Post: #1 Title: Arabs are known as kushites Author: محمد حيدر المشرف Date: 04-07-2016, 11:33 PM Parent: #0
10:33 PM April, 08 2016 سودانيز اون لاين محمد حيدر المشرف-دولة قطر مكتبتى رابط مختصر
فيديو قصير .. على وزن قصة قصيرة .. فقط للاطلاع على رؤية مختلفة او أخرى او .. ربما حقيقية .. لا اعلم
الكلمة المشخبطة منبريا في العنوان هي كوشايتز .. كوشيون لو ما أخاف الطضب :) هذا ويحدثونك عن هجرة العرب للسودان ؟!
Post: #2 Title: Re: Arabs are known as ku####es Author: Munir Date: 04-08-2016, 00:38 AM Parent: #1
والـwhites ديل بقوا whites متين؟؟ .. مش قالوا الإنسان الأول من أفريقيا ؟؟ .. ولناس نظرية التطور.. هل white هى إحدى مراحل التطور؟ متى يصبح الأسْوَد white ؟؟ أم أنو شقى الحال ده عمره ما حيتطوّر ؟؟ :)
Post: #3 Title: Re: Arabs are known as ku####es Author: محمد حيدر المشرف Date: 04-08-2016, 00:52 AM Parent: #1
التطور ده يا منير بياخد آلاف آلاف السنوات خلى بالك .. ومسالة كوشيين وساميين وكتعانيين دي يادوب ليها زي 9 الف سنة بس .. ومرتبطة ياهو بالحكاية التوراتية بتاعت بدء الخلق وقصص الأنبياء وابونا آدم وامنا حوا ونوح والطوفان الخ ..
الحته دي شكلها معصلجة معاك يا صديقي ...
عاين يا منير .. هناك التأريخ الإنساني .. وهناك رؤية الأديان لهذا التأريخ ... التأريخ الإنساني ده قديم جدا .. وده ياهو المعني بنظرية التطور ..
واما تصور الأديان للتاريخ الإنساني .. فده تاريخ لا فيهو تطور ولا اسلاف ولا أي حاجة .. قبل 10 الف سنة كان الناس زي ما هم هسع ..ما ناقصهم الا اللاب توب والنضارات ..
Post: #5 Title: Re: Arabs are known as ku####es Author: يحي قباني Date: 04-08-2016, 00:59 AM Parent: #3
التحية لإثنين من كتابي المفضلين ..
حيدر و منير ...
الحقيقة في كلام الزول الفي فيديو ده ...
Post: #12 Title: Re: Arabs are known as ku####es Author: Munir Date: 04-08-2016, 01:35 AM Parent: #5
الصديق يحى قبانى شكراً ياعزيز على الشعور الجميل ..
صاحبى ود المشرف ده كتابته رزينة .. لكنى كثيراً ما أسطِّح فيها .. يمكن لأنها أرقى من إمكاناتى المتواضعة .
Post: #4 Title: Re: Arabs are known as ku####es Author: Gasim Alnoor Aly Date: 04-08-2016, 00:55 AM Parent: #1
Quote: متى يصبح الأسْوَد white ؟؟ أم أنو شقى الحال ده عمره ما حيتطوّر ؟؟ :
سؤال وجيه يا استاذ منير
حسب أخر تنظير , المطلوب عشرين ألف سنة إقامة شمال خط عرض 40 درجة شمال و عصر جليدي تاني
Post: #6 Title: Re: Arabs are known as ku####es Author: محمد حيدر المشرف Date: 04-08-2016, 01:02 AM Parent: #4
يا قاسم .
منير صاحبي ده ما شايل معاهو العصر الجليدي والحجري والطباشيري وهكذا أمور . منير ده توصف ليهو بي طوفان نوح .. ياجوج وماجوج.. مجاعة سنة سته .. كاس سيكافا الخ
Post: #8 Title: Re: Arabs are known as ku####es Author: Munir Date: 04-08-2016, 01:13 AM Parent: #4
Quote: التطور ده يا منير بياخد آلاف آلاف السنوات خلى بالك .. ومسالة كوشيين وساميين وكتعانيين دي يادوب ليها زي 9 الف سنة بس .. ومرتبطة ياهو بالحكاية التوراتية بتاعت بدء الخلق وقصص الأنبياء وابونا آدم وامنا حوا ونوح والطوفان الخ ..
الحته دي شكلها معصلجة معاك يا صديقي ...
