Post: #1
Title: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 10:55 AM
09:55 AM April, 06 2016 سودانيز اون لاين
Mahamed Eltaze-
مكتبتى
رابط مختصر السلام عليكم
دعوة إلي ركن نقاش - عشان تتذكرو الجامعه وكدا -
الموضوع بي بساطة اني ايام ماكنت في الهامش - مشاركين الفيس هم هامش المنبر -
لقيت انو الناس ببتكلم عن انو البلد لو الحكومة سقطت ولو البشير مشي وناس الحوار
لكن داير اسأل أسئلة الناس تتناقش فيها - زمان بيقولو لينا حرر موضوع النقاش عشان تبقي الأمور واضحه -
عاوزين نتناقش في حاجات وحتي لو تم فيها النقاش قبل كده لكن علي الأقل عشان الناس تفهم الحاصل
تعريف الدوله من النواحي الأتيه
نظام الحكم برلماني ، رئاسي ، مختلط أو الخ
نظام الحكم فدرالي ، كونفيدرالي ، انواع أخري
مرجعية الدولة دينيه ، علمانيه ، علمانية بي مرجعيه إسلاميه الخ
عدد السلطات في البلد هي 2، 3 ،4 ، 5 لو في زيادة واناواعها
الإقتصادي نظام الإقتصاد موجه بالإقليم -حسب إمكانيات الإقليم - وله إقتصاد زراعي رعوي صناعي بترولي الخ
الموضوع عشان الناس تفهم الفروقات بين كل نظام وكل فهم وتقدر تحدد
نبدا بي نظام الحكم
انتو رايكم ياتو المفروض يتطبق في السودان ولي وياريت تورونا كل نظام وعيوبه ومحاسنه
|
Post: #2
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 11:09 AM
Parent: #1
توضيح بسيط
كل الأطراف المعنيه بالبلد بتتكلم عن فترة إنتقالية
بي بساطة الفترة الإنتقالية هي عبارة عن إسقاط لي الدستور الحكم وإنشاء نظام عقد إجتماعي جديد
عشان الناس تقدر تتفاهم علي الحاجات دي
بس عشان كده فتحته الخيط ده
وياريت من كل من ليهو دعوه يتكلم عن الموضوع ده
|
Post: #3
Title: Re: دعوة لي ركن نقاش !!!!!!!!!!!
Author: اسماعيل عبد الله محمد
Date: 04-06-2016, 12:16 PM
Parent: #2
الاخ محمد لك التحية و السلام
و مرحب بيك في الحوش الكبير
مواضيع مهمة تحتاج الى عصف ذهني ..
لي عودة ..
|
Post: #4
Title: Re: دعوة لي ركن نقاش !!!!!!!!!!!
Author: محمد حيدر المشرف
Date: 04-06-2016, 12:28 PM
Parent: #3
مرحبا بك يا عزيزي و ..
متابعة لصيقة :)
|
Post: #5
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 12:35 PM
Parent: #1
السلام عليكم
مشكورين علي المرور
و الله الموضوع هو عصف ذهني تقيل مابسيط
ود المشرف اللعب معاي ضاغط مان لي مان ههههه
الله غالب اها رايك شنو في الموضوع
|
Post: #6
Title: Re: دعوة لي ركن نقاش !!!!!!!!!!!
Author: قصي محمد عبدالله
Date: 04-06-2016, 12:43 PM
Parent: #5
| Quote: علمانية بي مرجعيه إسلاميه |
دي كيف ؟
|
Post: #7
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 12:49 PM
Parent: #1
السلام عليكم
كتب الشيخ قصي -ممكن نبدأ وله أقول ليك خليني كم يوم كده أقدم شويه بعد داك نرجع " الموضوع طلع ليهو علاقة بي عدد المشاركات خلينا نزيد العدد بعد داك نرجع " -
بقول ليك أصبر وبتعرف الليله ممكن تكون ماعارف بكره بتعرف كان مستعجل كمان دي مشكله
لكن اها خلينا في البدينا ليهو
انت رايك شنو
برلماني وله رئاسي وله مختلط وله كله كفر محصل بعضو
ورينا رايك لي نظام الحكم عندنا حيكون شكلو كيف
|
Post: #8
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 03:26 PM
Parent: #1
فوق
|
Post: #9
Title: Re: دعوة لي ركن نقاش !!!!!!!!!!!
