انتو الدولار دة زاد كم ؟؟

02:23 AM April, 13 2016

سودانيز اون لاين
عبدالحفيظ ابوسن-كوستي / الحلة الجديدة
مكتبتى
رابط مختصر

زاد كم في المية يعني ؟؟
السكر طار السماء ويوالي الارتفاع
الشاي
ال
ال
البتسأل منو كلو طار
وزيادة يمكن تسميتها فاحشة ..
الامر فوق طاقة الناس
ويضج ويجأر الناس بالشكوي
الشكية لي اب ايدا قوية

ود أب سن
حسب معلوماتي قبل فترة - يعني كم يوم - سألت أخوي قال 12.35
اليوم قالوا 13.00
حسب الخبرين ديل الزيادة تقريباً 5%
السوق غالباً بتكون فيو زيادة بنسبة 10%
تحياتي
___
الحليلة

مرحبا الحليلة
وحبابك
الزيادة في السلع فاقت الربع وقربت للنص وما واقفة
وبعضها سلع محلية !!!
فوضي في الاسعار

مرحبا الحليلة
وحبابك
الزيادة في السلع فاقت الربع وقربت للنص وما واقفة
وبعضها سلع محلية !!!
فوضي في الاسعار

وبعدين ؟ !

قبل السؤال ولا بعدو ؟!

مرحبا هاني
وقصي
الدولار زاد فيريد جنية من 12 لي 13.05
مثلا السكر من 255 لي 370
رطل الشاي من 30 لي 40
زاد كم اصلو
وين الوين

أظن أن الوضع أقل ما يوصف به أنه فوضوي إن صح التعبير ، أنادي – طبعاً لو ناديت من هنا لغاية كرش الفيل زول بيقول لي عوووك مافي - بضرورة إنشاء مؤشر يومي لأسعار السلع الأساسية - خاصة في شهر رمضان المبارك ، ليكون ظاهرا أمام جميع المستهلكين.
الكلام الفوق ده كوم والكوم التاني هو أن الكثير من الناس ما عندها قروش تشتري بيها حتي في ظل وجود المؤشرات العالمية على شاكلة داكس وناسداك وبورصة تايوان ، ناهيك عن إستفزاز الباعة لجيوبنا ورغباتنا بقولتهم المشهورة "بي قروشك حلي ضروسك حق الووووواطه ما يملاك حصحاص" وحتى الووواطه لم يعد لها حق بعد أن أصبح سعر المفروش أرضاً أعلى من مداخيل الغبش في بلد كل شئ فيها في زيادة مضطردة إلا دخل الفرد.
الذين أثروا بالحرام كان ذلك على حساب المساكين وما أكثرهم فأختلت المعادلة وأخلت بالهرم والتدرج الطبقي في مجتمع بات لا يعرف إلا ناس فووووووووووووووق وناس تححححححت وللقارئ أن يكرر حرف الحاء في الكلمة بقدر ما يتيح له ذلك الـ page width وبقدر ما يجد موقع من أراد التعبير عنه في هذه الهوة السحقية نزولاً
أما حماية المستهلك ووزارة التجارة ورقابة الأسعار وحقوق المواطن فهذا ضرب من ضروب الخيال وكلام في ظاهره حلم جميل وفي حقيقته وهم كبير لن يتحقق بوجود هؤلاء في مجتمع إذا سرق فيهم الضعيف أقاموا عليه الحد
---
زمان يا أبو سن كان زيادة نص قرش في أي سلعة أياً كانت تقيم الدنيا ولا تقعدها إلا بتغيير النظام ، وحتى الشرطة كانت في كثير من تلك المظاهرات تنحاز للمواطن بعد أن يسمع أفرادها هدير الشارع "ويا بوليس ماهيتك كم ورطل السكر بقي بي كم"

