Post: #1
Title: نساء فى بلاط المنبر العام يجذبن المداخلات
Author: بلدى يا حبوب
Date: 03-17-2016, 04:12 PM
03:12 PM March, 17 2016 سودانيز اون لاين
بلدى يا حبوب-kahrtoum
مكتبتى
رابط مختصر المنبر العام اشتهر خلال مسيرته بوجود نسائى معتبر لهن اسهامات اعطت البرود شهرة اسفرية ولكن فى نفس الوقت البعض منهن يجدن استجابة من المتداخلين حتى لو كان البوست لا يرتقى الى مستوى المداخلات بينما بوستات متميزة عديدة رجالية لا تجد حظها ولو برفع البوست واكثر البوستات انجذابا من حمل الصورة ؟؟؟ اجمل مافى المنبر العام ان تتحدث بحرية لكن الاهم ان تتحمل هجوم ارتداد الحروف نواصل
|
Post: #2
Title: موازنة العام المالي 2016م: العزف على أوتار الخيال د.تجاني الطيب
Author: sadig mirghani
Date: 03-18-2016, 04:37 PM
Parent: #1
ياحبوب حبابك دا اسمو خفة خاصة من زول بكون كبير في سنويعني اتعدي مرحلة الشباب لو حددناها بالاربعين. وكسير التلج في ناس في المنبر دا رياديييييين لل..... الواحد مابقدر يمسك نفسوا لازم يخش ويناقش ويضارب وكلوا عشان عيون فلانة وممكن عادي تطلع فلانة دي فلان او كائن هلامي اخر وقبال كدا حصلت في المنبر دا زاتوا بدون ذكر شخوص بعينها المهم الخفة ماحلوه في ناس زواجهم تقليدي وعلاقتهم بالطرف الاخر بااااردة والشعلة انطفت زي نكتة المرة المشت الحج وبعد جات قال ليها راجلها وين الحي والوووب قالت ليهو بري انا حجيت وتاني مابكضب 😁 لكن لي خير لانوا نوع المداخلات بوريك فهم الشخص وقيمتوا الفكرية حتي لو كان طالب جامعي وفي بداية طريقوا المنبر ممكن يعدل سلوكيات ناس كتير ويكون فاتحة خير
|
Post: #3
Title: Re: موازنة العام المالي 2016م: العزف على أوتار ا
Author: اميرة السيد
Date: 03-18-2016, 06:15 PM
Parent: #2
بوجود نسائى معتبر لهن اسهامات اعطت البرود شهرة اسفرية ولكن فى نفس الوقت البعض منهن يجدن استجابة من المتداخلين حتى لو كان البوست لا يرتقى الى مستوى المداخلات>>>>> QUOTE <<<<<<<<<<<<<<<<>>>>>>>><<>:>>>>>>>>>>>>>>>>>>>> عزيزي بلدي يا حبوب اب جلابية وتوب أولا الحاجة الغريبة لمن اجي للرد القى عنوان البوست اتغير من:" نساء في بلاط المنبر العام يجذبن المداخلات"" الى عنوان تاني وهو:" موازنة العام المالي 2016""ز. وارجع تاني أقول غلطت وضغطت على بوست آخر.. القى نفس العناون.. ثانيا جذبني العنوان وقلت ادخل اشوف بلدي يا حبوب موضوعو شنو!!! والله يا بلدي يا حبوب عقدتني وقلت يا ربي قاصدني ولا شنو... ثالثا: انا من النوع الأول ولا الثاني!!!! عشان بس نقدر نتطور لقدام ونصلح نفسنا....ونتجنب المواضيع الهايفة التي لا ترتقي الى مستوى المداخلات.. لكن والشهادة لله.. انا لم يمر علي أيا من عضوات المنبر العام وقد كتبت مواضيع لا ترتقي لمستوى المداخلات...فكلهن ياتين بمواضيع مفيدة جدا ويتداخلن بأسلوب انيق وجميل....ولا اعتبر نفسي منهن... ولكني وقبل ان اصبح عضوة في هذا المنبر كنت دائما اداوم على قراءة مواضيع غاية في الأهمية والجودة من عضوات أكن لهن جميعهن كل المودة والتقدير والاحترام... واجمل شيء في هذا الموقع الاسفيري اننا وجدنا الاهل هنا... وكأننا على صلة قربى ورحم.... وشوف براك بالله تلقاهم كيفن في الافراح والاتراح... وكأنهم أسرة واحدة وينسوا الخلافات في فد لحظة ... والله يديك الصحة والعافية
