الاستاذ عثمان عووضة

04:28 PM April, 16 2016

سودانيز اون لاين
جلالدونا-
مكتبتى
رابط مختصر

بعودته الميمونة شرفنى بالتواجد فى احد بوستاتى و سعدت بذلك ايما سعادة
خاصة و العبد لله مهموم بعودة المحاربين القدامى
و تواصل التواصل الجميل بيننا بعد ذلك و تنوعت مشاركاته ما بين بوستات الزملاء
سهلة ممتعة تنثر الفرح فى دواخل قارئيها و تحتفى بالالفة و المودة

عثمان عووضة شنو ياخ عامل لي بتو الفقرية ديك ...

يا هلا ود قبانى و التحية للعزيزة بت العزيز تايسا
المشكلة يا قبانى بعد فرحنا بيهو رجع تانى لى صومعتو و المّرة دى مغاضبا
و للاسف الشديد اعلن ذلك فى بوست لى
بالجد محتاجين حلبالجد محتاجين حل]

استاذنا عثمان عووضة قلم ذو رائحة ومذاق سوداني جميل ..
والقلم يعكس الشخصية بكل تأكيد ..

..

جلالدونا ازيك ياخ ..
الليامات دي الواحد ما بلاقيك في رواقة كده عشان يسلم عليك ..
ننتهز هذه الفرصة وكده يا هذا ..

يا هذا،
بتاع الملوص دا تلفونو عِن منو، مشتهي لي معاهو
عشرة قطيعة .

صومعة شنو يا زول
نحلف عليهو عديل يجي

يا عووضة عليك أي حاجة بتحبها تجي

و ما قلت الا الحق فى حق استاذنا عثمان
و التحية مردودالك بى اطيب منها يا هذا الذى هو من ضمن هؤلاء
متابعكم بى غادى و مستمتع بى لمّة الكبار هناك
و ما متفق مع استاذنا كبر فى حتة تعقيل الرواية بالتاريخ متجاهلا الواقع الاجتماعى الذى بنيت عليه
القصة و هو بالتاكيد ذو طيف سياسى عميق و متمثلا كحالة من حالات الرواية فى الرق الذى حتما قننه السياسى
و فى شان العنوان اعتقد ان استاذنا مدثر جانبه التوفيق بربطها بى انصار المهدى
فهى تجرى كثيرا على لسان اهلنا فى الشمال و خاصة فى صيغة الاستفهام شان شنو ؟
اضحكتنى كثيرا مداخلة كاملة من ستة كلمات على ما اظن كدى امشى اجيبا ليك و اجى

Quote: تحياتي يا ملك
تحياتي يا كبر
سلوى بكر، مالها؟


تصدّق قربت اخش لكن تانى قت يا ود هوى شن بدّخلك وسط القندرانات ديل
يقومو يدقشوك بى حاجة تتفرتق ما تتلمّ الا يوم الدين
و فى خاترة اروع من القصة ذات نفسها .. استاذنا الملك درّوش الخواجايا
و التحية لكل الاساتذة بى غادى
و عندما يكتب الكبار نربّع ايدينا و نقعد من سكات
و بالمناسبة المداخلة عندها هدف تانى
شتّيت عيش للحمام كان يجى

Quote: يا هذا، بتاع الملوص دا تلفونو عِن منو، مشتهي لي معاهو عشرة قطيعة .

يا هذا ... هذا التلفون
لو لميّت فيهو ابقى لا تنسانى
مش انا صاحبك

Quote: صومعة شنو يا زول نحلف عليهو عديل يجي يا عووضة عليك أي حاجة بتحبها تجي

يا حمد ياخى انت رومانسى لامن مدفّق بى غادى
العينة البتسرق الموية دى لمّا تزعل بتقع حواشة القمح و ندّس فى نصو
الشرا ما يمرقو , تمرقو جنس حليفتك دى

Quote: يا ود هوى شن بدّخلك وسط القندرانات ديل

قندرانات أنا ؟! ..

...
في الحقيقة في 3 قندرانات وكم برينسه :)


* لمن افضى شوية عندي معاكم كلام في شان الله وهذا المنبر وكائناتو وكياناتو الخلافية يا صديقي ..