الملا عمر
حبابك والله
خضت نقاش صباحي مع واحد من كبار تجار وراسمالي كوستي
ياخ السكر دة علاقتو شنو هسة بالدولار ؟
اصلا زمان المستورد كان سعرو اقل من كنانة .. وكنانة اضطرت تخزن انتاجها سنتين .. هسة السكر المستورد ارتفع عشان كدة سكر كنانة كيف
طيب علاقتو شنو يعني ؟ ما فهمت !!
سكر كنانة بتحكم فيهو الدولار
كيف يعني ؟!!
كدة انت زول ما فاهم وبتحب تغالط
مع اني كنت بسأل بس ولا ادعيت علم بل ادعيت الجهل
حقو ننادي يا الملا عمر بتخفيف المعيشة ونضغط حتي ينجز الثوار ثورتهم !!؟ اقلاها لامن تقوم الثورة تلقانا حيين وعايشين ..
بعد ينتهوا من كشف الغواصات وتبادل الاتهامات وكشف المندسين

يا ود أب سن في السودان كل النظريات التي أزجاها علم الإقتصاد والتخطيط وغيره من العلوم ذات الصلة تكسرت وسقطت ، وأصبحنا نبرر الهوة الساحقة بين منصرفاتنا المتواضعة ومداخيلنا الأكثر تواضعاً بعبارة "الله كريم" ، نعم الله كريم لكن يجب أن لا ننسي أن الله يؤتي النصر من يشاء وليس حدادا لدينا يصنع السيوف كما قال نزار قباني ، فهناك فرق بين التوكل والتواكل فالواحد ماهيتو ما المفروض توصله الطاحونه ناهيك عن نهاية الشهر ومع ذلك زي ما قال بتاع حلمنتش وبرضو الناس هناك عايشين أياً كان شكل العيشه في مجملها أو العيشه الرغيفة التي أصبحت ممحوقه يخف وزنها يوماً إثر يوم وتنحدر جودتها بما يضاف إليها من مواد محرمة دولياً شأنها شأن لبن شاي الصباح وغيره حتى التمباك سلطان الكيف – والذي صنفه البعض بالخطير صحياً - لم يسلم من الإضافات حيث أن الغاية هناك الربح ، والغاية عند من يبيعنا تبرر الوسيلة.
في النهاية البضاعة رديئة والأسعار مولعه والرقابة في المشمش

Quote: قبل السؤال ولا بعدو ؟!

هههههههههه انسب رد ..

قصي والجميع لعلكم طيبة ؟

مرحب بت عمسيب
هي نكتة قديمة تحكي عن بيل قيتس حول مقدار ثروته
ولكننا نفتقد لروح الدعابة
الوضع عندنا هنا لا يحتمل المزاح ولا نفهمه
تبلدت احاسيسنا في سبيل توفير ادني متطلبات الانسان البدائي

صدقت الملا عمر
تداخلت علينا كل التشكيلات الاقتصادية حتي التي تجاوزها التاريخ
بلد يبحث فيه ممثلي الشعب عن تصاديق العربات المعفاة من الجمارك وتتوسل حرائره المارة
رحم الله صلاح عبدالصبور
في وطن يتلوي فيه
الجوع كثعبان اعمي في الرمل
لا يوجد مستقبل
في وطن تتعري فيه
المرأة كي تأكل
لا يوجد مستقبل
... الوضوع حد الانفجار .. انفجار شريانك او غضبك
لا ظابط لا رابط
تحول الجميع لتجار .. تاجر لا يخسر
تسنده القوانين والاعفاءات وغض البصر !!
الماهية ما فايته انبوبة الغاز وحق الكهربا والموية والباقي استجداء بحق القرابة او الصداقة او الانسانية

04-13-2016 11:25 AM | تعليقات : 2 | زيارات : 1995 |
الخرطوم: رابعة أبو حنة
انتقد الخبير الاقتصادي محمد إبراهيم كبج، عدم تنفيذ الدولة للحلول التي طرحها الخبراء والمختصون، وعدم استفادتها من عائدات النفط في التنمية.
ورأى كبج أن العلاج الحقيقي لكبح جماح الدولار هو تغيير النظام وقال أن هناك نافذين مستفيدين من ارتفاع أسعار الدولار، واستند على ذلك بعدم الاستجابة بتنفيذ جميع الحلول والسياسات التي طرحت من قبل الخبراء والمختصين، وأشار الى إضاعة فرصة ثمينة حينما توفرت في خزانة الدولة موارد مالية مقدرة من عائدات النفط، وعدم توجيه عائداته للقطاعات الإنتاجية لتعين الدولة في سنوات (الكربة).
ولفت كبج إلى عدم توفير الدولة للنقد الأجنبي الكافي لمجابهة الطلب العالي من أجل الاستيراد وغيره، وأعاب زيادة أسعار الدولار في المواسم مثل الأضحى والحج ورمضان لزيادة الطلب عليه، وقال إن ارتفاع الدولار لا يلام عليه التاجر وإنما هو من اختصاص الحكومة لأن الارتفاع يرجع لسياستها الفاشلة.

