خالد المبارك...الله يديك الصحة والعافية..اسمع نصيحة مولانا قصي..

03:35 PM April, 09 2016 سودانيز اون لاين
اميرة السيد-استامفورد-الولايات المتحدة الأمريكية
مكتبتى
رابط مختصر

خالد المبارك
البوست بتاعك قفل ..وما ممكن نعلق..
وعندي ليك نصيحة لاني مريت بنفس التجربةلكني ما قفلت الباب نهائي وزي ما نصحك مولانا قصي انا خليت الباب متكي..وسمعت نصائح من اخوان اشقاء وغير اشقاء من المنبر العام وفي مقدمتم الدكتور الانسان اسامة الامام ..وابتعدت لكن ما ضيعت الباسويرد ورجعت بعد ان تصالحت مع نفسي...

وانت بنفسك بتقول انك انفعالي...وعشان كده لازم تتخلص من حدة الانفعالات اولا قبل ما ترجع للكتابة تاني..والمنبر العام والله بقى لينا ملجا وبيت نجد فيه النصائح المفيدة ونجد فيه الثقافة المتنوعة والمعرفة في كافة المجالات الاجتماعية والسياسية والاقتصادية..

واقول ليك حاجة انت ما حتصدقها...التلميذة المجتهدة بسمات مرة كتبت موضوع عن ثقافة الشعوب ونقلت فكرة الموضوع من المنبر العام والبروفيسور اداها اعلى نمرة..A ....صحيح في تعليقات في المنبر العام بتفور الدم..ويخلي الواحد يخرج من طوره زي ما حصل ليك...وخرجت من طورك واستخدمت كلمات خارجة عن المالوف للرد ..لكن اذا اخذت الامور ببساطة وخليت الانفعالات ممكن توصل فكرتك بسهولة ..وانا كنت بتنرفز زيك لمن اسمع اي شتيمة ..لكني وبصراحة اتعلمت الكتير من هذا المنبر العام...واتعلمت الاخلاق العالية جدا وضبط النفس من عبد الحفيظ ابو سن..ود كوستي..وشوف لمن يسمع كلمة نابية في حقه ود ابو سن بيعلق كيفن!!..وزي ما قالوا ليك هنا ..قرارك بترك العضوية قرار غير موفق...اذا انت عندك مبادئ وعاوز توصلها للناس فهذا المنبر هو افضل المنابر لتحقيق الهدفك...والهروب بيدل على ان حجتك ضعيفة...ولازم تكون حجتك قوية وتتسلح بالصبر والتجلد عشان تستمر في المناقشات بنفس وروح حلوة ليس فيها ضغينة او حقد او زعل بسبب الاختلاف في الراي....واجمل حكمة قريتها اليوم..ان المصارين في البطن الواحدة دي بتتشاكل...واسمع كلام مولانا قصي محمد عبد الله وخلي الباب موارب وابتعد شوية وتعال ليناراجع...

...السياسة دائما بتفور الدم...لكن الاختلاف في الراي لا يفسد للود قضية..واسمع القصة دي..السيد عبد الرحمن المهدي كان زعيم حزب الامة وطبعا افكاره وسياساته كلها ضد الافكار الشيوعية ومناقض لها تماما ...وفي يوم دعا عبد الخالق محجوب وفد شيوعي من روسيا لزيارة السودان..وكانت ميزانية الحزب الشيوعي لا تسمح حتى باقامة حفل شاي للوفد الروسي..وكانوام محرجين جدا كيف يكرموا الوفد الروسي...وقبل وصول الوفد الروسي لمطار الخرطوم سمع السيد عبد الرحمن المهدي بحكاية الوفد الروسي الجاي زيارة للسودان وحكاية الاحراج الواقعين فيه ناس الحزب الشيوعي واتصل السيد عبد الرحمن بالسيد عبد الخالق محجوب وقال ليه:" يا اخوي عبد الخالق ..الوفد الروسي ده ما جاييكم زيارة ليكم وحدكم..ديل ما دام جايين السودان فهم ضيوف السودان وشعب السودان ..والوفد الروسي وكل اعضاء حزبكم معزومين معاي في حفل غداء سننظمه على شرف الوفد.."" وقد كان..

..هذه هي الاخلاق السودانية التي يجب ان نعتز بها ونفتخر بها...
والله يديك الصحة والعافية...

