قدم النادى السوداني امسية الاربعاء الثانى من ابريل
فعالية ثقافية متميزة تحدث فيها كل من
الاستاذ مهدي ابراهيم محمد
احد اهم قيادات الحركة الاسلامية السودانية
ورمز من رموز الحركة الوطنية
محمد المعتصم حاكم
رئيس لجنة الاعلام بالبرلمان السوداني
واحد قيادات الحزب الاتحادى الديموقراطى الاصل
علي محمد الحسن
النائب البرلماني عن الحزب الاتحادي الاصل
وكانت تحت عنوان الوضع السياسى الراهن ومآلات الحوار الوطنى الجارى الآن فى العاصمة السودانية
وكانت المحاضرة التى قدمت على درجة من العمق والوضوح
وطوفت بالحضور حول الحوار الوطنى وماهو متوقع من مخرجات سوف تسهم فى
حلحلة قضايا الوطن ودفع مسيرة السلام
والغريق لى قدام
Post: #4 Title: Re: النجيضة في الندوة التي قدمها الاستاذ مهدي Author: عرفات حسين Date: 04-05-2016, 09:29 AM Parent: #1
Post: #5 Title: Re: النجيضة في الندوة التي قدمها الاستاذ مهدي Author: عرفات حسين Date: 04-05-2016, 09:35 AM Parent: #4
Post: #6 Title: Re: النجيضة في الندوة التي قدمها الاستاذ مهدي Author: Abureesh Date: 04-05-2016, 10:11 AM Parent: #5
**والغريق لى قدام**
أكتر من كدا؟
البلد غرقانة من زمان.
Post: #7 Title: Re: النجيضة في الندوة التي قدمها الاستاذ مهدي Author: معاوية المدير Date: 04-05-2016, 11:07 AM Parent: #6
سلآمات يا حسن حماد .
يبدو إنو يا حسن الندوة دي ما كانت مفتوحة للجميع، ويبدو إنو الدعوة لها كانت ببطاقات ومحصورة في ناس معينين . لو كلآمي دا غلط صححني، ولك مودتي ...
Post: #9 Title: Re: النجيضة في الندوة التي قدمها الاستاذ مهدي Author: عبدالعزيز الفاضلابى Date: 04-05-2016, 06:24 PM Parent: #7
Quote: قدم النادى السوداني امسية الاربعاء الثانى من ابريل
ابو على سلام ,, إختلاف الرأى لايُفسد الود خوتنا فى محلها ,, لكن النادى السودانى تانى انا وياهو فراق الطريفى لى جملو عشان كده انا ماجيت . لو كنتم عقدتم الندوة دون طَروَدتِ النادى السودانى لحضرنا وقلنا رأينا ,, لأننا نؤمن بالحل السلمى والحوار وكنت تمنيت على الأخ اسامة خلف الله لو استغل وجوده فى داخل الندوة وابان رأيه ولكنه كالعادة لم يفعل مفضلاً ان يشيب وهو طفل.
Post: #8 Title: Re: النجيضة في الندوة التي قدمها الاستاذ مهدي Author: حسن حماد محمد Date: 04-05-2016, 06:19 PM Parent: #1
Quote: سلآمات يا حسن حماد .
يبدو إنو يا حسن الندوة دي ما كانت مفتوحة للجميع، ويبدو إنو الدعوة لها كانت ببطاقات ومحصورة في ناس معينين . لو كلآمي دا غلط صححني، ولك مودتي ...
الأخ معاوية سلامات
بالعكس ابواب القاعة كانت مفتوحة للجميع
المطلوب كان ابراز بطاقة شخصية عند الدخول
والالتزام بعدم اثارة أى فوضى وشغب داخل القاعة
وانتظار توزيع الفرص لمن يريد أن يقدم سوْال او تعليق
وقد سرت هذه الاجراءات على الجميع
وقد تم تفتيش السيد المندوب الدائم للامم المتحدة وسجلت بيانات بطاقته الشخصية قبل الدخول
وهذا الاجراء املته علينا التجربة السابقة فى محاضرة البروفيسر ابراهيم أحمد عمر
فقد حاولت مجموعة اثارة الفوضى وعرقلة بداية المحاضرة
وقد طلب منهم مغادرة القاعة وقاموا بالاشتباك مع طاقم الحرس الموجود
واستخدموا العنف الجسدى والتدافع والعنف اللفظى
وبعد اخراجهم قاموا بمحاولة كسر الابواب والطرق على الشبابيك بصورة هيستيرية
حفاظاً على النظام وسلامة الحضور كان لابد من تعهد الراغبين فى حضور الندوة بما دكرت
وهى اجراءات سرت على الجميع
تحياتى وشكراً على المرور
Post: #10 Title: Re: النجيضة في الندوة التي قدمها الاستاذ مهدي Author: Deng Date: 04-05-2016, 06:39 PM Parent: #8
كوز نيويورك حسن حماد.
بقيت تمسح مداخلاتي!
عارفك ما بتقدر تستحمل.
لكن الفيك أتعرفت ولقد قمت بتعريتك تماما للناس.