الجريدة

حباب ابوسن اخوى

Quote: الزيادة في السلع فاقت الربع وقربت للنص وما واقفة وبعضها سلع محلية !!! فوضي في الاسعار

ياخوى الفوضى عمت كل مفاصل الدولة والبلد

وتجارة الدولار مسيطرين عليها المسئولين زاتهم وهم اعضاء العصابة الحاكمة

وقولوا يالطيف

تحياتى

Quote: الدولار زاد فيريد جنية من 12 لي 13.05 مثلا السكر من 255 لي 370 رطل الشاي من 30 لي 40 زاد كم اصلو وين الوين

زيادة الدولار جنيه واحد يعني زيادة الأسعار 50 جنيه

كيف؟

تاجر الجملة يشتري بضاعته ب1000 دولار ويبيعها في السوق بسعر الدولار ب12 جنيه يعني 12000 (سعر البضاعة) + 10% ربح زائد تكاليف ترحيل وتخزين (500 جنيه) المجموع 13700

يشتري البضاعة تاجر القطاعي بمبلغ 13700 جنيه ويضيف عليها 10% ربح + 500 جنيه ترحيل وتخزين يساوي 15570 وقبل أن يكون قد باع بضاعته يرتف الدولار 13 جنيه

فيقوم تاجر الجملة بعرض بضاعته بسعر جديد يساوي 14900 جنيه لبضاعة أشرتاها ب1000 دولار بحساب 10% ربح و 600 جنيه ترحيل وتخزين

لماذا 600 جنيه وليس 500 حنيه لأن قطع الغيار هي بالتالي زاد سعرها وأصحاب الترحيلات سيزيدوا سعرهم حتى يغطوا تكاليف قطع الغيار وهكذا

يجد تاجر القطاعي أنه لو باع بضاعته ب 15570 جنيه فلن تغطي معه لأنه سيشتري بضاعة جديدة بسعر 15500 جنيه لذلك سيرفع من ثمن بضاعته القديمة الموجودة لديه وكأنه اشتراها ب13 جنيه للدولار حتى إذا باعها يستطيع أن يشتري بضاعة مماثلة مع هامش ربح

وهكذا نجد أن زيادة جنيه واحد في سعر الدولار تفعل أثر كرة الجليد في نهاية سفح الجبل وهو المواطن

والله سياسة الدولة لو أصلا في دولة هي الضيعت البلد
والدولار طاير طاير السما طالما الإنتاج مافي والتصدير مافي

وواردات الحكومة العامة والخاصة في زيادة،،

وللمعلومية الدولار دا لا بيمشي فيهو بمبان ولا رصاص،، يعني ممكن يعمل الما عملته المعارضة والحركات المسلحة

مرحبا مهيرة
حبابك ياخية
صدقتي
ترانا بنسمع وفايت اضانا
قالوا
النملة سرقت ذرة سكر
وسرق الفيل طن سكر
تم القبض علي النملة وتنفيذ الحد فيها
اما الفيل فساعده جسده علي الاختباء

مرحبا فرانكلي
وحبابك
صدقت في الامر بواقع السودان لعدم التخطيط والفوضي واندغام القرار السياسي مع الاقتصادي بشكل فاسد
وصدقت في وصفها بكرة الثلج المتدحرجة من عل
فليس للمواطن وجيع
اقول ليك وحاجة شفتها بعيني . بعض التجار يحسب سلعته بالدولار .. ويضبف الزيادة ولا تنقص حين النقصان يتمثلون بالسلطة في سعر الوقود المفتري عليه بالدعم
الله .. الله .. للمواطن

ل
حين
ميسرة

قبل
يحتل

إرتفاع قيمة الدولار وأسعار السلع فى السودان لم يعد بيد الوزارة وحدها ..

الموضوع فيهو فوضى شديده ويتحكم فيهو من السماسرة من لا تصدق ..

أمبارح الجنيه الإسترلينى عامل 18.420 سودانى لدى أحد السماسرة، و كل ما يتصل زبون تتغير الأسعار ..