نسيت كمان حاجة اقولها ليك...
ايمن محمود قال ان ذهابك عن المنبر يعني انك حتكون المتضرر
الاساسي.. .وانا مؤيداه في رايه..لانك يوم ستقرا بوست وعاوز
ترد وتكتب تعليق لان ما جاء في البوست متناقض ومعارض لما
تؤمن به وتريد انت ان تبين وجهة نظرك..وما حتقدر لانك ما عضو
وتتحسر وتقول يا ريت لو ما اسرعت في قراري..
والمهم نتمنى استمرارك في عضوية اسرة سودانيز اون لاين..
وقديما قال احد الفلاسفة..:" اني قد اعارضك في رايك ولكني سادافع
عنك حتى الموت لتعبر عن رايك..."
وان شاء الله خلاص تكون رجعت..
والله يديك الصحة والعافية..

الاميره ازيك
ربنا يكملك بعقلك

Quote: نسيت كمان حاجة اقولها ليك... ايمن محمود قال ان ذهابك عن المنبر يعني انك حتكون المتضرر الاساسي.. .وانا مؤيداه في رايه..لانك يوم ستقرا بوست وعاوز ترد وتكتب تعليق لان ما جاء في البوست متناقض ومعارض لما تؤمن به وتريد انت ان تبين وجهة نظرك..وما حتقدر لانك ما عضو وتتحسر وتقول يا ريت لو ما اسرعت في قراري.. والمهم نتمنى استمرارك في عضوية اسرة سودانيز اون لاين.. وقديما قال احد الفلاسفة..:" اني قد اعارضك في رايك ولكني سادافع عنك حتى الموت لتعبر عن رايك..." وان شاء الله خلاص تكون رجعت.. والله يديك الصحة والعافية..

اثني

Quote: وقديما قال احد الفلاسفة.. :" اني قد اعارضك في رايك ولكني سادافع عنك حتى الموت لتعبر عن رايك..."

كلام مئة مئة
نصحتي فاحسنتي النصح والبيان
حديث العاقل اللبق

كتر خيرك بت مصطفي..ربنا ينور بصيرتك كمان وكمان

....
اخونا العزيز د.عوض..كيف حالك
وين الطبطبة في كلام اختنا أميرة دا

كان يمكنك اضافة طلب إعتذار من الأخ خالد للأخوة الأفاضل الغلط في حقهم

بس طبطبة....!!!!

....
يا بت مصطفي
بالله عليك قولي لاختنا الاميرة بت الشيخ

كما سطر الرائع فضل محمد...وكما تغني المبدع ودالأمين

ازعل شويييييية...مش كده

عزيزي د. اسامة الامام
..ود. عوض كاتب كلمة طبطبة وين؟؟ انا ما لقيت
التعليق بتاع د. عوض..
واذا هو قاصد انا طبطبت على خالد المبارك عشان يرجع
عن قراره..فانا اعتبرت ان اعضاء المنبر العام وكانهم اهلي
في الغربة...واعتبرته وكانه اخوي..وقلت فعلا اطبطب على
كتفه عشان يرجع..وعشان انا عارفة ان مناشدة ونصائح الناس
مرات بتنفع وتاثر على الشخص لمن يتخذ قرار ربما يراه
هو صحيحا وهو في حالة الغضب...وانا مريت بالتجربة دي
وقلت اخليه يستفيد من تجربتي...
..ومرة ثانية وثالثة ورابعة اشكرك يا د. اسامة الامام...
والله يديك الصحة والعافية...

.الغالية عفاف بت ابو حريرة..
الله يديك الصحة والعافية...وغشيناك بهناك في البوست
الروعة ..بوست النفااااااج...

Quote: Awad Mohamed Ahmed هل هناك امل في هذا الرجل بعد ان وصف بنات السودان خارج السودان بالداعرات و اصر عليها في مداخلتين لاحقتين و لم يعتذر عنها هذا اذا غضينا النظر عن كلامه السئ لرجلين غاية التهذيب مثل د. ياسر الشريف و سيف اليزل سعد. اي رسالة يمكن ان يحملها هذا الرجل المتفلت؟ فليعتذر اولا عوضا عن الطبطبة عليه أعجبني · رد · التحديد كبريد إلكتروني غير هام أو احتيال · 10 ساعة

المداخلة من الفيس يا أميرة
الاخ دكتور عِوَض محمد احمد كذلك عضو معنا ها هنا
له ولَك ولجميع الإخوة الأعضاء كل الود وكامل التقدير

تم تصفير عداد الأخ خالد المبارك.
فهي أيضا سلاح حميد ذو حدين:
أن يبدأ على ورقة بيضاء جديدة.
أن يذهب و لم يخلف خلفه أي سجل.
-----
نتمنى عودته ،
وعودة كل الزملاء.
وفك الحظر عن جميع المصفدة حساباتهم.
-----

