ان يدعو زميل على العضوية بالويل و الثبور و الموت الزؤام و يسأل الله ان يشتت شملنا و يقتلنا و يشل ايادينا ثم تكفير لبعضنا و شتم لآخرين انه امر لا يطاق اها الدبارة شنو
Post: #2 Title: Re: بالجد محتاجين حل Author: Salah Zubeir Date: 04-16-2016, 07:12 AM Parent: #1
مرحب جلالدونا ,,,,, أولا" ,,, (قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ) التوبة-51 تانيا" عدم التداخل معه أو السماح له بالدخول ,,,, ما تمشي ليهو ,,, جا عندك أستك حنانو زاتو ثالثا" تسليط الضوء علي أفكاره الداعشية وإبرازها في بوستات مفتوحة خصيصا" (هو زاتو ما داسيها) عل وعسي يمر من هنا من هم مسؤلين عن محاربة داعش عشان يلموهو عندهم, تحياتي
Post: #3 Title: Re: بالجد محتاجين حل Author: جلالدونا Date: 04-16-2016, 08:49 AM Parent: #2
و نعم بالله يا ود الزبير المهم رجع يكتب من تحت تانى و اظنّها الغتسة الياها نسأل الله له و لنا السلام من كل شر و مصيبة و مرض
Post: #5 Title: Re: بالجد محتاجين حل Author: حمد عبد الغفار عمر Date: 04-16-2016, 08:54 AM Parent: #3
المستجابة دعوة المظلوم موش؟
هو الظلمو منو ياها كتابة المنبر دي كانت بقت ظلم يمين في ناس الواحد يبكي ليهم عديل
Post: #4 Title: Re: بالجد محتاجين حل Author: جلالدونا Date: 04-16-2016, 08:53 AM Parent: #2
و نعم بالله يا ود الزبير المهم رجع يكتب من تحت تانى و اظنّها الغتسة الياها نسأل الله له و لنا السلام من كل شر و مصيبة و مرض
Post: #6 Title: Re: بالجد محتاجين حل Author: عثمان عووضة Date: 04-16-2016, 09:37 AM Parent: #4
طيب وكت جينا للجد انا والله العظيم مسلم اصلي واصوم وازكي حجيت بيت الله (لكين بصراحة بيني وبينكم حجتي دايرة ليها رقعة 😉😉)
بتذكر في التمانينات مشيت البلد في وفاة الوالد الله يرحمو شارع شريان الشمال ما كان في والدنيا رمضان وحر لمن داير ارجع مالقبت الا تنكر ماشي الخرطوم اتوكلت وركبتو وركبت راسي معاهو انو لازم اصوم وصلت البيت قبل الافطار بي ساعة الا ربع لساني برا وحالتي بالبلا عطشان قربت اموت شبكوني ليك في البيت شي بل بشاكير وشي مسيح تلج غايتو مرقت منها بالجلالة ووقتها عرفت شنو معنی ولا تلقوا بانفسکم للتهلكة واتاكدت تماما انو الدين يسر وانو لو كنت استخدمت الرخصة وفطرت اليوم داك كان ربنا اداني اجر اكتر من اجر صيامي و انو ربنا ما محتاج لجوع وعطش زول من عبادو والله العظيم الكلمة الطيبة والمعاملة الحسنة مافي زيهم غايتو من ما جيت المنبر دا كضاب زول يقول سمعتو كلمة مافي محلها والله الواحد العبرة سدت حلقو لمن شاف الدعا بتاع سيف الدين بابكر عليكم الله اخير نبقی مونساتیة ولا نسوي زي الكلام دا؟
انا غايتو عرفت الحل لي رويحتي دي مع السلامة
Post: #7 Title: Re: بالجد محتاجين حل Author: جلالدونا Date: 04-16-2016, 09:55 AM Parent: #6
يا حمد اخوى .. المسألة ما اظن عندها علاقة بالظلم الزول ده بالجد تايه عن نفسو و ما لاقيها نسأل الله ان يفتح عليه بالحق و يهديه الى سواء السبيل