خلال ساعات قليلة عملت إلى 13.118 سودانى ..

سعر الجنيه يعتمد على ما تبقى للسمسار من مبلغ فى السودان، فى الصباح كان لديه مليار ونصف تقريبا وبعد ساعات تبقى له نصف مليون فتغيرت الأسعار وفقا لرصيده فى السودان ..

الهنود خارج السودان يعملون فى سوق العملة السودانى ..

السمسار يكسب فى كل جنيه إسترلينى 5.302 جنيه سودانى، أى أكثر من 31 % تقريبا بدلا عن 0.011% ..

مكاتب تحويل العملة عاملة زى البنوك .. سعر الفائذة السنوية فى البنك 6% ورسوم التحويل الفورى عبر الهاتف حوالى 4% ..


....

ود اب سن ...

هو كان ما الدولار مربوط مع السلع كلها ،،، تفتكر ادم الصاحب كان هيكون في المجلس و بي دفتر شيكاتو ،،

Quote: انتو الدولار دة زاد كم ؟؟

نحن غايتو عندنا ياهو زاتو مازاد.
وينك ياشيخ العرب ياخ بوست ودالمنسى
عرفناك مابتدخله عشان الفيديوهات مابتخليه يفتح معاك
بوستاتى انا مالك مابيها ,, فيديو واحد مافيها ,, يعنى (حلال)
ابقى زورنا ياخ ,,

التحية لكل الحضور
الدولار يتخطي حاجز ال 14 ج
والاسعار اصابها الجنون
بعض الشركات رفضت البيع
بعضها اوقف البيع باجل
كل ما يخطر بذهنك زاد
مواد استهلاكية
بناء
ادوية
انهيار للاقتصاد لم يسبق

Quote: التحية لكل الحضور الدولار يتخطي حاجز ال 14 ج والاسعار اصابها الجنون بعض الشركات رفضت البيع بعضها اوقف البيع باجل كل ما يخطر بذهنك زاد مواد استهلاكية بناء ادوية انهيار للاقتصاد لم يسبق

بالامس عصراً وصل سعر الريال السعودي إلى رقم قياسي
3450 جنيه للريال الواحد..
الله يستر يا عبدو

التحية للجميع ..


الشارع هو الحل .

ود أب سن حبابك

ما توجع قلبك ساي يابا .. الشي دا ما بتلاحق
في الرياضايات لو تذكر المتواليات (العددية والهندسية)
أها والله أعلم الزيادات دي بتكون بي الهندسية

مودتي

Quote: بالامس عصراً وصل سعر الريال السعودي إلى رقم قياسي 3450 جنيه للريال الواحد.. الله يستر يا عبدو .

واليوم وصل 3500

تحياتي للجميع
وشكر
والحكومة ولا خساها
يطلع
ينزل
رغم كارثية الوضع

الحكومة بدلا من فرض هيبتها وفرض القانون .. صارت تنافس سماسرة الدولار والندرة
مثلا
التجار يرفعو سعر السكر من 250 لي 300 بدل تجبرهم علي انقاص سعره تقوم ترفع سعرو لي 290 وهكذا

4469 |
البرلمان: هبة عبيد طالب البرلماني المستقل مبارك النور رئيس الجمهورية باتخاذ قرارات صارمة لضبط ارتفاع أسعار الدولار ومعالجة الأزمة الاقتصادية، ودعا إلى إقالة وزراء القطاع الاقتصادي لفشلهم في ادارة الأزمة الاقتصادية الطاحنة وكبح جماح ارتفاع الدولار، ووصف الوضع بالخطير، في وقت كذبت فيه المالية ارتفاع الدولار، وقالت على لسان وزير الدولة عبد الرحمن ضرار في رده على سؤال حول ارتفاع الدولار، إن ذلك غير صحيح.

آخر لحظة

فعلا السعر الرسمى للدولار لم يتغير وقد لا يتغير خاصة فى حالة التهديد بالاقالة.

بدون مئات الملايين من الدولارات لصادرات السلع والخدمات السودانية كل ثلاثة او أربعة اشهر الوزارة ما عندها دور فى تحديد اسعار حقيقية للعملات الاجنبية. تحديد اسعار اسمية للعملات وتثبيتها ممكن دوما ولكن غير مؤثر.