يامشرف مالك عايز تبقى لى زى بشاشا .. تقول كلمة يصرف ليك عشرة ألف سنة قبل الميلاد .. ومنو العاش قبل آدم ونوح أو شهد الخلق عشان يحدد عشرات أو مئات آلاف السنين أو ملايينها ؟؟ .. أوع بس حجر رشيد هو الدليل .. :) .. وبعدين ملاحظ أنك قصة الخلق للمرة التانية بتربطها بالتوراتية .. ياخى هى قرآنية برضو .. واخد بالك ؟؟ :)
أيوة طبعاً معصلجة .. لأنو مآلاتها دموية مشهودة .. بالإضافة لأنها غير منطقية ..
بس أسئلتى ماشايفك تطرقت ليها ..
Post: #9 Title: Re: Arabs are known as ku####es Author: talha alsayed Date: 04-08-2016, 01:18 AM Parent: #4
هلا د. المشرف هذه المنطقه تتواجد وتتنازع فيها اربعه قوميات الروم - الفرس - العرب واليهود ولا زال النزاع بين هذه القوميات قائما رغم اعتناق الثلاثه الاوائل منها للدين الاسلامى. انجبت ظروف الحرب بينها واالانتصارات التاريخيه لبعض هذه الفوميات واستعمارها للقوميات الاخرى تداخلآ جينيآ فى ما بينها وانعكس ذلك فى لون البشره شمال هذه المنطقه ( سوريا لبنان الاردن) تنتشر فيه البشره المائله للبياض وكذلك شرقها وغربها وجنوبها تسود فيه البشره الداكنه
من حيث لون البشره من الصعب تحديد معنى كلمة عربى الفيديو الذى تفضلت به يحتوى على معلومات غزيره عن المملكه العربيه السعوديه واهمل تفريبآ باقى شبه الجزيره . لا ادرى الدافع وراء ذلك كما اهمل ايضآ التأثير الفارسى والنركى فى شرق الجزيره وشمالها شكرآ لاشراكنا فى هذا الموضوع الهام فى قضية الهويه
Post: #10 Title: Re: Arabs are known as ku####es Author: Munir Date: 04-08-2016, 01:24 AM Parent: #4
Quote: حسب أخر تنظير , المطلوب عشرين ألف سنة إقامة شمال خط عرض 40 درجة شمال و عصر جليدي تاني
هههه ياقاسم .. برضو طريقة .. أها فى الزمن ده القرود تكون بقت ناس والزواحف بقت من ذوات الثدى؟؟ .. إنت كدى تعال .. ممكن الرجال يتطوروا يبقوا نسوان أو العكس؟؟ وذلك بنمو أعضاء معينة وتحورها مثل الأثداء مثلاً ..؟؟ ..
أسئلة ومآلات كتيرة تنفتح أبوابها إذا أطلقنا للخيال العنان .. والجميع يعرف خطورة العنان إذا انطلق .. :)
Post: #7 Title: Re: Arabs are known as ku####es Author: محمد حيدر المشرف Date: 04-08-2016, 01:09 AM Parent: #1
هههههههههه .. فلما استيقظت شخر لها العالم ..
يا قباني يا صاحبي والله انا المسائل دي بقاربها بي توجس شديد والله وما شغال بيها الا في اطار الشغف بالتأريخ .. وذلك التوق المعلن لاكتشاف الشخصية الوطنية .. لعل وعسى يا صديقي!!!
Post: #11 Title: Re: Arabs are known as ku####es Author: محمد حيدر المشرف Date: 04-08-2016, 01:27 AM Parent: #1
[IMG]
1996.jpg border=0 alt="170px-Ardipithecis_Ramidus_skeleton_1994-1996.jpg Hosting at Sudaneseonline.com">[/IMG]
Post: #14 Title: Re: Arabs are known as ku####es Author: Munir Date: 04-08-2016, 01:41 AM
Quote:
[IMG] 1996.jpg border=0 alt="170px-Ardipithecis_Ramidus_skeleton_1994-1996.jpg Hosting at Sudaneseonline.com">[/IMG]
عليك أمان الله الـ إيميج ده عصلج معاك جنس عصلجة ..
Post: #13 Title: Re: Arabs are known as ku####es Author: محمد حيدر المشرف Date: 04-08-2016, 01:38 AM Parent: #1
أستاذي طلحة السيد .. تحية طيبة ..