Author: عبداللطيف حسن علي
Date: 04-06-2016, 04:08 PM
Parent: #8
| Quote: برلماني وله رئاسي وله مختلط |
كان في قديم الزمان (في اسبانيا) حاكم دكتاتوري جنرال
عنده ولد اسمه خوان كارلوس ، هذا الملك ارسل ابنه
خوان ليتعلم كيفية ان يحكم بعد مماته ، فعلا ذهب الابن
وتعلم ، وعندما مات ابوه ، اقام الابن نظام حكم ديمقراطي
وكان هو ملك البلاد !
لكن الجنرالات الذين كانوا في قيادة الجيش ، اثناء فترة
حكم ابوه ، قلبوا نظام الحكم ،والغريب ان الحزب الاشتراكي كان هو
الحزب الفائز في الانتخابات .
طلب الجنرالات من خوان كارلوس ان يستسلم وسوف يحفظون له مكانه
كملك لاسبانيا .
لكنهم تفاجئوا برفضه قائلا لهم : (علي جثتي لو حكمتم !)
وبالفعل فشل الانقلاب وعاد الملك حامي الدستور الديمقراطي والحكم الاشتراكي !!
يمكنك استخلاص نظام الحكم من هذه القصة الحقيقية
ومرحب بك اضافة حقيقية هههههه
|
Post: #11
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-06-2016, 04:44 PM
Parent: #8
| Quote: انتو رايكم ياتو المفروض يتطبق في السودان ولي وياريت تورونا كل نظام وعيوبه ومحاسنه |
الاخ / محمد التازى تحياتى
انواع انظمة الحكم كثيرة جدا وقد تم تطبيق انواع من تلك الانظمة فى السودان على مر الدهور والازمان من قبل وجود السودان بشكله الحالى وبعد وجوده ..
ولكن وقبل الخوض فى مسألة نظام الحكم لابــــد من وجود دولة القانون ومقوماتها :
- الدستور - فصل السلطات - الحقوق والحريــــات - القضاء العادل - الخ ...
النظام الرئاسى لايصـــلح فى السودان وذلك لكثرة تجربة النظام وفشل كل تلك التجارب وكان سببا مباشرا فى المأساة التى نعيشها اليوم وذلك لان كل السلطات تكون
فى يد الرئيس والبرلمان دائما برلمان صورى يأتمر بأمر الرئيس ( انظر الى حال حكم : عبود - النميرى - البشير ) الاتحاد الاشتراكى (مايو نميرى ) وبرلمان البشير حاليا .
النظام المناسب فى السودان هو : نظام برلمانى ديمقراطى محمى بقوة الجيش
على ان تكون الانتخابات مختلطة مابين التمثيل النسبى والمباشر
|
Post: #15
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 07:54 PM
Parent: #11
الاخ علا
الدستور هو ابو القانون من غير دستور لايوجد قانون
عشان تحفظ ديل
فصل السلطات - الحقوق والحريــــات - القضاء العادل - الخ .
لازم تحفظهم بي دستور مابي قانون
ضعف الاحزاب ووهنتها هي الخلت النظام الرئاسي فاشل طيب سؤال بسيط
هل النظام البرلماني بي ضعف الأحزاب الموجود ده حيكون نافع
نظام النسبي غالبا مايمتاز بعدم العدل وله رايك
|
Post: #10
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 04:18 PM
Parent: #1
الأخ عبداللطيف مشكور كتير علي المرور وعلي مساهمتك القيمه | Quote: ومرحب بك اضافة حقيقية هههههه |
الضحكة مافهمتها لكن مامشكله لكن قصتك مافهمتها اكذب عليك هو الجنرالات ديل إنقلبو علي منو الملك و له الولد
ماموضوعنا !!!!