قد تلجأ الوزارة لاتخاذ اجراءات ادارية مثل الحد من نشاط كبار تجار العملة، ومنع التحويلات المالية خارج النظام المصرفى، ومراجعة أداء وممتلكات بعض المصارف من العملات الاجنبية، والعودة لقائمة السلع الضرورية، وكلها إجراءات تهدد بقاء الوزير فى منصبه.

تشكر فؤاد
والحكومة اكبر مشتري للدولار

حفيظ يا حفيظنا

نعلّك طيب

Quote: ما توجع قلبك ساي يابا .. الشي دا ما بتلاحق في الرياضايات لو تذكر المتواليات (العددية والهندسية) أها والله أعلم الزيادات دي بتكون بي الهندسية

كلمناك المرة الفاتت إنه الشي دا متوالية هندسية مع الأسعار وما رديت علينا
المشكلة انه تجار المواسير والشيكات ديل هم المتحكمين في حركة صعود ونزول الدولار
حسب حركتهم التجارية وصفقاتهم
وانت عارف التجار ديل منو عشان كدا حتى الحكومة عاجزة عن وقفهم في حدهم

رحم الله الشيخ مصطفى الأمين والنفيدي وصحبهم

مودتي

تحياتي ابوعاقلة
لا والله
رديت رد جماعي لسؤ النت والجهاز
انت في نظرية سكان اظنها حقت باسكال .. قال السكان يزيدون بمتوالية هندسية والموارد بمتوالية عددية وستحصل فجوة .. لذا تكون الحروب والكوارث مفيدة
اها ناسنا ديل ما صدقو !!

السلام عليكم
الأخ عبدالحفيظ ابوسن وضيوفه الكرام

Quote: قال السكان يزيدون بمتوالية هندسية والموارد بمتوالية عددية

النظرية اعلاه خارج حدود الوطن داخل حدود الوطن الحبيب
بتبقي
السكان يزيدون بمتوالية هندسية والموارد بمتوالية تناقصية عددية حسب كبر حجم فساد الوالي عادي لو .. ..... جاينا بالليل وطافي نور ممكن تكون هندسية برضو

و الله المستعان

Quote: انتو الدولار دة زاد كم ؟؟

ود أبوسن .... تحياتي
الزيادة الخطرة كانت ولم تزل 2 جنيه يعني من 12 جنيه إلي 14 جنيه للدولار
ونسبتها 17% بين عشية وضحاها فقد حولت مبلغ بسعر 3.2 جنيه للريال
واليوم الثاني حولت مبلغ أقل منه بسعر 3.5 جنيه للريال أي زيادة 10%
وهو أمر محير يلزم أن يساءل عنه وزير المالية بدرالدين شخصيا.....

اخر الاخبار
جرايد اليوم
المالية قالت الدولار ارتفع لاسباب نفسية
علي بالطلاق حيرونا

فى حاجه بابوسن واحده لاتقلل من سعر الدولار ولكنها
تجعله مستقر على سعره الموازى الحقيقى للعمله المحلبه
وهى ايقاف الحملات وفتح حريه العمله
فالمطارده تخفض السعر مؤقت وتخلق الندرة وبعد الندره تحصل القفزة
فى السعر والمستفيدين هم تجار العمله والحملات تخدمهم
التجربه السابقة قبل سنوات جعلت الاسعار تستقر لمده ثلاثه
سنوات كان المغترببن بحولون من خلال بنك الخرطوم وبنوك اخرى
الان كل تحوبلات المغترببن اصلا لاتدخل البلد وانما تصب معظمها
فى بنوك صينية وخليحبة تخص معظمها نافذين فى النظام
الفرق واللتذبذب الذى بحصل خلال يومين او تلاته بجنى منه
تجار العمله حتى موظفيهم فروقات هائله

ود أب سن وضيوفه الكرام ..............

تحايا شديدة خلاص وود.

