هل يمكن العمل بفيزا F1 في أمريكا؟؟سؤال يحيرني يا ناس أمريكا

12:34 PM April, 08 2016

سودانيز اون لاين
سيف اليزل برعي البدوي-
مكتبتى
رابط مختصر

Quote: ذكرت لي انك تساعد في تعبئة الابليكيشن . اذا كنت أريد وظيفه بأمريكا ، كيف ممكن تساعدني في هذا الخصوص ؟ وماهي الطلبات؟ وكم ياخذ وقت ؟ وهل ممكن ترتب لي وظيفة ادارية في بنك أو احدى شركات الاستثمار (وقت جزئي مثلا") لوكانت فيزتي اف 1 ؟

السؤال من شخص جاي أمريكا للدراسة و عندو خبرات في العمل في بنوك السعودية و عندو نية يعمل ماستر في أمريكا

ثم أردف مرسلا لي:

Quote: واذا كنت تستطيع انجازها عبر فيزة H1B فهذا يكون ممتاز

سلام ياأخ سيف ........
( منقول من موقع محامين متخصصين ) ........

H1-b - nonimmigrant work visa for specialty occupations
H-1B status permits dual intent, meaning that you can hold this nonimmigrant status while pursuing lawful permanent resident status. F-1 status does not. You and your employer should discuss your immigration goals with an immigration attorney to help figure out what options are available to you and provide the best fit for you...
========
F-1 is for students. H-1B is for people who have a US employer who is offering them a job that normally requires at least a four year bachelor's degree or its #####alent.

You should retain an experienced immigration lawyer to review all the facts, advise you, and handle the case. You can find one through

https://www.avvo.com/legal-answers/what-is-the-difference-between-f1-visa-and-h1-visa-1104355.htmlhttps://www.avvo.com/legal-answers/what-is-the-difference-between-f1-visa-and-h1-visa-1104355.html

Working part time while studying in USA on student visa. F1 visa holders cannot accept off-campus employment at anytime during the first year of their studies. Under certain circumstances, the U.S. Citizenship and Immigration Services (USCIS) may grant permission to accept off-campus employment after one year of study.

B1
دى فيزا بتاعت زيارة او سياحية ولا يحق لحاملها العمل نهائى في اميركاF1ودى فيزا طلبة وممكن تشتغل لكن بارتايم يعني أقل من عشرين ساعة فيالإسبوع و غالبا العمل في الكامبس بتاع الجامعة او في غازاستيشن او بيتسادليvري

انا جيت أمريكا بتاشيرة F1 بعد ان أرسلت لي الجامعة في أمريكا خطاب القبول وقدمته للسفارة الامريكية
وزي ما قال محمد عثمان بكري انه ممكن تعمل بهذه التأشيرة ولكن في نطاق ضيق داخل الجامعة وليس
اكثر من 20 ساعة في الأسبوع علما بان الدوام الكامل للتوظيف 40 ساعة في الأسبوع....وانا عملت في مكتبة الجامعة في بادئ الأمر..
ولكن... ولكن هناك الطرق الأخرى الملتوية التي يمكن ان تحول بها هذه التأشيرة المدرسية الى بطاقة تصريح عمل
وبسموه Employment Authorization .... وانا حولت التاشيرة المدرسية الى الإقامة الدائمة والتي بموجبها يمكن
للحكومة الامريكية ان تمول دراساتك الجامعية.... ودي من الأسرار.... ولمن تصل أمريكا اتصل بي وحنوريك كيف
الطريقة ولكن على ان تتعهد بدفع 20% من اول مرتب تاخده بعد الحصول على الكرت وقبض المرتب الأول( وجه ضاحك)..

والله يديك الصحة والعافية

عزيزنا سيف
سلامات
أحسن في الأول يدخل رقبتو بالسلامة وبعدين الشغل ملحوق .
والشغل ما صعب . كدي اليدخل . القوانين في البلد دي كلها في صالح نجاح الأنسان .
وبربك يسهل

اها. يا عثمان موسى خلاص عاوز تطمع في ال ٢٠ % من المرتب
الاول...
ممكن تاخد ١٠ % وتسيب لي العشرة في الميه الباقية..
..فعلا زي ما قال ليكم عثمان موسى..البلد دي اي زول مجتهد ممكن
ينجح فيها...واي زول عنده طموح ممكن يحقق طموحاته...بس
حاجة واحدة تكون في علمك بان الناس ديل عندهم حساسية ضد
حاجة اسمها ارهاب...وشوف براك المجنون ترامب كاسح في الولايات
كيفن..عشان قدم نفسه بانه قادر على القضاء على الارهاب بصورة جذرية..
..وما دام انت بعيد من الارهاب فما عندك مشكلة..اصل وبعد داك الامور بتمشي
تمام..
والله يديك الصحة والعافية..