|
Post: #4
Title: Re: موازنة العام المالي 2016م: العزف على أوتار ا
Author: سيف الدين بابكر
Date: 03-18-2016, 06:29 PM
Parent: #3
| Quote: يقولونَ: جاهِدْ يا جَميلُ بِغَزْوَةٍ وأيَّ جِهادٍ غَيرَهُنَّ أُريدُ لِكُلِّ حَــــــــديثٍ عندَهُنَّ بَشاشَةٌ وكُلُّ قَتيلٍ عندَهُنَّ شَهيدُ |
|
Post: #5
Title: Re: موازنة العام المالي 2016م: العزف على أوتار ا
Author: مني عمسيب
Date: 03-18-2016, 06:37 PM
Parent: #3
التحية لك اخي .. بلدي يا حبوب .. | Quote: واكثر البوستات انجذابا من حمل الصورة ؟؟؟ |
زي صورة وردتك الرومانسية الحمراء الما بتدل الا علي الحب والجمال .. عمومآ صورنا ختيناها ومقتنعيين بي كدى . ويا اميرة الحبيبة بعد التحية الخاصة . | Quote: والله يا بلدي يا حبوب عقدتني وقلت يا ربي قاصدني ولا شنو... |
يا الاميرة لا تتعقدي ولا اي حاجة لو تابعنا جنس دا المنبر ما بندخلوا وبعدين البعقدنا شنو ؟ ! واقول لي صادق ميرغني .. بعد السلام .. | Quote: حتي لو كان طالب جامعي وفي بداية طريقوا المنبر ممكن يعدل سلوكيات ناس كتير ويكون فاتحة خير |
موش حاجة غريبة انك تكون قاعد مع ناس ما عندهم سلوكيات ؟ نحن كنساء وخاتين صورنا وبنتعامل مع اسرتنا بالحوش ماشايفيين في نشاذ في السلوكيات وحتي لو حصل ديل ما ناسنا الجينا ليهم قليل من ذوق الكلام ومراعاة شعور الاخرين لاتضير .. ولكم الشكر ... امرأة علي بلاطة خارج المنبر .. في زول بهمو حاجة ؟
|
Post: #6
Title: Re: موازنة العام المالي 2016م: العزف على أوتار ا
Author: مني عمسيب
Date: 03-18-2016, 06:41 PM
Parent: #5
نسيت .. مراعاة الشعور جزء من السلوكيات . عسي نتعلم جميعنا .
|
Post: #7
Title: Re: نساء فى بلاط المنبر العام يجذبن المداخلا�
Author: sadig mirghani
Date: 03-18-2016, 07:02 PM
Parent: #1
بعد اذنك ياحبوب رد لي اختنا بت عمسيبتقويم السلوكيات دا ما مقصود بيهو حاجات كعبة يعني زول نفسوا حار يبرد شوية او زول خفيف حبتين يتقل او مثلا زول بجيك طاير جوز بدون مايفهم الموضوع يقرا وبعداك يجي يناقش مافي زول مابستفيد من اخوانوا الاحتكاك مفيد في المنابر يصقل المواهب عموما انا من ٢٠١٢ بدخل المنبر اقرا وتقريبا اتعرفت علي كل الكتاب حتي الناس الغادرونا لاسباب متفرقة حتي بعداك قررت انوا ادخل واشارك في المنبر تحياتنا ليكي ولي سيد البوست ولي كل المتداخلين
|
Post: #8
Title: Re: نساء فى بلاط المنبر العام يجذبن المداخلا�
Author: مني عمسيب
Date: 03-18-2016, 07:18 PM
Parent: #7
| Quote: تقويم السلوكيات دا ما مقصود بيهو حاجات كعبة |
انت عارف يا صادق ميرغني البوستات الزي دي سلاح ذو الحدين . والكويس ممكن تعرف بيها معادن الناس وما يدور بدواخلهم . حتي في طريقة اسلوبهم هل هولاء يستحقون في ما بعد المداخلات والتعامل ولا لا ؟ عمومآ البتعرف سمحة وعسي ولعلي نستفيد من بعض البوستات الزي دي برغم مرارتها ونوعها !!!
