يا للهوووووول !!!!! مائة ايرو تساوي مليون ونص الا شويييييييييييية جنية سوداني !!!

07:10 AM April, 05 2016

سودانيز اون لاين
مني عمسيب- هولندا
مكتبتى
رابط مختصر

تصدقوا او لاتصدقوا !

هذا الوضع في السودان !
البنك لو وجدت فيهو عملة
وافتكر ممكن تكون مستحيلة
ما بغييرو ليك غير نسبة ضئيلة جدآ !
فالمضطر يمشي يفك من برا بهذا المبلغ
الفكلي !!!!!!!!!!!!!!!!!!!!!!!!!!!!!!!!!!!!!!!!!!!!!!

اها العمل شنو ؟؟؟؟؟؟؟؟

وزي ما عارفين العملة في ايادي المفسدين
الكيزان !

البلد انتهت يا جدعان عارفاها من الليلة من زمان
لكن دي نهاية بطل !!!!!

رحماك يا شعبي ...

Quote: الفكلي !!!!!!!!!!!!!!!!!!!!!!!!!!!!!!!!!!!!!!!!!!!!!! اها العمل شنو ؟؟؟؟؟؟؟؟

لو شيلتي اللام الزول دا بحل ليك المشكله
بت عمسيب يا جميلة اخبارك

دسيسنا الحبيب .. صباح الخير يا وش الخير ..

هههههههههههههه

حا اعيد ليك الرد تاني .. حصلت ربكة في الرد دا ..

Quote: مائة ايرو تساوي مليون ونص الا شويييييييييييية جنية سوداني !!!

سلامات
الاخت الفاضلة
مني عمسيب
والمصيبة الاكبر المليون ونص الا شوية ديل ما بيأكلوك طلب شية في اقرب مطعم في السودان.
انها انهيار دولة
كان الله في عونا
تحياتي

دسيسنا حبيبنا ..

صباح الوطن الغالي ..

ههههههههههههه

Quote: Quote: الفكلي !!!!!!!!!!!!!!!!!!!!!!!!!!!!!!!!!!!!!!!!!!!!!! اها العمل شنو ؟؟؟؟؟؟؟؟ لو شيلتي اللام الزول دا بحل ليك المشكله

بلاهي جيت جارية جري اصلح الفكي عتر لي اقتباسك هههههه
عالم بطالة استلفناها ههههههه ..

ولك وافر الود .. والف صباح الخير عليك .

سلام
وبعد

السودان الحكومة او النظام برعونة وقفوه من وفي العام ١٩٩٧ و اصبح في حالة انعزال كامل عن العالم حوله الا من شوية علاقات بدول تتشابه في ظروفها مع السودان
او علاقات مع دول تجعل الكرامة قيمة ليست اهمية لها

الان الفلم في الجزء الاخير قارب النهاية جدا فبدات علامات النهاية تبين اكتر واكتر

الناس الكانت مغشوشة ومخدوعة بالشعارات والبروقاندا اصبحت تكتشف الكذبة الكبيرة والخرم الاكبر والماسورة

البحصل والحاصل شئ غير طبيعي من دون تعاون الجميع وتحمل المسؤلية وبتفهم سليم للواقع حتي النبؤ بالمستقبل حيكون صعب

ودوورد

صديقي العزيز .. عودو ..

صباحك خير ...

Quote: والمصيبة الاكبر المليون ونص الا شوية ديل ما بيأكلوك طلب شية في اقرب مطعم في السودان. انها انهيار دولة كان الله في عونا

دا الحاصل يا عودو انهيار العملة بتأكد شراسة الغلاء !

السؤال ؟
الحل شنو ؟

اخي الفاضل ... حامد ود عبد الله ,,

صباح التفاؤل ,,

Quote: البحصل والحاصل شئ غير طبيعي من دون تعاون الجميع وتحمل المسؤلية وبتفهم سليم للواقع حتي النبؤ بالمستقبل حيكون صعب

يا اخيي حامد مافي اسوأ من هذا الوضع ولا حا يمر تاني اسوأ منه
وانا كلي تفاؤل لو حكومة الدمار دي انكشحت في البعمر السودان
السودان برجاله ونساءه بس في الوضع دا مغيبين تمامآ من قبل المفسدين
ولكن اقولها بكل ثقة في الله والشعب وفينا نحن بالخارج لو سقطت هذه الحكومة
لاتانا الخير مهرولآ .. باذن الله والشعب . اقله رفع الحظر عنا .

