Post: #1
Title: لا ..لا..انا ما كده .. عشان ابوي رباني تربية سودانية.. وبفتخر اني سودانية..
Author: اميرة السيد
Date: 04-11-2016, 10:22 PM
09:22 PM April, 11 2016 سودانيز اون لاين
اميرة السيد-استامفورد-الولايات المتحدة الأمريكية
مكتبتى
رابط مختصر
تلقيت اتصالا هاتفيا اليوم من احدى صديقاتي من السودان وقالت لي كلام عجيب وحبيت اشارككم , طبعا بعد
استئذانها ورحبت ، بل وقالت ممكن انشر اسمها وعنوانها وما عندها مانع... واسمعوا قالت شنو:::
قالت لي : معقولة يا أميرة بت الشيخ مصطفى تكوني في آخر الزمن داعرة ، وهل انتي بتعرفي كلمة داعرة يعني شنو؟؟
ولا خلاص عشان مشيتي أمريكا نسيتي اللغة العربية الفصحى...
قلت ليها :- وده شنو الكلام العجيب البتقولي فيه ده.. انا ما فاهمة شيء..\
قالت/: لا .. انتي فاهمة كويس انا قاصدة شنو.. انتي مش عايشه بره السودان وبتعتبري نفسك مهاجرة ومعارضة الحكومة دي وتعتبري نفسك
من الناشطات سياسيا!! قلت نعم .. انا معارضة لسياسات الحكومة دي .. لكن ما بعتبر نفسي ناشطة سياسيا...
قالت: ما دام انتي بتكتبي في سودانيز اون لاين .. فانتي بتعتبري ناشطة سياسيا.. وأيضا انتي بتعتبري داعرة...
قلت ليها وضحي شوية عشان افهم...
قالت : انتي ما بتقري المواضيع البتكتبيها ولا شنو.. انتي ما قريتي خالد المبارك الانتي بتقولي ليه ارجع عن قرارك وارجع للعضوية في سودانيز اون لاين
كتب شنو فيكم ... والحمد لله نحن ناشطات سياسيا داخل السودان وبنعارض الحكومة دي ..لكن ما اتهمنا باننا داعرات .. لانه قال البنات العايشات بره السودان هن الداعرات.. وهسع وريني
رأيك .. هل انتي داعرة ولا لا..؟؟
قلت ليها .. لا.. لا... انا ما كده .. عشان انتي عارفة ان ابوي رباني تربية سودانية وانا ما بفرق بين التربية السودانية والتربية الإسلامية .. عشان التربية السودانية
والتربية الدينية الإسلامية بطلعن من مشكاة واحدة ... وانا ابوي حفظني ثلث القرآن شرحا وتفسيرا وتحليلا... وبعيش حياتي بالنية السليمة...
فقالت : النية السليمة خشم بيوت ياختي ... النية السليمة للناس النواياهم سليمة...
.. فقالت ان خالد المبارك كتب بانكن جميعا داعرات...
فقلت لها لم اقرأ هذا البوست من قبل ... ولا اعرف لمن وجه الحديث .. وماذا قال له الطرف الآخر,,, وانا كتبت البوست بتاعي اناشده الرجوع عن قراره بترك عضوية
سودانيز اون لاين من وجهة نظر مختلفة جدا من البتفكري فيه انتي...ومستحيل أكون عملت كده عشان بأيده في كلامه.. لكن كتبت الموضوع من وجهة نظر انه تلقى
سبابا وشتيمة من احد أعضاء المنبر وزعل وقرر تر ك سودانيز اون لاين بسبب الزعل ... وعشان انا أيضا قبل كده زعلت ومرضت وتركت الكتابة وسافرت ولكن رجعت
ومسحت كلمة الزعل من قاموسي...
قالت: لنتي ساذجة .. لانك ما بتعرفي صليحك من عدوك... زول بيتهم كل بنت عايشه بره وبتعارض الحكومة بأنها داعرة يقولو عليه شنو...!!!
