ناس أمريكا: لعبة ال Monopoly فى محلات ال Safeway .. هنا يتم تبادل الخبرات

05:32 PM April, 10 2016

سودانيز اون لاين
بريمة محمد-الولايات المتحدة، ولاية فرجينيا
مكتبتى
رابط مختصر

دعبت محلات شوبنغ مشهورة تسمى ال Safeway .. ويباع فيها كل شيئ من المواد الغذائية إلي الادوية .. وغيرها .. دعبت علي تقديم لعبة تسمى ال Monopoly ..

وهنا اللعبة ..



وكل مرة تشتري متشرياتك المنزلية منهم يعطوك تذاكر لعب فى الشكل التالي ..



تقوم تفتح التذاكر .. وثبتها في محلاتها فى البورد السابق ..

الجوائز تتراوح ما بين: مليون، نصف مليون، 100 ألف، 50 ألف، 35 ألف، 20 ألف، 10 ألاف، 5 ألاف، 2500 دولار، 1000 دولار إلي 200 دولار و10 دولار و5 دولارات فقط.

أظن اللعبة بدايتها فى أول فبراير .. وتستمر حتى يوم الثالث من مايو القادم ..


هنا أسرة فازت بجائزة نصف المليون ..




ما أردت أن أقوله .. هل ممكن نتشارك التذاكر .. حتى نكمل لبعضنا البعض ..

بريمة

فكرة ممتازة,,, لكن أنحن ناس الخارج نعمل شنو؟

بريمة سلام لما الpower ball كان الجاكبوت بتاعه 1.4 بليون وقلنا ليك العب لينا بي دولار قلت لا حرام ومن جيت امريكا ما لعبت يانصيب ونان المنوبولي ده منقب

تنقصنى التذاكر التالية:
فئة المليون 1000,000.00: محتاج تذكرتين
$613C
$618H

فنئة ال 500,000.00 محتاج تذكرتين
622D؟
625D؟

فئة 100,000.00 تنقصنى الأتى
A502C
A504E

فئة ال 50,000.00 تنقصنى الأتى:
B505A
B506B

فئة ال 35,000.00 تنقصنى الأتى:
C513D
C514E

فئة 20,000.00 تنقصنى الأتى:
D515A
D517C

فئة ال 10,000.00 Jet Ski تنقصنى الأتى:
E524D
E525E

فئة ال 10,000.00 Family Vacation تنقصنى الأتى:
F527B
F527C


بجيكم راجع .. بالباقي ..

بريمة

يا منتصر،
متحين للفرص لأشانة السمعة .. ما تبقي زول ذي دا ما كويس يا أخي ..

Quote: بريمة سلام لما الpower ball كان الجاكبوت بتاعه 1.4 بليون وقلنا ليك العب لينا بي دولار قلت لا حرام ومن جيت امريكا ما لعبت يانصيب ونان المنوبولي ده منقب

والله العظيم منذ أن جئت أمريكا حاجة يدفعوا فيها قروش عشان يلعبوها لم أفعلها قط ..

هذه المرة .. هم قاعدين يعطونى التذاكر فقط لأنى زبون لهم وأشتري مشتريات غذاء أبنائي منهم .. بخالص مالي .. وهم بدورهم يشوفوا مشترياتى كانت كم ويعطوني تذاكر .. لم أدفع فيها تعريفة زيادة ..

المسألة شختك بختك .. ذي القرعة .. أها الحرام يدخل علي من ياتو جهة!

بريمة

عثمان،

سلام ..

Quote: فكرة ممتازة,,, لكن أنحن ناس الخارج نعمل شنو؟

دي من حسنات أمريكا علينا .. ممكن زول فقران تب .. تجيهو رزمة قروش بين يوم وليلة ..

أدعوا لينا نكسب المليون ..


بريمة

فئة ال 5000 دولار كاش ..تنقصنى تذكرة واحدة للفوز
وهى:
Z608B

فئة ال 5000 دولار Groceries ..تنقصنى تذكرة واحدة للفوز
وهى:
Y603A

فئة ال 2500 دولار تنقصنى تذكرة واحدة
X602D

فئة 1500 دولار (تلفزيون حديث) تنقصنى تذكرة واحدة
وهى:
W597C


بريمة

فئة 1000 دولار (كاش) تنقصنى تذكرة واحدة
وهى:

V592B


فئة 1000 دولار (Grocery Gift Card) تنقصنى تذكرة واحدة
وهى:

U590D


فئة 1000 دولار (Getaway) تنقصنى تذكرة واحدة
وهى:

T585C

فئة 500 دولار (SPA) تنقصنى تذكرة واحدة
وهى:

ٍS579A

بريمة

فئة 200 إلي 100 دولار ..
تنقصنى تذكرة واحدة لكل خانة للفوز ..
والتذاكرهى:

R575A

Q573C

P568B

O565C

وهى للفئات 200 دولار،200دولار، 100 دولار،100 دولار .. علي التوالي.