ولك كل التقدير ..

الكيزان واذيالهم مشوا وين ؟

موش مفروض يشرفوا للتعليق ؟

Quote: السؤال ؟ الحل شنو ؟

الاخت
مني عمسيب
بالنسبة لسؤالك دا
االحل يجب ان يثور الشعب السوداني لينقذ السودان من الاندثار والفناء.


اما سؤالك دا

Quote: موش مفروض يشرفوا للتعليق ؟

الناس ديل مركزين ومهتمين بالدولار والدليل بوست بتاع الدولار لود الباوقة عشان كدا ما بشرفوك هنا

صديقي .. عودو وشكور علي العودة "

Quote: االحل يجب ان يثور الشعب السوداني لينقذ السودان من الاندثار والفناء. اما سؤالك دا Quote: موش مفروض يشرفوا للتعليق ؟ الناس ديل مركزين ومهتمين بالدولار والدليل بوست بتاع الدولار لود الباوقة عشان كدا ما بشرفوك هنا

يا عودو هم بطلعوا بطلعوا ولا خيار غير الخروج والشوارع لاتخون بالرغم من القبضة
الحديدية الفاشية والتنكيل بالشعب ولكن لاخيار غير الخروج وتغيير هولاء والي الابد .

اما حتت الكيزان وذيولهم ما بشرفوا للرد لانهم جبناء وعارفننا لو جوا هنا الحا يحصل ليهم شنو
بس خليهم يكونوا جبناء كدا وفي الحقيقة الجبن يفتوهم يمشي وين ههههههه .

ولك كل التقدير يا صديق .

سلامات بت عمسيب وضيوفا ..
الغريبة في ناس فرحانه بالغلا دا يقوليك فيكت قروشي عملت لي طاشر مليون .. واتكيفت ....!!!
الطاشر دي يا مان زمان بتقعدك ستة شهور هسع 12 يوم امكن تنتفا ..

تحياتي

العزيزه منى ... سلام ..

بعد الانهيار الحاصل الان في السودان ..
ما اظن البلد حترجع زي زمان في القريب العاجل ...
والناس بقت تتعامل بالمقايضه ... اديك هدوم تديني عِـده ...
نسال الله ان يعيد السودان لسيرته الاولى ...

عالم بطااله ,,,

يا بت عمسيب

سلام

يعني قروشنا كثيرة !!!!!! تيب ما تقولي ما شاء الله .

زبالجال الحاصل ده يا مني لو بقت المائة لورو بتشاوي عشرة ملايين مافي حاجة بتحصل..
بس الناس بتموت اكتر بالجوع والمرض وتفشي الاجرام..
واحتمال احنا هنا نتهجم زي هجمتك دي ..بس

حبابك .. الطيب ود عباس ..

Quote: الغريبة في ناس فرحانه بالغلا دا يقوليك فيكت قروشي عملت لي طاشر مليون .. واتكيفت ....!!! الطاشر دي يا مان زمان بتقعدك ستة شهور هسع 12 يوم امكن تنتفا ..

شعب عودتو حكومة السجم الكترة المن غير فائدها !
واهو بقي راعي وراءها .

ومشكور يا طيب .

ولياب .. صباحك خير ..

Quote: يعني قروشنا كثيرة !!!!!! تيب ما تقولي ما شاء الله .

نقول ماشاء الله في شنو يا ولياب في سجمنا وجنيهنا الفي ذمة الله
والله يا ولياب نفسياتي مرتبطة بتدهور العملة زي ما مرتبطة بغلاة المعيشة
للغلابة ! ندعو المقتدر الجبار يصرفهم عنا بين الليلة لي باكر وقادر يا كريم .

ولك وافر الشكر اخوي ولياب .

مجيدو سلام يا عزيز ..

Quote: بعد الانهيار الحاصل الان في السودان .. ما اظن البلد حترجع زي زمان في القريب العاجل ...