الغريب فى الامر تصفير المشاركات
المطلوب من ادارة الموقع اعلام ركاب بص المنبر عن ضياع عفش المشاركات
و ليه تم التصّفير و وين مشت المداخلات دى
يعنى ضاعت فى دروب الاسافير و للا محفوظة لى ساعة عوزة
بكرى من صفّر العدّاد و من حقنا نسأل .... مداخلات الزول ده مشت وين
و لو ما رديت يا بكرى زى عوايدك
يانى الفاتحو بوست

أميرة السيد

سلام وتحية.

أنا موجود في هذا المنبر منذ فترة طويلة، ما خطه قلم الكوز خالد المبارك ليس جديدا في هذا المنبر، منذ مدة طويلة وفي كل مرة بخرج لنا كوز يكتب مثل هذا الكلام عن المعارضة النسائية لنظامهم الفاشي المجرم. الغرض من ذلك هو إرهاب النساء وإسكات أصواتهن.
ما خطه الكوز خالد المبارك هو سلوك ممنهج ومتبع بالنسبة للنظام الحاكم وأمنه.
أنتم تذكرون جيدا، حادثة تعرض الناشطة صفية أسحق الى اغتصاب وتعذيب من جهاز الأمن، وبعد ذلك قام الأرزقي علاء الدين يوسف بنش تقرير طبي (أورنيك 8)
في هذا المنبر أدعى أنه يعود الى صفية أسحق. ما كتبه خالد المبارك ليس بمجرد ذلة لسان كما يحاول البعض أو يوحي بذلك ولكنه أسلوب وسلوك معروف وممنهج للكيزان وأذنابهم في المنبر. كان يجب عليك أنت أن تديني مثل ذلك السلوك القبيح في المقام الأول.

Quote: و وين مشت المداخلات دى يعنى ضاعت فى دروب الاسافير و للا محفوظة لى ساعة عوزة مداخلات الزول ده مشت وين

قاعدة يا جلالدونا .. ما تزعل روحك
اعمل بحث بي اسمه بتلقاها

andlt;a href="http://sudaneseonline.com/cgi-bin/sdb/2bb.cgi؟seq=searchandstr=andusr=%D8%AE%D8%A7%D9%84%D8%AF+%D8%A7%D9%84%D9%85%D8%A8%D8%A7%D8%B1%D9%83andboard=490" target="_blank"andgt;http://sudaneseonline.com/cgi-bin/sdb/2bb.cgi؟seq=searchandstr=andusr=%D8%AE%D8%A7%D9%84%D8%AF+%D8%A7%D9%84%D9%85%D8%A8%D8%A7%D8%B1%D9%83andboard=490

بعدين يا أميرة السيد بالغتي في وصفك لقصي ده بي "مولانا"

الرجل كل ما يخرج من قلمه إسائات وقبح.

Quote: الرجل كل ما يخرج من قلمه إسائات وقبح.

عشان الوهم الزيك يعرف جقوريته وحيوانيته،
ما يعمل لينا فاضل و مثالي .

وقبل الطبطبة حقو نفرز نحن بنطبطب لي منو

دي مداخلاته الحرد بي سببها بطريقة دقاني بكى وجرى اشتكى

Quote: لازم يحشرو كلمة اغتصاب في كل مواجهات رجال الامن مع النساء بغرض اثارة الرأي العام زي ما كتيرات اخدن لجوء سياسي عن طريق نسج حكايات بشأن فروجهن هي تجارة الفروج و الدعارة من كل النواحي انا شخصيا مقتنع كل من يسمن بالناشطات هن داعرات كلمة ناشطات هي كلمة مرادفة لكلمة داعرات قبح الله وجهكم

Quote: قبح الله وجوهكم يا من تتاجرون بشرف السودانيات متى تصمتون فضحتمونا و خلع بنطاله و فعل و خلع بنطاله و فعل و خلع بنطاله و فعل لقد سئمنا من هذه الاباطيل و المتضررر الوحيد هو الشعب السوداني الذي يلاقي ما يلاقي من جراء تقارير كهذي طز فيكم من اولكم لي اخركم

Quote: ياسر الشريف يا عره يا وهم عايز تهددني بي عضوية منبر فيهو امثالك و امثال دينق و الثلة السكرى انا اقول رأيي و لم اتهم شخص عينا و لم اوجه تهمة لشخص بعينه و لا زلت مصرا على ذلك قبح الله وجوهكم مرضتونا الله يمرضكم

