الغاء قرار نقل مباني المستحيله .... ليس تراجعا

08:15 AM April, 18 2016

سودانيز اون لاين
عمر عثمان عبد الوهاب-
مكتبتى
رابط مختصر

فالقرار صائب مئه مئه

ولكن و لتفويت الفرصه علي المعارضه الفطير تأليب الشارع السوداني


ضربة مرتدة اخري

لا للفوضي اينما كانت واينما وجدت



وطن امن ومعافي

يعني صدر قرار بنقل المباني يا عمر ثم تم الغاؤه؟
لاقاك وين القرار دا؟

اللبيب بالاشارة يفهمو ياود البشري

بقدرما خرج اولئك القله الماجورون والمدفوعين
من قوي المعارضه
كان هنالك اكثر منهم بمئات الالالف من هللو وكبرو فرحا بنقل
مباني هذه الجامعه الي سوبا

هذه الجامعة اصبحت مؤخرا بالاضافة الي جيوب المعارضه الهزيله
وكرا لامراء الحرب الذين لحقت بهم الهزائم والخزي والعار في ميادين القتال
فاصبحو يدججون عقول ابناءهم في هذا الصرح ليخلقو منها بؤرة من
الفساد والفوضي والتي اصبحت لاتطاق حتي لرجل الشارع العام
ومرتادي تلك المنطقه للوصول الي اعمالهم واشغالهم اليوميه

عاجلا ام اجلا مصير هذه المباني ان تنتقل من مكانها الحالي الي مكان
خارج العاصمه حفاظا علي سلامه المواطنين وممتلكاتهم شاء من شاء
وابي من ابي

يختلقون الازمات هنا وهناك ولكن وفي كل مرة يجدون رجالا
مشتعلون حنكة وسكينة ونظرة ثاقبه لكافة القضايا وحلحلتها
ونصب اعينهم سودان معافي يعيش فيه الجميع بامن وطمانينه

هههههه
اضحك الله سنك يا عمر ياخ
اطلقت رصاص على قدميك وعلى رأس الحكومة التي تؤيدها

اضحكو ياود البشري

اضحكو مليء خشومكم

ياهو حالكم مما قامت ثورة الانقاذ

بس نحنه مطمئنين لانو حنضحك في الاخير

واكان بالضحك حتسقطو الحكومه فاضحكو وقهقهو
واتدردقو بالواطه

ومعارضتكم دي ان اسقطتلها حكومه اهندي دقني


والمعارضه الغير محترمه لاتسقط الا بعضا من دميعات خبيثه

ياخي في مليون حل لفك الاختناقات والإشكالات البتكلم عنها دي ....

لا توجد فوائد من ترحيل الجامعة إلا حفنة دولارات تدخل جيوب المتنفذين ..




ـــــــــــــــــــــــ

الخط دا ما غريب علي .... انت من هناك ولا شنو ...

والله لي حق ان أضحك يا عمر
انت ياخي بهدلت الحكومة بهدلة من حيث اردت نصرتها

سلامات أخي عمر,,

إذا القصة بقت مكاواة نظام لشعبو فليكاووا للطيش..
بعد سنة بعد عشرة بجي يوم والناس بتتحاسب,,

الحكومة تقوم وتقع في النكرى وتكذيب قصة البيع
رغم إنو كلامك دا ما غريب لكن الراي شنو في الكضب
الكتر دا بالله!!!!
وزير ينكر ومجلس يؤكد ومدير ينفى ورئيس عامل رايح..

مش عيب عليهم بالله!!!
دا ياهو تحكيم الشرع؟؟

البلد يحكمها التجار والسماسرة وليس
التنظيم ولا الحكومة,,

هم من يملكون زمام الأمور الآن ويمسكون بخناق الدولة,,

ودي ايام خم جد جد,,
خم بجميع أشكالو,,,

تحياتى

Quote: ياخي في مليون حل لفك الاختناقات والإشكالات البتكلم عنها دي .... ‰

كما كان هنالك مئه مليون حل لبعض توافه الامور التي
ارادت المعارضه اثارة البلابل وزعزعة الشارع

في بعض الدول ازيلت دور للعباده ومكتبات ودواوين حكوميه هامه لفك اختناقات
او اضافة مسحة جمالية للمدن وتسهيل امور العباد