بسواعدنا نبني بلدنا ... لا مستحيل مع الشعوب بس نسأل الله يبعد
هولاء المفسدين اعداء الوطن وانت حاتشوف النعم المنتظرانا ..

عالم بطالة .. لك الشكر .

بت خوجلي يا عزيزة ...

صباح الفل ...

Quote: زبالجال الحاصل ده يا مني لو بقت المائة لورو بتشاوي عشرة ملايين مافي حاجة بتحصل.. بس الناس بتموت اكتر بالجوع والمرض وتفشي الاجرام.. واحتمال احنا هنا نتهجم زي هجمتك دي ..بس

لكل بداية نهاية .. ونتفأل لكي نتناول .

وسلمتي من كل شر .

سلامات يا بنت العمسيب,,,

كتب االأخ الطيب:

Quote: سلامات بت عمسيب وضيوفا .. الغريبة في ناس فرحانه بالغلا دا يقوليك فيكت قروشي عملت لي طاشر مليون .. واتكيفت ....!!! الطاشر دي يا مان زمان بتقعدك ستة شهور هسع 12 يوم امكن تنتفا ..

دا أكيد من النوع الكان في حصة
الحساب بمشي يملا الأزيار,,,
وهو نفسو البقول ليك الدولار زايد!!!!!!!!!!!
والدولار واقف محلو طود وألف أحمر
وجنيهنا ماشى حاتل وحافر لا تحت!!

الشغلة دى لا الفكي لا الفكلي ما بستعدلا


الله في الله فى,,

أيمن الطيب



سلام ،
في حصة الحساب ،
بيقولوا ليه أمشي أشحن الآيباد ،
أو أرسل SMS
للـ Housemaid
عشان تحضر الحليب ،
أشواقي ،
،،،،،






عزالدين عباس الفحل
ابوظبي

الأخت منى / صباح الخير والهنا ياسيدتى الكريمة السب والشتم صباح مساء فى الحكومة لا يغير شىء من الواقع الأليم الذى يعيشه معظم الناس داخل الوطن فالحل قد يأتى بعدة وسائل وأول حاجة قبل ما نلعن الظلم والظلام علينا كشعب أن نراجع أنفسنا وبالله مانغش أنفسنا بأن الحكومة هى سبب كل بلاوينا ولست هنا بالمدافع عن الحكومة والمفسدين فيها نحن ياأخت منى زاتنا فاسدين ومفسدين ( لامؤاخذة) لأننا نرى الفساد بأعيننا ولا نقول بغم (غش عينى عينك / رشاوى/ سرقات/ جشع / عطالة / مخدرات / زنا ) دا كلو معقول سببو الحكومة ياستى الحكومة دى بتعمل أى حاجة سيئة أو حسنة بس ماتقدر تشترى أخلاق من السوق لكن الناس بتعاملها السمح وتكاتفها تقدر تؤثر على بعضها البعض وبالتالى الحكومة تعمل ألف حساب لهم ونحن شعب لازال فينا الخير رغم الإنحراف الحاصل فى بعضنا تفتكرى لوكل زول مثلاً أخذ حقه بالقانون ومادفع رشوة يقدر أى مسؤول( يقلع منه شىء ) بعدين أى حاجة تجى بالرشوة بلاش منها خذى مثلاً الحج لبيت الله ودا أى رشوة فيه حرام عديل كدة تجدى بعض البسطاء لو عاوز يطلع جواز ساى ممكن يدفع مبلغ زيادة عشان يسرع فى إستخراجه مع إنه دا حق ياأستاذه لوقعدنا ننق لبكرة مانخلص وكان شتمنا لبكرة برضو الحكومة دى مايهمها المخرج هو مخافة الله بيننا والعودة إلى ماضينا المشرق لأن الزمن مابتغير منذ خلق أبوالبشر سيدنا آدم إلى قيام الساعة الناس هى الإتغيرت تسلمى

الآخ الفاضل ... حسن عمر ,,

لك التحايا ومشكور علي المشاركة ,,

طيب قول لي كيف ؟ يتم مافي هذا الاقتباس :

Quote: المخرج هو مخافة الله بيننا والعودة إلى ماضينا المشرق

مخافة الله عرفناها . كيف نرجع لي ماضينا المشرق ؟

الرجاء ان تمدنا بوسائل الرجوع لماضينا المشرق .