|
Post: #9
Title: Re: نساء فى بلاط المنبر العام يجذبن المداخلا�
Author: مني عمسيب
Date: 03-18-2016, 07:25 PM
Parent: #8
| Quote: في ناس زواجهم تقليدي وعلاقتهم بالطرف الاخر بااااردة |
تخيلوا كلام زي دا ؟؟؟؟ سيدو طالب تحسين من سلوك الآخرين ؟؟؟؟؟؟؟؟
|
Post: #19
Title: نساء في بلاط المنبر
Author: sadig mirghani
Date: 03-21-2016, 08:13 PM
Parent: #9
ردي لي بت عمسيب انا اوردت انوا في ناس زواجهم تقليدي وعلاقتهم بالطرف الاخر باااردة كلامي دا فوقوا شي ما ياهو تقليدي يعني مانتج عن حب او قناعة زواج الاقارب مثلا علاقة باردة عادي جدا وبتمر بكل العلاقات الزوجية لي ظروف كتيرة وبما انوا العلاقات في البورد دا افلاطونية يعني من الكيبورد للكيبورد فمن الممكن انوا الواحد يتشالق ويتخفف للبوستات بتاعة الجنس الاخر. لذا لزم التنويه
|
Post: #10
Title: Re: نساء فى بلاط المنبر العام يجذبن المداخلا�
Author: Mirghani Taitawi
Date: 03-18-2016, 07:57 PM
Parent: #7
التحية لللأخ/ بلدي يا حبوب .. والمتداخلين الأخت/ أمير السيد .. كتبت: | Quote: ولا اعتبر نفسي منهن |
حقيقةً .. وبدون مجاملة تأتي فى المقدمة بين زميلاتكِ .. بأسلوبكِ الراقي فى الحوار ومداخلاتكِ مع الأعضاء.. ومواضيعك القيمة. (كسير تلج .. مصنع تلج .. ولكن كـ متابع .. مع إني لا أتداخل كثيراً فى البوستات بس مدمن قراءة). | Quote: والله يديك الصحة والعافية |
ما أجمل أن نختم مداخلاتنا مع من إتفقنا أو إختلفنا معه بالمقتبس أعلاه.. حتى تسود روح الأخوة بالمنبر.. والبُعد عن النيل والتقليل والإساءة للآخرين. أعتقد فى الغالب المواضيع هي التى تجذب المداخلات .. مُش من كتب.. وهناك بوستات (من الزملاء والزميلات) .. لا ترتقي لمستوي المداخلات ولا تستحق غير الشفقة ومضيعة للوقت وتجد سوق .. وتنفخ فيها روح الشللية.
|
Post: #11
Title: Re: نساء فى بلاط المنبر العام يجذبن المداخلا�
Author: nour tawir
Date: 03-18-2016, 11:32 PM
Parent: #10
حزنك ياوطنى احزنى عن نفسى استمتع جدا بكتابات الاخت نور تاور ومواضيعا وبتحس فيها برزانة ورجاحة حبوباتنا الزمان (وطبعا هى شباب مش عمريا يعنى الوصف) وايضا مداخلات الاخت اميره السيد بتحس فيها بطيبة وعفوية اهلنا فى الريف. الباقى ماعندى خبره فيهم وان كان فى منهن المندفع جدا الى حد يحسسك بانك بتتعامل مع عضو مش عضوه. أعجبني · رد · 3 ساعة Facebook Comments Plugin ... دخلت قلت اشوف الحاصل شنو.. لقيت اسمى.. الله يجبر بخاطرك با الحزين..
