Post: #1
Title: خطة لإغلاق المحلات التجارية ومناطق العمل في الخرطوم طوعاً عند سماع الأذان
Author: أيمن محمود
Date: 03-20-2016, 09:41 PM
Parent: #0
08:41 PM March, 20 2016 سودانيز اون لاين
أيمن محمود-الرياض
مكتبتى
رابط مختصر الخرطوم: عبد الرحمن صالحكشف المجلس الأعلى للدعوة والإرشاد بالخرطوم، عن وضعه خطة لإغلاق المحلات التجارية ومناطق العمل في الخرطوم طوعاً عند سماع الأذان، وقال: «الناس تقيف عن العمل على أن تعاود بعد أداء الصلاة»، وأكد أن ترتيبات المشروع جاهزة وفي انتظار رئيس الجمهورية فقط لتدشينه، ففيما كشف عن فراغه من مشروع توحيد الأذان، أشار إلى طباعته «6» آلاف نسخة من تقويم موحد وتوزيعها على كل المساجد في الولاية. الانتباهة ترى ما هي تفاصيل خطة - اغلاق المحال التجارية ومناطق العمل "طوعاً" - عند سماع الأذان؟
|
Post: #2
Title: Re: خطة لإغلاق المحلات التجارية ومناطق العمل
Author: تبارك شيخ الدين جبريل
Date: 03-20-2016, 09:57 PM
Parent: #1
يعني زي دفع الضرايب "طوعًا" يا ايمن .... . . ... المهم ....
|
Post: #3
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-20-2016, 10:20 PM
Parent: #1
وأشار رئيس المجلس د. جابر عويشة إلى اتفاقهم مع أصحاب المحلات بمناطق الجريف وأم دوم بشرق النيل على إغلاق محلاتهم عند سماع الأذان كبداية للمشروع وأضاف: «بعدها سوف نعممه على كل العاصمة» وأقر عويشة بوجود عوائق وصفها بالكبيرة تواجه عمل المجلس، ونبه إلى أن أهمها عدم توفر المال ووسائل الحركة للعاملين بالمجلس. وقال: «نحن بنشتغل عشان نعزز قيم»، وأشار إلى وجود جهات لم يسمها، قال إنها تعمل على هدم القيم التي يبنونها، وقال: «نحن بنشتغل وغيرنا بهدم كدا المسألة دي ما بتمشي»، وشدد على ضرورة توفير معينات العمل للمجلس حتى يؤدي دوره على الوجه الأكمل.
|
Post: #4
Title: Re: خطة لإغلاق المحلات التجارية ومناطق العمل
Author: سيف الدين بابكر
Date: 03-20-2016, 10:27 PM
|
Post: #5
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-20-2016, 10:54 PM
| Quote: يعني زي دفع الضرايب "طوعًا" يا ايمن |
| Quote: أشار رئيس المجلس د. جابر عويشة إلى اتفاقهم مع أصحاب المحلات |
| Quote: بعدها سوف نعممه على كل العاصمة |
| Quote: عدم توفر المال ووسائل الحركة للعاملين بالمجلس |
طوعية يا تبارك بدليل مطالبتم بوسائل حركة وقروش عايزين يراقبو بيها التطوع بتاع الناس الاتفقو معاهم يتطوعو في الجريف وام دوم - انت عارف شرق النيل بيعيده - وبعد داك يراقبو بيها جميع المتطوعين بعد التعميم | Quote: نحن بنشتغل عشان نعزز قيم |
التطش ده لذيذ 
|
Post: #6
Title: Re: خطة لإغلاق المحلات التجارية ومناطق العمل
Author: اخلاص عبدالرحمن المشرف
Date: 03-21-2016, 02:48 AM
Parent: #5
السعودية فتحت
|
Post: #7
Title: Re: خطة لإغلاق المحلات التجارية ومناطق العمل
Author: قصي محمد عبدالله
Date: 03-21-2016, 04:11 AM
Parent: #6
يا أيمن يوم الجمعة الإمام بيخطب وناس الدلالة بيخطبوا بالأسعار،وكل بمكرفونه. وبعدين ياخي قبل قيام هذا الإجراء يفترض توفير المواضئ والمصالي. وأهم حاجة: الطواعية بيكون بالتنبيه والتذكير ، وليس بخطة!!!!!!! إلا إذا كانت خطة أمنية لحفظ ممتلكات الآخرين. --------
