Post: #7 Title: Re: أها، هسّع دا وللآ دا ؟... Author: محمد حيدر المشرف Date: 04-02-2016, 10:41 PM Parent: #6
ما ياهو ذاتو ..
.. اوع أكون راكب غلط .. الليامات دي ماسكاني شتارة مبالغ فيها :)
Post: #8 Title: Re: أها، هسّع دا وللآ دا ؟... Author: معاوية المدير Date: 04-02-2016, 10:42 PM Parent: #6
Quote: لا حولااااا ..
"يحمو من المريسة يشد العرقي" ..
.. شيل أمانتك يا بكري :) امانتيك في الواقع .. ده وجلالدونا !!!
كدا يا جكسا ؟، لا هماك عزابنا لا هماك ازانا نهديك المشاعر ؤ تخون الأمانة ؟
ماشي الشغل ...
Post: #9 Title: Re: أها، هسّع دا وللآ دا ؟... Author: محمد حيدر المشرف Date: 04-02-2016, 10:48 PM Parent: #8
الرجل فنان اكراكتير من الطراز الأول يا معاوية .. هذا لو جاز لنا الحكم بخلفية الكاراكتير الوارد أعلاه .. ونعم يستحق الإشادة والتقدير .. مافي ذلك شك على الاطلاق ..
..
Post: #10 Title: Re: أها، هسّع دا وللآ دا ؟... Author: معاوية المدير Date: 04-03-2016, 11:09 AM Parent: #9
Quote: الرجل فنان اكراكتير من الطراز الأول يا معاوية .. هذا لو جاز لنا الحكم بخلفية الكاراكتير الوارد أعلاه .. ونعم يستحق الإشادة والتقدير .. مافي ذلك شك على الاطلاق ..
مِنو البقدر يقول البغلة في اللِبريّق ؟...
Post: #11 Title: Re: أها، هسّع دا وللآ دا ؟... Author: أيمن الطيب Date: 04-03-2016, 11:30 AM Parent: #10
هي لكن البغلة في الإبريق من الليلة ولا البارح!!!!
بصراحة شديدة جدا لا يمكن اصلا المقارنة ,, فليرسم الرجل ما شاء له فلا حجر عليه ولكن أن يرفع هذا الرسم كأنما هو (قطعة فنية) بتبقى هن قصة إستغرابنا الكبيرة,,
يا بكرى كان الشي دا عاجبك خير وبركة لكن والله عبدالرحيم حامد دا يستحق أن نحتفي به,, نحن ناس وشعب بقى صعب جدا أن تجعلنا نبتسم,, ياخ الزول دا لو ما توقيعو تحت أي زول يشوف خطوطو يرجع لزمن كارورى وعزالدين وإدمون منير,,الزل دا فنااااااااان ياخ,,
تحياتى يا مدير,,
Post: #12 Title: Re: أها، هسّع دا وللآ دا ؟... Author: Salah Zubeir Date: 04-03-2016, 02:37 PM Parent: #11
Quote: أها، دا،
Quote: وللآ دا
Quote: من يستحق الإشادة والتشجيع
Quote: وللآ دا
Quote: مِنو البقدر يقول البغلة في اللِبريّق ؟...
Quote: البيحمو المريسة يقوم يشد العرقي
Post: #13 Title: Re: أها، هسّع دا وللآ دا ؟... Author: معاوية المدير Date: 04-03-2016, 08:37 PM Parent: #12
واللآ دا ؟!...
Post: #14 Title: Re: أها، هسّع دا وللآ دا ؟... Author: جلالدونا Date: 04-03-2016, 08:47 PM Parent: #13
Quote: "يحمو من المريسة يشد العرقي" ..
ههههههه و يبيع البنقو فى قسم البوليس شوف يا مدير الركن الفوق ده ملك ما حكر فما تجرينى وراك للمصايب هسى عاجبك كلام المشرّف بتاع الامانتين ده و لو سألنا المشرّف ده امانة المرأة بى وين , يقدر يجاوب ؟ و تيييييب بتسأل من ده وللا ده مالك
Post: #15 Title: Re: أها، هسّع دا وللآ دا ؟... Author: معاوية المدير Date: 04-03-2016, 09:02 PM Parent: #14
Quote: بتسأل من ده وللا ده مالك
نسيت تخُت علآمة إستفهام هنا، وهذا للتنبيه . عندك وآحد ايقونة تنبيه فوق ...
Post: #16 Title: Re: أها، هسّع دا وللآ دا ؟... Author: جلالدونا Date: 04-04-2016, 04:35 AM Parent: #15
Post: #17 Title: Re: أها، هسّع دا وللآ دا ؟... Author: جلالدونا Date: 04-04-2016, 04:41 AM Parent: #16
عليك الله البلوى ده شدّة مامرخى فى داعى يترخى لى زى ده هوى ما تجينى و تقول لى فتلت البوست انا عملت كوبى شنو ديك ما عارفو عملت بيست اها و لا نامت اعين الجبناء عندك معاى كلام تانى
Post: #18 Title: Re: أها، هسّع دا وللآ دا ؟... Author: معاوية المدير Date: 04-04-2016, 05:08 AM Parent: #17
/ http:// امسح ياخي، امسح الله يرضى عليك . غايتو يا ود المدير الله يلزمك الصبر ...
Post: #19 Title: Re: أها، هسّع دا وللآ دا ؟... Author: جلالدونا Date: 04-04-2016, 05:17 AM Parent: #18
يمين الله يا ود المدير قدر ما سقتو جاى و جاى برضو قعد يترخرخ لى عاد شن اسو اها شتناهو و بى عافيتو و لزم الصبر ياهو المكتوب تشوفو العين هسى فى داعى اصبر عليك بعد غلبى ده مرض يمرض المرضنا بالمرض الجبتو ده
Post: #20 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 05:29 AM Parent: #19
المادة واحد من اللائحة: التدخل في شؤون الإدارة و خيار رفع الكاريكاتيرات من صميم شؤون الإدارة, الاعتراض عليه يعتبر قدح في ذائقتها الفنية لذا:
الطبلة يا ريّس ... الطبلة
وكن كتّروا قص من الكوتة وأدّي جادات :)
Post: #21 Title: Re: أها، هسّع دا وللآ دا ؟... Author: يحي قباني Date: 04-04-2016, 05:48 AM Parent: #20
بالفعل ... مدرسة عز الدين عثمان رحمه الله ...