.. وقلت ليها انا حارجع للبوست المعني واقرا مضمون البوست وسأرد ليك غدا....
|
Post: #2
Title: Re: لا ..لا..انا ما كده .. عشان ابوي رباني تربية
Author: اميرة السيد
Date: 04-11-2016, 10:39 PM
Parent: #1
واتصل بي قبل قليل عضو من أعضاء المنبر ..
وقال ان رأيه هو نفس رأي هذه الصديقة.. ولكنه لم يرد ان يكتب هذا
في بوست حتى لا يجرحني.. فقلت له:: لازم تعبر عن رأيك كتابة في المنبر
وانا كلمة زعل دي مسحتها من قاموسي نهائيا... وشرحت له ما بدر مني وتفهم وجهة نظري..
.... والله يديه الصحة والعافية ..
والله يديكم الصحة والعافية
.. والى حين ميسرة
|
Post: #3
Title: Re: لا ..لا..انا ما كده .. عشان ابوي رباني تربية
Author: يحي قباني
Date: 04-11-2016, 10:48 PM
Parent: #2
هي صاح و انتي صاح يا اميرة ..
هي صاح لانه كلام اخونا خالد كلام مخزي في حق اخواتنا و بناتنا ...
و انتي صاح لانك اخدت الموضوع بطيبتك و اصلك الطيب و ما قريتي الحاصل ...
يؤخذ عليكي انك كان لازم تفهمي الحاصل قبل فتحك البوست المعنون ليهو ...
لكن برجع و بقول انو الخير الجواك اكبر بي كتير من الشر ان حتى وجد و لو انها طبيعة البشر ...
فالخير الجواك طوالي اتحرك ...
اهم شيء تتعلمى من التجارب يا بتنا ...
اما موضوع التربية في السودان فما مربوطة بالإسلام في الأساس انما هي طباع اهل السودان ... العفاف و الاتزان ...
عائلات مسيحية و يهودية عايشناها اخوان و كانت تربيتهم نعم التربية ...
عمك قباني :)
4168331414
|
Post: #4
Title: Re: لا ..لا..انا ما كده .. عشان ابوي رباني تربية
Author: جلالدونا
Date: 04-11-2016, 10:56 PM
Parent: #3
تحياتى للاميرة التى تهتم بامر خطأ حدث سهوا
نعم التربية و نعم الاخلاق و يا ريت تقومى بى سحب البوست المقصود
و تحياتى لى اخواتى امتثال و بسمات
|
Post: #5
Title: Re: لا ..لا..انا ما كده .. عشان ابوي رباني تربية
Author: عبدالعزيز الفاضلابى
Date: 04-11-2016, 11:01 PM
Parent: #3
أميرة ,, يابنتى عليك الله ماتسوا للزول ده راس وقعر
جدنا أُمْحَد صالح الفاضلابى كان واقف فى الجزيرة
وبزرع فى ارضه من بعيد شاف ناس من اهلنا ساكِّين
ليهن تور. وكت التور وصل واطات جدنا أُمْحَد صالح
زحَّ للتور وخلاَّهو فات وكت اهل التور وصلوا مكان جدنا
أُمْحَد صالح قعدوا يلوموا فيهو كيف مايقبُض التور؟
قال ليهم ياناس انتوا ماكُن نُصاح؟ ده بهيم لابِتلام لابِنشَكِر
أكان نطحنى الوم منو؟
وده اقتراحى فى الاضية يعنى.
|
Post: #6
Title: Re: لا ..لا..انا ما كده .. عشان ابوي رباني تربية
Author: ملهم كردفان
Date: 04-11-2016, 11:21 PM
Parent: #5
أميره بتأدب قليل الأدب بى ذوق ..وبتعرفوا دينه بطريقه هو أجهل من أن يصل لعمقها
أميره نفذت
والكاظمين الغيظ والعافين عن الناس
....
والمشكله سطحيه الإتهام الغير معزز بأدله توجب المحاكمه العقاب
...