Quote: طز فيك يا واطي يا سيف اليزل

اخونا احمد محمدعمر
خالد المبارك ليهو اكتر من سنتين فى المنبر ده
و اكيد مشاركاتو ما بقن على التلاتة سيئات الدكر ديل
المواطن ده ليهو اكتر من الف مداخلة و عدادو الان صفر
ده سؤالنا
مداخلات الزول ده من سنة انضمامو للمنبر لى يوم الليلة مشت وين ؟
و ......بس

يا جلال المداخلات في رقبتهن قاعدات الإتصفّر هو فقط عدّاد المشاركات
يوجد اعضاء آخرين كذلك مثلا جمال المنصوري عداد مشاركاته يقول صفر في حين انه يشارك ويكتب عادي

جاياكم للرد والتعليق برواقة وبمهلة بالدور الترتيبي....
ومداخلات مهمة تحتاج لعمق في التفكير ..والرد بمنطق
ويمكن احتاج لمساعدة صديقة ...
والله يديكم الصحة والعافية

للاسف الشديد لم اقرأ البوست ويبدو انه كٌتب اثناء غيابي
في اليومين السابقين..
أعتقد أن أي بوست ترد به شتائم واساءات من هذا النوع يجب ان يكون موجودا في
الصفحه الأولي حتي يعرف كل انسان نتيجه افعاله السيئه فيتعظ ان كان نادما
او يتعلم الأدب حين يتحدث او يكتب..وقفل البوست لن يمكن حدوث ذلك
قرأت جملة اعلاه قيل انها مذكوره في البوست ..اصابتني بالغضب الشديد
ولكني ام اقرأ البوست ولذلك لن استطيع الرد كما يجب ان يكون الرد في وجهه نظري..

والتقدير والإحترام لكل من يجاهر برأيه صراحة في نظام لم يفعل منذ مجيئه الا ظلم الإنسان والتواصل في قهر
النساء

د. اسامة الامام
الغلط في مداخلتي شنو
و هل تقبل وصفه لحرائر السودان بالداعرات و اصراره عليها؟؟؟
و ما رائك في كلامه هذا

Quote: د. اسامة الامام الغلط في مداخلتي شنو و هل تقبل وصفه لحرائر السودان بالداعرات و اصراره عليها؟؟؟ و ما رائك في كلامه هذا

يا هلا د.عوض ومرحبا بيك مجددا يا عزيز
اول في التبادي ياخ رد السلام والتحية
ثانيا...اعتراضي كان بصورة جلية علي كلمة طبطبة....ولم اقل ابدا انك غلطان او لا
بل بالعكس امنت علي مشروعية طلب الإعتذار جاء منك او من غيرك
..اضافة للكلام الطيب الموزون من اختنا أميرة

اما قوله او فعله او غيره من ناحية عملية لا اثر له
لانه ببساطة كلام مرسل (ساكت) وكلام فاضي دون معني لا يسنده منطق ولا يدعمه واقع

يقيني انه لا يهز شعرة في جباه اخواتنا الفضليات الشوامخ لهم كل التقدير
ومن يثق في شرفه ويعلم مكنون عزه ينام قرير العين هانيها
لا يارقه ساقط القول ولا يلتفت للغو الكلام
اما اقحامي بصورة او باخري في هذا الوحل بايراد رأي مني مطابق لهذا او مخالف لذاك
فهذا ما لن تجده عندي حتي لو اصاب رذاذه اهل بيتي

ودمت بالف خير

سلامات |ختي أميرة...

Quote: ..هذه هي الاخلاق السودانية التي يجب ان نعتز بها ونفتخر بها...

عندما يسمح شخص ما لنفسه أن يفلت عياره ويقول كلاما مسيئا
جارحا وفيه توصيف لايمكن حتى وصفه بابشع الأوصاف دون أعتبار ودون إحترام ودون تمييز أين يكون مكانه من جملتك عن الأخلاق أعلاه ؟؟؟؟

يا أميرة يكفي الشخص منا كلمة واحدة يسئ بها لنفسه أولا ثم غيره أن تجعله يغادر مكانا دون رجعة!!!!
البرجعنى مكان أسئت فيه للناس جميعا دون فرز وفي أمهاتهم وأخواتهم وجميع أهلهم شنو وبياتو وش زاتو!!

لما يمشى شخص ما من مكان حصل منو فيه الكلام الفوق دا يبقى دا الشئ الطبيعى وهو هنا تصرف بطريقة
سليمة وطبيعية وصحيحة جدا جدا ...