وبرضو ماوريتنا حكينا القصه دي لي - عشان نعرف قيمة الجنيه " بالجديد ياجماعه " - ورينا رايك ياريت
بعدين هل الديمقراطية هي صندوق إنتخاب وبس ؟ وله نظام كامل ؟!!!!!!
|
Post: #12
Title: Re: دعوة لي ركن نقاش !!!!!!!!!!!
Author: حامد عبدالله
Date: 04-06-2016, 04:58 PM
Parent: #10
سلام
وبعد
بوست جميل اقصد ركن نقاش بموضوع شيق
متابعة
واصل يا .............( - + )
ودوورد
|
Post: #13
Title: Re: دعوة لي ركن نقاش !!!!!!!!!!!
Author: عبداللطيف حسن علي
Date: 04-06-2016, 05:15 PM
Parent: #12
Quote: الضحكة مافهمتها لكن مامشكله لكن قصتك مافهمتها اكذب عليك هو الجنرالات ديل إنقلبو علي منو الملك و له الولد
ماموضوعنا !!!!
وبرضو ماوريتنا حكينا القصه دي لي - عشان نعرف قيمة الجنيه " بالجديد ياجماعه " - ورينا رايك ياريت
بعدين هل الديمقراطية هي صندوق إنتخاب وبس ؟ وله نظام كامل ؟!!!!!! |
الضحكة ممكن تفهما من مرور بسيط علي الصفحة الاولي ...
القصة حقيقية وحصلت في اسبانيا ، ملك ابوه دكتاتور وعايز يورثه السلطة
الولد طلع ديمقراطي ورفض استيلاء العسكر علي السلطة في ظل نظام
ديمقراطي فاز فيه الحزب الاشتراكي الاسباني رغم ان خوان كارلوس
كان ملكا لاسبانيا ، لكنه دافع عن الديمقراطية ....
مثال يجب ان يحتذي به العرب والافارقة ونحن تحديدا
نظامنا كان ديمقراطي وانقلب عليه العسكر!
النظام الديمقراطي التعددي بدستور علماني وفق نظام تمثيل برلماني ومجلس رئاسي منتخب
يمثل كافة الولايات تمثيلا حقيقيا ...
لكن تقسيم الدوائر يجب ان يراعي للكثافة السكانية ومناطق الوعي
|
Post: #14
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-06-2016, 07:44 PM
Parent: #1
السلام عليكم
Quote:
واصل يا .............( - + ) |
دي مافهمتها بس علي العموم انا فتحته البوست ده عشان الناس تتعلم
فياريت تتابعو عشان تستفيد
الاخ عبد اللطيف انت ماشايف معاي انو نظام مجلس رئاسي في
ظل الواقع الاقتصادي البتمربيهو البلد
سؤال بعيد عن الدوائر الجغرافيه الوعي ده حتحددو كيف
كسرة خارج النص انت عارف انو المدينه المنورة هي المدينة الوحيدة في العالم كله الكانت بتنتخب حاكمها وكانت بتحاسب الحاكم
ملحوظة اخيره
من غير دستور مافي ديمقراطيه ماعندك حقوق
ومن غير نظام حكم مابقي دستور
النقاط القولتها فوق دي اول باب في اي دستور
سلام
|
Post: #16
Title: Re: دعوة لي ركن نقاش !!!!!!!!!!!