لكن سقطة خالد لاقيام له بعدها هنا ... فقد كانت عظيمه
احترامى لصاحبه السمو أميره وضيوفها
ولكل صاحبات السمو
بنات بلدى العفيفات الشريفات
|
Post: #7
Title: Re: لا ..لا..انا ما كده .. عشان ابوي رباني تربية
Author: حاتم محمد عثمان
Date: 04-12-2016, 00:30 AM
Parent: #6
Quote: هي صاح و انتي صاح يا اميرة ..
هي صاح لانه كلام اخونا خالد كلام مخزي في حق اخواتنا و بناتنا ...
و انتي صاح لانك اخدت الموضوع بطيبتك و اصلك الطيب و ما قريتي الحاصل ...
يؤخذ عليكي انك كان لازم تفهمي الحاصل قبل فتحك البوست المعنون ليهو ...
لكن برجع و بقول انو الخير الجواك اكبر بي كتير من الشر ان حتى وجد و لو انها طبيعة البشر ...
فالخير الجواك طوالي اتحرك ...
اهم شيء تتعلمى من التجارب يا بتنا ...
اما موضوع التربية في السودان فما مربوطة بالإسلام في الأساس انما هي طباع اهل السودان ... العفاف و الاتزان ...
عائلات مسيحية و يهودية عايشناها اخوان و كانت تربيتهم نعم التربية ...
عمك قباني :) |
اختي اميرة بعد كلام الباشمهندس دا مافي كلام يتقال , يسلم فمك يا هندسة
|
Post: #8
Title: Re: لا ..لا..انا ما كده .. عشان ابوي رباني تربية
Author: محمد درار
Date: 04-12-2016, 06:58 AM
Parent: #7
سبحان الله !
يعني يلوموا أميرة السيد على كلام قالوا شخص اخر!!
انتِ ما فتحتِ بوست تأييد لكلامه بل بوست لثنيه عن ترك المنبر (لانك مريتِ بنفس التجربة)
ودا ما يعني بالضرورة تأييدك له حتى لو قريتِ البوست المعني.
|
Post: #9
Title: Re: لا ..لا..انا ما كده .. عشان ابوي رباني تربية
Author: عبدالحفيظ ابوسن
Date: 04-12-2016, 07:08 AM
Parent: #8
لاكن متهمات ولاكن زانيات
بل اخوات عزيزات مكرمات
احمد الله لم اقرأ سقط ذلك القول .. وهو قول قبيح ولا يليق
الدعوة له بالعودة لا تنقصك وان علمتي بما قاله
|
Post: #10
Title: Re: لا ..لا..انا ما كده .. عشان ابوي رباني تربية
Author: عمر دهب
Date: 04-12-2016, 07:21 AM
Parent: #9
انا واحد من الناس غضبت منك اكثر مماغضبت من خالد بسبب ذلك البوست وكنت مفتكر انك مستوعبه الموضوع فمعذره
الان انت وضحت وخيرا فعلت .
|
Post: #11
Title: Re: لا ..لا..انا ما كده .. عشان ابوي رباني تربية
Author: Osman M Salih
Date: 04-12-2016, 07:23 AM
Parent: #9
اختنا الطيبة أميرة السيد.
مادام النية سليمة دربك مضوي ومحروس.
انا ذاتي كنت زيك ماقاري، ولما قريت الكتبو
السيد خالد صححت موقفي.