Post: #22 Title: Re: أها، هسّع دا وللآ دا ؟... Author: يحي قباني Date: 04-04-2016, 05:52 AM Parent: #21
Post: #23 Title: Re: أها، هسّع دا وللآ دا ؟... Author: جلالدونا Date: 04-04-2016, 05:58 AM Parent: #20
ههههههههههااااااااااااههه قال لايحة قال ود البشرى قوووووووم لف
Post: #24 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 06:01 AM Parent: #23
Quote: قوووووووم لف
أهااااا.. عايز تنادي بعودة ابوحسين كمان؟؟؟ يا زول انت معارضة هدّامة ولاّ شنو اضرب يا ريّس و قص الكوتة وأدي فلان خرمانين لـ غواصة و ها ها ها
Post: #25 Title: Re: أها، هسّع دا وللآ دا ؟... Author: جلالدونا Date: 04-04-2016, 06:27 AM Parent: #24
شوووووفووو الزول ابو حسين ده منو كمان يا ريت تبطّل سلبطة و هدومك ان شالله تهد فيها دمورية مصبوغة احممممممممممر كفاك دى وللا نجرّها زيادى باقى عندنا كم ياردى و نجيماتا تلالى و تقول يا هادى يا هدّام و يا هجّام شاحد ربى يجيك الفى بالى
Post: #26 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 06:32 AM Parent: #25
الرد دا لقبّاني بعد اذن ود المدير , حيث لبس طبلة شايفه كما توقّعت :)
Quote: ردك رمادي شديد يا هندسة :)
بوست صديقتي منى خوجلى ( رجعنالك ) هو بوست تعلن فيه عن عودتها ( المؤقتة او الدائمة يعتمد علي بكري ) و تسالم الناس ...
و بكري رفعه اكراماً لمقامها ... و هي مقامها عالي ... لكنها ما محتاجة رفع بوستات بقدر ما اتفقت انت عليهو معاي ... هو تنقية الجو العام ...
فما تقول لي الموضوع ما فيهو حرباشة من بكري ....
يا هندسة ياهو دا كلام سناري زاتو عن الحجج و الغلاط زي ما انا تجاوزت بوست رجعنالك و ضربت ليك مثالين لبوستين ضد منطقك انت اتجاوزتهن ومسكت فيما يدعم حججك
صحي السودانيين نحب الغلاط زي عيونا :)
Post: #27 Title: Re: أها، هسّع دا وللآ دا ؟... Author: يحي قباني Date: 04-04-2016, 06:34 AM Parent: #26
بالله اقنعني بس ...الطبله دي معناتها شنو ؟يعني بكري ما يجي يكتب بدل الناس بعد ده ؟
و درديري يقول ليك الحريات ...
Post: #31 Title: Re: أها، هسّع دا وللآ دا ؟... Author: بكرى ابوبكر Date: 04-04-2016, 06:43 AM Parent: #27
لا يا حبيب لا دا و لا دا لكن البجينا فى البريد بنرفعوا فوق يعنى انت او اى شخص اخر رسل لى كرتون بكره حا يكون فى صفحة الاخبار و و صفحة الكرتون
Post: #28 Title: Re: أها، هسّع دا وللآ دا ؟... Author: يحي قباني Date: 04-04-2016, 06:38 AM Parent: #26
Quote: يا هندسة ياهو دا كلام سناري زاتو عن الحجج و الغلاط زي ما انا تجاوزت بوست رجعنالك
و تتجاوزه كيف و انا ختيت ليك مثالين و هو واحد منهم ؟!!!
حسي المنطق وين يا محمد ؟
Post: #29 Title: Re: أها، هسّع دا وللآ دا ؟... Author: يحي قباني Date: 04-04-2016, 06:40 AM Parent: #28
اهو شالهم ...
اها تعال اشرح لي ... لانه انا ما بفهم ... :)
Post: #32 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 06:44 AM Parent: #29
شالهم شكله اتحسّس هههههه
Post: #36 Title: Re: أها، هسّع دا وللآ دا ؟... Author: يحي قباني Date: 04-04-2016, 07:06 AM Parent: #32
Quote: شالهم شكله اتحسّس هههههه
طيب ما انا كمان اتحسسته من الطبله ... ما كنت تشيلها يا بكري و تخلي الناس تتناقش ...
ديموقراطية ليها انياب على قولة أنور السادات ...
Post: #30 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 06:42 AM Parent: #28
ختيت مثالين واحد فيهم ضارب و يكفي لدحض منطقك, اثبات نظرية ما يحتاج لنسبة تقارب الـ 100 % من العينة لكن لدحضها يكفي اثبات مخالفة عنصر واحد فقط و زدتك من الشع بيت وجبت ليك مثالين تاني زيادة خارج عينتك واحد فيهم يشابه ظروف فرضيتك (عودة غائب)
شفت الغلاط كيف هههههههه
Post: #33 Title: Re: أها، هسّع دا وللآ دا ؟... Author: يحي قباني Date: 04-04-2016, 06:51 AM Parent: #30
Quote: شفت الغلاط كيف هههههههه
انا بقدر عليك ...
بركة زاتو الطبلو ... ما كان خلصت منك ...
Post: #34 Title: Re: أها، هسّع دا وللآ دا ؟... Author: جلالدونا Date: 04-04-2016, 06:51 AM Parent: #28
شنو هو رجعنالك و غلاط سنارى تجاوزت و امعنت ثم رفعت و ادللت لغتكم دى ما عندنا ليها راس امشو اتحامرو بعيد وللا اقول ليكم صاحبكم الدسيس رامى ليهو كم صاجة محتاجة دقارات من نوع ما عارفو شنو داك وافقوهو و اتوافقو معاهو مع اطيب منانا البوست ده اغراضو دنيونية مديونة بالغلب الغلب سيدو و الحش فى زمن الرسم و قومو لفو و عاش ابو . . . .