|
Post: #12
Title: Re: نساء فى بلاط المنبر العام يجذبن المداخلا�
Author: عبدالعزيز الفاضلابى
Date: 03-19-2016, 00:28 AM
Parent: #11
كدى ياشباب قبل لا نقول شيئانا اذكر فى متداخلين كانوا بخاطبو بلدى ياحبوب على انها زولة مازول ,, فارجو منه/ها توضيح ذلك عشان نعرف البوست ده نكسر فيهو تلج ولا نكسر طوب؟
|
Post: #13
Title: Re: نساء فى بلاط المنبر العام يجذبن المداخلا�
Author: محمد البشرى الخضر
Date: 03-19-2016, 04:54 AM
Parent: #12
كسّر طوبك ساي يا فاضلابي :)بلدي يا حبّوب, زعّلت الأخوات العزيزات ياخي بكلامك دا!
|
Post: #14
Title: Re: نساء فى بلاط المنبر العام يجذبن المداخلا�
Author: اميرة السيد
Date: 03-19-2016, 05:29 AM
Parent: #13
الاعزاء مرغني تيتاويوحزنك يا وطني من الفيس بوك الله يديكم الصحة والعافية.. لكن بسمات وامتثال من هنا وبالتلفون ابتهال بت خالة النسمة من عطبرة وبت خالتي سلافة من كوستي حسدني من كلامكم السمح والزين..واتمنى ان اكون دائما في حسن الظن...ماخليتو لي حاجة اقولها غير انكم ناس سمحين وزينين وطيبين...طيبة اهلنا في قرانا وريفنا الحبيب.. ومرة ثانية الله يديكم الصحة والعافية
|
Post: #15
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 07:45 PM
Parent: #14
الاخ/ الصادق | Quote: المنبر ممكن يعدل سلوكيات ناس كتير ويكون فاتحة خير |
ده ممكن اعتبره احد نقاط ما يهدف اليه البوست والامر لا يتعلق بالشباب بل نجد امثلة لهولاء فى كل الاعمار شكرا على المداخلة
|
Post: #16
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 07:54 PM
Parent: #15
الاخت اميرة السيد | Quote: أولا الحاجة الغريبة لمن اجي للرد القى عنوان البوست اتغير من:" نساء في بلاط المنبر العام يجذبن المداخلات"" الى عنوان تاني وهو:" موازنة العام المالي 2016""ز. وارجع تاني أقول غلطت وضغطت على بوست آخر.. القى نفس العناون.. ثانيا جذبني العنوان وقلت ادخل اشوف بلدي يا حبوب موضوعو شنو!!! والله يا بلدي يا حبوب عقدتني وقلت يا ربي قاصدني ولا شنو... |
انا عنوانى ايضا تفأجت بتغيره والسؤال موجه للاخ بكرى ابوبكرى | Quote: والجودة من عضوات أكن لهن جميعهن كل المودة والتقدير والاحترام... |
اتفق معك فى كل حرف ذكرتيه ولكن لا بد من وجود البوستات التى لا ترتقى الى مستوى المداخلات ولم اقل (هايفه) حتى على مستوى العنصر الرجالى نجد ذلك لك تحياتى
|
Post: #17
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 07:58 PM
Parent: #16
الاخ سف الدين بابكر| Quote: يقولونَ: جاهِدْ يا جَميلُ بِغَزْوَةٍ وأيَّ جِهادٍ غَيرَهُنَّ أُريدُ لِكُلِّ حَــــــــديثٍ عندَهُنَّ بَشاشَةٌ وكُلُّ قَتيلٍ عندَهُنَّ شَهيدُ |
ده الكلام ذاته الدفعنى لكتابة البوست ولكن اكيد لا يرتقى الى مستوى طرحك الراقى تحياتى
|
Post: #18
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:03 PM
Parent: #17
الاخت منى عمسيب| Quote: ا الاميرة لا تتعقدي ولا اي حاجة لو تابعنا جنس دا المنبر ما بندخلوا وبعدين البعقدنا شنو ؟ ! |
الله لا جاب العقد اوغيره فالبوست يطرح رأى قد يخطىء او يقبل الصواب وكما ذكرت فى مقدمة البوست | Quote: منبر العام اشتهر خلال مسيرته بوجود نسائى معتبر لهن اسهامات اعطت البرود شهرة اسفرية |
تحياتى
|
Post: #20