Author: حامد عبدالله
Date: 04-06-2016, 08:54 PM
Parent: #14
Quote: دي مافهمتها بس علي العموم انا فتحته البوست ده عشان الناس تتعلم
فياريت تتابعو عشان تستفيد |
وعليكم السلام
انت عنوانك ركن نقاش والمتابع بشوف واضح فيما اظن طريقة اركان النقاش
الانت ما فهتمو دا٫ ذي في اركان النقاش لمن ينهي متحدث مداخلتو ويقول ليك مثلا واصل يا حبيب شقيق زميل رفيق هنا العلامة -+ استعملتها فقط للجو بتاع الاركان المهم هدئ شوية وتواضع اكيد الناس حتستفيد من اي فكرة ولا راي بس بهدو
وردوود
|
Post: #17
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 06:59 AM
Parent: #1
الأخ حامد عبدالله
انا بعتذر ليك لو حسيت اني لعبته معاك ضاغت
اكيييد كلنا بنستفيد من بعض في النهايه دا موضوع نقاش كل واحد يدلو بدلوه
الحمد لله انا لابعرف الإستيكه ولا الطبلة
انت يا حامد رايك شنو لي اسي الناس البتتكلم دي كلها علي انها دوله برلمانية
|
Post: #18
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 11:18 AM
Parent: #1
فوق
|
Post: #19
Title: Re: دعوة لي ركن نقاش !!!!!!!!!!!
Author: قصي محمد عبدالله
Date: 04-07-2016, 11:26 AM
Parent: #18
الخبرة واضحة !
------
تحياتي وتقديري
|
Post: #21
Title: Re: دعوة لي ركن نقاش !!!!!!!!!!!
Author: حامد عبدالله
Date: 04-07-2016, 11:43 AM
Parent: #18
تشكر يا امير
راينا المتواضع جدا ما لم تبطل الاحزاب شغل السياسة بتاع الجامعات و يبقي السياسين وقادة العمل العام خريجي سوق الخضار !!!
حتبقي الشغلة كلها استنساخ وناسخ ومنسوخ
ما عارف اي سبب يخلي السياسة في السودان تبقي شغلة طلاب الجامعة والاتخرجو منها دون غيرهم !!!!!!!
انا معاكم في الاتفقتو علي انشاء الله كان بست وعشرين رئيس و لا بدون !
ودوورد
|
Post: #20
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 11:31 AM
Parent: #1
الأخ قصي
الخبرة تتجلي في مواقف فوووووق
لك وافر التحيه و التقدير
|
Post: #22
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 12:54 PM
Parent: #1
الأخ حامد
أهلنا بيقولو الصح الراي و العوج برضو راي
الجامعات السودانيه كانت ولابد انها تكون مفرزة لي سياسيين البلد ناس سوق الخضار ديل خليهم في حالهم ماهلم عيبهم لي البيع دا برضو سياسيه
المشكله وين هل نحنا في السودان عندنا مدارس سياسية ؟!
هل أحزابنا قادرة علي انها تدرب وتأهل كوادر سياسيه ؟!
|
Post: #23
Title: Re: دعوة لي ركن نقاش !!!!!!!!!!!
Author: حامد عبدالله
Date: 04-07-2016, 02:39 PM
Parent: #22
Quote: الأخ حامد
أهلنا بيقولو الصح الراي و العوج برضو راي
الجامعات السودانيه كانت ولابد انها تكون مفرزة لي سياسيين البلد ناس سوق الخضار ديل خليهم في حالهم ماهلم عيبهم لي البيع دا برضو سياسيه
المشكله وين هل نحنا في السودان عندنا مدارس سياسية ؟!
هل أحزابنا قادرة علي انها تدرب وتأهل كوادر سياسيه ؟! |
تشكر يا امير
يا خوي انا ما بتريق علي سوق الخضار العكس بفتكر هم الاكثر دراية بكيف تساس امورهم والادري بتفاصيل حياتهم بشكل مباشر
نظام تفريخ السياسي بشكل انحصاري من الجامعات ذي ما هو حاصل اليوم بفتكرو سبب مباشر لوجود السياسي المتعالي او السياسي غير المهتم بقضايا الناس
النخبة التي تعيش داخل القاعات والصالات الزجاجية السياسي الراكب في العربية ومن القزاز برفع يدو للجماهير !!!!
