البشير من دارفور: اي والي ظالم حنقطع رقبتو

08:50 AM April, 06 2016

سودانيز اون لاين
عمر الفاروق عبد الله الشيخ-
مكتبتى
رابط مختصر

وأنا أقرا في هذا المانشيت بصحف الخرطوم الصادرة صباح اليوم دار في ذهني مقطع من مسرحية مدرسة المشاغبين والاستاذة ألفت تحذر الطالب بهجت بانها ستقطع لسانه من لقاليقه فحذر بهجت بقية الطلاب قائلاً كل واحد يخلي باله من لقاليقه!
ولعل احد الولاة قد حذر الآخرين بان يخلوا بالهم من رقابهم فقد حان قطافها علي حد قول الحجاج!! ما هذه اللغة العجيبة وهذا القاموس الفريد لهؤلاء الانقاذيين تالله بان مخزونهم من المفردات الإنقاذية ينم عن عقد دفينه لدي كل واحد منهم ودونكم نافع والجوكر مصطفي عثمان وامين حسن عمر وبقية العقد الما فريد.
ولنا ان نتسائل يا سيادة الرئيس المشير البشير في ذمتك دي بتقدر تقطع رقابهم وانت عارف ان بعضهم ظلمة وانت اظلم من ظلم ولا انت شعرا بلا رقبة.
دعك من البغال التي كان سيدنا عمر الفاروق الوالي العادل بانه مسئول اذا عثرت احداها بالعراق بانه لم يمهد لها الطريق فما بالك عمر البشير لم تمهد لبني البشر الطريق نحو الحرية والعدالة والديمقراطية وتداول السلطة المنهوبة بليل والحياة الحرة الكريمة لكل مواطن ولو وجدت طريقة بان تمهد طريقا تمشي فيه الحمير والبغال ولكنك بعيد عن كل هذا بعد السماء عن الأرض فكيف بالظالم ان يحاكم ظالماً وأن يقطع رقبته فانت مطلوب لدي الجنائية بدعوي ظلم بني جلدتك وقطع رؤوسهم ليل نهار وانت مطلوب لدي رب العالمين بنفس الدعوي ودعاوي اخري تتمثل في تقسيم وطنك وتهجير بنوه نحو الاوطان البديلة وحروب مستعرة اعترفت بعظمة لسانك بانكم تقتلون الناس في دارفور لاتفه الاسباب.
المشير البشير وبقية الانقاذيين الظالمين الفاسدين لقد حان القصاص والخلاص وهو مخبوء ما بين كاف ونون لدي رب العالمين ولا يدري ظالم ماذا يكسب غدا وباي ارض يموت.

اخ عمر
ماتقوم نفسك ساكت,دي زي تصريح امريكا وبريطانيا تحت جزمتي
ده نفخ ورلة ساكت

Quote: ماتقوم نفسك ساكت,دي زي تصريح امريكا وبريطانيا تحت جزمتي ده نفخ ورلة ساكت

تحياتي اخي سيف الدين يحلنا الحل بلة

شر البلية ما يضحك ..

شر البليلة ما يضحك - والله ناقش إنها شر البلية فما تتعب ساكت ، وأنا في الضحكة وفي سنون الحصان التقول بدخن سيجار كوبي

وانه ضحك كالبكاء

علي حال السودان الذي يحكمه امثال هؤلاء

غايتو زول كضاب وهجام ورجام ودجال ذي البشير ما مر على السودان

قال اقطع رقبتو قال

هو الوالي البختروا وبعينوا منو ما جبتو انتا
كضاب ونساي كمان

التحية لك يا سيدي الرئيس وانت ترسي دعائم الحق والعدل

وفقكم الله

الزول ده قال ماشي سنة 2020 بترجوه كلها تلاتة سنين وشوية

التحية لرمز السيادة و ريسنا و هو يعمل على ارساء دعائم السلم و بسط هيبة الدولة


انا حقيقة لم اسمع كلام مثل هذا مباشر منه و لكن ان كان قد قاله فله الحق في ذلك

كل يوم يثبت لنا انه هو الاجدر و الافضل

و هو فقرتو الرباها بي دم الشعب السوداني البقطعها ليهو منو ؟