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:15 PM
Parent: #18
الاخ ميرغنى | Quote: حقيقةً .. وبدون مجاملة تأتي فى المقدمة بين زميلاتكِ .. بأسلوبكِ الراقي فى الحوار ومداخلاتكِ مع الأعضاء.. ومواضيعك القيمة. (كسير تلج .. مصنع تلج .. ولكن كـ متابع .. مع إني لا أتداخل كثيراً فى البوستات بس مدمن قراءة). |
خرجت من مغذى البوست فالاخت اميرة السيد والعديد من الزميلات لهمن اسهامات مقدرة فى البورد و ما قصدته طرح رأى محصلته الاستفاده من اختلاف الاراء دون الممساس بالنعرات والاساءات بل يبقى الاحترام هو ديدنى لكل الزميلات وارجع الى حديثى ( بوستات لا ترتقى الى مستوى المداخلات ) | Quote: وهناك بوستات (من الزملاء والزميلات) .. لا ترتقي لمستوي المداخلات ولا تستحق غير الشفقة ومضيعة للوقت وتجد سوق .. وتنفخ فيها روح الشللية. |
وهنا اجد احد اهداف البوست لك تحياتى وشكرى
|
Post: #21
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:17 PM
Parent: #20
الاخت نور تاور شكرا على المداخلة ولك كثير السلام تحياتى
|
Post: #22
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:22 PM
Parent: #21
الاخ عبد العزيز الفشلابى | Quote: انا اذكر فى متداخلين كانوا بخاطبو بلدى ياحبوب على انها زولة مازول ,, فارجو منه/ها توضيح ذلك عشان نعرف البوست ده نكسر فيهو تلج ولا نكسر طوب؟ |
لا كسر فيه طوب ويمكنك الرجوع الى البروفايل شكرى وتحياتى
|
Post: #23
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:26 PM
Parent: #22
الاخ محمد البشرى | Quote: بلدي يا حبّوب, زعّلت الأخوات العزيزات ياخي بكلامك دا! |
اله لا جاب الزعل فما تتراهزعل هو اعتبره انا كما اشرت فى مقدمة البوست | Quote: اجمل مافى المنبر العام ان تتحدث بحرية لكن الاهم ان تتحمل هجوم ارتداد الحروف |
شكرا لمداخلتك تحياتى
|
Post: #24
Title: Re: نساء فى بلاط المنبر العام يجذبن المداخلا�
Author: بلدى يا حبوب
Date: 03-21-2016, 08:32 PM
Parent: #23
ولى متداخلى اليس بوك حزنك يا وطن الاخ محمد سليماان شكرا على المداخلة تحياتى
|
Post: #25
Title: Re: نساء فى بلاط المنبر العام يجذبن المداخلا�
Author: اميرة السيد
Date: 03-21-2016, 09:16 PM
Parent: #24
محمد سليمان خالد ( من الفيس بوك) الباقي شوية بنوت صغار نعشم بكره يتعلمن>>!!!!!!!!!!!؟؟؟؟؟؟؟؟؟!!!!!!!! QUOTE ) >>>>>>>>>>>>>>><<<<<<<<<<<<<<<>>>>>>>>>>>>>>><>>>>>>>>>>>> بدون تعليق.. بدون تعليق.....بدون تعليق..... وبرضه بنقول لمحمد سليمان.. الله يديك الصحة والعافية
|
Post: #26
Title: Re: نساء فى بلاط المنبر العام يجذبن المداخلا�
Author: مني عمسيب
Date: 03-21-2016, 09:44 PM
Parent: #25
|
Post: #27
Title: Re: نساء فى بلاط المنبر العام يجذبن المداخلا�
Author: مني عمسيب
Date: 03-21-2016, 09:50 PM
Parent: #26
|
Post: #28
Title: Re: نساء فى بلاط المنبر العام يجذبن المداخلا�
Author: عبدالعزيز الفاضلابى
Date: 03-21-2016, 10:54 PM
Parent: #27
| Quote: الاخ عبد العزيز الفشلابى |
هههههه ذكرتنى صاحبى الطاهر كان نامن يجى البيت يدق الباب كان مرتى فتحت ليهو الباب يقول ليها : الفاجرابى موجود؟ ياخ قبل لا اكتب مداخلتى دى مشيت على بروفايلك لقيتو فاااااضى زى بيت العزابة. الشريف صديق دى ماشفتها علا هسع ياخ البروفايل كله شوربة عدس وخضار وسمك ,, التقول مطعم الدبل زول يدخل يلقى المطايب دى الـ بوديهو يعاين للاسم شنو؟
