**هههههههه**

Post: #1
Title: **هههههههه**
Author: Mirghani Taitawi
Date: 03-20-2016, 06:20 PM

Post: #2
Title: Re: **هههههههه**
Author: Mirghani Taitawi
Date: 03-20-2016, 06:23 PM
Parent: #1

Quote: تمكن فريق الأهلي طرابلس الليبي، من الصعود لدور الـ16 في بطولة الأندية الإفريقية حاملة اللقب رغم خسارته اليوم الأحد في الخرطوم أمام منافسة الهلال السوداني 1-2 في إياب الدور 32 من المسابقة الإفريقية.
تقدم الهلال السوداني مبكرًا عبر لاعبه منتصر كاريكا من ركلة جزاء في الدقيقة 5.
وعدل المهاجم محمد الغنودي النتيجة في الدقيقة 35 بعد ان استفاد من خطأ للدفاع السوداني لينتهي الشوط 1-1.
وفي الشوط الثاني، احتسب حكم المباراة ركلة جزاء ثانية لأصحاب الأرض في الدقيقة 56، تقدم لها اللاعب منتصر كاريكا الذي سدد كرة أبعدها الحارس أحمد الفيتوري إلا أن اللاعب تابع الكرة من جديد وأودعها في شباك الأهلي طرابلس معلنة الهدف الثاني للفريق السوداني.
وشهدت المباراة خروج مدافع الهلال السوداني عمر حسن، بالبطاقة الحمراء إثر نيلة البطاقة الصفراء الثانية عقب إعاقته للسريع محمد صولة في الدقيقة 84.
وكان أهلي طرابلس الليبي، فاز على فريق الهلال السوداني بهدف دون مقابل في المباراة التي أقيمت في تونس ضمن ذهاب دور الـ32 لدوري أبطال إفريقيا لكرة القدم.

Post: #3
Title: Re: **هههههههه**
Author: Mirghani Taitawi
Date: 03-20-2016, 06:24 PM
Parent: #2

بلنت (ين) وطيران عكسي.

Post: #4
Title: Re: **هههههههه**
Author: علي عبدالوهاب عثمان
Date: 03-20-2016, 06:32 PM
Parent: #3

قريبي .. ميرغني أمبس ..
يعني لحد نهاية الاسبوع الواحد ما يمشي قهوة كسلا في الهنداوية ..
أنا في الشغل لقيت .. بوستيك وواحد تاني ..
الجماعة منتظرين بفارغ الصير ..
لكن الليلة حتى جوالهم ما في رد ..
حليل زمن الهلال ..
مبروك يا ميرغني لكن أحسن الخروج من بدري ..
قبل ناس الزمالك والأهلي .. ننتظر المريخ ..
طرابلس بدون دوري ومعلب وجمهور .. حاجة ترفع الضغط

Post: #5
Title: Re: **هههههههه**
Author: Mirghani Taitawi
Date: 03-20-2016, 06:50 PM
Parent: #4

الرائع حبيبنا علــــــــي
بدايةً .. هاردلك ولا يهمك.. وليك حق تتحسر على كرة
الزمن الجميل مع إنه كمية القروش دي ما كانت موجودة
بس الكرة السودانية كانت أفضل حالاً من الآن بالرغم من
الصرف الـ مبالغ فيه فى ناديي القمة.
على كل حال دي الكورة بتدي الـ بيديها.. الهلال عايز شغل كتير
والاعلام الأزراق فى أغلبه بحاجة لـ كشف حساب.. والكاردينال
يتخلص من بعض الهتيفة الـ حوله خاصةً (بعض) الاعلاميين النفعيين
وبالمرة يشوف منسقة تانية يمكن تفلح.
تحــــــــــــــياتي،،،.

Post: #6
Title: Re: **هههههههه**
Author: Mirghani Taitawi
Date: 03-20-2016, 08:04 PM
Parent: #5

Post: #7
Title: Re: **هههههههه**
Author: على محمد على بشير
Date: 03-20-2016, 11:17 PM
Parent: #4

Quote: يعني لحد نهاية الاسبوع الواحد ما يمشي قهوة كسلا في الهنداوية ..
ههههههههههه
فول مجدى باير الليله ههههه

Post: #8
Title: Re: **هههههههه**
Author: الامين موسى البشاري
Date: 03-20-2016, 11:28 PM
Parent: #7

ليبيا فتحت يا حبيبنا ....
الجماعة مشغولين مع الجوهرة الزرقاء
والوردة البيضاء الناطق الرسمي فاطمة شاش ()
الله يعدل خطوتهم ياخ!

Post: #9
Title: Re: **هههههههه**
Author: علي عبدالوهاب عثمان
Date: 03-21-2016, 07:01 AM
Parent: #8

Quote: ههههههههههه
فول مجدى باير الليله ههههه
مع التحية لقريبي .. تيتاوي .. سيرناقمي ..
حبيبنا علي .. مودتي ..
دي هي الحاضنة السودانية الاصيلة التي تستوعبنا ..
أمس سجلت زيارة إستطلاعية .. لقيت المريخاب متربصين ..
إنسحبت دون أن يراني احد من الشلة
هي كعننة إخوانية حلوة جداً وإستحضار للوطن في هذه الغربة القاسية ..
مودتي .. علي ..

