09:05 AM April, 12 2016 سودانيز اون لاين
عمر دفع الله-
مكتبتى
رابط مختصربوتين يجلد الرئيس التركي على طريقة النظام العام في السودان بسبب اسقاط تركيا للطائرة الروسية .

هسّي ما بريّحوك..
كيف تجيبه زي ما هو و الـ stuff في السهلة
كان تغطيه

Quote: هسّي ما بريّحوك.. كيف تجيبه زي ما هو و الـ stuff في السهلة كان تغطيه

اتق الله يا ودالبشرى
مثل هذا الكلام ستسأل عنه يوم القيامة

هو الموقع ذاته اسمه
DIRTY
دايره يجيب ليك شنو
يا بتاع البتاعات انت
ههههه

Quote: هو الموقع ذاته اسمه DIRTY دايره يجيب ليك شنو يا بتاع البتاعات انت ههههه

ههههههههههههههههههههههههههه
اوسكار يا ودالشيخ

Quote: في السهلة كان تغطيه

اغطيهو ليه !
انا نزّلت ليهو البنطلون !

إتّا يا عمر، عندك كريكتيرات أوسخ من دي؟؟
مرّة رسمت السيد الصادق المهدي حصان وراكب فوقو البشير!!!

احتمال كبير تكون انت الآدمن حق الموقع دا

وشكرا

Quote: نا نزّلت ليهو البنطلون !

يا عمر ياخي انت راجل فنّان ودا شغلك وبتجيده أكتر من اي زول
كان عايز ترفع ليه البنطلون وتستر العدّة ما بغلبك
بوتين زاتو حقّو تلبّسوا قميصو :)

Quote: احتمال كبير تكون انت الآدمن حق الموقع دا وشكرا

يا ودالباوقة اختشي

Quote: إتّا يا عمر، عندك كريكتيرات أوسخ من دي؟؟ مرّة رسمت السيد الصادق المهدي حصان وراكب فوقو البشير!!!

شكلك كدا يا عباس ماخد في خاطرك مني شديد
والغريبة للامن اشوف كتاباتك بقول عليك انك واسع الاطلاع
واكيد بتكون شفت اعمال كاريكاتورية عالمية كتيرة
بس هسي قرّبت تبقا زي ودالباوقة

السلام عليكم
عمر دفع الله وضيوفه الكرام
ياهذا اتق الله واستر العدة
ياهذا ود البشري متي تقنعه ان يلبس بوتن القميص
يا هذا. متي تعيد نشر البوست بتاع الحصان
والسلام
مايطلبه المتابعون في البوست
وبنقول للاستاذ لو سمحته ولو امكن تعيد نشر الرسم الكاركتير
وبهدي الرسمه لي ..... في السعوديه و ... في قطر. ......... في رئاسة الجمهوريه
واكيد ليك ولي اسرة البرنامج
والسلام

تقريبا تقريبا يا عمر تسعة وتسعين في المية من كريكتيراتك عاجباني، وخاصة تليشة بشّة وشلاليفو، لكن كريكتير الصادق المهدي وجعني، وحاولت اليوم داك ارصد كاريكتيرات لرؤساء دول في شكل حيوانات؟؟
ما زلت أرى في كاركتير الصادق المهدي الراكبو البشير، تعدي منك في حق رجل ديمقراطي بقامة السيد الصادق الصديق المهدي

بشك عام رسام الكاركتير المفروض يكون زول معفن، وتعليق ود الباوقة في محلو: "ما بعيد تكون الادمن"

يا اخونا ابوبكر الموضوع وما فيهو او كما فهمت من كلامك
اننا نختلف في تجربة السيد الصادق المهدى السياسية واستغرب من كلامك
وكيف انك نسيت ما فعله السيد الصادق منذ اتفاق جيبوتى وحتى اعلان باريس !
وحتى الرمزية في الكاريكاتير شايفك عاوز تحولها الى اهانة شخصية بحق الرجل
ولو جينا بالبلدى كدا يعنى الركوب دا كيف !
السيد الصادق منذ دخوله الى السياسة والى اليوم هو تاريخ للتواطؤ والمجاراة للاسلاميين
ولو ذهبت الانقاذ اليوم سيورث السيد الصادق نفس شعاراتها الدينية وما عندو سكة غير كدا يا ابوبكر

أبدا، الصادق ردل ديمقراطي، وليس متواطي مع الإنقاذ، لكنه يرى في ذهاب الإنقاذ بالقوة خراب للدولة وإنهيارها
وظل يردد في المثل السوداني: الفشّ غبينتو؛ خرّب قبيلتو
أنا لستو حزب أمة ولا كوز، لكنني أرى ما يرى
إتّا وأنا والصادق نتفق في إختلافنا مع الإنقاذ، لكننا نختلف في كيفية القضاء عليها
هذا لا يعطيك حق تخوين الرجل وإهانته برسمه في صورة حصان يمتطيه دكتاتور أزاحه بالقوة من مقعد وصل إليه عبر صناديق الإقتراع.