|
Post: #29
Title: Re: نساء فى بلاط المنبر العام يجذبن المداخلا�
Author: nour tawir
Date: 03-21-2016, 11:39 PM
Parent: #28
الاخ الفاضل محمد سليمان خالد.. Mohammed Suliman Khalid · Khartoum University المنبر زمان كان فيهو نساء يهزن ويرزن علم وفهم واسلوب وشجاعة بصرف النظر عن الاختلاف والاتفاق زي ناس عزاز شامي وإشراقة مصطفى وتيسير (تايسون) وآمنة مختار ودكتورة نجاة وغيرهن. هسه ما فضل لينا الا نور تاور ولو انها في الفترة الأخيرة بقى عندها نفس عنصري شوية. الباقي شوية بنوت صغار نعشم بكره يتعلمن. .. تجدنى اخر شخص فى جمهورية السودان دى ممكن يكون عنصرى.. ومجتمع كادقلى عبارة عن سودان مصغر.. والاسرة نفسها الزيجات اللى تمت فيها.. هى برضو عملت لينا سودان مصغر فى البيت.. الشاهد.. أنه لما نتحدث عن بعض الاثنيات... بنجيب السبب.. ولما نحاطب بعض بى وّل أبا أو بت أّبا.. فدى ثقافتنا فى احترام الوالد قبل الابن أو البنت البتحمل الاسم.. فشنو.. خلى فى بطنك بطيخة صيفى من الناحية دى.. ألا لو فى أى عيب تانى.. نحنا حاضرين.. قول لينا عليه.. وحنصححه..
|
Post: #30
Title: Re: نساء فى بلاط المنبر العام يجذبن المداخلا�
Author: مامون عبدالله نور
Date: 03-22-2016, 09:30 AM
Parent: #1
لي فترة طويلة جدا متابع جيد للمنبر قبل توقيع مراسيم إنضمامي للمنبر ..وحتى بعد إنضمامي للمنبر آثرت التريس وعدم الدخول في كل البوستات اللهم إلا بوستات الأستاذ درديري كباشي والفاضلابي لأناه إستفزتني ووافقت لي هوىً في نفسي فأحببتها فتداخلت فيها غير ذلك لم يفتح الله لي بتداخل في أي بوست واكتفيت بالمتابعة وفهم الاخرين داخل المنبر ولي كلام كثير سيأتي لاحقاً لكن اليوم استوقفني هذاالمفترع بخصوص حواء المنبر والتجني عليها أولا :حواء المنبر كعبها عالي جدا في المنبر وتكتب بصدق وكلامها ومواضيعها فعلا جميلة عني نفسي أجد الكثير من البوستات التي تكتبها حواء تصادف معي مزاجاً (مافي أي تلج هنا ...ما ينط لي واحد يقول لي كسير تلج هههههههه) أميرة السيد - نور تاور -بسمات...بت الشيخ ...رانيا.....وست الخير وضاحة -بت نفيسة (النفيسة) وغيرهن ممن لا أتذكر أسمائهن لحداثة عهدي بالمنبر والله كتبن ما لم يكتبه الكثير من رجال المنبر فكانت لهن بوستات هادفه كثيرة اما ما تقوله من بوستات احسبها بوستات مخطي التحية لكل نساء وآنسات المنبر ..هن امهاتنا وأخواتنا وبناتنا فالندعمهن إن أخطأن في شئ لا أن نقيم لهن المجازر ..فتطورهن من تطور جيل الغد وإذا النساء نشان في امية ....... رضع الرجال جهالة وخمولا فهن مصنع الرجال الذين يتشدقون عليهن بالقول ويتباروزن في ذبح مواهبهن فالنحترم أخوتي النساء في كل شئ فنحن من أرحامهن خرجنا... فما أكرمهن إلا كريم وما اهانهن إلا لئيم معزتي وإحترامي لصاحب البوست ونساء المنبر مأمون-مكة
|
Post: #31
Title: Re: نساء فى بلاط المنبر العام يجذبن المداخلا�
Author: تبارك شيخ الدين جبريل
Date: 03-22-2016, 09:49 AM
Parent: #30
التريّث يا مامون عبدالله نور ... وليس التريس ... التريس دي في الكوشتينة  دي آخرة مبارات الفاضلابي ودرديري كباشي ... اتفجاج لغوي وانخماش فكري .. اجارك الله ... . . . . . ... المهم ....