يا "حسن حركة"هههههههههههههههههههههههه
Post: #11 Title: Re: النجيضة في الندوة التي قدمها الاستاذ مهدي Author: حسن حماد محمد Date: 04-05-2016, 11:27 PM Parent: #1
Quote: ابو على سلام ,, إختلاف الرأى لايُفسد الود خوتنا فى محلها ,, لكن النادى السودانى تانى انا وياهو فراق الطريفى لى جملو عشان كده انا ماجيت .
الحبيب الاستاذ الفاضلابى سلامات
عارفك بتنفعل وتقول كلام زعل مابتقصدو
صدقنى ياعبدالعزيز أعلم تماماً واقدر موقفك
لكنك أيضاً تعلم مقدار الضغط وضيق الوقت الذى نعيشة فى هذه المدينة
وتعلم ايضاً منطلقاتنا وبواعثنا فى الحراك
الأمور بجد تستحق وقفة الجميع وروْاهم
وانت استاذى سيد العلرفين
نحاول جهدنا أن نكون حضوراً وأن نتشاور مع الجميع
ولكن أحياناً كثيرة تقودنا اقدارنا غصباً عننا
الود بيننا ياعبدالعزيز اكبر من أن يخدشه خلاف
فقد نمى وسكن الاحشاء
وأصبح يمشى على اقدام عبدالرحمن واحمد ويوسف وابراهيم
تفتكر تقدر تغيب
اديك يومين تلاتة وبتنقرع
وقديماً قيل العرجة لى مراحا
Post: #12 Title: Re: النجيضة في الندوة التي قدمها الاستاذ مهدي Author: أسامة خلف الله مصطفى Date: 04-06-2016, 08:27 AM Parent: #11
Quote: عارفك بتنفعل وتقول كلام زعل مابتقصدو
سلام الله حسن
يعنى الفاضلابى يقول ليك النادى السودانى ما كان تدخلوه فى الشغلانه دى...... يعنى حتى النادى إختطفنوه وبقيتو تعملو بيه ما يناسب هواكم ومصالحكم تقول ليه : ما تنفعل....؟؟؟؟
Post: #13 Title: Re: النجيضة في الندوة التي قدمها الاستاذ مهدي Author: حسن حماد محمد Date: 04-06-2016, 08:13 PM Parent: #1
Quote: يعنى حتى النادى إختطفنوه وبقيتو تعملو بيه ما يناسب هواكم ومصالحكم
النادى ماضى فى مسيرة خدمة الجالية وتقديم ما يفيد
وسوف تتوالى الفعاليات بما يسركم
وأنت تتحدث عن الديموقراطية يمكنك أن تحدث الاخوة والأخوات هنا
كيف أنكم تجاوزتم دورتكم فى لجنة الجالية بنيويورك باربعة أشهر
وكيف أنكم ما زلتم عاجزين عن اقامة الجمعية العمومية وانتخاب لجنة جديدة
تتحدثون عن الديموقراطية هنا فى المنبر وتعجزون عن ممارستها فى الواقع
حسن حماد سلام يبدو إنو الكضٍب بقى واحده من خصالك ولا حياء بعد مولاتك للنظلم أنطر لحاله الطقس أعلاه قى المرتين اللى أعلنا فيها قيام الجمعية العمومية....!!!! إختشى مرة واحده فى حياتك إحنا بنسرق الشرعية !!! وعلى الحسن رفيق دربك فى اللف والدوران وتفليف الحق بالباطل...... جاب ال 25 ألف صوت من وين؟؟؟؟
Post: #16 Title: Re: النجيضة في الندوة التي قدمها الاستاذ مهدي Author: حسن حماد محمد Date: 04-08-2016, 05:49 PM Parent: #1
Quote: حسن حماد سلام يبدو إنو الكضٍب بقى واحده من خصالك ولا حياء بعد مولاتك للنظلم أنطر لحاله الطقس أعلاه قى المرتين اللى أعلنا فيها قيام الجمعية العمومية....!!!!
حالة الطقس دى ياكافى البلا مستمرة 3 شهور
Post: #17 Title: Re: النجيضة في الندوة التي قدمها الاستاذ مهدي Author: محمد البشرى الخضر Date: 04-08-2016, 09:10 PM Parent: #16
تحياتي حسن مافي تسجيل كامل للندوة, خاصة باقي كلام مهدي ابراهيم
Post: #18 Title: Re: النجيضة في الندوة التي قدمها الاستاذ مهدي Author: حسن حماد محمد Date: 04-08-2016, 11:11 PM Parent: #1
Quote: تحياتي حسن مافي تسجيل كامل للندوة, خاصة باقي كلام مهدي ابراهيم
مرحب اخى محمد البشرى
اعتقد هنالك جزء اخر من الندوة سوف احاول الحصول عليه وانزاله
فقد قدم سعادة السفير السابق بواشنطن كلام مفصل عن الحوار الوطنى
وتبقت الردود على الاخوة الذين تقدموا بأسئلة فى محاور متعددة
