Post: #1
Title: حكاية مشروعي الفني
Author: حمد عبد الغفار عمر
Date: 04-14-2016, 06:41 AM
05:41 AM April, 14 2016 سودانيز اون لاين
حمد عبد الغفار عمر-
مكتبتى
رابط مختصر
اليومين دي في موضة بين الفنانين الشباب دائما في اللقاءات التلفزيونية يقول ليك والله أنا ماشي كويس في مشروعي الفني
وأحيانا الفنان ما بكون عايز إقول كلمة مشروعي دي لكن المذيعات تلقى الواحدة مصرة على مشروعك الفني بدأ متين وماشي كيف
وغايتو ربنا يسهل
آخر مرة سمعت فيها الكلمة دي قبل يومين في سهرة مع فنان أول مرة أسمعو - رغم إنو اعجبني بالأداء بتاعو وكان بغني بثقة .
مافي اعتراض لأي شخص عشان يطلق لأي عمل وهو في بدايتو مشروع لكن يجب أن يعلم مطلقوا هذا اللفظ أن لكل مشروع تمويل ورأسمال
ورأسمال أي فنان مغني هو دراسة الموسيقى والصوت الجيد والأداء العالي والإنتاج الخاص.
وإنو المشروع دائما يتقسم على مراحل خاضعة للتقييم
|
Post: #2
Title: Re: حكاية مشروعي الفني
Author: عباس الدسيس
Date: 04-14-2016, 07:06 AM
Parent: #1
خمد سلام يا حبيبنا
السودان كل المشاريع الفيهو فشلت ما عدا المشاريع الغنائية البلد كلها بقت فنانيين
الخوف بعد شويه ما إلقو ليهم زول اسمعهم
|
Post: #3
Title: Re: حكاية مشروعي الفني
Author: حمد عبد الغفار عمر
Date: 04-14-2016, 07:12 AM
Parent: #2
كيفك يا عبس
| Quote: السودان كل المشاريع الفيهو فشلت ما عدا المشاريع الغنائية البلد كلها بقت فنانيين |
تعرف مرات الشغل من الباطن بكون مربح أكتر من ربح مالك المشروع
فالشباب ديل شغالين من الباطن شيئ حقيبة واليومين ديل قبلوا على ناس وردي وعثمان حسين ومصطفى سيد أحمد
|
Post: #4
Title: Re: حكاية مشروعي الفني
Author: ياسر السر
Date: 04-14-2016, 01:57 PM
Parent: #3
بعد شوية يا استاذ حمد السودان حا يكون بلد المليون فنان بجدارة ,,,, وحا تشوف كلامي ده بعدين ...
وما تنسا الفنانانات ,,, وما تنسا الشاعرات ,,, وكل يغني على هواه ..
حليل الفن السوداني وحليل فنانينو ...
تحياتي : ياسر العيلفون .....
|
Post: #5
Title: Re: حكاية مشروعي الفني
Author: عزيز
Date: 04-14-2016, 06:47 PM
Parent: #4
Quote: ورأسمال أي فنان مغني هو دراسة الموسيقى والصوت الجيد والأداء العالي والإنتاج الخاص.
وإنو المشروع دائما يتقسم على مراحل خاضعة للتقييم |
حمد يا صديقي .
اثني واشدد على جملتك المقتبسه اعلاه ..
لقد ظللت في كل مداخلاتي للفنانين الشباب احثهم على دراسة الموسيقى واعني الموهوبين منهم..
لان الغناء اصبح مهنة كل جرئ ولا يعرف الحياء ولا يحترم مشاعر الآخرين وللاسف يخدعه ويطبل له ثلة من البعامين..
لك الود يا فنان
|
Post: #6
Title: Re: حكاية مشروعي الفني
Author: حمد عبد الغفار عمر
Date: 04-14-2016, 07:15 PM
Parent: #5
هلا ياسر العيلفون
ياخ فنانين مبالغة
ياخ أنا وردي ومحمد الامين الخ ما حصل يوم قالو عندنا مشروع فني ول خرابيط كانوا بقولوا نحن فنانين و بغنوا لحدي ما اكتمل المشروع الفني
|
Post: #7
Title: Re: حكاية مشروعي الفني
Author: حمد عبد الغفار عمر
Date: 04-14-2016, 07:25 PM
Parent: #5
الحبيب عزيز
بدون دراسة مافي مشروع ولا حاجة تبقى صدفة وتوفيق ربنا فقط
المشكلة استسهال الألفاظ ومحاولة إضفاء الأهمية على ما يقدم
زمان لما مصطفى سيد أحمد طرح مصطلح مشروع فني كان مؤهل موسيقيا وثقافيا وكان زول صاحب قضية فنية ووطنية
لذلك كان قدر التحدي وثابر لحدي ما حقق النجاح المطلوب
تعال شوف ناس هكرت ليك قلبي وقفت دقاتو ديل
|
|