Post: #1 Title: بادي يحلق في القمم Author: Osman Musa Date: 04-06-2016, 10:07 PM
مالو أعياه النضال بدني ؟ أغنية أستمع أليها كل يوم
Post: #2 Title: Re: بادي يحلق في القمم Author: ملهم كردفان Date: 04-07-2016, 02:42 AM Parent: #1
Post: #3 Title: Re: بادي يحلق في القمم Author: Hamid Elsawi Date: 04-07-2016, 06:35 AM Parent: #2
شكراً للابداع
حقيقة الواحد يمشي ينوم بي مزاج
بادي فنان مشحون بالشجن و لولاه لضاع كثير من تراثنا الفني
له الرحمة و لكم عثمان و ملهم كل الشكر
Post: #4 Title: Re: بادي يحلق في القمم Author: Osman Musa Date: 04-07-2016, 03:52 PM Parent: #3
عزيزنا البا شمهندس حامد سلامات والله يا حامد اللحن ده يدفيك من جليد كندا ويهببك من سموم صحاري السودان . بادي عبقري . من وين جاب اللحن ده ؟ حولا
Post: #5 Title: Re: بادي يحلق في القمم Author: Osman Musa Date: 04-13-2016, 00:23 AM Parent: #4
يا سلام عليك يا ملهم يازول يا فنان ما عرفنا قصة من وين الفنان الموهوب بادي جاب اللحن ده .
Post: #6 Title: Re: بادي يحلق في القمم Author: يحي قباني Date: 04-13-2016, 01:15 AM Parent: #4
التحية لاهل الجمال ...
ده خليل فرح يا عثمان ...
هو في كلام زي ده ممكن يكتبو زول غير الخليل ... :)
كتبت مرة في بوست للشفيفة جواهر إبراهيم ما يلي :
صديقي الذي افتقدته طويلاً محمد عبد المنعم ( زول طويل )
قال عن هذه الاغنية يوما ما :
لا يزال السؤال قائماُ !! إحتار ( العالم ) في سر الإبتسامة الغامضة للموناليزا منذ زمن ... دون إجابة ..! وأحترنا في كنه (القشعريرة) التي تنتابنا بمجرد أن ندفع النصيب لأهل (التفتيش ) بسوبا رسوماُ لملاقاة الحبيبة بعد طول غياب ... هي ذاتها التي جعلت في الثلاثينات الماضية الخليل ( الزائر ) والمجامل فرحاُ في زواج رفيقه محمد أحمد سرور بود المجدوب يتسائل عن سر هذا الإشتهاء للمدينة الجيوكندا !!!
دُرّة الخليل ... ود مدني
و مالو اعياهو النضال بدني ... و روحي ليه مشتهية ود مدني !!!
آه علي حشاشتي و دجني وحنيني و لوعتي و شجني دار ابويا و متعتي و عجني يا سعادتي و فرحتي و مجني
شوف أبو اللمين سوى فيها شنو :
Post: #7 Title: Re: بادي يحلق في القمم Author: يحي قباني Date: 04-13-2016, 01:20 AM Parent: #6
كنت ازوره ابويا ود مدني ... و اشكي ليهو الحضري و المدني
اها ابوك ود مدني ده شيخي مدني السني شخصيا طيب الله ثراه
Post: #8 Title: Re: بادي يحلق في القمم Author: الفاتح ميرغني Date: 04-13-2016, 11:10 AM Parent: #7
صورة صوفية جمعت الراحل المقيم/بادي وابوعركي. صورة معبًرة عن " The brotherly love " أو كما قال بوب مارلي. تحياتي عثمان وضيوفه الأفاضل.
محبتي
Post: #9 Title: Re: بادي يحلق في القمم Author: Osman Musa Date: 04-13-2016, 03:53 PM Parent: #7
عزيزنا قباني وركيزة الجمال الفخيمة ياخ ليك القومة وليك التحية مطبوقة وليك الشكر . ياخ عليك الله عان و أسمع حجم الشجن الدفقو بادي بي البيت البقول : ( وحنيني و لوعتي وشجني ) ده أحساس يصل السماء السابع . .. تحياتي
Post: #10 Title: Re: بادي يحلق في القمم Author: Osman Musa Date: 04-13-2016, 04:26 PM Parent: #9
عزيزي أستاذ الفاتح سلامات وبارك الله فيك علي جلب الصورة المعبرة . صورة الحوار الشاطر وسلامو الطيب علي شيخو . دي يا أخ الفاتح هي عقيدة الفنان الأصيل في أبيه الفنان المعلم . ده ال Real Love . يا سلام علي ال brother عركي . أكيد في لحظة اللقطة دي عركي كان بيبكي . أكيد كان عارف شيخو بادي مودع مودع . وأكيد عركي خرج وهو يردد في ( دار أبويا و لوعتي و ............... .. الرحمة ليك يا شيخ طه
Post: #11 Title: Re: بادي يحلق في القمم Author: Ahmed Yassin Date: 04-13-2016, 05:52 PM Parent: #10
عثمان موسى وشركاه بادي .. وما ادراك ما بادي ادى اغنية (بلابل الدوح) اداء خرافي كعادته دائما لان صوته له مساحات ومدى في ارتياد مناطق صعبة جدا زي صلاح بن البادية عندما يطلع طلعتين جويتين صعبتين وخطرتين في اغنية سال من شعرها الذهب في الحتة فاره .. مترف .. لدن .. فنن.. لا .. ولا فنن اغنية بلابل الدوح غناها (احمد الطيب) و (مصطفى سيداحمد) وهي للعبادي ومن اغاني المجاراة جارى بيها اغنية (ليالي الخير جادن) لود الرضي
Post: #12 Title: Re: بادي يحلق في القمم Author: Osman Musa Date: 04-13-2016, 06:42 PM Parent: #11
عزيزي أستاذ أحمد ياسين سلامات الف شكر علي المرور الكريم و مشاركتنا الأستماع . ومتابعة تحليق الفنان بادي . أكرر الشكر والتحايا