|
Post: #11
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-21-2016, 06:24 AM
Parent: #7
| Quote: يا أيمن يوم الجمعة الإمام بيخطب وناس الدلالة بيخطبوا بالأسعار |
شفت الحاجة دي في سوق ستة في الحاج يوسف - ما ارتحت ليها كلو كلو - يا تتلغي كل المايكروفونات يا الحشاش يملأ شبكتو يا قصي | Quote: الطواعية بيكون بالتنبيه والتذكير ، وليس بخطة!!!!!!! إلا إذا كانت خطة أمنية لحفظ ممتلكات الآخرين. |
الخطة هي انو البداية تكون طواعية في شرق النيل ومن ثم تعمم وبعد ما يكون عندهم قروش وعربات زي ما طالب شعيفة تبقى اجبارية - انت فهمت معنى خطة المقصود ببراءة شديدة
|
Post: #8
Title: Re: خطة لإغلاق المحلات التجارية ومناطق العمل
Author: Abureesh
Date: 03-21-2016, 04:13 AM
Parent: #6
لو الموضوع طوعاً فما الجديد؟ أصلوا في بعض ناس شيوخ وغيرهم حين سماع الذان يقفلوا دكاكينهم ويمشوا الصلاة.. الجديد شنو لو الموضوع (طوعاً)؟ أم ان هذا تحذير يخقله (كرهــاً).. ثم شنو العاملين ديل؟ ما يسموهم بأسمائهم مطوعين او هيئة امر ونهى..؟ خجلانين من شنو؟ السعودية نفسها بدأت تفكر في مشكلة هؤلاء .. أنتو شادين بالضنب بس. وقبل فترة عينوا مدير معتدل لها.. ثم أنها واوامرها ونهاياها لا تطال الا البسطاء من الشعب السعودى. غايتو.. مبروك عليكم مثلث حمدى دا.. برطعوا فيه زى ما دايرين. حتخنقوه خنقة الجن.. ونحن كزملاء سابقين (في المواطنة) لا نرضى لشعب المثلث هذه البهدلة.
|
Post: #9
Title: Re: خطة لإغلاق المحلات التجارية ومناطق العمل
Author: Hatim Alhwary
Date: 03-21-2016, 05:12 AM
Parent: #8
صباح الخيرطيب والناس المابتصلي ذنبها شنو تعطلوها معاكم "مواطن" مابصلي او امكن ما مسلم ذاتو ليه تعطل مصالحو وعملو وقت الصلاة
|
Post: #12
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-21-2016, 06:34 AM
Parent: #8
مشكور يا سيف الدين بابكر على ايراد صورة للخبر في السودانيAbureesh | Quote: صلوا في بعض ناس شيوخ وغيرهم حين سماع الذان يقفلوا دكاكينهم ويمشوا الصلاة.. الجديد شنو لو الموضوع (طوعاً)؟ أم ان هذا تحذير يخقله (كرهــاً).. ثم شنو العاملين ديل؟ ما يسموهم بأسمائهم مطوعين او هيئة امر ونهى..؟ خجلانين من شنو؟ السعودية نفسها بدأت تفكر في مشكلة هؤلاء .. أنتو شادين بالضنب بس. وقبل فترة عينوا مدير معتدل لها.. ثم أنها واوامرها ونهاياها لا تطال الا البسطاء من الشعب السعودى. |
لخصت كلام كتير يا ابو الريش مشكور - اعتقد انو الجديد هو مطالبة شعيفة بتخصيص اموال وعربات
|
Post: #10
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-21-2016, 06:13 AM
Parent: #6
حا نتطرق للتجربة السعودية يا اخلاص ونشوف نستفيد منها كيف
|
Post: #13
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-21-2016, 10:27 AM
Parent: #10
| Quote: طيب والناس المابتصلي ذنبها شنو تعطلوها معاكم "مواطن" مابصلي او امكن ما مسلم ذاتو ليه تعطل مصالحو وعملو وقت الصلاة |
يا زول انحنا في دولة الاسلام - انت قايل نفسك وين؟! هسا نفك ليهم الشروط العمرية يآمنو ذاتو!