بريمة

Quote: دعبتمحلات شوبنغ مشهورة تسمى ال Safeway .. ويباع فيها كل شيئ من المواد الغذائية إلي الادوية .. وغيرها .. دعبت علي تقديم لعبة تسمى ال Monopoly ..

ما هذا يا "أخا العرب"؟؟

يا جماعة هاكم ترمجة لعربي العربي بريمة بلل.

دعبت= دابت

يا منتصر.

العبار بريمة ما عندو قشة مرة، فهو زول عبابير وزول ميسر بمعنى أخر زول كبائر ساكت، جيب الجماعة يقيمو عليه الحد.

قلت لي "منوبلي يا عبار!

الأسكراتس بتاع 7 11 كيف؟؟

عارفك حاسدنى قبل ما نكسب .. !!

بالأمس القريب دا .. كنت فى الملحة بتاعت Safeway .. أشتريت أغراضي المحتاج ليها .. وشلت ما فيه النصيب من التذاكر .. شافنى شاب أبيض وقال اليوم يوم حظك .. أعطانى 26 تذكرة وطبعاً كل تذكرة فيها أربعة خانات ..

رسلوا لي التذاكر الفائضة عن حوجتكم عسي ولعل ..


الله في قاعد .. أها جانى لعب نضيف .. أقصد حلال تب.

بريمة

كتب العبار بريمة بلل:

Quote: الله في قاعد .. أها جانى لعب نضيف .. أقصد حلال تب.

طيب هاك ده:

حكم قبول الهبة إذا كانت من مال حرام

السؤال

جاءتني رسالة إلكترونية قبل شهور، فيها دعوة لكسب المال، فضغطت على زر موافق، وقبل أيام فوجئت برسالة مفادها أنني فزت بجائزة اليانصيب، فما حكم المال المأخوذ؟ علما بأنني لم أكن أعلم حينما اشتركت أنها يانصيب ولم أدفع شيئا لهم؟ إذا كان المال حراما فماذا أصنع به؟ وجزاكم الله خيرا.

الإجابــة

الحمد لله والصلاة والسلام على رسول الله وعلى آله وصحبه أما بعد: فالظاهر أن هذا المال لا يجوز لك قبوله ولا الانتفاع به، لأنه -وإن حصلت عليه بشبه هبة- مال حرام حاصل من اليانصيب الذي هو الميسر. والعلماء قد نصوا على منع قبول الهبة ممن جميع ماله حرام.لذا يجب عليك أن تتخلص منه بصرفه في مصارف الأموال العمومية. والله أعلم.


المصدر:

http://fatwa.islamweb.net/fatwa/index.php؟page=showfatwaandOption=FatwaIdandlang=AandId=34510http://fatwa.islamweb.net/fatwa/index.php؟page=showfatwaandOption=FatwaIdandlang=AandId=34510

أها يا عبار

شن قولك؟؟

العبار دينق،
هههههههههههاي ..

Quote: الإجابــة الحمد لله والصلاة والسلام على رسول الله وعلى آله وصحبه أما بعد: فالظاهر أن هذا المال لا يجوز لك قبوله ولا الانتفاع به، لأنه -وإن حصلت عليه بشبه هبة- مال حرام حاصل من اليانصيب الذي هو الميسر. والعلماء قد نصوا على منع قبول الهبة ممن جميع ماله حرام.لذا يجب عليك أن تتخلص منه بصرفه في مصارف الأموال العمومية. والله أعلم.

أنا ذاتى بقول ماله الكسبه بهذه الطريقة حرام .. لأنه لم يشارك فى المال بتجارة ..

أنا زول زبون لي سنين فى محلات Safeway لكنى كنت أجدع التذاكر بخيرها وشرها .. علماً لما يأتينى كبون التخفيض للبضائع أخذه وهم وأسلمه لهم وهم يقوموا بالواجب .. مثلاً الزبائن كلهم أعطوهم تخفيض فى البضاعة أنا لوحدي أتشوبر وأقول لهم التسووا فيه حرام .. ما تخفضوا البضائع ..!

نفس المنطق هم الأن أعطوني تذاكر للفوز نقول لهم لا ما عايزين .. ومال التخفيضات البرسلوها لينا كل فترة وأخري مصيرها شنو؟

دينق هووي .. لم يشاد الدين أحداً إلا غلبه .. أنا قاعد أستفتى قلبي فى كل شيئ ولو أفتونى الناس ..