Post: #8 Title: Re: بالجد محتاجين حل Author: معاوية المدير Date: 04-16-2016, 10:10 AM Parent: #7
Post: #11 Title: Re: بالجد محتاجين حل Author: Salah Zubeir Date: 04-16-2016, 10:57 AM Parent: #7
يا عثمان ,,, كيفنك ,,, ياخوي سيف الدين دا حالة فريدة من نوعا ,,,, دخل المنبر يوم 16-01-2016 يعني في تلاتة شهور كتب ولصق 1984 بوست ,,,, هرا الناس هري وكضاب البيقول ليك إنو الزول دا عندو قضية محددة بنافح فيها ,,, أول ما جا داخل مسك الشماليوسودان و نجضم ليك نجاض ودخلم ليك في جحر ضب يا قول المستنير ,,, فكاهم مسك ليك الحركة الشعبية وجماعات اليسار وساقم ليك وداهم البحر وجابم عطشانين وحفيانين ورجع كبعم كبيع ,,, شويتين إتبنا قضية الأبالة والبقارة والمهمشين المظلومين من الشماليين ودورم ليك يوم يديك كلام يعجبك وتاني يوم يديك في راسك ,,,, بعد دا كلو فتح ملف الإسلاميين يوم معاهم واليوم تاني يطلعم كفار إدعي إنو حركة شعبية وسلفي وسعلوك وصايع وأخيرا" جدا" مسك في الدواعش وبدعو في الناس تلتحق بداعش يا الموت. دا ما زول سوي ,,, وعندي معلومات بتقول إنو الزول دا عضو منبر سودانيز سابق يمتلك المهارات والثقافات اللازمة للقيام بهذا المجهود الإستثنائي ,,,, يعني البنشوفو دا كلو تمثيل في تمثيل لا يخلو من الحقد السياسي وخدمة أهداف بعينها. فنم قريرا" يا أخينا ود عووضة وأشرب عصاير مختلفة الألوان عشان ترجع سليم معافي بإذن الله.
Post: #9 Title: Re: بالجد محتاجين حل Author: جلالدونا Date: 04-16-2016, 10:11 AM Parent: #6
رحم الله الوالد و سائر موتانا و موتى جميع المسلمين و نسأله ان يمّن عليهم بالرحمة و المغفرة و العتق من النار و يرزقهم الجنة بغير حساب الدين يسر مافى شك فى ذلك و المسلم من سلم الناس من يده و لسانه و الدين المعاملة امور فطر الله قلوبنا عليها و امسك قوى فى تذكرة اخونا ود الزبير ... قل لن يصيبنا الا ما كتب الله لنا ... نعم حاجة غير مريحة للنفس انك تشوف مسلم بيدعو على مسلم داك الدعا لاكين ده ما معناتو نخلى حاجاتنا المفطورين عليها ياها ونستنا بتقربنا و تآلف بين قلوبنا رغم الشتارة الفيها النابعة من محبة ياخى كم بالجد انا سعيد و انا بين اهل الحوش و سعيد اكتر بالراكوبة الطرّافية بتاعت اهل الونسة و كل ما ادخل المنبر ده بطل عليهم بالاول و ارمى الفيها النصيب راكوبة انتا الامينة بتاعتا تقوم تقول مع السلامة ياخى مع السلامة و فى رعاية الله و حفظه و صونه بس كنك جايي كما يقول اهل السيسى
Post: #10 Title: Re: بالجد محتاجين حل Author: جلالدونا Date: 04-16-2016, 10:14 AM Parent: #9
اها عاجبك كدة يا ود عووضة نحنا نقول حل و صاحبك ده يقول حلل المرحوم العالم عبدالله الطيّب قالو قال الحلل ده شنو كده ما عارف بتاع التمساح الكلام ده صحى ؟
Post: #12 Title: Re: بالجد محتاجين حل Author: د.محمد بابكر Date: 04-16-2016, 11:51 AM Parent: #10
Quote: المرحوم العالم عبدالله الطيّب قالو قال الحلل ده شنو كده ما عارف بتاع التمساح الكلام ده صحى ؟