حسين
Post: #35 Title: Re: أها، هسّع دا وللآ دا ؟... Author: جلالدونا Date: 04-04-2016, 06:59 AM Parent: #34
اممممممممك اها لصقو ليهو قال بريد قال اها عشان تانى ما تتفولح وتسرح فى خلا البورد من غير فهم اها بريدك شنو ما تقول لى بتاعت ما بحمل بلاك ديك و يا بكرى وكت رديت يا ريت تشيل طبلتك ديك انو رصتك الفوق دى ما عندها علاقة بالطبلة ديك _____ مع ظهزر الهزبر نتوقع هروب جرجير و يا تنظير مساك رب الخير بالخير و يعيش ابو . . , . . .
. رضى الله عنه
Post: #37 Title: Re: أها، هسّع دا وللآ دا ؟... Author: جلالدونا Date: 04-04-2016, 07:26 AM Parent: #35
Quote: بركة زاتو الطبلو
يا خسارة مداخلتى فيهو _ واااى انا مداخلة ان شالله ما تكون عوقتك _ لا لا الحمد لله جات سليمة _ عليك الله اعفى لى لو كان وجعتك _ لالا ما وجعتنى .. ورقد فوق عنقريبو لو تغشاهو نومة _ قبانى ان شالله قفلت الطبلة دى ما تكون حرقتك - لالا ما حرفتنى - كر علىّ يا قبانى باقيلى وجعتك - لا لا يا البكرية كل شى تمام - قبانى اعفى لى ما كان بى خاترى ..طبلة و جات واقعة من السما .. ما كان بى ايدى - ما تشيلى هم يا بت البادراب امشى نومى نومك بعد صنّة و كدى _ الحبيّب .. عليك الله طبلوك القبانى عمل فيها ما سامع _ و طبلة الجن دى ما عندك مفتاحا القبانى عمل اضان طرشا _كر علىّ .. قوم فلسا القبانى اتململ . يا بت الناس دى طبلة قبانيت _ بسم الله حويتك بى كليمات الله التامات .. مسوجرة يا قبانى اجيب ليك تلج
Post: #38 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 07:43 AM Parent: #37
(جلدون) ههههه امش نوم ياخ انتو الساعة عندكم قريب واحدة صباحا
Post: #39 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:01 AM Parent: #38
مالكم عاملين ظيّة ؤ زمبريطة، ما شايفين الريس في المرور ؟.
خربانة من كبارا يا ود البشرى، البيه طلع من أصحاب المُعلقات !...
Post: #40 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:18 AM Parent: #39
Quote: لا يا حبيب لا دا و لا دا لكن البجينا فى البريد بنرفعوا فوق يعنى انت او اى شخص اخر رسل لى كرتون بكره حا يكون فى صفحة الاخبار و و صفحة الكرتون
يعنى ما فيها تميز او يحزنون هاك امثلة
سلآمات يا ريس، طلتك بالجد اسعدتني ؤ يا ريت نشوفك في كالقري قريب . لم يكن الأمر في البوست الأوّل كما بدأ لك، لكن حبينا نلفت نظرك إلي موهبة فذّة هنا تستحق التشجيع ولو برفع الكراكتير فوق، أو بالإشادة من جانبك بكتابة مدآخلة في البوست او إفتراعك لبوست منفصل عن الزميل صاحب الرسم الذي لا يخلو من إبداع ظاهر، لكن المفاجاءة كانت طبلك للبوست !، وكما ذكرت لك إستعملت إسمك في العنوان بغرض الإثارة حتي يتم لفت نظر الناس لزميل يحمل كل هذا الزخم من الإبداع . ليس المقصود التمييز بين عبد الرحيم والزميلين عمر وود ابو بقدر ما هو إضافة لهما يمكن ان تخلق عقد مقارنة وتفتح باب نقد يفيد الجميع . غايتو تمييز مافي لكن يحزنون دي ما بعرفا . لك كامل مودتي، وألف شكر علي الطلة والتوضيح ...
Post: #41 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:25 AM Parent: #40
Quote: لا يا حبيب لا دا و لا دا
Post: #42 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:28 AM Parent: #41
Quote: هي لكن البغلة في الإبريق من الليلة ولا البارح!!!!
غايتو البغلة مخيّرا يا ايمن، عِلآ انا خاسة نفسي الدخلة في اللِبريق دي ما بقدر عليها ...
Post: #43 Title: Re: أها، هسّع دا وللآ دا ؟... Author: أيمن الطيب Date: 04-04-2016, 09:32 AM Parent: #41
لادا ولا دا!!!داك
Post: #44 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:39 AM Parent: #43
Quote: لادا ولا دا!!!داك
إنت قباني داك طبلولو شنو ؟...
Post: #45 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:46 AM Parent: #44
اكِنّك يا صلاخ الزبير بتقيف في صف ود المشرف عشان يطبلوني ؟، سمِح عاد ...
Post: #46 Title: Re: أها، هسّع دا وللآ دا ؟... Author: معاوية المدير Date: 04-04-2016, 09:52 AM Parent: #45
Quote: المادة واحد من اللائحة: التدخل في شؤون الإدارة و خيار رفع الكاريكاتيرات من صميم شؤون الإدارة, الاعتراض عليه يعتبر قدح في ذائقتها الفنية لذا:
الطبلة يا ريّس ... الطبلة
الكلآم دا وين ؟. الطبلة واللِستيكة يدخلن علي العدو، وحات الله اللِتنين حارات، الطبلة طبعاً ضقتها واللِستيكة ضوقني ليها كبر . إتحصبت الله من الطبلة تاني ...
Post: #47 Title: Re: أها، هسّع دا وللآ دا ؟... Author: معاوية المدير Date: 04-04-2016, 10:06 AM Parent: #46
Quote: بالفعل ... مدرسة عز الدين عثمان رحمه الله ...
قباني يا صديقي، مافي شك والزميل مبدع ...