|
Post: #14
Title: Re: لا ..لا..انا ما كده .. عشان ابوي رباني تربية
Author: حامد بدري
Date: 04-12-2016, 09:51 AM
Parent: #11
صباح الخير تصلك هناك مسا الخير
بكري لازم يشيل معاو طورية وكوريك وحقن بنسلين بالغلاية وواحد متخصص حجامة
اقعدي عافية يااختي
الذ حاجة قال انا انفعالي وشكال ودمي بفور سرعة هي لكن ماقدر ده شد ليك فاصوليا لوبا نتحمل انحنا لكن كوارع وضلافين وريسين لللع
قولي لي قريبتك عشاييين الضيوف وكت السحابة شايلة وستارين العروض كمان مليانين هنا وده المطمنا
|
Post: #12
Title: Re: لا ..لا..انا ما كده .. عشان ابوي رباني تربية
Author: Mahamed Eltaze
Date: 04-12-2016, 08:22 AM
Parent: #1
السلام عليكم
الأستاذة أميره وضيوفها الكرام
بما أن انتمائي الأساسي لي نافذة الفيس - فيسبوكاوي قديم
فأسمحي لي ان انقل لكي هذه المشاركة
Quote: حزنك ياوطنى احزنى
اميرة الشباب حاشاك يالسمحه باخلاقك وماشايف انو موضوع ذى ده مفروض يطلع من كيبوردك العفيف فياريت تبعدى عن المطبات دى وخليك ذى ماكنتى بليز. |
وأكيد يا أميرة العيب لمن يطلع من أهل العيب ما يكون عيب
ودايما الفاقد التربوي ده أسلوب
في النهايه بضم صوتي لي صوت الأستاذ يحي وبقول ليك ركزي في كلامة
|
Post: #13
Title: Re: لا ..لا..انا ما كده .. عشان ابوي رباني تربية
Author: علي عبدالوهاب عثمان
Date: 04-12-2016, 08:28 AM
Parent: #12
إبنتنا سمو الاميرة ..
مكانك هناك حيث الابداع ( بن لادن ) و ( تاييتانيك )
وتحياتي الخاصة لبناتي الاميرات ..
مثل هذه المناقشات والمداخلات تمنع الاندياح والابداع ..
أرجعي لو سمحتي لتحلقي بنا في فضاءات الابداع ..
حفظ الله بناتنا من كل سوء ..
أما خالد المبارك فقد ذهب مع الريح .. بشر أعماله .
تحياتي للاميرات ..
|
Post: #15
Title: Re: لا ..لا..انا ما كده .. عشان ابوي رباني تربية
Author: الشامي الحبر عبدالوهاب
Date: 04-12-2016, 10:25 AM
Parent: #13
سلام أميرة
أميرة الحرف والقلم
هذا البوست .. يعبر عن موقف طبيعي للرد على تلك الكلمات النابية
وفي الحقيقة أنا استغربت صدور ذلك البوست الذي تطالبين فيه الشخص المعني بالعدول عن قراره مغادرة المنبر
لانه يتناقض مع مواقف زميلات كريمات لك وزملاء بادروا بالتعبير عن الإمتعاض عن تلك الالفاظ.
ليس هذا عتاب لان العبرة بالخواتيم وبنيتك الطيبة الواضحة في كل مداخلة من مداخلاتك
تحياتي
|
Post: #16
Title: Re: لا ..لا..انا ما كده .. عشان ابوي رباني تربية
Author: مني عمسيب
Date: 04-12-2016, 10:39 AM
Parent: #13
التحية للحبيبة ,, الاميرة .. والتحية لجميع الحضور الكريم ..
من نافذة الفيسبوك .. كتب العنصري عدو المرأة وسلالة خالد المبارك
حزنك يا وطني :
Quote: حزنك ياوطنى احزنى
اميرة الشباب حاشاك يالسمحه باخلاقك وماشايف انو موضوع ذى ده مفروض
يطلع من كيبوردك العفيف فياريت تبعدى عن المطبات دى وخليك ذى ماكنتى بليز. |
طبعآ حزنك يا وطن دا من سلالة خالد المبارك رجل عنصري
وعندو عقدة من النساء !!! وكمان جايي النكرة يوصي اميرة !
فبنقول ليك يا حزنان ديمة كاشفين دورك كويس وانت ياهو
من سلالة خالد المبارك والمطبلاتي الفيسبوكي للبسئوا للمرأة
فعشان كدا امثالك دا يفترض يمشي يتعالج من عقدتك من المرأة
ورجولتك المفرطة الدير تدينا بيها دروس اخلاقية ونعمل شنو ونخلي
شنو امشي دافع عن نساء بلدك المغتصبات .. يا عنصري يا متخلف !
