Post: #1
Title: عبارات مكتوبة فى الركشات واللوارى والهابسات تبحث عن شرح
Author: بلدى يا حبوب
Date: 04-11-2016, 03:56 PM
02:56 PM April, 11 2016 سودانيز اون لاين
بلدى يا حبوب-kahrtoum
مكتبتى
رابط مختصر من الباشيا الافته فى الشارع السودانى ظاهرة الكتابة فى الزجاج الخلفى وفى الركشات وحقيقة الموضوع يحير بعد مرات تقرأ تطلع بره الشبكة وقبال مت ترجع تلقى قدامك كتابة تطتش
كده نديكم امثله وبعدين نسجى مساحة للموضوع اكيد فى المنبر العام من هم اعمق شرحا وافهم فى الموضوع
* بتاع أمجاد كاتب (نفسي في مشوار) * وآخر كتب في مؤخرة العربة ( كان مفروض تأشر)ــ الظريف إنك تقراها بعد ما الزول يفوتك. * وقصة (بكرة الركوب مجان ــــ داخل بصات ديم المشايخة) * وأجملهم بتاع ركشة كاتب في خلفية الركشة ( عاين أسي بلف)
بعض تفنن في هذا الكتابات على المركبات فمنهم من أدخل عليها بعض الحروف الانجليزية فمثلاً تجد كلمة (بناديها) تجدها بناdها وكلمة (في بالي ) تجدها xبالي ولعل كلمة في ستين (xستين)هي الاكثر إستعمالاً لان البلد كلها زهجانة . وفي إعتقادي إن هذه الكتابة تعبر عن شخصية الفرد الى حد ما فوجدت عربة تراب مكتوب عليها( حصانك الاعرج يغنيك عن سؤال اللئيم) .. كما تختلف الكتابة على حسب سن صاحب العربة وحالتة الاجتماعية والمادية فالشباب يختلفونعن الشيوخ والعذاب يختلفون عن المتزوجين .. ونلاحظ ايضاً بعض التفاخر والتباهي بالقبيلة والمنطقة فمثلاً تجد على العربة الجعلي والشايقي والمحسي ... الخ
تحياتى
ملحوظه منقول وفغيه اجتهاد
|
Post: #2
Title: Re: عبارات مكتوبة فى الركشات واللوارى والهاب
Author: بلدى يا حبوب
Date: 04-11-2016, 04:00 PM
Parent: #1
كلام ركشات
بلا هايس وامجاد حلو الركشات
شوق الركشه للكوز
شباب حار شطه بس
كان راجل لخد مشوار
|
Post: #3
Title: Re: عبارات مكتوبة فى الركشات واللوارى والهاب
Author: بلدى يا حبوب
Date: 04-11-2016, 04:04 PM
Parent: #2
من اكثر الكتابات التي كانت تداولا في اللواري = غربة وشوق يا ابوشرءا وكان هناك حافلة في الديم مكتوب عليها - شينة وعاجباني اما بتاع ركشة من كترة الشواكيش كتب كلما نربي كتكوت يكبر ويفوت
حقيقة هذا الموضوع انا من المهتمين جداً به وما حصل مرقتة في الشارع وجات عربية ما قريت المكتوب فها شنو ومن الكتابات : 1/ واحد كاتب ( 5 ما 5 * 60 ) وقاصد بيها عل ما اعتقد ( دايرة ما دايرة في ستين ) 2/ واحد بتاع قلاب كاتب ( بس تشيل فوقي وتودي ) وكأنما يتكلم بلسان القلاب 3/ واحد بتاع بص كاتب ( واقفين تحننو وراكبين تجننو ) 4/ وكمان بتاع كارو كاتب ( حصاد الغربة ) وما عارف انو الزول دا كان مغترب وين
|
Post: #4
Title: Re: عبارات مكتوبة فى الركشات واللوارى والهاب
Author: منتصرمحمد زكى
Date: 04-11-2016, 04:17 PM
Parent: #3
سلامات
بلدي ياحبوب
بتاع شاحنة كاتب ( وراء كل رجل مديون إمرأة )
وبتاع ركشة كاتب ( حفيان في زمن كلو جزم ) ...
|
Post: #5
Title: Re: عبارات مكتوبة فى الركشات واللوارى والهاب
Author: Hamid Elsawi
Date: 04-12-2016, 07:26 AM
Parent: #4
بلدي يا حبوب
تحياتي ليك و لي ضيوف البوست
الدافع من وراء كل هذه الكتابة تنفيس و آهات
و غضب مكبوت.
كبت الحريات مصادرة الصحف .... الناس بتعبر عن الجواها
بأشكال مختلفة
موضوع البوست ممكن يكون رسالة ماجستير أو دكتوراه لطالب/ـة
علم اجتماع او علم نفس
تحياتي و لي عودة اذا اسعف الزمن
|
Post: #6
Title: Re: عبارات مكتوبة فى الركشات واللوارى والهاب
Author: ياسر السر
Date: 04-13-2016, 12:13 PM
Parent: #5
التحية لك اخي بلدي يا حبوب على هذا البوست الذي تفوح منه رائحه البلد وطين البلد وذكرياتنا الجميلة والماضي الراح ...
ومن العبارات المنتشرة في تلك الفترة وعلى سبيل المثال لا الحصر وحسب ما نتذكره :
- خلوها يا حساد
- ود الارباب المحسي الما كضاب
- السايق الفيات
- الراعي واعي
- يا ابو فركه
- يا ود حسونة
- يا ود بدر من الفقر
- الزراف ركوب الجن
- ود العجوز
- المرسال
- ست الفريق
- شده وتزول
- الطير الخداري
- لحاق بعيد
- ماضي الذكريات
- المبروكه
وكثير من امثالنا الشعبية التي كانت شائعه في تلك الفترة ولكن الذاكرة اصبحت خربة وساعود لك بالكثير ان شاء الله ...
تحياتي : ياسر العيلفون .........
|
Post: #7
Title: Re: عبارات مكتوبة فى الركشات واللوارى والهاب
Author: Salah Zubeir
Date: 04-13-2016, 02:38 PM
Parent: #6
يا حبوب ,,,, كيفنك
شوف الطموح دا كيف
|
|