Post: #48 Title: Re: أها، هسّع دا وللآ دا ؟... Author: معاوية المدير Date: 04-04-2016, 10:20 AM Parent: #47
Quote: أهااااا.. عايز تنادي بعودة ابوحسين كمان؟؟؟
ياااااااااااااااااااااا حليلو، العبرة زاتا خنقتني والبوست مِسِخ علي ...
Post: #49 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 10:21 AM Parent: #47
Quote: سلآمات يا ريس، طلتك بالجد اسعدتني ؤ يا ريت نشوفك في كالقري قريب .
اليشوف النفخة و القيامة يقول قلنا الليلة ما بفرزوكم إلاّ بالصلع آخرتها (أسعدتني ) هههههههههههههههه
Post: #50 Title: Re: أها، هسّع دا وللآ دا ؟... Author: معاوية المدير Date: 04-04-2016, 10:47 AM
Quote: اليشوف النفخة و القيامة يقول قلنا الليلة ما بفرزوكم إلاّ بالصلع آخرتها (أسعدتني ) هههههههههههههههه
يا خوي قالوا، مدرآة المؤمن علي رقبتو حسنة، لكن إنت وقباني اللِتنين حاسدين نقلتو لي اللياقة هنا عشان يطبلوا لي البوست، مُش ؟، بصرها ليكم ...
Post: #51 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 10:53 AM Parent: #50
ههههه أبدا والله ما حسادة صدفة بس كتبت مداخلتي في بوست قباني قبل الطبلة ولما ضغطت اضف رد لقيتها مشت اللقيط - الحقوق لخليل أها بدل افتحبها بوست و عوارة وبتاع قلت النكتبها هني قبّاني حريف و بعرف محلّها وفعلا زبطت :)
بعدين لا تشيل هم, الريس يا يطبل يا يرد, وقت رد خلاص دا كارت بلانش للبوست تاني الحبة ما بتجيه, مش أكان ناديت بعودة ابوحسين وزيادة كوتة جاداتّ... أكان طقطقت دينق هيمسلف البوست آبتجيه عوجة تاني ههههههههههه
Post: #52 Title: Re: أها، هسّع دا وللآ دا ؟... Author: معاوية المدير Date: 04-04-2016, 11:07 AM Parent: #51
Post: #53 Title: Re: أها، هسّع دا وللآ دا ؟... Author: Salah Zubeir Date: 04-04-2016, 12:49 PM Parent: #51
Quote: اكِنّك يا صلاخ الزبير بتقيف في صف ود المشرف عشان يطبلوني ؟، سمِح عاد ...
شوف يا قريبي (سمح عاد ) فيها لوم محبب مافي شك لكن كدي أنشوف إتا مالك :- إتا سعلت سعالين :-
Quote: من يستحق الإشادة والتشجيع؟
وأنا جاوبتك = وللآدا = وهو عبدالرحيم حامد مافي ذلك شك.
Quote: مِنو البقدر يقول البغلة في اللِبريّق ؟
وأنا جاوبتك
Quote: البيحمو المريسة يقوم يشد العرقي
يعني إذا إعتبرنا بوستيك دا مريسة واحموك تشدها فسوات العرقي دا تضامن صريح من ود المشرف ومني. زي عملات ود اعمّك العندو غرغرينا في رجلو ,,, ساعت قطعوها والحريم زغردن حلف عليهو بالطلاق يقطعو التانية ,,, يعني فارقه شنو ,,,, إتا ود البشري دا ممسل بكري في الخليج ؟
Quote: المادة واحد من اللائحة
Post: #54 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 03:28 PM Parent: #53
Quote: تا ود البشري دا ممسل بكري في الخليج ؟
أبدا! بس مواطن صالح يؤدي في دوره الوطني :)
Post: #55 Title: Re: أها، هسّع دا وللآ دا ؟... Author: حمد عبد الغفار عمر Date: 04-04-2016, 06:34 PM Parent: #54
كيفك يا مدير
الكراكتير قد يعالج قضية بشكل أقرب للنكتة وقد يكون جادي جدا في معالجتو للقضايا وبختلف التجاوب معه من خلال ملامستة لإحساس المتلقي.
مبروك رد الريس الطبلة فارقتها خلاس
أبو حسين خلي يغطس
Post: #57 Title: Re: أها، هسّع دا وللآ دا ؟... Author: طلحة عبدالله Date: 04-04-2016, 07:02 PM Parent: #55
بقيتو تتفسحوا والريس هيمسلف يرد ليكم .. والله أيامكم . عطفا على البوست والله بقيت لما أنوي أدخل البورد دا بشيل هم يكون في كاركتير لود أبو معلق فوق .. أو بوست لحارق البخور حامل النوبة العوير .. غايتو بقرأ يسن وأية الكرسي وبدخل .
Post: #58 Title: Re: أها، هسّع دا وللآ دا ؟... Author: Muna Khugali Date: 04-04-2016, 07:06 PM Parent: #55
أنا يا شباب بكون دايرة لي سنتين علشان أقدر لغة البورد وأفهم أكتر ظروف إستخدامها..
طبلة من غير رقص وأستكيه من غير قلم.. والافظع من كل شيء لقيت إسم البوست حقي ومافهمت الحاصل شنو.. تاني واحدة صباحا انا بحرس البورد ده
Post: #56 Title: Re: أها، هسّع دا وللآ دا ؟... Author: محمد حيدر المشرف Date: 04-04-2016, 07:02 PM Parent: #1
Quote: طلتك بالجد اسعدتني
ههههههههههههههههههه .. ق قرقرقرررررررررررررررررررررررررررررررر ..ز أحييييي يا بطني .. ههههههههههههههههههههههههههههههههههههههههههههههههههه
Quote: نشوفك في كالقري
المنبر عن سيدو والناس تريدو يا عملات حبوبة منو داك اسمو منو .. ههههههههههههههههههههههههههه .. آآآآآآخ .. غايتو .. في انتظار جلالدونا ...
