Post: #1
Title: معذره يا ... الطيب الجاك ... !!!
Author: ملهم كردفان
Date: 04-15-2016, 11:44 PM
10:44 PM April, 16 2016 سودانيز اون لاين
ملهم كردفان-الإسكندريه
مكتبتى
رابط مختصر
كيف حالك وأحوالك أستاذ الطيب الجاك
حقيقى لحدى آخر سطر فى البوست قبل ما اتداخل كان غايه فى المعقوليه والروعه
وانا حسيت بالحرج
لمن لقيت مارديت على مباشرة
فحسيت كأنو انا فرضت نفسى عليك
فقلت
ياخ أحسن أمسح مداخلتى
لأنو حقيقى تصرفك كان زى الفط وكده
وإحتراما لنفسى
قلت ياخ اذا الطيب الجاك ماعبرك
يبقى انت من نفسك امسح مداخلتك
وقد كان ...
وقد اتضح بعدها انك فوجئت بمسحى لمداخلتى
فأكملت على الباقى بمسحه كاملا وهذا من حقك
بس سبب مسحى مداخلتى بيعتمد على رد فعل من تداخلت معه
وكان رد فعلك التجاهل
لأنو فى اعتقادى
انو مادام ما انا دخلت بيت زول وسلمت فى العاده بتوقع القى رد مباشر لسلامى
مالقيت الرد المباشر مسحت مداخلتى واتخارجت والحمد لله
مرفق إحترامى
تعديل ..للإضافة
وكمان
دى أول مره اتداخل معاك فيها ...
حقيقى اتصدمت
لمن لقيتك تشيل وتنزل فى باقى فكرتك فى حين انو المطايبه لزوار بيتك مابتأثر على تنزيل باقى الفكره
بالعكس حتخليك تكبر فى نظر زوارك
أشكرك على تفهمك
|
Post: #2
Title: Re: معذره يا ... الطيب الجاك ... !!!
Author: الطيب الجاك
Date: 04-16-2016, 08:40 AM
Parent: #1
حبيبنا و حبيب الكل ملهم كردفان
سلام و تحية ، ، ،
نحمد الله ، بخير و عافيه ، ، ،
يا ملهم أنت إنسان لا يتنفس إلا هواء نقي ، ، ،
تأكدت تماماً إنو فكرة البوست حتعجبك قبل ما تتداخل فيهو ، ، ،
وكت لقيتك أول المتداخلين بالجد سعدت بمداخلتك ، ، ،
عند مسحك للمداخلة افتكرت انو البوست مشي في اتجاه غير الاتجاه الاتوقعتوا انت و بناءاً عليه كتبت مداخلتك ، ، ،
صدقني متفهم جداً لما حدث ، ، ،
فإنسان مثلك لا يمكن ان يكتب بخبث أو تفسر (بضم التاء و فتح الفاء و السين) كتابته بسوء ظن ، ، ،
فإطمئن أخي أنا متفهم تماماً لكل شئ ، ، ،
الحقيقة لم تكن بحوجة للإعتذار بهكذا بوست ، ، ،
و أعتذر لك إن تأخرت في الرد عليك في ذاك البوست و هذا ، ، ،
و لي عظيم الشرف أن تعرفت بك ، ، ،
و إن شاء الله سوف نلتقي في هذه الحياة إن كان لنا في العمر بقية ، ، ،
أحترامي ، ، ،
|
Post: #3
Title: Re: معذره يا ... الطيب الجاك ... !!!
Author: ملهم كردفان
Date: 04-16-2016, 09:11 AM
Parent: #2
ألف ألف مرحب
يا الطيب الجاك
شاكر تفضلك بالرد والتفهم
احترامى
|
Post: #4
Title: Re: معذره يا ... الطيب الجاك ... !!!