ياخ قلبنا إتفقع ..... قولو حاجة مفيدة يا كبر

اها شوفو الكلام الكوبار دة
بعد تحياتي للجميع
والشكر لاثراء البوست

كلام كبار لكن تطلع منو صفر معاك الواحد
الخرطوم: تقوى موسى
أقر وزير الدولة بوزارة المالية والتخطط الاقتصادي د. عبد الرحمن ضرار، بأن الاقتصاد السوداني يواجه تحديات نتيجة للهجرة والانفصال، وأكد أهمية التخطيط الاقتصادي في حل القضايا الاقتصادية المعقدة في ظل الظروف العالمية التي يشهدها الاقتصاد العالمي من تذبذب أسعار العملات مقابل الدولار وتباطؤ النمو في الاقتصاد العالمي.
وقال وزير الدولة لدى مخاطبته ورشة العمل في التخطيط الاقتصادي التي نظمتها وزارة المالية ممثلة في أكاديمية الدراسات المالية والاقتصادية بالتعاون مع مشروع تعزيز قدرات الموازنة العامة للدولة الممول من البنك الدولي أمس، إن الاقتصاد السوداني يواجه تحديات اقتصادية نتيجة للهجرة والانفصال، وإنه رغم وجود أمانة التخطيط الاستراتيجي التي تخطط في كل المجالات، إلا أن الدولة أفردت وكالة التخطيط الاقتصادي.
وأكد ضرار حرص الوزارة وتوفيرها الدعم لمشروعات بناء القدرات للعنصر البشري.
ومن جانبه أوضح رئيس أكاديمية الدراسات المالية والاقتصادية د. عبد المنعم محمد الطيب، أن الأكاديمية تعمل على المساهمة في بناء قدرات العاملين بوزارة المالية كافة والقطاع الاقتصادي، وقال إن الورشة تتناول معرفة المفاهيم الأساسية في التخطيط الاقتصادي والمستجدات التي طرأت في التخطيط وربطها بتقييم البرنامج الخماسي ومعرفة الانحرافات.

الجريدة

Quote: ايقاف الحملات وفتح حريه العمله

دا ما ينفع فى السودان .. يمكن تحرير السوق عندما توفر الحكومة مصدرا لإحتياجاتها من العملات الصعبة ويحول المغترب كل أمواله برسوم لا تتعدى 11 دولارا للعملية الواحدة. فى الوقت الحالى الطلب على العملة كبير وتحرير الأسعار يعنى تعزيز فرص فئة معينة من التجار وخروج صغار السماسرة من السوق.

تاجر العملة الذى لا يملك بنكا يعمل من خلال شبكة دولية تستخدم عشرات الوكلاء فى الخارج، وكل وكيل يستخدم عشرات الأشخاص، والدولة الواحدة فيها عشرات الوكلاء ومئات الأشخاص وجميعهم يطلبون الربح. الآب والبنوك فى شبكة الإنترنت تسهل حركة الأموال وأصبح جمع وإهدار مدخرات المغتربين هدفا لمئات السودانيين فى دول الإغتراب.

قطاع جديد دخل بقوة فى تجارة العملة المضرة للدولة والمواطن، البنوك السودانية الخاصة وهى بنوك غير وطنية وغالبا ما يكون تأسيسها فكرة رجل واحد أو شركة واحدة لتحقيق أهداف خاصة مثل توفير العملة الصعبة لنشاطه التجارى وكذا المضاربة فى العملة نفسها بإستغلال الرخصة. يمكن لهذا القطاع العمل بجدارة فى غسيل الاموال ونشاط البنوك فى دول شرق وجنوب شرق أوربا وأيضا فى لبنان ودبى وماليزيا محفوف بهذا الخطر الذى يتخفى فى صورة عقود عمل ونقل سلع وليس تحويلات مالية.

سوريا إحدى الدول المستقرة إقتصاديا لم تشهد مشكلة تضخم رغم انها لم تكن تملك غير (الحمص)، أعدمت تجار العملة وحافظت على سعر واحد للدولار 50 عاما. لاحقا باعت مخزون النفط فى باطن الأرض ولم تخسر دولارا واحدا فى الإستكشاف والإنتاج والتصدير.

..

