أبوحسين ليك وحشة .. وهلالنا رافع الضغط مليون.. يا بكري

Post: #1
Title: أبوحسين ليك وحشة .. وهلالنا رافع الضغط مليون.. يا بكري
Author: علي عبدالوهاب عثمان
Date: 03-21-2016, 09:06 AM

08:06 AM March, 21 2016
سودانيز اون لاين
علي عبدالوهاب عثمان-جدة
مكتبتى
رابط مختصر
أختلفنا إتفقنا أبوحسين ، محمد خليفة ، وائل وباقي المجموعة كل واحد ليه طعم في هذا المنبر ..
يا جماعة نحن في السودان في مجالسنا الونسة ما تكتمل إلا كان الناس ومختلف
أمزجتهم يكونوا موجودين ..
عندنا في قرانا في الشمال ( دنقلا ) المجلس لازم يضم الجميع .. هي باقة من الورد
بمختلف الألوان وعطور ..
أقرأوا قصيدة حميد ( عم عبدالرحيم ) ومجتمع ( المشرع ) والعكننة والاخوانيات
مجتمعات اللمة .. في البكيات والافراح وحتى في المقابر والفزع والنفير
تلقى إمام المسجد .. والزول المفتري .. واحد شارب كاسين .. الممرض .. المعلم ..
المستهبل .. والشايف نفسه .. كلهم أهل وأخوان و لاتكتمل الجلسة إلا بهذا التنوع
هي فلفسة الحياة وجمال أهلنا وصفاء ونقاء النفس .. بعيداً عن التمثيل والنفاق ..
يا أخي الكلام بالعامية صعب شوية .. ( ناس ضهاري الضهاري ) ..
بصراحة أنا مشتاق للجميع ..
خاصة أبوحسين .. فقد عظيم .. وكمان المريخاب مسيطرين على الوضع ..
مودتي للجميع ..

Post: #2
Title: Re: أبوحسين ليك وحشة .. وهلالنا رافع الضغط ملي�
Author: علي عبدالوهاب عثمان
Date: 03-21-2016, 09:13 AM
Parent: #1

جلسات الفزع والنفير .. في الاستراحة والوقت المستقطع أيام حش القمح ومقاومة الفيضان ..
ناس يشربوا دكاي وناس يصلوا بهناك العصر ..
وفي المشرع .. وبرندة الدكان .. الناس ينتظروا .. الكضاب والفنجري والمتقاعدين من مصر .. إلخ
حتى تلقى واحدة زي بت مجذوب ( موسم الهجرة إلى الشمال ) ..
في المدن الاندية ومواقف المواصلات ومدرجات الكورة ... الخ
نحن كده ..

Post: #3
Title: Re: أبوحسين ليك وحشة .. وهلالنا رافع الضغط ملي�
Author: محمد البشرى الخضر
Date: 03-21-2016, 09:17 AM
Parent: #2

كدي النلحق قبل الطبلة :)
سلامات يا علي, غن كنت عايز ابوحسين يرجع عشان سيطرة الوصيفاب فا النبّشرك, الفقر أبوحسين وصيفابي كبير ليه ضل مع انه ما بفهم التكتح في الكورة لكنه في النهاية وصيفابي لسان طويل وغالاط في الفاضي كما بقيتهم
لهذ وغيره نؤيد قرار الإدارة, كلّنا بكري .. كلّنا الإدارة

Post: #4
Title: Re: أبوحسين ليك وحشة .. وهلالنا رافع الضغط ملي�
Author: علي عبدالوهاب عثمان
Date: 03-21-2016, 09:39 AM
Parent: #3

Quote: سلامات يا علي, غن كنت عايز ابوحسين يرجع عشان سيطرة الوصيفاب فا النبّشرك, الفقر أبوحسين وصيفابي كبير ليه ضل مع انه ما بفهم التكتح في الكورة لكنه في النهاية وصيفابي لسان طويل وغالاط في الفاضي كما بقيتهم
حبيبنا البشرى ..
ليه وحشة وباقي الاخوان ..
يا جماعة نحن كده ..
صدقني الحوش بايخ بدون طعم .. كله كافر وملحد وعلماني ومسلم وسلفي وجمهوري ... الخ .. أحلى ما فيهم الهلالابي والمريخابي
بعدين يا البشرى يا أخي الواحد فينا بلغ من العمر عتيا .. الحاجات دي تخوفنا كده عديل لأننا في الزمن الضائع ..
حبيبنا البشرى .. أذكروا محاسن الموقوفين .. ههههه
مودتي ..

Post: #5
Title: Re: أبوحسين ليك وحشة .. وهلالنا رافع الضغط ملي�
Author: علي عبدالوهاب عثمان
Date: 03-21-2016, 09:44 AM
Parent: #4

ومعاوية الصائم ، وجادات ، محمد يسين خليفة ، وائل حمزة
يا جماعة ما معقول كده

Post: #6
Title: Re: أبوحسين ليك وحشة .. وهلالنا رافع الضغط ملي�
Author: علي عبدالوهاب عثمان
Date: 03-21-2016, 09:52 AM
Parent: #5

والحرص الكامل على بقاء الاخ دينق ..

Post: #7
Title: Re: أبوحسين ليك وحشة .. وهلالنا رافع الضغط ملي�
Author: Mirghani Taitawi
Date: 03-21-2016, 09:57 AM
Parent: #5

Quote: أحلى ما فيهم الهلالابي والمريخابي
علي يا حبيب .. صدقت .. دي الحتة الوحيدة الـ ممكن تناكف فيها
زي ما عايز .. المناكفة فى الكورة مهما كانت قسوتها ما بتوديك لحتة
كوز .. إرهابي .. وهابي .. جمهوري .. مُلحد .. بطيخ .. فسيخ .. وطنية .. طحنية... إلخ.
مطالبة عودة أبو حسين اليومين ديل أخرها شوية.
على كل نضم صوتنا لـ صوتك بعودة الجميع.. ( أبو حسين .. معاوية عبيد الصائم .. صلاح جادات
محمد يسين خليفة .. وأئل حمزة .. غيرم).
مريخابي وأفتخر.
تحــــــــــــياتي،،،.

Post: #8
Title: Re: أبوحسين ليك وحشة .. وهلالنا رافع الضغط ملي�
Author: علي عبدالوهاب عثمان
Date: 03-21-2016, 10:06 AM
Parent: #7

Quote: على كل نضم صوتنا لـ صوتك بعودة الجميع.. ( أبو حسين .. معاوية عبيد الصائم .. صلاح جادات
محمد يسين خليفة .. وأئل حمزة .. غيرم).
حبيبنا تيتاوي .. مودتي ..
كمان الحرص على الباقين ..
صدقني الحوش بدونهم .. لا طعم ولا رائحة ..
مودتي تيتاوي ..
هلالي وأفتخر كمان ..