امريكا فيها اكثر من ١١ مليون غير شرعى و شغالين بدون اقامة او رق
بس ما تجى اريزونا لانو لو قبضوك طوالى برحلوك

خت رجلك في تراب البلد دى، بأف ون أو بأتش ون لا يهم.. بس ما تجى سباحـة. واحد في الطيارة، وما عنده تأشيرة، اى وسكى او نبيذ قدموه ليه
في الطيارة شربه.. وصل المطار واقف لمبة.. عمود نص.. لما الضابط سأله صرخ احب أمريكا.. تعيش أمريكا وضحك.. ختموا له وخلوه يخش.. طبعا
هذه نكتة ولكن العاقل يفهم بالإشارة.. واوع تسكر يرجعوك في نفس الطيارة..

ما داير اخرب ال 20% على اميرة، لكن سر المهنة هو المحامين.. والقوانين صارمة.. ضد المهاجرين وضد الحكومة.. والكوبيين زمان ينطوا من المركب ويعوموا في شاطئ
مهجور، خلا.. لانك مجرد ما تنجح تخت رجلك في التراب الأمريكي عندك حقوق دستورية ولا يمكن ترحل بدون حكم قضائى، وهنا يجى دور المحامين.. وبالمناسبة
السبب الذى به الحكومة ما دايرة تجيب سجناء غوانتنامو لأمريكا ومخلياهم خارج الحدود في كندا، هو انهم أولا لن يعذبوا وثانيا قد تبرأهم المحاكم ويذوبوا في المجتمع.
كتيرين ركبوا البواخر اليونانية من بورتسودان ولما وصلوا نيويورك ادوهم بطاقات مؤقتة لزيارة المدينة وحجزوا جوازاتهم.. ومن ديك وعيك.. الان اولاادهم تخرجوا في الجامعات.

كل ذلك ليس نصيحة لتسلكه.. وإنما لتأكيد انك لو دخلت بأى تأشيرة فإن الأمور وأنت داخل أمريكا اسهل كتير جدا مما لو انت في الخارج.

بالتوفيق.

وبمناسبة البواخر النيلية الاشار ليها ابو الريش...من بورتسودان
الى نيويورك، ده الكلام القلته لمحمد القاضي المصطكي في مصر
وحكيت ليه الصينيين بيعملوا شنو عشان يدخلوا امريكا وكندا
وانهم بيشتغلوا مؤقت في البواخر البسافر لامريكا وكندا..وعندما
ترسو الباخرة في ميناء نيويورك بيدخلوا المدينة ببطاقة بحرية
لكن ما بيرجعوا الباخرة تاني...والقصص دي بنسمعها من زميلاتنا
الصينيات...ولمن حكيت القصة لمحمد القاضي عشان يعمل زيهم
ابتدا يسخر مني ويقول انا منتمية لجهاز الامن...
..والمهم زي ما قال ابو الريش والباشمهندس سيد الحوش الاف
الناس شغالين بدون ورق في نيويورك....
بس انت اصل...وخلي الباقي علينا بنوريك الطريقة البتطلع بيها
الكرت الاخضر...وتلم الدولار الاخضر...وبعد شوية تكون محظوظ
ويضربك رجل شرطة بونية في وشك..وترفع قضية ضد بلدية
نيويورك ويدوك مليون دولار تعويض....وترجع بدون ما تنتظر
الاقامة ..وتبقى رجل اعمال وتاني تزور امريكا للفسحة فقط..
اها شنو رايك في تحقيق الحلم ده...
بس ما تنسى العشرين في الميه من اول مرتب..
والله يديك الصحة والعافية..

السلام لكل الاحباب
نتابع ..

الزول لو جهز ليهو رفاس بمكنة دفار ممكن يخشها من بورتسودان ...

متابع يا إخوتي و أخواتي الأعزاء و بالجد عاجز عن الشكر و الشكر موصول لكم جميعا بما فيكم بكري سيد الحوش الذي نور البوست و هو قليل المشاركة الا في ما يهم كما عودنا...
و يا أخت أميرة اتمني ان اتواصل معك في الخاص فقد نقلت بشارتك للرجل فطار فرحا
لو عندك واتساب او اي وسيلة اخري نورينا
و لك منا عميق الشكر و الامتنان
أخوكم سيف-بوسطون