Post: #59 Title: Re: أها، هسّع دا وللآ دا ؟... Author: محمد حيدر المشرف Date: 04-04-2016, 07:09 PM Parent: #1
ابوحسين اتلعب يا شباب .. موش لا بواكي له .. ديل احتمال لو بكري شاورهم يقولو ليهو اديهو طلقة في راسو يا ريس :)
.. غايتو كاراكتير الليلة سمح :)
Post: #60 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 08:16 PM Parent: #59
Quote: طبلة من غير رقص وأستكيه من غير قلم.. والافظع من كل شيء لقيت إسم البوست حقي ومافهمت الحاصل شنو.. تاني واحدة صباحا انا بحرس البورد ده
يا منى يااااخ اهي دي الطلّة البتسعد يا ود المدير
عايني يا منى الطبلة دي زمان كان اسمها بنشرة اللساتك, حركة كدا بدل حذف البوست تعطيل زر الردود الجديدة بالتلي تلقائيا البوست بدون ردود ترفعه فوق يغرز ويحتل تحت, سيد البوست عينه ليه ما يقدر يقول حذفوه لكن كمان ما يقدر يرفعه الجديد انو الخاصية دي - تعطيل زر الرد أو ما عرف بالطبلة - بقت متاحة لكاتب البوست في التعديلات الجديدة ومعاها ما يعرف بالإستيكة و هي إمكانية مسح مداخلات من البوست الأنت فاتحه, وممكن تمسح البوست كامل و ممكن - للناس المميزين و عندهم مكتبات و هم في البوست دا أنا و انت وبكري فقط و البتفاصحوا ديل جت معلّمين الله :) - يمكن تحويل البوست لمكتبتك بالنسبة لسيرة البوست بتاعك دي سمح الغنا في خشم سيدو :)
Post: #61 Title: Re: أها، هسّع دا وللآ دا ؟... Author: محمد البشرى الخضر Date: 04-04-2016, 08:19 PM Parent: #60
آآ نسيت ... أبوحسين موقوف و يستاهل
كلنا بكري .. كلّنا الإدارة
:)
Post: #62 Title: Re: أها، هسّع دا وللآ دا ؟... Author: يحي قباني Date: 04-04-2016, 09:50 PM Parent: #61
Quote: تعطيل زر الرد أو ما عرف بالطبلة - بقت متاحة لكاتب البوست في التعديلات الجديدة
يعني انا ممكن اكضب و أقول انا الطبلته البوست ؟ ( لزوم الاناقة و كده ؟ )
انا لو من بكري اعمل طبلة الجماهير لون و طبلتو لون تاني ... عشان نفرز ...
Post: #63 Title: Re: أها، هسّع دا وللآ دا ؟... Author: Muna Khugali Date: 04-04-2016, 11:49 PM Parent: #62
ا منى يااااخ اهي دي الطلّة البتسعد يا ود المدير
عايني يا منى الطبلة دي زمان كان اسمها بنشرة اللساتك, حركة كدا بدل حذف البوست تعطيل زر الردود الجديدة بالتلي تلقائيا البوست بدون ردود ترفعه فوق يغرز ويحتل تحت, سيد البوست عينه ليه ما يقدر يقول حذفوه لكن كمان ما يقدر يرفعه الجديد انو الخاصية دي - تعطيل زر الرد أو ما عرف بالطبلة - بقت متاحة لكاتب البوست في التعديلات الجديدة ومعاها ما يعرف بالإستيكة و هي إمكانية مسح مداخلات من البوست الأنت فاتحه, وممكن تمسح البوست كامل و ممكن - للناس المميزين و عندهم مكتبات و هم في البوست دا أنا و انت وبكري فقط و البتفاصحوا ديل جت معلّمين الله :) - يمكن تحويل البوست لمكتبتك بالنسبة لسيرة البوست بتاعك دي سمح الغنا في خشم سيدو :)
___________________________________
كتر خيرك والله يا ود البشري تكبدت مشاق الرد..قربت أتعقد بالله اسه الهيصة دي كوووولها بس تلاته العندهم مكتبات انكلودينق سيد البورد؟؟ والله دي ميزه حقو الزول اصلو ما يسيب البورد ويقعد بس يتابعها..
لكن يا ود البشري..أنت امس واحده صباحا حصل شنو؟؟
Post: #64 Title: Re: أها، هسّع دا وللآ دا ؟... Author: طلحة عبدالله Date: 04-05-2016, 08:39 AM Parent: #63
أضيف لود أبو وحارق البخور من القاعدين يطمموا بطني من البورد حامل المايكرفون، أنا عندي مكتبة أنا عندي مكتبة أنا عندي مكبتة ورراك عوك عاك الخ الخ الخ باقي ليهو تكة ويبقي سيد السمك .. معطوا شنبنا ياخ .
Post: #65 Title: Re: أها، هسّع دا وللآ دا ؟... Author: Muna Khugali Date: 04-05-2016, 09:25 AM Parent: #64
جينا نصبح علي رفقاءنا ونضحك شوية
أتاريه البورد ده فيه مرات قصص وحكايات
Post: #66 Title: Re: أها، هسّع دا وللآ دا ؟... Author: معاوية المدير Date: 04-05-2016, 09:33 AM Parent: #65
Quote: جينا نصبح علي رفقاءنا ونضحك شوية أتاريه البورد ده فيه مرات قصص وحكايات
والله يا منى فرحانين بيكي شديد من يومك الجيتي راجعة لأهلك ؤ ديارك وأحبابك . ليكي مودتنا ...
Post: #67 Title: Re: أها، هسّع دا وللآ دا ؟... Author: معاوية المدير Date: 04-05-2016, 09:37 AM Parent: #66
ألف شكر لك باشمهندس بكري إذ جعلتنا نتنسم اريج الديمقراطية في هذا الزمن كاتم الأنفاس، مشكور علي رفع الكراكتير فصاحبه يستحق وأنت أهل لرد الحقوق لأهلها ...
Post: #68 Title: Re: أها، هسّع دا وللآ دا ؟... Author: معاوية المدير Date: 04-05-2016, 09:44 AM Parent: #67
Quote: يعني إذا إعتبرنا بوستيك دا مريسة واحموك تشدها فسوات العرقي دا تضامن صريح من ود المشرف ومني.