|
Post: #33
Title: Re: نساء فى بلاط المنبر العام يجذبن المداخلا�
Author: أيمن الطيب
Date: 03-22-2016, 10:33 AM
Parent: #31
أخونا صادق ميرغنى,,| Quote: انا اوردت انوا في ناس زواجهم تقليدي وعلاقتهم بالطرف الاخر باااردة كلامي دا فوقوا شي ما ياهو تقليدي يعني مانتج عن حب او قناعة زواج الاقارب مثلا علاقة باردة عادي جدا وبتمر بكل العلاقات الزوجية لي ظروف كتيرة وبما انوا العلاقات في البورد دا افلاطونية يعني من الكيبورد للكيبورد فمن الممكن انوا الواحد يتشالق ويتخفف للبوستات بتاعة الجنس الاخر. لذا لزم التنويه |
كيبوردك حصانك إن صنته صانك وإن خنته خانك,,, قد تكون لديك فكرة محددة تود إيصالها لكن ,,,,, خانك التعبير يا رجل أو قد تكون مسكت السلك العريان تحياتى
|
Post: #36
Title: Re: نساء فى بلاط المنبر العام يجذبن المداخلا�
Author: رانيه محمد الشيخ
Date: 03-22-2016, 12:40 PM
Parent: #30
اخى ماموندى رانيا انا المن ضمن الاسماء الجميله الذكرتها ولا فى رانيا تانيه عشان ما افرح ساى ويطلع تشابه اسماء وانبطح ههههههههههههههههههه
|
Post: #32
Title: Re: نساء فى بلاط المنبر العام يجذبن المداخلا�
Author: مامون عبدالله نور
Date: 03-22-2016, 10:05 AM
Parent: #1
أشكرك أستاذنا تبارك وبوركت ...على التصحيح الكمال لله وحده
|
Post: #34
Title: Re: نساء فى بلاط المنبر العام يجذبن المداخلا�
Author: ismeil abbas
Date: 03-22-2016, 11:28 AM
Parent: #32
أخى ألجميل بلدى ياحبوب....السلام عليكم......أولاً أشيد بالبوست الذى جذب الكثير من الفطاحلة...ثانياُ أحب أوضح غنو بلدى ياحبوب زول حبوب جداً وقد يكون البعض فهم عنوان بوسته ليس كما يقصد....| Quote: مراعاة الشعور جزء من السلوكيات . عسي نتعلم جميعنا |
حقيقة المنبر ده مدرسة...فى إكتساب كل أساليب الحياة..السالبة لنتجنبها والموجبة لنكتسبها,,,وبنتعلم من الكبير والصغير بدون فرز....حينما تكتب هنا راعى كل عضو وكل قارىء يطلع كلامك موزون ورصين ومافيه تجريح لأحد..مع العلم الهفوات موجودة وأستيكة ألخطأ موجود ة وهى ألأعتذار ودى ثقافة أخرى لايقدر عليها إلا الواثقين من أنفسهم.الجنس اللطيف الموجود معنا هنا مجتهد جداً لطرح ألمفيد ...وبصراحة أثمن مجهوداتهن كثيرأ..هناك عضوات خالدات مرن من هنا لهن النحية وألأحترام والتقدير ومن توفاهن الله لهن الرحمة والمغفرة ولجميع موتى المسلمين.تقديرى للجميع....