قبيل قلت ليك هدئ علي قولك ما تلعب ضاغط للخالص
ودوورد
|
Post: #24
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-07-2016, 03:42 PM
Parent: #23
Quote: هل النظام البرلماني بي ضعف الأحزاب الموجود ده حيكون نافع
نظام النسبي غالبا مايمتاز بعدم العدل وله رايك |
تحياتى مرة اخرى اخى التازى
طبعا هناك فترة انتقالية ربما لمدة ثلاث سنوات لتوفيق اوضاع الاحزاب وممارسة الديمقراطية فى داخلها قبل الخروج الى الانتخابات
وطبعا هذه المدة ستفيد الاحزاب فى بناء الثقة فى نفسها .. لان ضعف الاحزاب شئ مقصود من النظام الحاكم حتى تكون هذه الاحزاب تحت سيطرتها ..
بالعكس نظام التمثيل النسبى او القائمة النسبية من صالح الاحزاب الصغيرة لانهم يجدون الفرصة فى هذا النظام ..
|
Post: #25
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 03:56 PM
Parent: #1
السلام عليكم
الأخ حامد عبدالله و الله انا مالاعب معاك ضاغط بس بحاول أفهم منك الحاصل ليس إلا
| Quote: النخبة التي تعيش داخل القاعات والصالات الزجاجية السياسي الراكب في العربية ومن القزاز برفع يدو للجماهير !!!! |
النخبه هي تخمه سياسية من الأحزاب الموجوده حاليا في السودان وهي ناتجه من أشياء أهمها إضعاف الأحزاب الحاكمه
أسألك سؤال وحتفهم انا قاصد شنو علي سبيل المثال وليس الحصر حزب الأمة السوداني منذ تولي الصادق المهدي زعامتو لي يوم الناس هذا هو رئيس فوق لي 60 سنه
هو رئيس لي الحزب طيب هو زول ماطبق الديمقراطيه في حزبو حيطبقها ليك بره ؟؟؟!!!! ده الفساد السياسي وللأسف الشديد هو الحيخلي الزول بتاع الخضار
لمن يصل لي السلطه يبقيها سلطه خضرا ومره حمرا ومره سوداااااااا فهمتني وله لسه
الأخ علاء الدين
| Quote: طبعا هناك فترة انتقالية ربما لمدة ثلاث سنوات لتوفيق اوضاع الاحزاب وممارسة الديمقراطية فى داخلها قبل الخروج الى الانتخابات |
ماممكن تكون فتره إنتقالية من غير دستور واضح المعالم قائم علي التعدديه الحزبية وهي أساس للحياة السياسية في السودان
يعني هو الدستور البيضمن ليك حقوق والواجبات من غيرو مابتكون هناك حياة سياسية صحيحه
اول حاجه مفروض تكون الدستور وهو البحدد الفترة الإنتقالية كم سنه والبيحكم فيها منو هل هو رئيس المحكمة الدستورية بصفته
وله لجنة رئاسية - بغض النظر عن طريق تشكيلها وعددهم -
هل الفترة دي هي حكومة تكنوقراط وله لأ ؟
التقسيم المناطق الإدارية في البلاد ؟
وغيرها بعد داك تجي المرحلة الإنتقالية وبعد داك تجي مرحلة الإنتخابات الرئاسية -لو كان نظام رئاسي أو مختلط - بعد داك بجي البرلمان وبعد داك تشكل الحكومة وفق الدستور
دا لو مافي دستور بيحكم ماممكن تعمل فيهو حاجه
وله رايك شنو
|
Post: #26
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-07-2016, 05:11 PM
Parent: #25
Quote: ماممكن تكون فتره إنتقالية من غير دستور واضح المعالم قائم علي التعدديه الحزبية وهي أساس للحياة السياسية في السودان
يعني هو الدستور البيضمن ليك حقوق والواجبات من غيرو مابتكون هناك حياة سياسية صحيحه |
انا فى اول مشاركة لى ذكرت موضوع الدستور واهميته لان الدستور الضامن للحريات والتعددية الحزبية من بديهات الانظمة الديمقراطية
وانا قلت :
Quote: ولكن وقبل الخوض فى مسألة نظام الحكم لابــــد من وجود دولة القانون ومقوماتها :
- الدستور - فصل السلطات - الحقوق والحريــــات - القضاء العادل - الخ ... |
|
Post: #27
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-07-2016, 05:14 PM
Parent: #26
| Quote: بعد داك تجي المرحلة الإنتقالية |
يتم وضع الدستور والموافقة عليه خلال الفترة الانتقالية
|
Post: #28
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-07-2016, 05:24 PM
Parent: #27
| Quote: وبعد داك تجي مرحلة الإنتخابات الرئاسية -لو كان نظام رئاسي أو مختلط |
اولا : يتم الاتفاق حول نوع نظام الحكم فى مرحلة مناقشة ووضع الدستور حيث يتم وضعه فى الدستور ..