ولك وافر الشكر ..

سيدتى الكريمة / نهارك سعيد قارنى أنت بنفسك فى الوضع الراهن للكثيرين ولا أقل الكل من أبناء الشعب السودانى ياترى فى فرق ولا لا فى التعامل بين الناس من ناحية الثقة المتبادلة ياخى الواحد بقى مايثق حتى فى أقرب الناس إليه فى الزمن الجميل تسافر مثلاً وتغيب عن أهلك يومين ثلاثة وتأمن على أهلك فى البيت مادام عندك جيران طيبين دا مثال بسيط لأنو الثقة موجودة فى زمان كانت أحوال الناس مستورة قبل ظهور لعنة النفط (الماتهنينا بيهو وأكلو الدودو) ناس كانت عايشة بالسترة والقليل من الزاد البكفيهم (ويدو منو) الجيران وتصلى صلواتها الخمسة فى أمن وأمان وتتواصل فى الأفراح والأتراح وتصوم وتفطر على القليل من الزاد وتحج كمان بالقليل من التكلفة بدون رشاوى ورسوم مرهقة ليه كانت الحياة رغم بساطتها حلوة جميلة ياأخت منى كل شىء كان بسيط وجميل فى (الفن / الرياضة /الدورات المدرسية/ الشوارع نظيفة عندنا فى الأقاليم أما الخرطوم دى من كثرة ما سمعنا بنظافتها ونظامها الواحد كانت بالنسبة ليهو حلم قبل ظهور الأبراج الأسمنتية دى أمثلة بسيطة وإنت عارفاها الناس ليه كانت مبسوطة ؟ لأنو جل إهتماماتهم كانت فى زرع الفضيلة وحب الخير والسلوك المعتدل فى نفوس الآخرين دون تزمت وكراهية الآخر رأيك شنو فى القليل مما ذكرته لك وأنت أدرى منى فى هذا الأمر هل نصل إلى هذفنا وهو الإصلاح بطريقة أشتمنى وأشتمك ياستى نجربها مع بعضنا حبنى وأحبك وأنا طبعاً لا أقصد ( حب الحكومة ) بل الشعب السودانى يجب محاربة الغلاء ومحاربة الجشع ومحاربة الرذيلة بكل أنواعها فضح المفسدين ومقاطعتهم يعنى مثال آخر لو فى مفسد سواء كان تاجر مواد غذائية أو جزار أو بائع خضار فى حارتكم قاطعوا سلعته بس يوم أويومين وماتشتروا أكيد ماحنموت جوع حتى يفيق لرشده وهكذا باقى المفسدين المقاطعة أعنى بها مقاطعة شراء السلعة وهى سلاح قوى لردع الجشع والطمع طبعاً كلامى دا ربما لايعجب البعض أما ن نشتم ونسب ونلعن صباح مساء فى الشارع أو فى وسائل الإعلام أو المنتديات هذا لايغير شىء ولن يغبر الله ما بقوم حتى يغيروا مابأنفسهم وبعض النفوس مليانة كراهية وبغض ياإما نراجع أنفسنا أونأكل جرجير عملاً بوصية عم حسين خوجال كما تسميه إبنتى الصغيرة .