Post: #10
Title: Re: **هههههههه**
Author: علي عبدالوهاب عثمان
Date: 03-21-2016, 07:07 AM
Parent: #9

تيتاوي أمبس .. إحتلال ناعم للبوست ..
حبيبنا البشاري مودتي بلا حدود ..
دي صورة بنتنا فاطمة .. ما شاء الله عليها ..
شخصية .. كاريزما .. نقلة نوعية للانثى السودانية ..
صدقوني الهلال ده قيم هكذا نحن نسمح للمرأة السودانية بالخروج
من قوقعتها إلى عالم أرحب ..
أرشحها رئيسة لنادي الهلال .. لتكون سابقة في كل عالم ..
كده نكون غلبنا المريخ عشرة / صفر ..
هلالنا فهم وذوق ..
هههه ... على الأقل نمسك في حتة دي
مودتي تيتاوي .. نواصل ..

Post: #11
Title: Re: **هههههههه**
Author: Mirghani Taitawi
Date: 03-21-2016, 08:25 AM
Parent: #10

Quote: تيتاوي أمبس .. إحتلال ناعم للبوست ..
حبيبنا علي .. البوست بوستيك .. جينا نعزي بس.
مع وجود الثلاثي ديل ( كردنة .. الرشيد .. شاش ماشاش).. الوضع
حـ يكون للاسوأ (وهذا ما أتمناه طبعاً).
إنتوا أحسن حالاً من ديل:-
Quote:
اغماءات وسط جماهير الهلال عقب الخروج الافريقي
كفرووتر / الخرطوم /
سقطت اعداد كبيرة من جماهير الهلال عقب خروج الفريق من ابطال افريقيا عصر الاحد على ملعب النادي بام درمان حيث لم يصدق انصار النادي خروج الفريق من هذا الدور بعد ان اعتاد الهلال الوصول للادوار النهائية

Post: #12
Title: Re: **هههههههه**
Author: علي عبدالوهاب عثمان
Date: 03-21-2016, 08:52 AM
Parent: #11

تيتاوي أمبس .. بوستات جميلة .. كل المنبر بقى كافر ومسلم وملحد
مش عارف إيه كده .. خوفونا آخر العمر .. خلونا في الكورة دي أحلى حاجة
تيتاوي حبيبنا ..
يا سلام إغماء كمان .. جمهور مخلص وحساس .. أصلوا هم من زمان كدا
حلوين ورهيفين .. الكورة ملحوقة .. وين تلقوا زي بنتنا فاطمة دي .. هههه
البوست ده لو كان بالدنقلاوية أنا كنت أبدعت .. العامية صعبة شوية ..
المزاج رايق شوية من التاريخ :
صدقني أن هلالابي من سنة جكسا سجل من الربيع ..
أيام فاسكودجاما ( أيام هزمنا ملوك الكرة ) في جريدة الناس ..
الجرائد دي كان تجينا بعد شهر في ضواحي الدنيا في اعماق دنقلا الحبيبة ..
فكان عشق الهلال وصورة جكسا بفنلته المخرمة ..
أيام كنا ننشد في المدرسة وبلغة عربية تعبانة جداً ..
عمدة في عمدة قاقارين
جكسا وماجد هدافين
سبت القون العالمي
جقدول الونقي الخطير
جبل الهملايا زي سمير
حليل زمن الهلال .. والفريقي الاهلي السوداني ..
لكن مازال القلب ينبض بحب الهلال رغم السنين ..
كل هذه المقدمة عايزين نعرف حاصل شنو في الهلال .. بالضبط .. لأني بعيد من الاحداث الرياضية ما عدا المباريات
مودتي بلا حدود .. قلنا نرجع شبابنا معاكم شوية ..

Post: #13
Title: Re: **هههههههه**
Author: علي عبدالوهاب عثمان
Date: 03-22-2016, 01:33 PM
Parent: #12

قريبي تيتاوي .. مودتي ..
زميلي في المكتب قال لي مع ( وفاق سطيف )
طيب هلالنا عندو عبرة مع سطيف .. ممكن نديكم بعض إستشارات
مودتي ..

Post: #14
Title: Re: **هههههههه**
Author: sadig mirghani
Date: 03-22-2016, 01:39 PM
Parent: #1

بي مناسبة طيران الهلال دي عندي ليكم نكتة طايرة
مع اني هلالابي لكن ما على السكين
إنا وجدنا ابائنا وكدا
قال ليك واحد لاقي صحبوا وزعلان ومحمبك قال وين بتصل بيك وجيت البيت مالاقيتك
قال ليهو طلعت مع أهلي.
قال ليهو اهلي طرابلس هههههههههههههههه
وعم السلام والوئام والسلام ختام