أَجَادَ أخوى يابكرى

02:30 PM April, 14 2016

سودانيز اون لاين
عبدالعزيز الفاضلابى-Brooklyn, NY
مكتبتى
رابط مختصر

ترجع لنا ابوحسين
انا والله مانى عارفو سوَّ شنو
لكن يابكرى حتى إن كان دفق الزيت
ترجعو لينا والاسباب طي هذا العرضحال

السبب الاول:
الزول ده بوستاتو زى قهوة الصباح عندى
يعنى ترضى يابكرى تمشى الشغل وانت خرمان؟
خاصة بوستات المناقرة بينه وبين ودالبشرى وطلحة

حبيبنا الفاضلابي .. صدقني كل المنبر عندي إحوان .. يا أخي داخل البيت الواحد تلقى إختلاف ..
حقيقة وحشنا أبوحسين عندو تعليقات جميلة خاصة في الكورة ..
وبعدين هو وود البشرى وطلحة وجلالدونا .... ناس قوم لف .. صدقني حلوين ..
حبيبنا الفاضلابي نحن ناس ضواحي الدنيا لا نجيد فن العكننة وإلاخوانيات الثقيلة الوزن
بعدين إجادة اللغة العامية ودهاليزها مهمة جداً في بوستات ( قوم لف ) ..هههه
وكان شريك ومساند لبوستات القباني في الحقيبة يخاطبه ( يا خال )
مع هزيمة برشلونه مكانه شاغر ..
كلهم ليهم مكان في القلب توفيق وخليفة ووائل ..

مودتي الفاضلابي ..