صحى الكلام ده يا جلال وقد حكى لى دكتور النقر انه البروف كان يموت من الضحك لمن يجيبوا الغنيه دى فى الراديو رحم الله دكتور النقر وبروف عبدالله الطيب واطال الله عمر الاستاذ ابوعبيده حسن .. انت بارى ود المدير بوديك انت والبوست حقك للخور.. امثال ناس ود المدير ديل ما اتوا لحوار ههههههههههههههههههههه
Post: #13 Title: Re: بالجد محتاجين حل Author: قصي محمد عبدالله Date: 04-16-2016, 12:24 PM Parent: #12
استاذى الدكتور محمد بابكر شاكر مرورك الكريم رحم الله علماءنا الاجلّاء و احسن اليهم و متّع مبدعنا الاستاذ ابوعبيدة بالصحة و العافية و ما دام معناها كدى يبقى ود المدير ده مباراتو بتودينى الكوشة لكن عندى سُعال صغير يا دكتور حلول وضعها من الاعراب شنو ؟
هههههههههههههههههه انت اطلع من موضوع الجمع ده خليك فى المفرد اعرابه ساهل هههههههههههه
Post: #16 Title: Re: بالجد محتاجين حل Author: قصي محمد عبدالله Date: 04-16-2016, 04:18 PM Parent: #15
التعليقات: 2 فرز حسب الأقدم إضافة تعليق...
Zrirov Asmr · University Of Juba (( زنجباري خفاش المنابر يا سيف النصر أصغر من أن تجاب له دعوة فهو جبان يتوارى بما يعني بأنه صديق للباطل وجماعات الهوس فاحش القول واللسان وأعتقد بأنه لا يعرف حتى كيفية الغسل من الجنابة ناهيك من أن تستجاب له دعوة *** معقول نخليك مع معتوه المنبر الزول ده بعد شوية بقلب عليك كما الكلب السعران وحقيقة لا أرى فيه غير مثله ومثل الكثيرين ممن يعبدون الله بجهالة فيزدادون بعد منه كسرة امثالك يا زنجباري هم من شوهوا دين الله القيم وكانوا كارثة على البشرية ووجودك في هذا المنبر نذير شؤم لخلية من خلايا داعش بسودانيز اون لاين))
اللهم شل يد فرح الطاهر أبو روضة اللهم شل يده اللهم شده يده .. اللهم شل يده عن الكتابة .. إذا يريد أن يصد عن سبيل الله اللهم شل يده وأخرسه لسانه.. اللهم إذ يرد إسكات الحق وإظهار الباطل . اللهم إنه وقت استجابة الدعاء اللهم فاستجب. أعجبني · رد · 14 ساعة Zrirov Asmr · University Of Juba الَّذِينَ جَعَلُوا الْقُرْآنَ عِضِينَ (91) فَوَرَبِّكَ لَنَسْأَلَنَّهُمْ أَجْمَعِينَ (92) عَمَّا كَانُوا يَعْمَلُونَ (93) فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ (94) إِنَّا كَفَيْنَاكَ الْمُسْتَهْزِئِينَ (95) الَّذِينَ يَجْعَلُونَ مَعَ اللَّهِ إِلَٰهًا آخَرَ ۚ فَسَوْفَ يَعْلَمُونَ (96) وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ (97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ (98) وَاعْبُدْ رَبَّكَ حَتَّىٰ يَأْتِيَكَ الْيَقِينُ
مر رسول الله - صلى الله عليه وسلم - فغمزه بعضهم ، فجاء جبريل أحسبه قال : فغمزهم فوقع في أجسادهم كهيئة الطعنة حتى ماتوا. أعجبني · رد · 4 ساعة Facebook Comments Plugin
هو بس يا دكتور من باب استعمالا و كده هسى ود المدير ده لو لمّت فيهو مشاكل و محتاج لى الحاجات القلت لى خليك بعيد منّها دى , اقدمها ليهو وللا اشوف لى صروفات تانية