انزل من كوبري بحري او دور من خلف مباني الجامعه وكلياتها او مر من امامها لاتري
الا مناظر كئيبة ونجيله مظعمطه وسور بالي قديم توضح ليك بجلاء اهمال
طلبتها ذات انفسهم لجامعتهم
ياراجل كنا في الابتدائي بنعمل في تنسيق حديقة المدارس
ونهتم بنظافة المدرسة وجدرانها وسورها الخارجي

زمان طلبة جامعه الخرطوم كانو بجيبو الحجار والطوب من بره
هسع بجيبوها من داخل الجامعه
ومظاهراتهم يشيلو فيها الاخدر واليابس في دربهم

والقاصي والداني يعلم ان جامعة الخرطوم في العلام اصبحت بحححح
وكاضافة جمالية ولما حولها برضو بحححححح

في ناس عايزنها كده بس

مسمار جحا للحكومات

وبي لغة اليومين دي فزاعة

مسكاقمي انقتو عمر غايتو فلييعك للمعارضة ده طوبو اكبر من بتاع طلبة الجامعة هدي السرعة بعض الامور لايمكن رجمها بطوبة كبيرة وحكومة البشير دي اوسخ نظام يمر على السودان في التاريخ لانو فاسد نوع وكم يعني بضربوا في السعر وفي الكميات غش جد ولو اتا مؤيد النظام اتركنا كمعارضة في حالنا الفينا مكفينا وبكل ادب نحترم رغبتك وتوجهك

السلام عليكم
الأخ عمر عثمان وضيوفه الكرام

يا هذا اليس الطلبة ديل هم نتاج المشروع الحضاري لحكومة الإنقاذ
اليس الطلبة ديل هم القرو المنج الجديد الخاوي
يا هذا اليس الطلبة ديل هم نتاج طبيعي لما زرعتموه فيهم
ياهذا انتو كان غلبتكم الشغله ماتكوركو ساكت
ياهذا ان كلامك وكما قال الأخ محمد بشري كله ذم في حكومة الإنقاذ
ياهذا ان اعتي واحد السناير في جامعة الخرطوم الان مواليد اخر الثمانينات و اوائل التسعينات
يا هذا ديل الإنتو عملتوهو - يا هذا اهلنا قالو التعملو بي ايدك يغلب اجاويدك
و يا هذا دي صيغ بتاعت واحد اخونا هنا اسمو سيف ليه التحيه
وياهذا في الختام السلام

Quote: البلد يحكمها التجار والسماسرة وليس التنظيم ولا الحكومة,,

اخونا ايمن تحياتي

حكاية حكم السماسرة والتجار للبلد ده كلام معارضه قديم
من يوم فتحنا مامرت حكومه علي البلد الا وسمعنا انو
التجار والسماسره حاكمنها

علا اكان تقول سماسرة وتجار (كيزان) وحتي دي برضو
ايقونه معارضه وبقت مستهلكه يلوكو فيها ليل نهار
وبقو الناس اي واحد من المعارضه مما يجيب كلمة كيزان
في خشمو بينفضو من حولو وبعرفوهو ماعندو موضوع

بعدين نحنه التجار العندنا ديل يعتبرو جربانين ومساكين وعدمانين ساي وماديلك
التجار التقدر تقول عليهم راسماليه لدرجة يتحكمو في مصائر
الناس والبلد وبالكاد لو قدر يتحكم في تثبيت نفسو في السوق يكون ماقصر

Quote: مسكاقمي انقتو عمر غايتو فلييعك للمعارضة ده طوبو اكبر من بتاع طلبة الجامعة هدي السرعة بعض الامور لايمكن رجمها بطوبة كبيرة وحكومة البشير دي اوسخ نظام يمر على السودان في التاريخ لانو فاسد نوع وكم يعني بضربوا في السعر وفي الكميات غش جد ولو اتا مؤيد النظام اتركنا كمعارضة في حالنا الفينا مكفينا وبكل ادب نحترم رغبتك وتوجهك

منيبو امبس هامد

في الحته دي وبدون مكابره ياريت نتفق كلنا انو دي اقوي حكومه تمر علي السودان
ومنذ استقلاله
فقد علمتنا وتعلمنا منها الكثير الكثير

وبصراحه كده

بعد ذهاب هذه الحكومه طوعا ام (قسرا ) ولن يكن , فالسودان والشعب السوداني تاني ماينخاف عليهو

الحكومه دي فتحت لينا الطريق و مسكتنا الدرب وملكت الناس مصائره وطريقه
عيشته ,تاهيلا وتعليما وتدريبا ورجوله وثقه واعتماد علي النفس ووووووووو

ومادون ذلك قد تهاوي وتساقط

ونمضي