Author: Muna Khugali
Date: 04-16-2016, 12:20 PM
Parent: #3
شكرا ليكم الاتنين علي المصارحه وعلي الرد الشارح وخاصه في سبب
مسح المداخلات وربما الردود عليها
كتير بيحصل الواحد بيخطيء في تنظيم الردود
وانا بالتحديد عندي المشكله دي وطبعا بالنسبه لصاحب المداخله
ممكن يعتبرها مقصوده في حين انها غير ذلك..
احيانا زمان لما يكون عندي اصحابي قريبين لي في البوست
والبوست ماشي في اتجاه نقاش زي الونسه..يعني مداخلة الصديق او الصديقة
بتكون عديده .. كنت بتعامل زي كأنهم اصحاب البوست وبأخر الرد شويه..
بعضهم كان بيتفهم الكلام ده وبعضهم كان بيزعل.. لذلك اصبحت احرص علي الرد علي الجميع
عقب كل مداخله.. حتي وعلي الرغم من انه نظامي ممكن يلخبط شكل البوست..
علي كل حال علي الرغم من الاحساس السخيف المصاحب لعدم الرد.. الا اننا نحتاج ان نصبر ونشوف نهاية الموضوع شنو😂
تحياتي لكما
|
Post: #5
Title: Re: معذره يا ... الطيب الجاك ... !!!
Author: ملهم كردفان
Date: 04-16-2016, 02:56 PM
Parent: #4
حباب منى خوجلى وشكرا على المداخله الثره
والتحيه عبرك للأخ الطيب الجاك
.......................................................
بالنسبه للمشكله دى
| Quote: وانا بالتحديد عندي المشكله دي وطبعا بالنسبه لصاحب المداخله |
حلها ساهل ..قولى لى كيف
طيب انتى كتبتى موضوع واتداخل معاك 20 صاحب فى البوست ده
مسكتى اول واحد رديتى عليهو وجيتى تردى على التانى
.......
ماتدوسى على زر رد طوالى وتردى
لا
...
انسخى كلامو من بره
وانزلى آخر البوست
وتدوسى على زر ردك على الأول ... وتدوسى على زر إقتباس وتدوسى على زر reset
وتلصقى النسختيهو ثم اوكى
وتكتبى ردك عليهو
وتمشى للتالت تقرى مداخلتو
ومن بره برضو تنسخى مداخلته
وتنزلى تحت
وتدوسى على زر ردك على التانى وتدوسى على زر إقتباس وتدوسى على زر reset
وتلصقى النسختيهو ثم اوكى
وتكتبى ردك عليهو
وهلم جرا لحدى آخر واحد
...
الطريقه التانيه تفتحى صفحتين لى موضوعك
واحده بطريقة
اقرا المشاركات فى صورة مستقيمة
والتانيه بطريقة
أقرأ المشاركات فى شكل سلسلة ودى عشان تتاكدى انك مافطيتى زول اثناء الرد
...
يلا فى الصفحه بتاعتك
تبدى تردى زى ماهو مشروح فوق
وكل ماتردى على واحد تمشى للصفحه بتاعت
أقرأ المشاركات فى شكل سلسلة تظللى إسمو
....
فى ناس بيجو يتداخلوا فى البوست وتكون مشاركاتهم الجديده فى النص ومافى مكانها السليم
ديل بتعملى ليهم مراجعه برضو بفتح الصفحتين ومراقبة الأسماء الجديده ثم الرد عليها
احترامى
|
Post: #6
Title: Re: معذره يا ... الطيب الجاك ... !!!
Author: ملهم كردفان
Date: 04-16-2016, 02:59 PM
Parent: #5
فى حال انك تكونى مواظبه على البوست وبتردى اول باول
ماببقى عندك مشكله الا مع الذين يحشرون مشاركاتهم فى نص البوست
والمشكله دى أصلا فى نسخة المنتدى ده بس
المنتديات التانيه بتخت كل مداخله وكل رد فى مكانهم الصحيح
|
|