|
Post: #14
Title: Re: خطة لإغلاق المحلات التجارية ومناطق العمل
Author: أحمد محمد عمر
Date: 03-21-2016, 10:32 AM
Parent: #13
عاوزين تقلدوا السعودية ؟وفروا الحمامات مجان ثم سؤال هل تم إعلان السودان جمهورية اسلامية ؟
|
Post: #15
Title: Re: خطة لإغلاق المحلات التجارية ومناطق العمل
Author: أيمن محمود
Date: 03-21-2016, 12:46 PM
Parent: #14
في السعودية - الذهاب للصلاة من ناحية قانونية ما اجباري - لكن اغلاق المحلات اجباري وعدم اغلاقها يعرض اصحابها لعقوبات شديدة تصل لحد ترحيل المخالف لو كان اجنبياً.عملياً اغلب الناس مفتكرين انو الذهاب للصلاة اجباري وده بسبب تعامل ناس الهيئة مع الناس المتواجدين في الشارع او في سياراتهم اثناء الصلاة ( الحاجة دي قلت كتير السنوات الأخيرة)، في فترة من الفترات في القصيم كانو بجوك في البيت عديل وقت صلاة الصبح!
|
Post: #16
Title: Re: خطة لإغلاق المحلات التجارية ومناطق العمل
Author: Hatim Alhwary
Date: 03-22-2016, 07:25 AM
Parent: #15
| Quote: في فترة من الفترات في القصيم كانو بجوك في البيت عديل وقت صلاة الصبح! |
دا كلا شنو ده صلاة اجباري دي كيف كمان
|
Post: #17
Title: Re: خطة لإغلاق المحلات التجارية ومناطق العمل
Author: نزار عبد الوهاب
Date: 03-22-2016, 01:29 PM
Parent: #16
سلام أبو هواري أخبارك وعلومك ...يا زول زمان السعودية دي مواعيد الصلاة وخاصة في القصيم ... بدقو ليك الباب لصلاة الصبح وقالوا في واحد يمني دقو ليهو الباب ففتح الباب وكتل الراجل بتاع الهيئة ... دي القصة المتداولة البي سببها وقفوا دق الأبواب لصلاة الصبح ... والله أعلم بصحة الحادثة ... تحياتي ...
|
Post: #18
Title: Re: خطة لإغلاق المحلات التجارية ومناطق العمل
Author: حامد عبدالله
Date: 03-22-2016, 01:55 PM
Parent: #17
هوس ما اكتر حملات نظافة محاربة الكوش التوعية بالرفق بالحيوان تشجيع الناس علي الرياضة المراة الطفل المدارس مليون حاجة ممكن يتحركو فيها وتعم الفايدة منها دولة واجهزتا تتدخل بين البني ادم وربو ياخ دا مشو بعيد خلاص الله يكون في العون يجب عليهم ان يلزمو اي مواطن ببناء مسجد جوة بيتو ويعملو قروب واتساب يتم عن طريقو مراقبة تادية الصلاة اي زول ولا زلمة علي قول اهلنا الافارقة يلتقط فيديو لصلاتو ويعمل ليها اتاش
|
Post: #19
Title: Re: خطة لإغلاق المحلات التجارية ومناطق العمل
Author: Hatim Alhwary
Date: 03-22-2016, 07:30 PM
Parent: #17
| Quote: سلام أبو هواري أخبارك وعلومك ... |
تحياتي ابو عبد الوهاب ليكم وحشة يارجل يعني زول سمع الاذان وما جاء الصلاة غلطان البدق ليهو الباب
|
Post: #20
Title: Re: خطة لإغلاق المحلات التجارية ومناطق العمل
Author: محمد أبوالعزائم أبوالريش
Date: 03-22-2016, 08:01 PM
Parent: #19
ما شاء الله ..... خلاص كل مشاكلنا حتتحل. من زمان كنت بقول لي ناس السعودية ربنا سبحانه وتعالى لما قال (ذروا البيع) كان الكلام عن صلاة الجمعة .... لو كان ده أمر الدين كان قال (إذا نودي للصلاة) بدون (من يوم الجمعة).
|
Post: #21
Title: Re: خطة لإغلاق المحلات التجارية ومناطق العمل
Author: أيمن محمود
Date: 04-14-2016, 09:35 AM
Parent: #20
Quote: جردت الحكومة السعودية أعضاء هيئة الأمر بالمعروف والنهي عن المنكر من صلاحياتهم طبقا لقانون جديد صدر عن مجلس الوزراء.
وحسب القانون الجديد ليس من حق أعضاء الهيئة إيقاف الأشخاص أو التحفظ عليهم أو مطاردتهم أو طلب وثائقهم أو التثبت من هوياتهم أو متابعتهم.
