باعتباره (مكيف) وطني يتبع لتصنيف (الفلكلور).. فهل سيتحول إلى تصدير علني) ويكون له وكلاء داخل وخارج البلد ، وبصورة علنية، تتبعها دعايات وحملات تشجيعية ؟؟؟؟
Post: #2 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 09:45 AM Parent: #1
قد تتسبب هذه اللوحة الترحيبية في إرتفاع أسعار التمباك بكل أصنافه، وأن كثيرين - يبدو - أنهم سيعلنون (السف) لذوي القرابة بعد أن كانوا يسرون به فقط إلى المقربين من أولي الصداقة و أولي الغربى ، لأنهم كانوا يعتقدون (بعيبه) وقبح إعلانه! وقد تدخل هذه السلعة (الكيفية) مرحلة الإحتكار أسوة بالذرة والقمح و السكر والغاز، ولن نتفاجأ إذا وجدنا سعر التمباك بين الين الياباني والدولار الكندي والدرهم الإماراتي وسط البورصة العالمية ، صعودا وهبوطا، بحسب الطلب المحلي والإقليمي والدولي، بحسب موسم حصاده أو ندرته في الأسواق العالمية. شفتو كيف ممكن الأمور تتطور؟
Post: #3 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 09:51 AM Parent: #2
ونسبة للحظر العالمي على السودان، فلا يستبعد أن تقوم دولة أخرى برعايته وتسويقه نيابة عن الغير... ليظهر في البورصة (القطرية مثلا) سعر الإفتتاح والإغلاق لسلعة التمباك!
Post: #4 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 09:56 AM Parent: #3
وكمان يوضع في أرفف متجري أمازون (Amazon) و إي بي(eBay) والمتاجر الإفتراضية الأخرى. ويشترى باستخدام البطاقات الإئتمانية !
Post: #5 Title: Re: مؤشر التمباك في البورصة العالمية ... هل سير Author: حامد عبدالله Date: 04-02-2016, 10:11 AM Parent: #4
Quote: وكمان يوضع في أرفف متجري أمازون (Amazon) و إي بي(eBay) والمتاجر الإفتراضية الأخرى. ويشترى باستخدام البطاقات الإئتمانية !
http://postimage.org/ http://postimage.org/image hosting over 10mb
سلام وبعد
حيكون دخولو متاخر جدا للسوق العالمية
وروود
Post: #10 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:24 AM Parent: #5
شكرا لأخ حامد على افتتاح المداخلات:
Quote: حيكون دخولو متاخر جدا للسوق العالمية
تعتمد على قوة إعلامه . ولكن في الآخر سيكون له قوة شرائية ... ولو هزيلة.
Post: #6 Title: Re: مؤشر التمباك في البورصة العالمية ... هل سير Author: Saifaldin Fadlala Date: 04-02-2016, 10:34 AM Parent: #4
Quote: ويشترى باستخدام البطاقات الإئتمانية
يا زول تمباكنا السوداني ده وسخ جدا فيهو بعر حمير وعشر وواحدين بضيفو بنج حصين مفروض التلفزيون يصور مراحل اعداد التمباك
Post: #7 Title: Re: مؤشر التمباك في البورصة العالمية ... هل سير Author: الطيب عباس Date: 04-02-2016, 10:54 AM Parent: #6
التحيه ليك يا قصي ولضيوفك سفه كل 5 ساعات ههههه التمباك دا خطير باللبن لي معاهو تجارب هههههههههههه حكياتا ليكم قبل كده هنا نصيحة مجرب.. تعامل مع السفة قرابة ال10 سنوات وتخليت عنها بفضل الله كيف تتخلص م�...�بح التمباك نصيحة مجرب.. تعامل مع السفة قرابة ال10 سنوات وتخليت عنها بفضل الله كيف تتخلص م�...�بح التمباك سف واتمبك وادي الجنبك انا بنصح كل زول بسف يخلي السفه ويسف مناديل ورق او اي شي وهي مجرد رفعه شلوفه ونفسسيات ساي والله واستعن بالله بتسيبو والله عالم خرمانه .. علي قول مجيدكو عالم بطاله هههههه
Quote: يا زول تمباكنا السوداني ده وسخ جدافيهو بعر حمير وعشر وواحدين بضيفو بنج حصينمفروض التلفزيون يصور مراحل اعداد التمباك
Post: #13 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:37 AM Parent: #7
سلام الأخ الطيب أبو عباس الطيب:
Quote: التحيه ليك يا قصي ولضيوفك سفه كل 5 ساعات ههههه التمباك دا خطير باللبن لي معاهو تجارب هههههههههههه حكياتا ليكم قبل كده . سف واتمبك وادي الجنبك.. انا بنصح كل زول بسف يخلي السفه ويسف مناديل ورق او اي شي وهي مجرد رفعه شلوفه ونفسسيات ساي والله واستعن بالله بتسيبو والله عالم خرمانه .. علي قول مجيدكو عالم بطاله هههههه
أسأل مجربوما تسأل طبيب. شكرا على النصيحة ، تم ترفيع النصيحة وتلوينها بالأحمر ، عسى الله أن يتوب على من يشاء من عباده فيتوب بتوبة الله عليه من هذا الإبتلاء المضر صحيا ونفسيا وماديا .... واجتماعيا.