تحياتي عمر دهب
وحبابك
كما رد فؤاد
فتح السوق العملة ما بنفع في السودان فهي صارت سلعة . تتعرض للتخزين والفهلوة
بحكوا عن ال.... ال.... قالوا عرض مليون دولار للبيع بواسطة السماسرة . انخفض السعر .. رجع المليون حقو واشتري وباع بعد كم يوم وكسب ملايين
بتحصل اساليب تجارية غريبة اضرب ليك مثل بكوستي
مثلا بتاع معصرة عندو زيت مكدس كتير .. يدي كم سمسار خبر انو داير الف جركانة زيت . السماسرة يولعو السوق . التاجر لامن يجيهو سمسار داير زيت قول بضرب للمعصرة .. بتاع المعصرة بديهو سعر اعلي من السعر الاداهو السماسرة .. ويوحي ليهو انو ما داير يبيع والسوق يولع ..
اها نفس الكلام بحصل مع الدولار
مافي حل غير الانتاج وتشجيع المغتربين بشكل واضح للتحويل . محاربة تجارة الاستيراد العشوائية ومنعها ..
اقول ليك .. تركيا تمنع الحج الا لمن بلغ ال 50 سنة .. هنا في السودان طول العام العمرة شغالة .. افواج افواج واي واحد شايل معاهو ما لا يقل عن عشرين الف ريال
وفود الحكومة في الهينة والقاسية داخلين مارقين .. خامين جايبين
الاثاث بقا من الصين ودي عملة صعبة . يسافر يجيب كونتير مليان سراير ودولايب وو .. دولارات مرقت وتوقف النجارين
محتاجين لحزم صارمة تبدا من الحكومة الفوق

السوق الان فاتح ومافى زول عندو دولار واحد بيعدم ببيعوا بس ما صابى لمصلحة الدوله او فى مصارفها ولو ضربت مثل بالخليج كافة تحويلات المغتربين تصرف
صحيح بالجنية ولكن الدولار يظل خارج البلد
طبعا السعر لا بتغير بغير انتاج ولكن دخول تحويلات المغتربين البلد تنهى المضاربات

Quote: محتاجين لحزم صارمة تبدا من الحكومة الفوق

حزم صارم حتى لا يفكر أحد فى الدولار غير بنك السودان ..
وجرد العملات الصعبة داخل وخارج السودان والخاصة بكل من يقيم فى السودان ..
ومقاومة الحظر بسك العملة من الذهب السودانى بدلا من تهريبه ..

مرحبا عمر دهب
وحبابك
صحيح كلامك
عارف الشغل كيف ؟ في اي مدينة في السودان في كم واحد للتحويلات من جميع انحاء العالم .. مربوط بشركاء في الخارج.. زول الخارج يسلم المبلغ الداير يحولو للسودان للشريك البرة وبالعملة غير السودانية .. ويتم الاتفاق علي السعر .. زمان كان تأكيد الاستلام بالفاكس .. هسة بالتلفون بس .. من جميع انحاء العالم .. الشركاء البرة ديل شغالين تجارة .. وبرضو بيع للتجار .. التاجر يسافر برة بدون خوتة دماغ .. ويشتري العملة الصعبة من برة والشريك الداخلي يستلم المبلغ بالسوداني .. شبكة واسعة او قل بنك له عدة فروع سهل التعامل معه وبالسعر الحقيقي
ولا عملة صعبة بتخش البلد
الحكومة تكون منصفة شوية كمان .. وتحارب تجارة العملة من داخل مؤسسات الدولة والمتنفذين .. كم مرة بنسمع عن شنط اتقبضت في المطار يحملها ود فلان ولا زوجة فلان
محاربة الماسورة حقت تجارة الشنطة
منع المؤسسات الحكومية من شراء العربات والادوات بنفسها
تقليل سفر الوفود واستقبال الوفود

للاسف تتعامل الحكومة مع سلعة ! الدولار بشكل صبياني وفهلوي
اطلاق شائعات حول وديعة مليارية لا تلبث ان يكذبها الواقع فيزيد السعر عن قبله
اطلاق شائعة حول دخول مبلغ عظيم للسوق
وغيرها وكلها اجراءات لا يفترض فيها ان تصدر من دولة ذات انظمة محترفة ومحترمة
فالدولار لن تنزله الشائعات بل الحزم الاقتصادية والسياسات الوطنية الحادبة علي مصلحة الوطن
ولا يكفكف الناس دموعهم من الغلاء الفاحش حتي يقرأون عن مطالبة نوابهم بزيادة الرواتب وتوسعة البرلمان ويسمعون السيد الرئيس يعد بزيادة رواتب الجبش لتكون الاعلي ! وهي رسالة واضحة