|
Post: #29
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-07-2016, 11:33 PM
Parent: #1
السلام عليكم
الاخ علاء
Quote:
اولا : يتم الاتفاق حول نوع نظام الحكم فى مرحلة مناقشة ووضع الدستور حيث يتم وضعه فى الدستور .. |
دي فكرة البوست الاساسية عشان كدا اول ركن
كان عن الدولة باقي الاركان حتكون باقي الابواب
ادينا رايك انت هل دوله برلمانيه وله رئاسيه وله مختلط
والاهم التوضيح
|
Post: #30
Title: Re: دعوة لي ركن نقاش !!!!!!!!!!!
Author: ملهم كردفان
Date: 04-08-2016, 00:18 AM
Parent: #29
مرور ومتابعه وتحيه وعفارم عليك يامحمد
تحليه
قيادة البوست برضو سياسه ...قووود لك
احترامى
|
Post: #31
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-08-2016, 08:29 AM
Parent: #1
السلام عليكم
الأخ ملهم مشكور كتير علي المرور
بما انك كنت شاهد علي ثورتين في مصر فأكيد فكر مثقل بي معلومات
عن النقاش الداير في الدتسور المصري فياريت تشاركنا في رايك
ولك كل تحيه واحترام
|
Post: #32
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-08-2016, 04:23 PM
Parent: #1
فوق
|
Post: #33
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-08-2016, 04:48 PM
Parent: #32
| Quote: ادينا رايك انت هل دوله برلمانيه وله رئاسيه وله مختلط والاهم التوضيح |
نحن جربنا الدولة الرئاسية فى السودان لفترة طويلة وهذه الدولة كانت سببا مباشرا فى المأساة التى نعيشها ونتجرعها ولا نكاد نسيغها اليوم ( عبود - نميرى - البشير ) ..
ويكفى النظام الرئاسى فشلا وبؤسا ماقام به البشير من تعديل دستور 2005م فى يناير 2015م وذلك لصيرورة كل السلطات فى يده ولك ان تتخيل مدى الدكتاتورية التى يمثلها البشير ونحن نعيش فى الالفية الثالثة !!!!
انا اعتقد انه يجب ان يعطى النظام البرلمانى الفرصة كاملة نظام محمى بقوة الجيش والامثلة كثيرة فى العالم من حولنا .. و النظام السياسى محسوم ( اى : شكل نظام الحكم ودوائر صنع القرار وتنفيذه ) .. البرلمان يمثل السلطة التشريعية ومجلس الوزراء السلطة التنفيذية والقضاء العادل السلطة القضائية ..