عارف يا جلي
تماماً كما صديقنا ود المشرف
الزول عاوز يطايبك ( قوووول يشاغلك ) بس ما عارف وين ؟؟
بركة الـ لقينا فيك فرقة

أول مرة أسمع باسم ( عثمان عووضة ) عندما أنشأ صديقنا الغائب الحاضر حسين ملاسي أحد بوستاته الحميمية ( النادرة )
وقال فيه

" سميرة حمور تتعب والشكر لى عثمان عووضة "

سميرة حمور المعنية هي السيدة الفضلى حرمه

الشاهد في الموضوع أن ملاسي قد أفاض في ذكر مجاهدات الفضلى أم تايسا في بناء منزل الأسرة ( حلوة مجاهدات دي موش كدا ؟؟ )
تداخل حبيبنا جني وذكر ما ذكر
وبين هذا وذاك تبينت لدى معالم شخصية عثمان عووضة الآسرة
معرفة وصداقة تيسير عووضة وكلام ومواقف يكون عثمان عووضة وآرائه طرفاً فيها
تمتلئ الفراغات
ليس في أقدار الله مجال للصدفة
بل إنسجام كامل

وعندما عاد ليكتب
لم تفاجئني الآراء الحصيفة المصاغة بأسلوب بسيط يدخل القلوب الغليظة بلا إستئذان
ولم تفاجئني الأريحية والبساطة وروح الطرفة الأصيلة

لكن الذي أحزنني أن ( الأوصوفوه ) - بما فيهم تايسا - لم يكونوا منصفين
تماماً كما قال شيخنا أحمد ود أب شريعة
الواصيفينا ..
غير منصفين ذاتو الحسينة
بل قاصفين
بل قاصرين
بل عاجزين


على منحى شديد الخصوصية
فقد سعدت كثيراً لمعرفتي بتجاورنا في الخرطوم
إذا أمد الله تعالى في آجالنا حتى نضع عصا الترحال فأكون محظوظاً بجار أستمتع به ومعه


ثم

هو قبلوهو في المؤتمر الوطني ولا شنو ؟؟

لو كان الرجال يوصفون بأنهم نسيم او دعاش فوالله إنه هو النسيم والدعاش معا
وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط
لله فى الله
عثمان عووضه قلب مرهف وحس مرهف وقلم مرهف وعطاء لطيف خفيف الظل محبب
عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين
شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها
...

التحيه ليك ياجلادونا ولكل ضيوفك الكرام

Quote: لو كان الرجال يوصفون بأنهم نسيم او دعاش فوالله إنه هو النسيم والدعاش معا وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط لله فى الله عثمان عووضه قلب مرهف وحس مرهف وقلم مرهف وعطاء لطيف خفيف الظل محبب عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها ... التحيه ليك ياجلادونا ولكل ضيوفك الكرام

ملهم ده قال شعر عديل
نثني

لا يمكنك إلا أن تحبه

كتاباته تدخل إلى القلب مباشرة

لأنها من القلب


أحمد الشايقي

يا ود المشرف من ناحية انك قندرانى دى لا يتعارك فيها كبر و ود المدير
ف شنو
ياريت تجى سريع شوف لينا حكاوى المنبر دى و كائناتو و كياناتو
و عليك الله ما تنسى مكنوناتو
تعال سريع فالحال اصبح لا يحتمل

لو كان الرجال يوصفون بأنهم نسيم او دعاش فوالله إنه هو النسيم والدعاش معا
وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط
لله فى الله
عثمان عووضه قلب مرهف وحس مرهف وقلم مرهف وعطاء لطيف خفيف الظل محبب
عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين
شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها

لايك

يا هلا بيك عاطف
و ألف مرحب بالمطايبة و المشاغلة من ناس حلوين زيّكم كدى
و التحية اولا للاستاذة سميرة حمّور و اخونا عثمان يستاهل الناس تتعب و الشكر ليهو
و هو بينى و بينك لو خلّو الحاجات عليهو كان سفّو التراب

Quote: لكن الذي أحزنني أن ( الأوصوفوه ) - بما فيهم تايسا - لم يكونوا منصفين تماماً كما قال شيخنا أحمد ود أب شريعة الواصيفينا .. غير منصفين ذاتو الحسينة بل قاصفين بل قاصرين بل عاجزين

اقوليك حاجة يا عمر فى الحتة دى
و الله معاهم الف حق يقصّرو
هو الزول ده يوصفوهو من انهى حتة
جمالياتو كتيرة و خاصة جمال الروح تعجز عنّو فاره الكلمات
و يا ريتو كان ما عاد
كان يخلينا فى جهلنا و غبانا
يسعدنا بى قدومو الميمون و فجأة يقول لينا مع السلامة
قايل روحو مصطفى سعيد هو
و احسدك تماما على الجيرة الطيبة و كان جمبكم فى بيت للبيع قول عوووك
و نسعد بى قربكم و على الاقل الواحد يضمن ما يجيهو ضغط وللا سكرى فى باقى عمرنا الباقى لينا
و ما ظنيتو يكون مشى على المؤتمر الوطنى .. يكون مزنوق فى قطع القمح و النوريق
التحية ليك و ليهو و لأسرتيكما الكريمتين

