سعر الجنيه السوداني مقابل الدولار فى السوق السوداء قبل انقلاب الكيزان بايام قليلة كان أقل قليل من ١٢ جنيه مقابل كل دولار امريكي. هذه الايام وصل سعر الدولار الامريكي ١٣ الف جنيه سوداني. و برضك تنوني انقاذ انقاذ غاغ غاغ!
Post: #2 Title: Re: قيمه الجنيه السوداني تتناقص أكثر من الف م� Author: سيف النصر محي الدين Date: 04-14-2016, 07:01 PM Parent: #1
و الله فترنا يا بكور. كل يوم البشير و جماعتو يطلعوا على الناس و يقولوا خلاص حنبدا التنمية ..حنزيد الكهربا حنجيب الموية ..الخ..الخ. ناس لما جوا الحكم كانوا شباب في الاربعينات من عمرهم و هسه اعمارهم فاتت السبعين و ماشين بالعكاكيز و عمليات تغيير المفاصل و لسه بقولوا للناس بكرة حيكون احسن. بكرة ده معقولة 27 سنة ما يجي؟ ما داير الوم الناس و لا داير احمل زول المسؤولية لأنو الناس سيطر عليهم منهج الحل الفردي و ما بتقدر تلوم زول.. ما دام ناس بيتكم تمام انسى و اعمل نايم ..ده تفكير معظم الناس الا الاقلية. حتى حملة السلاح و الذين يقارعون النظام في الميدان هم اقلية و الجزء التاني من الاقلية المهمومة بشكك فيهم و في دوافعهم و هكذا يدور الجميع في حلقة مفرغة. هل ولى زمن المعجزات؟ رأيي أنه لم يولي و في اي لحظة الشارع ممكن يقوم بالتغيير، و لكن حتى بعد التغيير ما الذي سيحدث في ظل ظروف الاقليم المأساوية و في ظل النزاعات المسلحة في المشتعلة شمالا و شرقا و غربا و في ظل تنامي قوة التيارات الاشد تطرفا في منظومة الاسلام السياسي و في ظل حالة الدروشة التي تعتري المجتمع..لا يستطيع احد التكهن بما سيحدث.
Post: #3 Title: Re: قيمه الجنيه السوداني تتناقص أكثر من الف م� Author: سيف النصر محي الدين Date: 04-14-2016, 07:15 PM Parent: #2
الشعراء افضل منا جميعا..قصيدة عالم عباس تعيد الطمأنينة للنفس يا بكور