دا طفل ضهاري..

دا طفل ضهاري
محتاج ليك سنة ضوء
عشان تحس
أطراف محنتوا
ومحنتو
وصلت في الحلم
لطرف المدينة
يا عمو معاك قدام
والباقي كداري
ونسة حبوبات
سمنة ولبن
وكان وكان في بيتنا الخير زمان

كانت ملامح الحبيب
في مويه زير
بتنقع ضحك
أجمل من مليون مراية

كان الصمت الصايح ديك
وكان ساعي البريد حمامة

كان بين كل بيت نفاج
وكان البهجة قيامة
ناس بتفرح لما تسكر
تضاير دموعها
بالحب المرتب
و الزغاريد
------
راني السماني
مقطع من نص

..من أعمالي
Apr 2016
By: Artist Rani Elsamani