السلام عليكم منين بت عمسيب وضيوفها

Quote: سيدتى الكريمة / نهارك سعيد قارنى أنت بنفسك فى الوضع الراهن للكثيرين ولا أقل الكل من أبناء الشعب السودانى ياترى فى فرق ولا لا فى التعامل بين الناس من ناحية الثقة المتبادلة ياخى الواحد بقى مايثق حتى فى أقرب الناس إليه فى الزمن الجميل تسافر مثلاً وتغيب عن أهلك يومين ثلاثة وتأمن على أهلك فى البيت مادام عندك جيران طيبين دا مثال بسيط لأنو الثقة موجودة فى زمان كانت أحوال الناس مستورة قبل ظهور لعنة النفط (الماتهنينا بيهو وأكلو الدودو) ناس كانت عايشة بالسترة والقليل من الزتد البكفيهم ويدو منو الجيران وتصلى صلواتها الخمسة فى أمن وأمان وتتواصل فى الأفراح والأتراح وتصوم وتفطر على القليل من الزاد وتحج كمان بالقليل من التكلفة بدون رشاوى ورسوم مرهقة ليه كانت الحياة رغم بساطتها كانت حلوة جميلة يامنى كل شىء كان بسيط وجميل فى (الفن / الرياضة /الدورات المدرسية/ الشوارع نظيفة عندنا فى الأقاليم أما الخرطوم دى من كثرة ما سمعنا بنظافتها ونظامها الواحد كانت بالنسبة ليهو حلم قبل ظهور الأبراج الأسمنتية دى أمثلة بسيطة وإنت عارفاها الناس ليه كانت مبسوطة ؟ لأنو جل إهتماماتهم كانت فى زرع الفضيلة وحب الخير والسلوك المعتدل فى نفوس الآخرين دون تزمت وكراهية الآخر رأيك شنو فى القليل مما ذكرته لك وأنت أدرى منى فى هذا الأمر هل نصل إلى هذفنا وهو الإصلاح بالتأكيد بطريقة أشتمنى وأشتمك ياستى نجربها مع بعضنا حبنى وأحبك وأنا طبعاً لا أقصد ( حب الحكومة ) بل الشعب السودانى يجب محاربة الغلاء ومحاربة الجشع ومحاربة الرذيلة بكل أنواعها فضح المفسدين ومقاطعتهم يعنى مثال آخر لو فى مفسد سواء كان تاجر مواد غذائية أو جزار أو بائع خضار فى حارتكم قاطعوا سلعته بس يوم أويومين وماتشتروا أكيد ماحنموت جوع حتى يفيق لرشده وهكذا باقى المفسدين المقاطعة أعنى بها مقاطعة شراء السلعة وهى سلاح قوى لردع الجشع والطمع طبعاً كلامى دا ربما لايعجب أما ن نشتم ونسب ونلعن صباح مساء فى الشارع أو فى وسائل الإعلام أو المنتديات هذا لايغير شىء ولن يغبر الله ما بقوم حتى يغيروا مابأنفسهم ونبعض النفوس مليانة كراهية وبغض ياإما نراجع أنفسنا أونأكل جرجير عملاً بوصية عم حسين خوجال كما تسميه إبنتى الصغيرة .

الاخ حسن محمد عمر ....كلامك جميل نظريا ولكن عمليا صعب جدا تحقيقه..... ببساطة لأن ما نعاني منه نتاج لمنظومة متكاملة من العوامل السياسية والاقتصادية والاجتماعية وكل ذلك وما يرتبط بالمشاكل الاقليمية والعالمية
وغيرها......الجوع هو اكثر العوامل قهرا لإرادة الانسان.......لذلك تري ان النظام نجح غير مسبوقه في تجويع الشعب السوداني بسياساته فكان ما كان.....والله المستعان

لاخ حسن محمد عمر ....كلامك جميل نظريا ولكن عمليا صعب جدا تحقيقه.....

الأخت الفاضلة / فريدة ( التنظير) مهنة من لامهنة له سنين الله دى كلها الحكومة تنظر والمعارضة تنظر والشعب ينظر نصبح ونمسى على التنظير فى الفارغة والمليانة وفى النهاية كل زول يمشى الفى راسو الأغرب من كدة التصريحات (تطاقش) الرئيس بيقول كلام الوزير المعنى بيقول كلام آخر التطبيق (عكس عكاس) كما يقال بالدارجى صحيح المشوار طويل بس ماصعب أو مستحيل ياستى إتحملنا هم (27) سنة ومنتظرين الإصلاح أها ماجانا نعمل شنو؟ نأجر حكومة من برة عشان تدير شؤونا ولا نشيل عكاكيزنا وأسلحتنا البيضاء وننزل الشارع المعارضة الحالية دى (غسلى إيدك منها) ولنبدأ الإصلاح من ذاتنا بتكاتفنا ,اى حاجة ماعاجبانا نقاطعها غايتو دى وجهة نظرى ورأى شخصى ولن (أفقع مرارتى ) بالسب أو الشتم مهما كرهت النظام والذى هو حتماً إلى زوال فقط أعلم أبنائى ومن يهمنى أمره الحاجات السمحة بتاعت زمان ونرجع لسيرتنا الأولى وبجد السودان راجى مننا الكتير أنا عارف الضغط كبير على الناس فى الداخل والخارج لكن فرج الله جاى ودا ماتنظير بل حقيقة مؤكدة .