ما تشوفوا لينا ختّة بتاعت صندوق ؤ تضامنوا معاي تدوني الصرفة اللُوّلة، يعني ما لقيتو تضامنوا معاي عِلآ بالمريسة والعرقي ؟، دي صحوبية شنو دي !؟...
Post: #69 Title: Re: أها، هسّع دا وللآ دا ؟... Author: معاوية المدير Date: 04-05-2016, 10:27 AM Parent: #68
Quote: كيفك يا مدير الكراكتير قد يعالج قضية بشكل أقرب للنكتة وقد يكون جادي جدا في معالجتو للقضايا وبختلف التجاوب معه من خلال ملامستة لإحساس المتلقي. مبروك رد الريس الطبلة فارقتها خلاس أبو حسين خلي يغطس
سلآمات، حمد لبد . يباركولك جديد الوِليدات، وألف شكر علي التعليق المفيد يا حبيب ...
Post: #70 Title: Re: أها، هسّع دا وللآ دا ؟... Author: معاوية المدير Date: 04-05-2016, 10:33 AM Parent: #69
Quote: بقيتو تتفسحوا والريس هيمسلف يرد ليكم .. والله أيامكم . عطفا على البوست والله بقيت لما أنوي أدخل البورد دا بشيل هم يكون في كاركتير لود أبو معلق فوق .. أو بوست لحارق البخور حامل النوبة العوير .. غايتو بقرأ يسن وأية الكرسي وبدخل .
حبيبنا يا تنظير، بعد طلة الريس دي بس فضلنا نمشي الحوار . يا سيدي قول يا لطيف ؤ خليك هنا ...
Post: #71 Title: Re: أها، هسّع دا وللآ دا ؟... Author: Muna Khugali Date: 04-05-2016, 11:08 AM Parent: #61
ابو حسين موقوف؟؟ ليه يا بكري عمل شنو؟؟ لي منه سنوات طوال تحياتي ليه
Post: #72 Title: Re: أها، هسّع دا وللآ دا ؟... Author: معاوية المدير Date: 04-05-2016, 11:15 AM Parent: #71
Quote: ابو حسين موقوف؟؟ ليه يا بكري عمل شنو؟؟ لي منه سنوات طوال تحياتي ليه
إنت ما سمعت بالآية البتقول، لا تسألوا عن اشياء ؟، اها عآد شيلي شيلتك، شكلك كدا جاية عشان ترجعي فوق دربِك ...
Post: #73 Title: Re: أها، هسّع دا وللآ دا ؟... Author: معاوية المدير Date: 04-05-2016, 11:29 AM Parent: #72
Quote: ههههههههههههههههههه .. ق قرقرقرررررررررررررررررررررررررررررررر ..ز أحييييي يا بطني .. ههههههههههههههههههههههههههههههههههههههههههههههههههه المنبر عن سيدو والناس تريدو يا عملات حبوبة منو داك اسمو منو .. ههههههههههههههههههههههههههه .. آآآآآآخ .. غايتو .. في انتظار جلالدونا ...
تضحك بلآهن يعجبك خلآهن، يا قول صديق مهدي . ياخوي قريبك حويط، ما تشوفوا كدي، بعدينك انا لآمن اشوف الريس دا راسي بيبقى زي راس ازهري . ازهري الله يرحمو قالوا، دخل الإنتخابات ببرنامج فيهو مشاريع كتيرة وعد بتنفيذها . اها، بعد فاز عمل نايم، بعدينك في صحفي سألوا، يا سيادة الرئيس إنت في برنامجك الإنتخابي وعدت بمشاريع لم تنفذ منها شي ؟. وكان ان جاوبه ازهري قائلاً، والله يا ولدي الكرسي دا من تقعد فوقوا راسك دا يقعد يسوي زنن، زنن، زنن ...
Post: #74 Title: Re: أها، هسّع دا وللآ دا ؟... Author: Muna Khugali Date: 04-05-2016, 12:06 PM Parent: #73
والله يا معاوية مبسوطة بالرجوع وبلمتي معاكم هنا.. صحي كنا بنتقابل في الفيس لكن برضو ما زي هنا..
............ ............
الموضوع خلاص وقع لي بكري رفع بوست رجعنالك وبوست سناري.. حصل الحصل من كلامات فقام بكري نزل البوستات..
موش؟؟ غايتو بوست سناري بوست جميل وكنت اول ما قريته عايزه أدخل فيه لكن أجلت الموضوع شويه ..اصعب مافي تناول تلك المواضيع الفي البوست إنها مواضيع موجوده منذ الأزل وكثر الحديث فيها ولكنها ماشية للأسوأ يعني تناولك ليها عايز مجهود.. أما بوست رجعنالك ففي رأيي بكري بيكون رفعه لأنه بيعكس روح المنبر في زمن ماضي رغم أنف زمن الشكل والترصد.. يعني الموضوع الأساسي فيه هو روح المحبة الخاصة بالمكان ده..وهو مكان يهم القراء ويهم صاحب البورد نفسه وبالطبع العضوية إذا المغالطة او الإتفاق علي أنه بوست يستحق التعليق فوق لا يهم كثيرا إذ أن الأمر لا يتعلق بكاتب البوست او بموضوع سياسي أو خبر عظيم أتت به كاتبة البوست...إنما يتعلق بمالك البورد الذي يبحث عن إصلاح حال البورد بطرق مختلفة من وجهة نظره الخاصة. يعني زي مثلا موضوع الطبلة والأستيكة والإرسال للمكتبه وبتكون في حاجات تانية انا ماعارفاها..
طيب أنا إحساسي وين من الموضوع ده؟؟
إحساسي إني عبرت عن نفسي وعن فرحي..وعبرت عن إفتقادي لقيم كتيرة متمنياها ترجع..وعن حب لرفقة قديمة وبالتالي لا يهم أبدا بالنسبة لي أن يعلق البوست فوق أو في أسفل الصفحة..أقصد أن التعليق فوق لا يضيف لي شيئا ولا الإحتجاج علي تعليقه يهمني كثيرا..يهمني قدر الذين تداخلوا معي وتأكيدهم علي المحبة بترحابهم الجميل المقدر...