Post: #12 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:32 AM Parent: #6
مرحب الأخ سيف:
Quote: يا زول تمباكنا السوداني ده وسخ جدا فيهو بعر حمير وعشر وواحدين بضيفو بنج حصين مفروض التلفزيون يصور مراحل اعداد التمباك
يازول والله شوف عيني، حوالي عام 1991 كنا ثلاثة ، واحد ضارباهو خرمة سفة للآخر (عمره كان حوالي 16) ، و هو من النوع اللسه بيشحد ، يعني لسه ما أعلن الكيس. يازول والله أخوك ماصدق لقى ليهو سفة مرمية في أرض الملعب الترابي (بدأت تنشف) و على طول دنقر منقض عليها كالفريسة وعلى طول في بطن الشفة السفلى! تقول لي بنج الحصين المعقم داك ؟ ------ وبعدين ياخي الروشتة ممكن تغير من اتجاه الزول العالمي: ببعر حمير ، بدون بعر حمير ، ببنج ، بدون بنج ، ببعر حمير وبنج حصين ، بدون بعر حمير وببنج حصين، إلخ. غير يقولو ليك : نسبة بحر الحمير أقل من 3% . شفت كيف محن التسويق؟
Post: #8 Title: Re: مؤشر التمباك في البورصة العالمية ... هل سير Author: Frankly Date: 04-02-2016, 11:01 AM Parent: #1
التمباك أصلاً موجود في الأسواق العالمية ومنتشر بصورة كبيرة في الدول الاسكندنافية وبريطانيا وغالبية أوروبا وأمريكا وأمريكا اللاتينية ويتعاطاه بعض لاعبي البيسبول والأمركيان فوتبولوالغالب في استخدامه هو تناوله عبر الأنف ولكنه يوضع كـ"سفة" أيضاً
من مسمياته Sniff Tobacco, Dip Tobacco and Chewing Tobacco
وبذلك طبيعي أن يشترى ببطاقات الإئتمان
وكثير من السودانيين في أوروبا يستخدمونه بدلاً للتمباك
السوداني
,والنتيجة
stay safe!!!!
Post: #9 Title: Re: مؤشر التمباك في البورصة العالمية ... هل سير Author: muntasir Date: 04-02-2016, 11:24 AM Parent: #8
يا فرانكلي safe وكل شيخ قصي خليه يمسح مداخلتي
Post: #11 Title: Re: مؤشر التمباك في البورصة العالمية ... هل سير Author: Frankly Date: 04-02-2016, 11:30 AM Parent: #9
شكراً لتصحيح
typo
Post: #14 Title: Re: مؤشر التمباك في البورصة العالمية ... هل سير Author: عبد العزيز محمد عمر Date: 04-02-2016, 11:39 AM Parent: #11
تعال شوف مدرب الشباب السعودي البلجيكي السابق ( شنقها ) كيفن
Post: #17 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:52 AM Parent: #14
سلام الأخ عبدالعزيز:
Quote: تعال شوف مدرب الشباب السعودي البلجيكي السابق ( شنقها ) كيفن
من الطريقة ونفضة الكفين يبدو أنه خريج مدرسة تمبكة سودانية.. لاحظ اسمها عندهم "كالا" و "الشمة " وثالث اسم لها "التمباك" و رابع "الصعوط"!!!!!!!!
Post: #15 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:42 AM Parent: #8
شكرا الأخ Frankly على المساهمة في كتابة مقال عن التمباك.
Quote: التمباك أصلاً موجود في الأسواق العالمية ومنتشر بصرروة كبيرة في الدول الاسكندنافية وبرطانيا ويتعاطاه بعض لاعبي البيسبول والأمركيان فوتبول
والغالب في استخدامه هو تناوله عبر الأنف ولكنه يوضع كـ"سفة" أيضاً
من مسمياته Sniff Tobacco, Dip Tobacco and Chewing Tobacco
وبذلك طبيعي أن يشترى ببطاقات الإئتمان
وكثير من السودانيين في أوروبا يتخدمونه بدلاً للتمباك السوداني
نحنا البنعرفو وشفناه فقط فموي ، وأحيانا حبة استنشاقة من نفث الكيس الغازي قبل أو بعد السفة. لكن جرة نفس بالأنف - أعتقد - أنها مرحلة إدمانة تخطت حدود الخرمة.