فعلآ الرجال خشم بيوت .
وبتمني منك يا عنصري يا جاهل بأن لا تخاطب الاخ العزيز السوداني زيك
بي يا جنوبي ... طبعآ عارف قصدي . قال حزين علي الوطن ! اها انا حزينة
عليك انت رأيك شنو ؟
|
Post: #17
Title: Re: لا ..لا..انا ما كده .. عشان ابوي رباني تربية
Author: محمد أبوالعزائم أبوالريش
Date: 04-12-2016, 07:16 PM
Parent: #16
سلا أميرة،
قريت عنوان البوست الفتحتيهو وما دخلت. أنا عارف خالد قال شنو وترك المنبر ليه، عشان كده كان تقييمي إنو البوست الفتحتيهو لا يستحق دخوله.
شكراً على التوضيح واعذرينا إذا حكمنا عليك من بوست (أو عنوان بوست)
|
Post: #18
Title: Re: لا ..لا..انا ما كده .. عشان ابوي رباني تربية
Author: مني عمسيب
Date: 04-13-2016, 09:43 AM
Parent: #17
التحية للجميع ..كتب العنصري عدو المرأة الفيسبوكي _ حزنك ياوطني :
Quote: حزنك ياوطنى احزنىالاسمها منى دى ودوها الضل
يااخوانا بدل افرازاتها اللااخلاقيه دى.عموما بما انى عدو للمراة
وبما انى فى حضرة بوست لامراة اميره تحمل كل مقومات
الاحترام وتجد منا كل معانى التقدير فانى أربأ بالرد عليك هنا. |
ما حا اطلب من زول يوديك الضل لانك انت قاعد فيهو من يوم شفتك !
لو ما انت عدو للمرأة بكلفك شنو الادانة يا مقنع الكاشفات قبال ما تدي
اميرة درس في الاخلاق ؟ولا عشان الادانة في حليفك العدو الآخر للمرأة ؟
كنت تأكد لينا وللقراء المحترمين انك ما عدو للمرأة بالادانة لكن كونك تجي
من هناك عشان تكتب لي اميرة كلامك النئ دا عشان تحرجها ولا تقلل من
الكيبوردحقها بطريقة او بآخري دا ما بفوت علي القارئ عشان تعرف انك زول
عنصري ومن سلالة خالد المبارك !!! الموضوع ما بالبساطة دي ينبذ وتجي انت
تدهنس وتأخد الموضوع بالسذاجة دي ! حتي بكلفك عناء الادانة لحليفك المقزز !
وفي النهايةاهو اكدت عداوتك للمرأة كونك تساوي بي الضحية وبين حليفك الجاني !
وبهذهالسطور الساذجة البتلوم فيها الضحية وبتحاول تكميمها لعدم القول بما
تريد أن تقول !
وبنكرر الرجال خشم بيوت ..
اما افرازاتي الاخلاقية دي دي ! خليت ليك الاخلاقيات انت يا مقنع الكاشفات عسي
تستفيد منها وتطبقها في سلوكك !
|
Post: #19
Title: Re: لا ..لا..انا ما كده .. عشان ابوي رباني تربية
Author: عفاف أبو حريرة
Date: 04-13-2016, 10:11 AM
Parent: #18
| Quote: قلت ليها .. لا.. لا... انا ما كده .. عشان انتي عارفة ان ابوي رباني تربية سودانيةية |
اكيد حبيبتي انتي ما كده
والواحد يتعلم الحياة دي مدرسه
وان كان مرات الواحد بدخل في حتات تاني بطنك بتطم من كل شي
كوني كما انتي
|
Post: #20
Title: Re: لا ..لا..انا ما كده .. عشان ابوي رباني تربية
Author: مني عمسيب
Date: 04-13-2016, 10:29 AM
Parent: #19
يا حزنك يا وطني كتبت ليك مداخلة فوق تعال اقراها .
|
|