أما بعد.. أبو حسين جد جد مافي؟؟
Post: #75 Title: Re: أها، هسّع دا وللآ دا ؟... Author: محمد حيدر المشرف Date: 04-05-2016, 01:52 PM Parent: #74
Quote: أبو حسين جد جد مافي؟؟
والله يا منى من ناحية هو مافي مافي .. الا انو روحو والله ما زالت تحلق في المكان وفي القلوب ..
... خوة المونساتية خوة لساتك بس :)
Post: #76 Title: Re: أها، هسّع دا وللآ دا ؟... Author: جلالدونا Date: 04-05-2016, 02:37 PM Parent: #75
يمين الله يا مشرّف ابوحسين مع انو فقر لكين ليهو وحشة و طالبنا بى رجوعو لكن نعمل شنو مع الخور و الطبل الحايمات ديل ياخى واحد صاحبى اليومين دي لا يحلو له الا ان ينادينى بى ابو طبلة لامن عمل لى حساسية ذاتو و معاها عقدة بقينا نعاين لى بوستات التضامن معاهو و نصم خشمنا كان قلنا كلمة يمكن يطبلوها اتعامل الان بالتضامن السرّى زى قوم لف
Post: #77 Title: Re: أها، هسّع دا وللآ دا ؟... Author: Muna Khugali Date: 04-05-2016, 02:41 PM Parent: #75
والله يا منى من ناحية هو مافي مافي .. الا انو روحو والله ما زالت تحلق في المكان وفي القلوب .. ____________________________
سلام إذا علي روحه الطيبة حتي يرجه ويحلق بقلمه مع روحه
انتو صحي المداخلات عندها عدد؟؟ اوعو ترسلوني تقولوا لي أقري القوانين..بس ردوا لي هنا المداخلات عددها كم في اليوم يا حيدر؟؟
Post: #78 Title: Re: أها، هسّع دا وللآ دا ؟... Author: محمد حيدر المشرف Date: 04-05-2016, 03:12 PM Parent: #77
لا لا يا منى الناس الطبيعيين زيي وزيك واحتمال جلالدونا .. ديل ما عندهم عدد .. يكتبوا سااااكت .. اها بعداك وبمقدار لاطيعيتك تقل المداخلات .. في ناس سمعنا انو ادوهم مداخلة وااااحدة في اليوم يا منى .. تخيلي !!!
Post: #79 Title: Re: أها، هسّع دا وللآ دا ؟... Author: Muna Khugali Date: 04-05-2016, 05:37 PM Parent: #78
الناس الطبيعيين دي عجبتني شديد وخلتني كده أشعر بغرور وناس مداخلة واخده دي اسه يجاملوا بيها في عزا ولا في فرح ولا يشتموا بيها؟؟ وقطعا ما هايقدروا يفتحوا بوست..وإن فتحوا بوست ما بيقدروا يردوا علي الناس..موش؟؟
أتاري في بوستات أسيادها بيفتوحا ويفوتوا
اوعي تكون بتهظر يا محمد حيدر؟؟
Post: #80 Title: Re: أها، هسّع دا وللآ دا ؟... Author: معاوية المدير Date: 04-05-2016, 08:48 PM Parent: #79
Quote: لا لا يا منى الناس الطبيعيين زيي وزيك واحتمال جلالدونا ..
وانا زاتي، كان ماك عارف اعرف . جلالدونا دا انا كان في يدي طبلة كان لحقتو ابو حسين، مع كامل تضامني مع الريس .
منى دي بعد رجعت بِقت سعالة خلاس . والله صحي ...
Post: #81 Title: Re: أها، هسّع دا وللآ دا ؟... Author: جلالدونا Date: 04-05-2016, 10:20 PM Parent: #80
غايتو جنس غايتو هسى عليكم الله كان انتا كان هو كان هى الكاشف ده مالكم عليهو ___ أى نعم هى بقت سعّالة لكين داك بتلولو فى الرد مالو ؟ علامة الاستفهام دى عشان ما تكرّهنا بالتنبيه
Post: #82 Title: Re: أها، هسّع دا وللآ دا ؟... Author: محمد حيدر المشرف Date: 04-05-2016, 10:28 PM Parent: #81
هههههههههههههههههههه ..
ياخي دي ونسة طاعمه بشكل ..
Post: #83 Title: Re: أها، هسّع دا وللآ دا ؟... Author: Muna Khugali Date: 04-05-2016, 11:33 PM Parent: #82
والله فعلا يا معاويه انا لاحظت ذاتي كده..اسه شوف من أمس لليلة كم سؤال زمان ذاتو ما جايبة خبر.. حركات حبوبات نسوي شنو
كلامك صح يا جلالدونا..أسئلة مجرد أسئله ولا غضاض في ذلك
أقول ليكم كلام؟؟ والله العظيم وحشتوني كتير وأسه ود البشري وقباني والباقيين لو جو يتونسوا معانا كان بيكون فيها شنو؟؟ أصلو كد ولا كده الكاريكتير ياهو داك فوق.. وبوست سناري وبوست مني خوجلي نزلوهم.. ومعاويه بكل لطف وتقدير شكر بكري.. إذا لا بأس إن غيرنا الموضوع لونسه وحتي لو الونسة كانت عن النساء المودعات القطر في البروفايل ديل
Post: #84 Title: Re: أها، هسّع دا وللآ دا ؟... Author: معاوية المدير Date: 04-06-2016, 11:37 AM Parent: #83
Quote: وحتي لو الونسة كانت عن النساء المودعات القطر في البروفايل ديل
ليه لا يا منى ؟، ؤ ياريت تفتحي ليها بوست منفرد لأنو الصورة دي ليست مجرّد صورة ؤ بس، دي زي ما قال أُستاذنا محمد المرتضى سَفَر . أفتحي بوست ؤ يكون زيادة الخير خيرين، والصورة في حد زاتها تقبل بوستات وبوستات . في صورة بروفايل معاوية المدير.. الجديدةفي صورة بروفايل معاوية المدير.. الجديدة عاطر التحايا لأخي معاوية الزبير وضيوفه الكرامـ ...
