Post: #2 Title: Re: لناس جـوة.. هل كاشف الذهب مسموح باست Author: aosman Date: 03-24-2016, 08:33 AM Parent: #1
مرجعية: تشتغل كتير..تغلط كتير.. تترفد تشتغل نص نص..تغلط نص نص.. تتجازى ماتشتغلش خالص..ماتغلطش خالص .. تترقى النتيجة: عندك واسطة تدفع كتير مسموح على طول ما تدفع ما عندك واسطة يتصادر على طول.
Post: #3 Title: Re: لناس جـوة.. هل كاشف الذهب مسموح باست Author: ود الباوقة Date: 03-24-2016, 08:35 AM Parent: #2
عندك منو كم واحد
هههه
Post: #4 Title: Re: لناس جـوة.. هل كاشف الذهب مسموح باست Author: sadig mirghani Date: 03-24-2016, 10:36 AM Parent: #1
سلام اخ ابوالريش حقيقة انا ادخلت جهاز في العام 2012 دفعت جمارك زي 400 دولار فقط لا اعلم اذا تم تغير في القوانين لكن لو عاوز نصيحتي لو خاشي الدهب اخلع القصة بقت جايطة خالص لو عاوز تشتغل جيب جهاز فصل الدهب لو بالكهربا او بالموية اسمو سكانر دا بفصل ليك جرام الدهب من وسط الكرتة والكرتة رااااقدة اشتري كرتة وافصل براك وحقنا بره ههه
Post: #5 Title: Re: لناس جـوة.. هل كاشف الذهب مسموح باست Author: عادل شلبي Date: 03-24-2016, 11:50 AM Parent: #4
التحايا للجميع
الاخ sadig mirghani
Quote: و عاوز تشتغل جيب جهاز فصل الدهب لو بالكهربا او بالموية اسمو سكانر دا بفصل ليك جرام الدهب من وسط الكرتة
الرجاء مدنا بتفاصيل اكثر عن الجهاز وشكرا
Post: #6 Title: Re: لناس جـوة.. هل كاشف الذهب مسموح باست Author: Abureesh Date: 03-24-2016, 12:40 PM Parent: #5
**عندك منو كم واحد
هههه **
ود الباوقة حصل ليك شنو يا زول.. سحروك؟
ما قالوا مهذب وتقيل وشنو كدا ما عارف.. هل دى كبوة ام حقيقتك .. لكن المؤكد في الحالتين خفـة وعوارة.
Post: #7 Title: Re: لناس جـوة.. هل كاشف الذهب مسموح باست Author: sadig mirghani Date: 03-24-2016, 01:04 PM Parent: #1
والله الجهاز هنا في صيني في حدود ال ٢٠٠ مليون بالقديم بشتغل بالموية وبفصل الدهب من كرتة الحفر او النواتج واللي دي الفيها الشغل يعني لو اشتريت طن كرتة في جهاز روسي برضو بفصل الدهب بالكهربا انا ماشفتو انا شفت الصيني البلموية لكن حسب معلوماتي في الطن الواحد بديك من ١.٥ كيلو الي ٢ كيلو بواقع جرام ونص او جرامين للكيلو كرتة بتحتاج تصديق في اماكن التعدين تجيب سلك تسور وتجيل الجهاز يا اما تشتري كرتة من المعدنين الشوال حصل ٥٠ جنيه حسبما اعتقد او تاجر بوكلن حفار باليوم ينكت ليك كم طن وتقعد تفصل الجرامات بالجهاز وتبيع في ناس في مناطق الانتاج من تجار الدهب بشتروا بي سعر الجرام الخام بب ٢٥٠ مثلا دي معلومتي انا مشيت الشمالية الدهب وشفت الشغل بس القصة عاوزة راسمال تحياتي
Post: #8 Title: Re: لناس جـوة.. هل كاشف الذهب مسموح باست Author: عادل شلبي Date: 03-24-2016, 02:13 PM Parent: #7
الاخ صديق شكرا علي المعلومات وعندي اخوي شغال في هذا المجال وعندوة ترخيص كرتة الرجاء ارسال اسم الجهاز او الويب صايد ولك الشكر
Post: #9 Title: Re: لناس جـوة.. هل كاشف الذهب مسموح باست Author: sadig mirghani Date: 03-24-2016, 03:06 PM Parent: #1
اخ عادل شلبي تحياتي لك ممكن اتحصل ليك علي تلفون واحد عارض جهاز صيني للبيع لو تكرمت ارسل لي عنوان بريدك الالكتروني وانا برسل ليك تلفون الشخص في السودان
Post: #10 Title: Re: لناس جـوة.. هل كاشف الذهب مسموح باست Author: اميرة السيد Date: 03-24-2016, 03:35 PM Parent: #9
عزيزي أبو الريش
تدخل جهاز كشف الذهب اذا انت شتريت ذا الجهاز الجديد زاسمه Titan Ger Device وهو جهاز صغير ولكنه قو جدا وصناعة ألمانية... والجهاز بيدي إشارة في الشاشة اذا كان في ذهب على بعد 2500 متر من المكان الانت واقف فيه وأيضا على عمق 35 متر تحت الأرض... لكن الجهاز ثمنه غالي شوية اكثر من 8000 دولار.. لكن النتائج مضمونة .... وما زي الأجهزة الطويلة البتشبه الفاكيوم بتاع النظافة.. يعني عادي تكون شايل الجهاز في يدك او تديه لولدك يلعب بيه وكأنه لعبة أطفال .. ومافي زول حيصادر منك لعبة أطفال في المطار...( وجه ضاحك)..
.. وده فيديو يوضح كيفية استخدام الجهاز ومواصفاته... والجهاز موجود في نيويورك ..... وممكن تشتري مستعمل بسعر ارخص... والله يديك الصحة والعافية
Post: #11 Title: Re: لناس جـوة.. هل كاشف الذهب مسموح باست Author: محمد المسلمي Date: 03-24-2016, 03:50 PM Parent: #10
ابن عم الشيخ سلام مسموح مع دفع الرسوم الجمركية
Post: #12 Title: Re: لناس جـوة.. هل كاشف الذهب مسموح باست Author: Abureesh Date: 03-24-2016, 04:06 PM Parent: #11
الأخت العزيزة أميـــرة جبتي النجيضـة.. وأصلو الألمان ديل أهلنا من بدرى.. وما بسووا حاجة نيـة أبداً.. كنت افكر في جى بى اكس 5000 لكن وصفك ليه بالهوفر كرهنى ليه. وياريت لو تميتى جميلك وأديتينى العنوان اصلو انا اليوم كله بين مانهاتن وبروكلين.
Post: #13 Title: Re: لناس جـوة.. هل كاشف الذهب مسموح باست Author: عادل شلبي Date: 03-24-2016, 04:17 PM Parent: #11
الاخ صديق شكرا للاهتمام انا داير اسم الجهاز في الوقت الحالي وشكرا
Post: #14 Title: Re: لناس جـوة.. هل كاشف الذهب مسموح باست Author: sadig mirghani Date: 03-24-2016, 07:00 PM Parent: #1
اخ عادل عيونا ليك بس اعتر بي اسم الجهاز بتداخل معاك في نفس البوست