هناك الكثير من الأمور العالقة في دواخلنا كسودانيين .. ثمة إحساس عميق بحتمية وجود ما يجعلنا تيارا تاريخيا متصلا في مقابل جزر متفرقات وروافد صغيرة هنا وهناك ..
تماما كما النيل لو جاز المجاز ..
مودتي ...
Post: #15 Title: Re: Arabs are known as ku####es Author: محمد حيدر المشرف Date: 04-08-2016, 01:47 AM Parent: #1
في منطقتنا ... عشان نقرب من موضوع البوست يا منير - نجد ان المستحاثة لوسي عاشت وماتت قبل 3.2 مليون سنه في اثيوبيا الحالية .. صورتها قريبة من المستحاثة الاوردت صورتها فوق ..
المهم ..
Post: #16 Title: Re: Arabs are known as ku####es Author: Gasim Alnoor Aly Date: 04-08-2016, 01:48 AM Parent: #1
السيد المشرف شكرا على الموضوع الشيق غايتو للضمان كدة أحسن الواحد يخلي روحو مستقبل لكل أنواع المعرفة و ما يقفل باب ..... مثلا الطوفان ده في ناس علماء بحفروا من سنة كم و خمسين بحاولوا يعملوا ليه (تأصيل) زي حق الكيزان داك ......... بس آركيولوجي و متفائلين خير LOL
التحية للأستاذ منير و هو يمارس الشك الحميد البدونه ما كان سخر لنا هذا و ما كنا له مقرنين
منو هو القال لتعرف الحقيقة عليك أن تبدأ بالشك في كل شيء ؟
Post: #17 Title: Re: Arabs are known as ku####es Author: Gasim Alnoor Aly Date: 04-08-2016, 02:03 AM Parent: #1
Post: #18 Title: Re: Arabs are known as ku####es Author: Gasim Alnoor Aly Date: 04-08-2016, 02:18 AM Parent: #1
Quote: سئلة ومآلات كتيرة تنفتح أبوابها إذا أطلقنا للخيال العنان .. والجميع يعرف خطورة العنان إذا انطلق .. :)
ياخي ديل قالوا كله جايز وكله ممكن ... أي احتمال تفكرفيه أصلا حاصل في بعد موازي ... يمكن تكتب قصة ... يتصادف وجود شخصياتها في كون حاصل في حتة ما من اللاشيء .... أقاويل و تنظيرات علماء الزمن ده لا تختلف كثيرا عن تهاويم أي مسطول (راكب فيل) .... LOL
Post: #20 Title: Re: Arabs are known as ku####es Author: سيف النصر محي الدين Date: 04-08-2016, 03:04 AM Parent: #18
يا منير في نظرية بتقول انو الجنس الابيض ده اساسو الالبينو Albinism او اولاد الحور في ثقافتنا المحلية و بسبب الانتخاب الجنسي -و ليس الطبيعي- الكثيف لهذا النوع من الناس في اوروبا او في الاجزاء الشمالية منها بالتحديد ساد اللون الابيض و العيون الزرقاء . لكن الاغلب ان الانتخاب الطبيعي هو الذي ساهم في تكاثر الافراد الذين حدثت في جيناتهم طفرتين احداهما قللت من انتاج الميلانين و الاخرى زادت من القدرة على انتاج كميات اكبر من فايتمين د. و طبعا احتمال انو الرجل الابيض نزل من السما ابيض برضو يزال قائما ههههه
Post: #19 Title: Re: Arabs are known as ku####es Author: Saifaldin Fadlala Date: 04-08-2016, 03:03 AM Parent: #1
الاخ المشرف اليهود واخذت عنهم المصادر الاوربية في كتبهم يسمي العرب سراكن او ساراقينوس وترجمة الكلمة-عبيد سارا-بحكم ان اجار او هاجر امة لسارا,اي احتقارا_,ولا ادري هل الاسم يشمل كل العرب ام فقط العرب المستعربين ابناء اسماعيل,,في فترة الحروب الصليبية,استخدمته المصادر الاوربية بكثافة. فقط وبالقاء نظرة علي مدائن صالح المنحوتة في الصخر ومباني اكسوم الحبشية,,تجد ان علاقة المنطقتين ضاربة في القدم,,زواج الاخوات في نبتة وسبأ
Post: #21 Title: Re: Arabs are known as ku####es Author: محمد على طه الملك Date: 04-08-2016, 04:15 AM Parent: #19