ويقتصر دور أعضاء الهيئة على إخبار أفراد الشرطة او إدارة مكافحة المخدرات عن الاشتباه في شخص معين.
كما طالب القرار أعضاء الهيئة بالعمل على نشر الفضيلة والحض عليها ومنع المنكر بالقول الحسن والرفق بالآخرين.
ويفرض القرار على أعضاء الهيئة ان يبرزوا هوياتهم التى تتضمن أسماءهم ومناصبهم في الهيئة وساعات عملهم الرسمي عند الحديث مع أي شخص ولايجوز لهم أن يقوموا بذلك خارج مواعيد عملهم الرسمية.
ويعرف أعضاء الهيئة "بالمطاوعة" ونالوا انتقادات متكررة بسبب طبيعة عملهم خلال العقود السابقة في المملكة التى تقول إنها تعمل حسب الشريعة الإسلامية.
وكان أعضاء الهيئة يجوبون الشوارع والمراكز التجارية للتأكد من ارتداء السيدات والفتيات أزياء "مناسبة بالمجتمع دون عري" كما كانوا يحرصون على إغلاق جميع المتاجر والمحال أثناء مواعيد الصلوات.
كما كان أفراد الهيئة يعتقلون من يشرب الخمور أو يتناول المخدرات أو من يمارسون السحر والشعوذة. |
http://www.bbc.com/arabic/middleeast/2016/04/160413_saudi_religion_officers
|
Post: #22
Title: Re: خطة لإغلاق المحلات التجارية ومناطق العمل
Author: Abdullah Idrees
Date: 04-14-2016, 11:15 AM
Parent: #21
انا عايز اعرف الخطة دي حتكون كيف يعني ، ممكن يكون عندها تفاصيل مثلا ، مفترض يكون ،مافي خطة بدون تفاصيل ..
يعني مواصلات قبل وبعد العرض مثلاً، customer service ، تخفيض الضريبة بموجب كروت حضور الصلاة .. ايوة يعملوا كروت حضور ، وانت داخل من باب المسجد تمد الكرت بتاعك للبواب يعمل ليك Tick قصاد الوكت الماشي تصليهو ، كل شهر بي كرت ، اخر السنة تشيل كروتك وتمشي لي ناس الضرايب !! وكل وكت عندو نقاط محددة ، الظهر مثلا وكت ذروة بالنسبة للبيع ، 10 نقاط .. المغرب نقطة واحدة لانك حتصلي وتتكل على الله بيتكم ..
واكيد حيكون في احتفال سنوي يكرم فيه اصحاب النقاط الاعلى يشرفه الرئيس العاطل والزبير مين داك .. بس المشكلة حتكون التزوير .. واحد عمك يقطع في بواب الجامع 50 جنيه ويمسكو الكرت ووالبواب يقوم بالباقي وعمك متكيف حيطلع بالنقاط الكاملة ، وين ياحبيب دقيقة ، في واحدين طابعين كروت خاصة بناس الهجرة الى الله full option فيها نوافل وصلاة العيد واستسقاء واستخارة وحرب ..وعايزة واسطة قوية ..
نسوي شنو 50 ج الله قاسما للبواب ! عمك اتفكفك ومن اليوم داك حلف من الكوشتينة والبنقو واي حاجة فيها كروت ..
ايمن عايز كرت سوبر؟ عارفك بره السودان لكن بتتدبر انت بس هات 100 دولار وسيب الباقي علي..
وكمان مشروع؟ الحكاية اكيد عندها ميزانية ..
|
Post: #23
Title: Re: خطة لإغلاق المحلات التجارية ومناطق العمل
Author: معتصم سليمان
Date: 04-14-2016, 11:26 AM
Parent: #1
تحية طيبة للجميع
نعم نحتاج لخطوة مثل هذه ليس في الخرطوم فقط بل في كل السودان
من مدن وأرياف ..أينما وجدوا الناس ووجدت المصالح
أهم شيء قبل ما يتم إعلان ذلك ياريت الدولة تعالج مسألة زمن الفطور
الفي دواوين الحكومة والمرافق العامة ...يعني لو أعلنوا مسألة الإغلاق
الطوعي أو الإجباري للصلاة ..وماعالجوا وقت الفطور حتكون كاااااااارثة
يطلعوا الفطور الساعة 10 صباحا ويرجعوا بعد الصلاة يعني بعد واحدة
عنداللفة بس :
----------
تاني الموظف من الصباح يقول ليك راجعنا بعدالصلاة
|
|