يشقى كثير من الصابرين القابضين على الجمر لشهر كامل ليحصلوا على مبلغ أقل من المائة يورو

هبوط العمله التاريخي
وانهيار الاقتصاد ابرز ما لا تستطيع انكاره هذه الحكومه الفاشلة

تحياتي
كان الله في عون السودان واهله
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

بت عمسيب منى
سلام
تعليقي بصيغة المزح ( والمغلوب على أمره) ، إلا أن التدهور المريع لعملتنا وأقتصادنا ولمجتمعنا وكل ما أصاب مناحي حياتنا لمحبط للغاية .

السلام عليكم ااا جماعة
انا نازل اجازة 10 يوم وشايل معاي 10 شوالات معدل شوال لكل يوم
هل ذلك مناسب ؟؟؟
ارجو التوجيه

ايمون .. سلام .

Quote: الشغلة دى لا الفكي لا الفكلي ما بستعدلا

العبارة دي تشبه التوقيع الله يغطي علي منكم هههههههه .


ولك الريدة هههههه .

حباااااااااااب الكلس اب خطآ كبير .

Quote: عزالدين عباس الفحل

ولك الشكر ..

السعر زاد !!!!


ولي عودة .

Quote: السعر زاد !!!!

سعر شنو

up

اخي العزيز هاني .. متعك الله بالصحة والعافية ..

Quote: يشقى كثير من الصابرين القابضين على الجمر لشهر كامل ليحصلوا على مبلغ أقل من المائة يورو

تصدق يا هاني اقل من مائة يورو ! تقريبآ خمسين فقط لانه كتير
من الموظفين مرتباتهم اقل من مليون ..

وااااااااااااااااااا اسفاه الكلام بقي بالمليون !!!!!!!!!!
مائة مقابل مليون !!

ويا لاوجاعك يا وطني !!

مشكور هاني ربنا يكسيك توب العافية .

ولياب يا حبيب .. لك السلام ..

Quote: تعليقي بصيغة المزح ( والمغلوب على أمره) ، إلا أن التدهور المريع لعملتنا وأقتصادنا ولمجتمعنا وكل ما أصاب مناحي حياتنا لمحبط للغاية .

مشكور علي المرور والله ياهو الغلب علي الامر .. ربنا يصلح الحال .
ويأخذهم من كراسيهم اخذ عزيز مقتدر .

ولك التقدير .

الأخت منى عمسيب،،
العملات الصعبة في السودان تسير باتجاه واحد هو الزيادة مقابل الجنيه السوداني.
سؤالك في محله، الا وهو الحل شنو؟
أنا وأنت والجميع يعلمون أن الحل في الآتي:
1- إقتلاع النظام ومحاسبة كل المفسدين وإسترجاع ما نهب من ثروات الشعب والبلد
2- تشكيل حكومة تكنوقراط كل وزير ووكيل وزارة يكون بالكفاءة وليس غيرها
3- تحسين علاقاتنا الخارجية مع كل دول العالم لتفعيل التجارة الدولية
4- تفعيل كل مدخلات الإنتاج وتشغيل السكة حديد ومشروع الجزيرة والخطوط الجوية والبحرية
5- إستصلاح الخدمة المدنية ومحاربة الرشوة والفساد
6- إسترجاع الجيش كحامي لليلد وليس النظام
7- مجانية التعليم والصحة

كل هذا يمكن ، فقط بعد أن يعود السودان للسودانيين ويذهب الفاسدين الى مذيلة التاريخ

الأخ الفاضل .. معز ..

لك التحية والتقدير ..

كما تفضلت :

Quote: العملات الصعبة في السودان تسير باتجاه واحد هو الزيادة مقابل الجنيه السوداني. سؤالك في محله، الا وهو الحل شنو؟

الحل داك الشارع ... ولاحل آخر .

ولك الشكر .