Post: #16 Title: Re: مؤشر التمباك في البورصة العالمية ... هل سير Author: الجنيد حمد Date: 04-02-2016, 11:45 AM Parent: #15
تحية طيبة
الحبيب قصي تطيب ايامك
.......
كلو ولا التمباك ياخ ده الماسك راسنا
Post: #18 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 11:57 AM Parent: #16
حباب الجنيد، بركة الشفناك طيب.
Quote: الحبيب قصي تطيب ايامك
كلو ولا التمباك ياخ ده الماسك راسنا
يا زول شكلو ماشي نحو العالمية .. لكن أنا مع نصيحة أخونا الطيب عباس ، ووصيته كشخص مجرب ، وتارك له. - كدي جرب مناديل الورق (المعطرة) فترة من الزمن .. بس ما تصل مرحلة تدمنها وتبقى في البيفكك منها!
Post: #19 Title: Re: مؤشر التمباك في البورصة العالمية ... هل سير Author: الجنيد حمد Date: 04-02-2016, 12:06 PM Parent: #18
لو وصل العالمية طعمو بروح وسعرو بزيد هو حاليا كده بقى غالي
..........
اخونا الطيب عباس ده زول بركة علي الجزيمة حدثتني نفسي مرة اخليه ايام القراية والفلس وانا راجع على الداخلية المساء فنيت الكيس وقلت تاني ما ارجع ليه تب بالله لامن الساعة عملت واحدة في نص الليل لقيت روحي لافي في الفنقة بتاعة الكلاكلة ديك وافتش لكيسي اها من ديك قلت ليه تاني الا تعدم في الفاشر .
..........................
اديك فرمالة التبرير للتمبكجية
عمك طلع الحقة وداير يسف ولدو قالو يابا التمباك ده حرام فتح الحق ومواصل في تعديل السفة قالو ياولدي علماء قالوا حرام وواحدين قالوا مكروه اها نحنا بنسف لحدي ما يتفقوا .
ربنا يهدينا
Post: #20 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 12:12 PM Parent: #19
Quote: لو وصل العالمية طعمو بروح وسعرو بزيد هو حاليا كده بقى غالي
لو وصل العالمية سعروا بيدق الدلجة . العالم كله بيزرعه .. وكمان يجيك صحي ، يعني مغلف، و بمختلف الأوزان ، مازي حقنا .. التراب والعلالة مغيرة من لونو.
Post: #21 Title: Re: مؤشر التمباك في البورصة العالمية ... هل سير Author: muntasir Date: 04-02-2016, 01:07 PM Parent: #20
شيخ قصي شكلك في الجاهلية سفتك دُقار لوري
Post: #22 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-02-2016, 01:47 PM Parent: #21
سلام الأخ منتصر:
Quote: قصي شكلك في الجاهلية سفتك دُقار لوري
جاهلية مرة واحدة ، ولا غفلة ! الله يكفيك شر هذا الكيف الغير متقبل بكل النواحي. الصحية والإجتماعية والنفسية والمادية. شكرا على المرور الطيب
Post: #23 Title: Re: مؤشر التمباك في البورصة العالمية ... هل سير Author: الطيب عباس Date: 04-02-2016, 02:15 PM Parent: #19
Quote: لو وصل العالمية طعمو بروح وسعرو بزيد هو حاليا كده بقى غالي
..........
اخونا الطيب عباس ده زول بركة علي الجزيمة حدثتني نفسي مرة اخليه ايام القراية والفلس وانا راجع على الداخلية المساء فنيت الكيس وقلت تاني ما ارجع ليه تب بالله لامن الساعة عملت واحدة في نص الليل لقيت روحي لافي في الفنقة بتاعة الكلاكلة ديك وافتش لكيسي اها من ديك قلت ليه تاني الا تعدم في الفاشر .
كتار فنو الكيس في راس البيت وانصاص الليالي طلعو جابو ههههههه مرة اخوي خنقتو سفه وهو نايم جننتو جن ولي هسع بسف ... وكان لاقاك الصباح وشال منك سفه الصباح تاكد انو كيسك انتهي تب
هو مرضة وليس الا..
السعوط دا حكاويه مابتنتهي ههههههههه الغريبه الجعلين اهلنا ابوهو بكون عارفو بسف بس ما بسف قدامو احترااام قال هههه
Post: #24 Title: Re: مؤشر التمباك في البورصة العالمية ... هل سير Author: قصي محمد عبدالله Date: 04-10-2016, 08:48 AM Parent: #1
,والنتيجة