يا عبدالمنعم ياخ حرقت لينا المشاهدة انا بشوف الكورة بعد ارجع من الشغل (اعادة) ,, فبعد عرفت النتيجة اشوفلها شنو؟ انت شغال مراسل سودانيزاولاين ولا شنو؟ مشتاغوووون ياخ وان شاء الله تكون جبرت من الحادث؟
Post: #3 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 01:33 AM Parent: #2
ههههههه الفاضلابى..ياخى دى كور اعادة دى دى تصنقر ليها من قول تيت. متعة مابعدها متعة ميسى ونيمار وسواريز نايمين نوم العوافى.. لكن مدرب اتلتيكو مدرب..اثبت انه اخطر مدرب فى العالم ومعاه قوارديولا. نحمد الله فى تحسن.. تسلم عزيزى
Post: #4 Title: Re: برشلونة.. يهزم ويودع..وبايرن ميونخ ..يتعادل Author: علي عبدالوهاب عثمان Date: 04-14-2016, 08:07 AM Parent: #3
حبيبنا عبدالمنعم ... برشلونه رفع ضغطنا .. المدرب ده تعبان ما قدر برشلونه .. ميسى كمان قالوا مشغول بقصة بنك بنما .. لكن بصراحة مدرب أتلتيكو خطير جداً .. كلامك صحيح عن المدربين ... الكورة الاوربية مدرب شوف زيدان في مباريتين غير شكل الريال ..
كمان هلالنا الله يكون في عونه .. الحبيب عبدالمنعم وحشنا أبوحسين .. من خلالك نناشد بكري .. يفك أبوحسين على الشرط يفتح بوستات كورة فقط .. مودتي عبدالمنعم ..
Post: #5 Title: Re: برشلونة.. يهزم ويودع..وبايرن ميونخ ..يتعادل Author: Deng Date: 04-14-2016, 08:37 AM Parent: #4
برشلونة مشى الخور.
ميسي،سوارز ونيمار كانو ضيوف ساكت، ما فهموا أي حاجة في المبارة.
بصراحة سيميوني مدرب خطير.
Post: #6 Title: Re: برشلونة.. يهزم ويودع..وبايرن ميونخ ..يتعادل Author: علي عبدالوهاب عثمان Date: 04-14-2016, 09:00 AM Parent: #5
Quote: برشلونة مشى الخور.
ميسي،سوارز ونيمار كانو ضيوف ساكت، ما فهموا أي حاجة في المبارة.
حبيبنا دينق .. صدقت .. سيموني مدرب خطير .. النقاد يقولوا ميسي مرهق لعب كثيراً في هذا الشهر ما بين برشلونه ومنتخب الارجنتين
مع التحية لصاحب البوست ..
Post: #7 Title: Re: برشلونة.. يهزم ويودع..وبايرن ميونخ ..يتعادل Author: متوكل حسن Date: 04-14-2016, 10:09 AM Parent: #6
باي باي برشلونة سيموني صناع فريق لا يقهر شل كامل لوسط برشلونة احبك يا سيموي وقودين كاريزمان
Post: #8 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 01:14 PM Parent: #7
الرائع على عبد الوهاب غايتو انا بشجع الهلال وخارجيا اللعبة الحلوة.. هههههه يعنى برشلونة وريال مدريد فى كفة واحدة سترجع كفة..من يمتعنا بكرة قدم حقيقية برشلونة امس..كان تعبان تعب الموت انييستا..كان مفترض يطرد مع ضربة الجزاء ونيمار كذلك اما ميسى فنايم نوم العوافى برشلونة مدربه اقل قامة.. شوف شغل زيدان وسيمونى مدرب خطير خطير يبث النشاط والحيوية..فى لعيبته بصورة غريبة..فله التحية شكله كده برشلونة سينتفض فى مقبل الايام لتحقيق بطولة الدورى والا فزيدان قادم بقوة والتحية لابطال المانشستر سيتى فريق منظم..بنجومه الكبار تسلم عزيزى..
Post: #9 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 01:23 PM Parent: #8
كيفك دينق بالامس اثبت مدرب اتلتيكو مدريد علو كعبه التدريبى مدرب...يبث الحماس فى لاعبيه والمشجعين..فى آن واحد متخصص فى هزيمة الكبار قوة فى الدفاع امتلاك الوسط هجمات مرتدة..سريعة تقضى على خصومة..باهداف رائعة على برشلونة..تغير طريقة لعبه الدائرية هذه عليه تمويل سواريز بالهجمات الطويلة لسواريز ونيمار وعدم تقييدهم بهذه الخطة العجيبة فهى تتوقف.. على اكتمال نشاط وحيوية ولياقة ميسى فاذا تاه ميسى تاه الفريق باجمعه سواريز ونيمار قوة ضاربة لابد ان يجدا المساحات للانطلاق والتسديد القوة.. تسلم عزيزى
Post: #10 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 01:31 PM Parent: #8
الرائع متوكل اثبت سيمونى..انه من افضل..المدربين علا كعبه بالامس خلق فريقا..زلزل الارض تحت اقدام برشلونة.. شل وسط برشلونة..ولعب بدفاع فولازى وسرعة انطلاق مهاجميه عند اللعبات المرتدة اتلتيكو مدريد يلعب كرة قدم حقيقية رغم انه لايزخر بالنجوم اللامعة له التحية..هذا المدرب الشاطر. تسلم
Post: #11 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 02:23 PM Parent: #10
Post: #12 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 02:26 PM Parent: #11
Post: #13 Title: Re: برشلونة.. يهزم ويودع..وبايرن ميونخ ..يتعادل Author: عبد المنعم سيد احمد Date: 04-14-2016, 10:46 PM Parent: #12
