إننا لم نحدد هويتنا بعد هل نحن مجتمع زراعي أم مجتمع رعوي، بمعنى ان النص التاريخي عن مدينة مروي يحكي ازدهار وتطور مدينة مروي بعد التوسع في الزراعة بفضل الساقية، بعد أن كان الاعتماد على الجروف التي كانت تتركها الفيضانات بعد انحسار النيل، والشادوف أو الشادوق، والذي كان يستخدم لري مساحات محدودة.

إذن المشكلة هي في علاقتنا بالنيل ...