Post: #85 Title: Re: أها، هسّع دا وللآ دا ؟... Author: Mahamed Eltaze Date: 04-06-2016, 11:50 AM Parent: #1
السلام عليكم كتب محمد حيدر
Quote: لا لا يا منى الناس الطبيعيين زيي وزيك واحتمال جلالدونا .. ديل ما عندهم عدد .. يكتبوا سااااكت .. اها بعداك وبمقدار لاطيعيتك تقل المداخلات ..
يا محمد انا جديد محدد ده صنف جديد انتا ماذكرتو مع الناس ديل وله الجديد مع الناس الماطبيعين وكتبت الأستاذة مني خوجلي
Quote: وناس مداخلة واخده دي اسه يجاملوا بيها في عزا ولا في فرح ولا يشتموا بيها؟؟ وقطعا ما هايقدروا يفتحوا بوست..وإن فتحوا بوست ما بيقدروا يردوا علي الناس..موش؟؟
والله حاره خلاص يا أستاذة نحنا عندنا 20 مداخله وبعد داك تقعد تاكل في نفسك بس وتعاين لي ناس محمد حيدر وتلم مداخلاتك كلها في مداخله واحده بس وتحاول وتفتش وتستني وتنمغس - زي دعايه بف باف يتوغل ويستمر وينتشر ويقتل ديك - بس دي البتبقي علينا وفي النهايه يصنفوك مع الناس الماطبيعييين وكتب معاويه
Quote: وانا زاتي، كان ماك عارف اعرف . جلالدونا دا انا كان في
حتي معاويه مصنفنا مع الناس الماطبيعية
إحنا الجداد لينا الله وعيشة السوق غالب علي حكمه
Post: #86 Title: Re: أها، هسّع دا وللآ دا ؟... Author: Hani Arabi Mohamed Date: 04-06-2016, 11:51 AM Parent: #1
تحياتي
رأيي الخاص أن "ود أبّو" مع احترامي الكامل له يرسم "كارتون" وهو أشبه بقصص عمك تنقو وفنجاط وميكي وعم دهب وبطوط وأبطال ديزني ومجلة ماجد وهو فن منفصل عن الكاركتير .
لا يقدح هذا الرأي في فنه من شيء ولا يعتبر ملزماً لأي أحد ،
Post: #87 Title: Re: أها، هسّع دا وللآ دا ؟... Author: معاوية المدير Date: 04-06-2016, 12:09 PM Parent: #86
Quote: حتي معاويه مصنفنا مع الناس الماطبيعية
إحنا الجداد لينا الله وعيشة السوق غالب علي حكمه
عليكم الله شوفوا الزول الماطبيعي دا فتح فِينا كيفِن !؟، بالمناسبة يا ود المشرف الزول دا تمّ تصعيدوا من شباك الفيس، ما الزول بتاع الروك الزمان دآك شباك فيس بكري ...
Post: #88 Title: Re: أها، هسّع دا وللآ دا ؟... Author: Mahamed Eltaze Date: 04-06-2016, 03:26 PM Parent: #1
السلام عليكم
Quote: عليكم الله شوفوا الزول الماطبيعي دا فتح فِينا كيفِن !؟
أسي عليك الله انا إنفتحته وله ود المشرف براهو صنفنا مع الناس الماطبيعيه ؟؟!!!! ما أنحنا عندنا مشاركات بسيطه بس نعمل شنو بس ورينا الحل بي يد صاحب الحل بعدين دي الدعايه - تشاهد غدا - خليها مستورة
Post: #89 Title: Re: أها، هسّع دا وللآ دا ؟... Author: معاوية المدير Date: 04-07-2016, 09:06 AM Parent: #88
Quote: تحياتي رأيي الخاص أن "ود أبّو" مع احترامي الكامل له يرسم "كارتون" وهو أشبه بقصص عمك تنقو وفنجاط وميكي وعم دهب وبطوط وأبطال ديزني ومجلة ماجد وهو فن منفصل عن الكاركتير . لا يقدح هذا الرأي في فنه من شيء ولا يعتبر ملزماً لأي أحد ،
تسلم ويسلم رايك يا هاني، ومشكور علي المشاركة . تحياتي ...
Post: #90 Title: Re: أها، هسّع دا وللآ دا ؟... Author: معاوية المدير Date: 04-07-2016, 11:27 AM Parent: #89
Quote: السلام عليكم
وعليكم السلآم . مبسوطين شديد بوجودك معنا يا محمد ...
Post: #91 Title: Re: أها، هسّع دا وللآ دا ؟... Author: محمد حيدر المشرف Date: 04-07-2016, 10:38 PM Parent: #1
وعليه يكون التصنيف كالآتي طبيعي .. غير طبيعي و ... جديد محدد ..
والجديد المحدد هو منزلة بين المنزلتين وفي طور النمو نحو احداهن كما ورد في قاموس بكري للجيب .. واظنك يا محمد من الطبيعيين ..
Post: #92 Title: Re: أها، هسّع دا وللآ دا ؟... Author: Mahamed Eltaze Date: 04-07-2016, 11:14 PM Parent: #1
السلام عليكم
Quote: وعليه يكون التصنيف كالآتي طبيعي .. غير طبيعي و ... جديد محدد ..
والجديد المحدد هو منزلة بين المنزلتين وفي طور النمو نحو احداهن كما ورد في قاموس بكري للجيب .. واظنك يا محمد من الطبيعيين ..
معقولة بس ياود المشرف تساوي بين الثريا والثري تساويني انا مع الاستاذه مني خوجلي ومعاويه المدير ود المشرف ماعصرته علي انا شويه كدا مفروض يكون التقسيم لي اربعه طبيعي وماطبيعي جديد محدد ومحدد تحت التدريب وانا في الحاله دي بكون ماشي لي محدد تحت التدريب