بريمة

Quote: دينق هووي .. لم يشاد الدين أحداً إلا غلبه .. أنا قاعد أستفتى قلبي فى كل شيئ ولو أفتونى الناس ..

بعد كده أنا بخليك للجماعة.

يا عبار.

في حالة فوزك أنت ككوز في أمريكا لازم تتحلل، وأسهل طريقة للتحلل ، هي أن تقوم بتسليمي الجائزة كاملة وغير ناقصة، وبي كده بتكون لم ترتكب معصية وتحللت.

سلام الأخ بريمة
يا زول انت متاكد الموضوع دا ما فيه شبهة
انا البتاعات دي كل مرة بتاع الكاشير بديني مجموعة
بشيلها منه ولما اطلع من الاستور بجدعها في اقرب
تراش

الأخ الأمين،
سلامات ..

Quote: سلام الأخ بريمة يا زول انت متاكد الموضوع دا ما فيه شبهة انا البتاعات دي كل مرة بتاع الكاشير بديني مجموعة بشيلها منه ولما اطلع من الاستور بجدعها في اقرب تراش

أستفتى قلبك ..

لم أر حرمة قط .. حق مكتسب .. وفتش لينا الناس الحواليك وأستفتهم أيضاً ..

جدعك للتذاكر خطأ كبير، علي الأقل ما تشيلها .. ممكن تكون جدعت المليون وفوت الفرصة علي زول مسكين عدمان وظلت القروش فى جيوب متخمة بالمال .. توزيع الثروة جزء من الدين .. الزكاة مثالاً .. الناس ديل بوزعوا فى مالهم مقابل الحفاظ علينا كزبائن .. ولا شنو؟

بريمة

ههههاي العبار دينق ..

Quote: يا عبار. في حالة فوزك أنت ككوز في أمريكا لازم تتحلل، وأسهل طريقة للتحلل ، هي أن تقوم بتسليمي الجائزة كاملة وغير ناقصة، وبي كده بتكون لم ترتكب معصية وتحللت.

لو كسبت المليون دا أخر يوم تمسعوا أخباري .. بمرقها فى جزر الكاريبى أستمتع بالطبيعة والبيئة .. والحلال من العبابير والحاجات التانية.

بريمة

Quote: والحلال من العبابير والحاجات التانية.

يا رااااااجل !!

Quote: يا رااااااجل !!

المتعة فى الحلال .. برضو حرام ..!

والله دي قصة دي ..

إيميلي للتواصل ..
bir.adam at hotmail.com

بريمة

Quote: كنت فى الملحة بتاعت Safeway

لحمتهم ما حلال يا مولانا ...

و المونوبولي دي لوتري فيها شبهة يا شيخنا ...

يحي قبانى،
سلامات .. ما قاعدين نشتري منهم لحمة .. نشتري الخضار والبقوليات والمكرونات .. والعيش واللبن ..

الشبهة وين فى المنوبولي ..؟ نحن لم ندفع فيها أي قروش .. أين الحرام فيها.

بريمة

Quote: الشبهة وين فى المنوبولي ..؟ نحن لم ندفع فيها أي قروش .. أين الحرام فيها. بريمة

الشبهة هنا يا بريمة ...

Quote: وكل مرة تشتري متشرياتك المنزلية منهم يعطوك تذاكر لعب فى الشكل التالي ..

تشتري ... نديك تذكرة لوتري ...

اها ... انت كده دفعت و لا ما دفعت ...

الأخ يحيي،
سلام .. أها يا هو التشدد ذاته الذي أحذر منه .. ما ح نأكل .. ولا شنو؟

الدين يسر ولا عسر .. وأنا أفتكر علماء الدين أهملوا جانب تيسير الحياة حتى تكون فيها متعة .. وأدرجوا التحريم فى كل شيئ ..
وحتى لو أشتريت لألعلب .. ما هى المشكلة كل مشترياتى تخصنى ولا أدفع فيها أى شيئ زيادة عن ما يدفعه الذين لا يلعبون ..


بريمة

العبار بريمة بلل.

أستمع الى نصيحة "أخوانك في الاسلام" وفي حالة فوزك تحول الدولارات لي دينق الغير مسلم.
وبذلك بتكون ذي الزول بتاع الوالي داك وتكون "تحللت"

أسم البنك ورقم الحساب في الماسنجر.

Quote: الأخ يحيي، سلام .. أها يا هو التشدد ذاته الذي أحذر منه .. ما ح نأكل .. ولا شنو؟ الدين يسر ولا عسر .. وأنا أفتكر علماء الدين أهملوا جانب تيسير الحياة حتى تكون فيها متعة .. وأدرجوا التحريم فى كل شيئ .. وحتى لو أشتريت لألعلب .. ما هى المشكلة كل مشترياتى تخصنى ولا أدفع فيها أى شيئ زيادة عن ما يدفعه الذين لا يلعبون .. بريمة

بريمة يا حبيب ...