تحياتى

الحبيبة اميرة ..

تحياتي الخاصة ولضيوفك الاكارم ..

Quote: نسيت كمان حاجة اقولها ليك... ايمن محمود قال ان ذهابك عن المنبر يعني انك حتكون المتضرر الاساسي..

معقولة يا اميرة المدعو خالد بخاطب نساء السودان بالداعرات !!!
وانتي بتتعاملي معاهو بالطريقة دي !!!!!!!!!!!!!!!!!!!!؟؟؟؟؟؟؟؟؟؟
خلي يطير عنو ما جمع البذئ الساقط ! اسه دي الفاظ رجل يكون في
مجتمع محترم ؟ وما يتضرر يتضرر هو انسان مقزز زي دا ولا يتضرر منبر
بنسعي عشان يكون سليم ومعافاة ؟!!

بالمناسبة يا اميرة غير سلبيتكم وتهاونكم مع امثال المدعو مقطوع الطارئ
دا مافي شئ خلاهو وصل معانا الدرجة دي من البذاءاة !

Quote: اما اقحامي بصورة او باخري في هذا الوحل بايراد رأي مني مطابق لهذا او مخالف لذاك فهذا ما لن تجده عندي حتي لو اصاب رذاذه اهل بيتي

سلام يا اسامة
معقولة عايز تقيف موقف حياد ازاء كل هذا الكم من البذاءات تجاه اخواتنا
و كمان في نفس الوقت مزعلاك و معترض على كلمة (طبطبة)
يا راااااجل!!!!!!!!
هذا الرجل المتفلت تجاوز كل الحدود و هذه المواقف الناعمة تجاهه مما يغريه بالتمادي
في هذا المستنقع

Quote: سلام يا اسامة معقولة عايز تقيف موقف حياد ازاء كل هذا الكم من البذاءات تجاه اخواتنا  و كمان في نفس الوقت مزعلاك و معترض على كلمة (طبطبة)  يا راااااجل!!!!!!!! هذا الرجل المتفلت تجاوز كل الحدود و هذه المواقف الناعمة تجاهه مما يغريه بالتمادي في هذا المستنقع

يا هلا بيك د.عوض مرة تانية
لي انت مصر تسمي الاشياء بغير رسمها
انا متين قلت زعلان في كلمة طبطبة
انا كلامي كان واضح ما داير ليهو لمبة كان مجرد استغراب ليس الا

اما حيادي من عدمو...يقيني انو لا يا آخر ولا يقدم
للسبب الذي ذكرته انفا..الا وهو ...انو الكلام الاتقال دا.. كلام ساااااااكت
لا يسنده منطق ولايدعمه واقع او العكس

حيادي من عدمو انا خلو
اهو الحياد الجد جد قدامك
ودونك عضوية المنبر قاطبة
الا تراهم سكوت لا ينبسون ببنت شفة الا القليل منهم
ولا يحركون ساكنا لذات سببي علي ما اعتقد

وازيدك في الشعر بيت يا حبيب
والله انا لحد اللحظة دي ما كملتا قراءة ما كتب
علي الاقل من مداخلته الاصلية..او من المصدر الأساسي
وكل الفهمتو من اغتباسات البعض...لاغير

اكرر ..الداير يشتمني ويشتم أخواتي
يجي يشتم قدامي..وجها لوجه...وبعد داك الحشاش يملا شبكتو
اما الكلام والنضمي الفي الطلقيبة دي...ما عندو اي اتر
وكلام مرسل سااااااكت في الهواء دا..ما بعني الحبة
واكرر والله لو مس اهلي بيتي ما قاله ما ادرت له وجهي ولا اعرته ادني التفاتة

مع انو ما شايف اي نعومية ولا ود مزعوم في كلام اختنا اميرة ولا غيرا
بس الزول ذاتو في رقبتو دي طبق نعلاتو واتخارج
عليهو يسهل وعلينا وعليكم يمهل


احكي ليك حاجة
في الموقع دا
جا واحد لا بعرفو لا بعرفني
دخل شتمني يوووووت..واداني الفيها النصيب
وحات الخوة....ما اشتغلتا بيهو الشغلة
ولا قلت لي ات بتقول في شنو
وكررا كم مرة في كم بوست
ولحد الان ما عارف هو مالو معاي

بس هو لو راجل كلس يجي يقول تمن كلامو دا قدامي...بس


مع كامل الاحترام..لك وللأخوات الفضليات والزملاء الاكارم