09:22 PM March, 26 2016 سودانيز اون لاين Awad Omer- مكتبتى رابط مختصر الليلة العيال في مهير بتتمزا من عصراً كبير حس النحاس رزّا بي غرب الجبل أدو الخُلوق هزا وكان حصل النقاص بدي القرين جزه الليلة العيال هَتَفْنْ لي جيّاتُنْ بي غرب الجبل وقعن حراباتن يا رب يا كريم تكتب سلاماتن شايل لي نضر أمرق كراماتن عيال أب جويلي الكمبلو وعرضو في دار كردفان اتغربو وسدرو ضربو الجوز عديل حاشا ما ضلو لي بنات البلد سمح الخبر جابو غني وشكري يا خدرة الورتاب فوق ود الفحل الليلة جبت جواب حقيت الاسم يا سالم الأرباب قدام العيال ركازه للمرغاب عيال اب جويلي الكمبلوا وعرضوا في دار كردفان اتغربوا وسدروا ضربوا الجوز عديل حاشا ما ضلو لبنات البلد سمح الخبر جابوا غني و شكري يأم قرقدا سايح من دار كردفان جانا الشناع فايح في الفاشر الكبير طلعوا الصايح دقوا الجوز عديل اصلوا العمر رايح دقي وزغردي يام قرقدا حسوا الليله بجيب القول علي البيسوا عيال اب جويلي الجيلوا وتعلوا ديل درب اب درق شقوا غني و شكري يا خدرة الورتاب فوق ود الفحل الليله جبتا جواب حقيت الاسم ياسالم الارباب قدام العيال ... ركازة للمرغاب