بالعكس تاكل و تشرب و أي حاجة ...

لكن انت ماشي سيفواي و عارف انك حيدوك لوتري ... و لو مشيت اي سوبرماركت اخر ما عنهم لوتري...

اذا اختيارك للتبضع من سيفواي مقرون باحتمال فوزك باللوترية حقتهم ...

و هنا تكمن الشبهة ... وده ما تشدد يا بريمة ...

العبار بريمة في متاهاته.

مزنوق زنقة عبار في أنداية.

يا حليل توتو كورة!

يا عبار حصل ضربت التوت؟؟

سلام عبابيرو
يا زول ما تسمع كلام دينق و قباني ديل
أنا عندي اكتر من خمسين تذكرة في التربيزة
حا أمشي أشوفها كلها لو لقيت تذكرة matching النمر الوضعتها دي حا أتصل بيك....ركز على المليون
أنا شيخي قال لي دي أكتر لعبة حلال في أمريكا
و فيها منافع للعباد ....
فالجماعة ديل حاسدين ليس الا

ياخ دا كلام عجيب
نفس التذكر الانت محتاج ليها
أنا محتاج ليها!!!
لكن كسبت 50$ Grocery Gift Card

Keep moving
يا عبابيرو
و ما بوقفنا الا المليون

أنسا ناس دينق و قباني.....نحن مليونيرات و هم ملح الأرض
مالنا و مالم
حريقة فيهم

كوستاوي.

العبار بريمة بلل مختفي ليهو يومين، كده شد ليهو سلك ولا أخطف رجلك سريع على حلتهم، وتأكد العبار ده ما يكون ضربت معاهو بالمليون وعامل نايم!

أصلو العبار ده ما مضمون.

الأخ يحيي،
سلامات ..

Quote: بريمة يا حبيب ... بالعكس تاكل و تشرب و أي حاجة ... لكن انت ماشي سيفواي و عارف انك حيدوك لوتري ... و لو مشيت اي سوبرماركت اخر ما عنهم لوتري... اذا اختيارك للتبضع من سيفواي مقرون باحتمال فوزك باللوترية حقتهم ... و هنا تكمن الشبهة ... وده ما تشدد يا بريمة ...

يا أخى أخذ الأمور بالشبهات غير سليم .. منذ حضوري للبلد دي بتسوق مع ناس Safeway .. البخلي هسع أنا ماشي عشان التذاكر شنو؟

الحلال بين .. أنا لم أدفع فلس زيادة .. لكن بينى وبينك لاحظت إرتفاع عدد المواد التى اشتريها .. لاحظت المكرونات والسكسكانية وما شابهمها بقيت بشيل من كل صنف .. ودا ما حصل قبل كده.

لو فى أخطاء ذي دي ممكن تتصحح .. لكن ليس هناك حرمة ..

بريمة

كوستا،
سلام ..

Quote: ياخ دا كلام عجيب نفس التذكر الانت محتاج ليها أنا محتاج ليها!!!

حتى التذاكر التى تنقصنا هى نوعين ..

ال The Rarest tickets وال the rare tickets مثلاً التذكرة 618H$ فى المليون هى التذكرة الفائزة .. لو لقيت دي .. طوالي تمش الدلالة بتاعت ebay وتشتري ال 613C$

بريمة

Quote: حتى التذاكر التى تنقصنا هى نوعين .. ال The Rarest tickets وال the rare tickets مثلاً التذكرة 618H$ فى المليون هى التذكرة الفائزة .. لو لقيت دي .. طوالي تمش الدلالة بتاعت ebay وتشتري ال 613C$ بريمة

كوستاوي.

ده كلام زول خبير عديل كده!

كوستا
أدخل هنا ..
http://www.connectedisolation.com/2016/02/2016-monopoly-collect-and-win-game-rare.htmlhttp://www.connectedisolation.com/2016/02/2016-monopoly-collect-and-win-game-rare.html

بريمة

فرص الفوز ..

https://www.playmonopoly.us/view/ruleshttps://www.playmonopoly.us/view/rules

بريمة

Quote: لحمتهم ما حلال يا مولانا ...

القال مِنو ؟.
عليك الله يا قباني بوست منفرد للمسألة دي لو أمكن .
يا بريمة إن شاء الله تضرُبا مليون محل ما تقبّل .
اها ساعدناك بالدعاء .

تحايا نواضر لناس البوست ...