ما زلت أُصر على إنك تعديت على الرجل، ونحن في إنتظار إعتذار

Quote: ونحن في إنتظار إعتذار

اها يااا ..ود ابا ههههههههههه

ياابوبكر
في التمنينات ، في رسام فرنسي رسم كل ساسة فرنسا
من جيسكار دستان وميتران ورؤساء الاحزاب (يمين وشمال )
علي شكل حيوانات ، وربط بين طبائع الحيوانات وممارسة الساسة
وكانت تنشر الرسوم في مجلة المستقبل او اليوم السابع مامتاكد ،
ماخله حيوان حايم الا لصقوه في زعيم او قائد سياسي ،
للفرنسيين ماعندهم سيد في السياسة عله ديجول ذاتو ركبوا التونسية

تحياتي عمر دفع الله الفنان ...

عز الدين عثمان رحمه الله خت راس الأزهري في غنماية ...

فما فيها حاجة لو الصادق بقى حصان ...

تحياتي المبدع عمر
وضيوفه
السيد الصادق المهدي يتحمل كل اخفاقات الحركة السياسية والنكوص بحركة التغيير الديمقراطي حديثا وقديما
الرمزية بالحيوانات ليس انتقاصا في حق المرمز .. بل جلب البسمة وتقريب وجهة نظر الرسام
خد عندك
الماعندها ضنب يهبب ليها رب العباد
الكلاب تنبح والقافلة تسير
.... كلب السكر
ديك حلو جابو يفسي في الجداد حضن البيت
ولا يخطر في ذهن المخاطب انه تم تشبيهه بحيوان
خارج البوست
زمن الديمقراطية تم رسم بايخ جدا بعد القبض علي احد قيادات الجبهة الاسلامية مع فتاة .. والبياخة كانت في الحيوان المرمز به

سلالالام يا الاخوان سيف ومحجوب وقبانى
والف شكر على المشاركة في البوست .

اي رسام في العالم وخاصة رسامي الكاريكاتور
اذا ما وجد الواحد منهم مساحة من الحرية امامه لن يتوانى في استغلالها الى أقصى ما يكون
فالحرية بالنسبة للفن هي الروح فإن غابت مات الجسد وان عادت عاد الى الحياة .

لقد فات الزمن الذى تحدد فيه اية جهة كانت للفنان ما ينبغي عمله
قد يواجه الفنان بعض المصاعب من هنا وهناك ويُواجه كذلك بالنقد بمختلف
انواعه - الخبيث والحميد - وقد يتعرض للاساءات والمساءلات ولكنه في النهاية
اما ان ينتصر لفنه او يموت هو وفنه الى الابد .

في هذه الايام تشن تركيا ( الرسمية ) حملة واسعة ضد رسامي الكاريكاتير الالمان لسخريتهم من رأس الدولة التركية
وتمت تعبئة قسما من المهاجرين الاتراك في المانيا لجمع التوقيعات لمقاضاة رسامي الكاريكاتير الالمان
بحسب ما سمعت في التلفزيون الهولندى . ولأن تركيا دولة حديثة عهد بالديمقراطية
فهي لا تزال تعاني من الضيق بالحرية شأنها شأن العالم الاسلامي الذى شوّهت الدكتاتوريات
العتيقة فيه وعي المجتمعات والافرد .
ان الاخ ابوبكر لا نحتاج ان نذكره بكاريكاتير عزالدين وغيره
انما جاء - والله اعلم - ليفّش غله بسبب كاريكاتير ما مسّ فيه شيئا ما
وإلا فلماذا اغضبه رسم امام الانصار كحصان يركبه البشير
وغض الطرف عن رسم مولانا الميرغنى كحصان يركبه البشير ايضا !

تحياتى
ودمتم

لم تجاوبني هل انت ادمن هذا الموقع ؟؟؟؟

لانو نفس عفسيبتك

وشكرا

ود دفع الله ..

صباح الابداع .. والله مشتاقيين ..

ياود دفع الله عليك الله سيبك في ابداعاتك
ولو اصريت كمان عليها الحبة ما بتجيك ...

مشكور علي الابداع بكل اشكالو .

يا عمر، معقول أكون ساكيك لفش غل؟!
ما علينا، أنا لا أريد تقييد الحرية وإنما حفظ حقوق، وقد أكون مخطي بظني أن رسم الناس في صورة حيوانات هو تعدي أكثر منو حرية تعبير؟؟؟
الحالة الفرنسية لا أعتبرها معيار، لكن يا عمر، لو جبت لي كركتير في صحيفة ألمانية رسمية فيها رأس الدولة التركية في صورة حيوان؛ سوف أتنازل عن مطالبتك بالاعتذار، فألمانيا عندي من الدول التي بها عقد إجتماعي ينظم الحرية.