|
Post: #34
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-09-2016, 08:59 AM
Parent: #1
السلام عليكم
الأخ علاء
الأنظمة التي ذكرتها (عبود - نمير - البشير ) دي انظمة دكتاتورية وليست انظمة ديمقراطيه
انظمة الحكم قسمين دكتاتوري وديمقراطي
الديمقراطي فيهو رئاسي وبرلماني ومختلط
يبقي انت مع النظام البرلماني طيب الأنظمة البرلمانية تعتمد علي أحزاب وله مستقلين وله مختلط وتشكيل الوزارة هل بي حزب الأغلبية وله بي عدد مقاعد معينه - تحالفات سياسية - ادينا رايك بي تفاصيل عشان الناس تستفيد كلها
|
Post: #35
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-09-2016, 11:21 AM
Parent: #34
| Quote: الأخ علاء الأنظمة التي ذكرتها (عبود - نمير - البشير ) دي انظمة دكتاتورية وليست انظمة ديمقراطيه انظمة الحكم قسمين دكتاتوري وديمقراطي |
تحياتى الاخ / التازى هناك خـلـط بين النظام السياسى ونظام الحكم فى المقتبس اعلاه .. حيث النظام السياسى ( وليس نظام الحكم ) شمولى ( دكتاتورى ) - ديمقراطى الخ ..
ونظام ( عبود ونميرى والبشير ) انظمة عسكرية رئاسية ( شمولية دكتاتورية )
|
Post: #36
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-09-2016, 11:28 AM
Parent: #35
| Quote: الديمقراطي فيهو رئاسي وبرلماني ومختلط |
جربنا فى السودان النظام الديمقراطى المختلط ( البرلمانى - الرئاسى عقب انتفاضة ابريل المباركة فى 1985م ) حيث كان سيد الصادق رئيس الوزارة وسيد احمد الميرغنى رئيس السودان
( رئاسة شرفية )
وفشل هذا النوع من الانظمة ..
|
Post: #37
Title: Re: دعوة لي ركن نقاش !!!!!!!!!!!
Author: علاء سيداحمد
Date: 04-09-2016, 11:42 AM
Parent: #36
| Quote: طيب الأنظمة البرلمانية تعتمد علي أحزاب وله مستقلين وله مختلط وتشكيل الوزارة هل بي حزب الأغلبية وله بي عدد مقاعد معينه - تحالفات سياسية - ادينا رايك بي تفاصيل عشان الناس تستفيد كلها |
طبعا الانظمة البرلمانية تعتمد على احزاب ومستقلين لان الحزب الذى يحرز اكبر عدد من المقاعد هو الذى يدير البرلمان ويمرر اجندته واذا لم يحرز اى حزب اغلبية يقوم بعمل تحالفات مع الاحزاب الصغيرة الاخرى والمستقلين ...
وانا ذكرت فى مشاركة سابقة بأنه من الافضل للاحزاب الصغيرة المطالبة بنظام القائمة النسبية فى الانتخابات لانه يمكنهم الظهور على السطح من خلال هذا النظام )
وفى هذه الحالة الانتخابات تكون مختلفطة بين القائمة النسبية والنظام الفردى ..
|
Post: #38
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-09-2016, 12:51 PM
Parent: #36
الأخ علاء الدين
Quote: جربنا فى السودان النظام الديمقراطى المختلط ( البرلمانى - الرئاسى عقب انتفاضة ابريل المباركة فى 1985م ) حيث كان سيد الصادق رئيس الوزارة وسيد احمد الميرغنى رئيس السودان
( رئاسة شرفية )
|
هو أقرب لي النظام البرلماني وليس لي النظام المختلط فالرئيس هنا شرفي و النظام المختلط هو نظام مشاركة لي السلطات بين الرئيس و البرلمان - اقرب نموذج هو النظام المصري الحالي هو نظام برلماني رئياسي مختلط مايل للبرلمان -
لكن انا اتفق معك علي النظام البرلماني
|
Post: #39
Title: Re: دعوة لي ركن نقاش !!!!!!!!!!!
Author: Mahamed Eltaze
Date: 04-10-2016, 07:26 AM
Parent: #1
فوق
|
|