البوبارى ملهم
كيفك يا ذوق
ما اوفيت لاكين ما قصّرت

Quote: لو كان الرجال يوصفون بأنهم نسيم او دعاش فوالله إنه هو النسيم والدعاش معا وإنه الصديق والاخ والذات التى تشبة ذاتى وذات كل من احبه.... هكذا دون قيد او شرط لله فى الله عثمان عووضه قلب مرهف وحس مرهف وقلم مرهف وعطاء لطيف خفيف الظل محبب عثمان عووضه مع طلته تستقيم خطى القلوب المتعبه وتشرق إبتسامات الرضا على وجوه الموجوعين شجرة حياتنا واحده واغصانها متعدده واوراقها باللآلاف ...لكن عثمان هو من ناضج ثمرها

اها يا شيخ عاطف
باقيلك شيخ ملهم ده غادر من متردّم
برررضو تحس فى حاجة ناقصة
ما قلت ليك

العزيزة عفاف
سعيد بالطلّة

Quote: ملهم ده قال شعر عديل نثني

و هو فعلا شاعر و غنااااااى كمان
التحية ليك و ليهو
و نثنى التثنية

استاذن الفاضل عوض
حيّاك الله و بيّاك
و يا الف مرحب باللايك
الذى هو فى محلّو

Quote: يسعدنا بى قدومو الميمون و فجأة يقول لينا مع السلامة

ما بتبقى والله تب ...

يا الف مرحب بالشايقى

Quote: لا يمكنك إلا أن تحبه كتاباته تدخل إلى القلب مباشرة لأنها من القلب

يا ريتو لو يعلم
دى المحبة البى الغصب
و صعب الخلاص منها
بعرف كيف يرسم حروفو
النابعة من طيبة ارضنا و طبعنا
زول تحبّو لله فى الله

يمين الله تاني كل يوم. احرد

يمين الله تاني كل يوم. احرد

جلالدونا
قبة
د. المشرف
ود المدير
حمد الحلو
باشمهندس توفا
الملهم الفنان
بت ابو حريرة
احمد الشايقي
عوض محمد احمد
الرصة دي علی حسب ترتیب المداخلات
.....
هسي الزول لو ما جبر بي خاتركم يدخل وين
الله يديكم الفي. مرادكم ويحفضكم ويخليكم لي
...
بس انا عايز كوكا كولا. 😉😉

Quote: يمين الله تاني كل يوم. احرد

عوووضة في مدني حي مؤدب ومحترم والعجب استاذي للغة العربية بمدرسة السني الثانوية مدني محمد عثمان عووضة
ياجماعة المنبر ده بخروووووه او دقووو لينا ظار لووولية عديل
العضوية من بقت بالاقامة ابصلعة بقى زي ناس برشلونة يجيب لينا لعيبة مصابيين ومعوقييين :)
جلالدونا تحياتي لك ولعووووضة مدني والخرتوم

ياخى بوظتا اعصابنا ..
كدى قبل الكوكا كولا اربعة من فى اللستة الفوق دى يشدوك
و حامد بى سوط العنج يديك عشرين جلدة
اكيد استاذنا الجليل محمد عثمان عووضة جلدو فى حصة التسميع
ياخى مرحب بيك و عليك الله تانى ما تعمل كده
لانو يمين الله بنريدك لى الله و الرسول

ياخي انا اكان ما بريدكم كان جيت
حمد حلفني باي حاجة بحبها
وانا بحبكم شفت الحكاية ساهلة كيف؟

ياخي أنا براي بيني وبين رقبتي قتا عثمان دا يفوت مننا ساي كدي ,,,,,
ياخي زول زيك سويت فينا ما سويت تجي تقول مع السلامة وتمشي ,,,,,
ياخي قبليها بي يوم وفي بوست حمد بتاع هيروشيما أضحكتني كما لم
أضحك من قبل يا مونساتي مع إنو أنا كنت من الأساسيين الكان البراية
مستهدفم بي الدعا ,,,,,,
يازول إتا قايل البينا وبينك مع السلامة بس ,,,,, رجاء" تاني ساعة تجي
تحرد كلمنا عشان الواحد يمسك دينق يعضيهو في فاخورتو دي عشان
أب صلعة يشيل أمانتو ويريحنا.
مرحب ود عووضة في دارك ,,,,,
جلال بحق إتا زول أخو أخوان ومقنع كاشفات (مقنع كاشفات دي إن
بقيت داير تبكي رجالة ساي كدي أمشى لي شرح بت تاور في بوستيها
مهوقني قريب من هنا)

ود الزبیر یاخي ان شاء الله المابيحبكم يموت
والله من شدة فرحي بيكم قربت امشي العمرة 😜😜

Quote: قربت امشي العمرة

هههها
يا زول ربنا يسهلا ليك
و زى ما بقولو اهلنا الوصاه بالمهلة
لو لاقاك ابو حسين امانة فى ضمتك دى
تقول ليهو .. قوم لف ,,,

يا جلال انا اصلا ماشي العمرة مخسوس عشان
اقول لابو حسين قوم لف

الحمد لله البطانية هجست شوية