رأيك شنو في حرية كريكتيرات جريدة الوطن وألوان في العهد الديمقراطي؟

شنو حجتك التعبانة بتاعت الميرغني دي؟!
بالتأكيد لو رفضتها للصادق، أرفضها للآخرين، لكن مداد كي بوردي يحتاج رافع

سلام للزول المبدع وضيوفه الكرام .... بما فيهم المستنير أبكر عباس

عمر دفع الله أنت كوة نور في وسط الظلام ......
أنا رأئي أن لا يقدم المبدع تفسير أو قراءة لإبداعه .... يتركه في السهلة للقراء ... كل يقرأه حسب خلفيته الثقافية، الدينية، الإجتماعية وما قابله من أهوال في هذه البسيطة ....

المستنير .... أتألم زي ما عايز ..... ده من حقك .... ومن حقنا أن نشاركك الألم ..... لكن كمان ما في داعي لمصادرة ألم الناس.

والصادق المهدي قال عن نسيبة دكتور الترابي ، في شأن إيمانه المتأخر بالديمقراطية وإتهام حزب الأمة بأنه حزب غير ديمقراطي .....
رد عليه الصادق بأنها ( الدكتورة الترابي) ...هي غلفة وشايلة موشي تتطهر .......


..................................................................
جراة في سروال ما بيعضي لكن قعادو ما حلو .....................كااااااااااااك

سلامات يا عمر دفع الله

جاتكم البركات في هولندا

شيخ الامين زات نفسه أول شيخ من شيوخ الانقاذ ينزل تقاعد

اقصد شيخ من النوع حق شيخ الامين

المهم

انا ما شايف فيها حاجة للقيصر اردوغان

كل الدنيا بقت بناطلين سيستم والعــدة الخلفية بــرا

اعتبر بنطلونه سيستم على الموضـة

تحياتي

أحمد الشايقي

Quote: لم تجاوبني هل انت ادمن هذا الموقع ؟؟؟؟ لانو نفس عفسيبتك وشكرا

نعم يا ودالباوقة
وشكرا ......... تاني عندك سؤال !

Quote: زمن الديمقراطية تم رسم بايخ جدا بعد القبض علي احد قيادات الجبهة الاسلامية مع فتاة .. والبياخة كانت في الحيوان المرمز به

سلام أبسن
شايفك استخدمت أكثر من معيار؟؟
شنو المعيار البخلي كريكتير الوطن بتاع السرير والجمل بايخ؟

Quote: لكن يا عمر، لو جبت لي كركتير في صحيفة ألمانية رسمية فيها رأس الدولة التركية في صورة حيوان؛ سوف أتنازل عن مطالبتك بالاعتذار، فألمانيا عندي من الدول التي بها عقد إجتماعي ينظم الحرية.

لا يا الحبيب ما تتنازل عن مطلبك
لاني في كل الاحوال ما راح اعتذر .

Quote: رأيك شنو في حرية كريكتيرات جريدة الوطن وألوان في العهد الديمقراطي؟

زي عبارتك التحت دي وبرضو نحنا بنفهم فيما وراء الحروف

Quote: إتّا يا عمر، عندك كريكتيرات أوسخ من دي؟؟

Quote: أنا لا أريد تقييد الحرية وإنما حفظ حقوق، وقد أكون مخطي بظني أن رسم الناس في صورة حيوانات هو تعدي أكثر منو حرية تعبير؟

وبعد كلامك دا عايز تعمل شنو بالدليل انو في المانيا بيرسموا الناس في صور حيوانات !
يعنى المانيا هي الوحيدة استثناء في فن الكاريكاتير الغربي وقوانينها لا تسمح بذلك ؟

لم أتحدث عن المسألة القانونية
رأيك شنو في كركتير السرير والجمل الذي سمحت به حرية الديمقراطية؟

كيف يا ابوبكر
تحياتي
اظن لاقتني في كتاب الاغاني ولا العقد الفريد
واحد من ادباء زمان نبذ اديب ومن ضمن النبذ قال ليهو
اير الحمار في هن امك
فقال ما مزعلو النبذ .. لكن المزعلو كني عن اير الحمار ولم يكني عن هن امه
ف شنو
زي البخلينا نكتب عاهرة او مخنث دون حرج ولا نكتبهما بالترجمة الدارجة
اكيد المودة

كاريكاتير الماني الى ابوبكر عباس :


باقي الكاريكاتير لا اود نشرها
ليس خوفا من حُراس الفضيلة والاخلاق الحميدة فأنا متعود على منازلتهم ولكن بس ما عندى الزمن الكافي للرد عليهم .