|
Post: #35
Title: Re: نساء فى بلاط المنبر العام يجذبن المداخلا�
Author: اميرة السيد
Date: 03-22-2016, 11:36 AM
Parent: #32
عزيزي مامون عبد الله نوربوركت .وتسلم يا اخوي... وكلامك السمح ده ما غريب عليك. ..وانت مقيم في اطهر بقعة في الكون....مكة المكرمة.....وانت ما عارف الناس في الدنيا بتعاني كيف عشان يشوفو مكة المكرمة ولو تكتحل عيونهم بهذه البقعة الطاهرة...والفيها المسجد الحرام..والكان بمشي فيها الرسول الكريم ومنبع الوحي في غار حراء.... كلامك كان بردا وشفاء لزعلنا وغضبنا.....وهسع ما شين لبسمات نوريها اقتباس من كلامك ..المنطقي والله يديك الصحة والعافية
|
Post: #37
Title: Re: نساء فى بلاط المنبر العام يجذبن المداخلا�
Author: أيمن نواى على
Date: 03-22-2016, 02:02 PM
Parent: #35
يا جماعة بطلو اللف الدوران.......قولوا دغرى السوق حار.......العندو بيفتش لى جناهو.
|
Post: #39
Title: Re: نساء فى بلاط المنبر العام يجذبن المداخلا�
Author: مامون عبدالله نور
Date: 03-22-2016, 03:58 PM
Parent: #35
أستاذة أميرة بت السيدالتحية ليك وعبرك لنساء وبنات المنبر وبلادي مأمون-مكة
|
Post: #38
Title: Re: نساء فى بلاط المنبر العام يجذبن المداخلا�
Author: مامون عبدالله نور
Date: 03-22-2016, 03:48 PM
Parent: #1
اخى ماموندى رانيا انا المن ضمن الاسماء الجميله الذكرتها ولا فى رانيا تانيه عشان ما افرح ساى ويطلع تشابه اسماء وانبطح ههههههههههههههههههه نعم يا أستاذة رانيا .... فقد قدتي حملات الخير كثيرا متابعك من الفيس بوك وتواصل الخير فعملت ما عجز عن الرجال بارك الله وفيك وفي معرفتك أُخية مأمون-مكة
|
Post: #40
Title: Re: نساء فى بلاط المنبر العام يجذبن المداخلا�
Author: حامد بدري
Date: 03-22-2016, 04:08 PM
Parent: #38
| Quote: كيبوردك حصانك إن صنته صانك وإن خنته خانك,,, قد تكون لديك فكرة محددة تود إيصالها لكن ,,,,, خانك التعبير يا رجل أو قد تكون مسكت السلك العريان |
ايمووون يامسووب ده مافضل ليو علا يقوليهم زي كلب البدو يطارد بالسيارات بس مايركبا حرقتا فيوزاتوم ياااخ بعدين كلب البدو ماتخلووو يسوورخ اخونا مامون الذي بمكة رانيا اذا هي حبيبة سودانية كانت زمان نشطة جدا علا بعد العرس شنط رمضان خلتن  حبيبة جمهورك العريض منتظر عودتك السريعة
|
Post: #41
Title: Re: نساء فى بلاط المنبر العام يجذبن المداخلا�
Author: محمد البشرى الخضر
Date: 03-22-2016, 04:28 PM
Parent: #40
طيب... النقوم على الشتارة:)الزملاء الكرام البشكّروا في الزميلات و كتابتهن معليش للرأي القد يبدو غريب لكني أرى ما تقومون به تمييز سلبي ضد المراة بالذات عبارة قرأتها أعلاه تتحدّث عن ان ما يكتبنه الزميلات يعجز عنه الرجال - او في ما معناها - كأن الكتابة و الرأي السديد و النظرة و الفهم السليم أمور رجالية بحتة و عندما تبرز فيها المراة فهذا استثناء يستوجب الثناء و الاحتفاء في حين الكتابة و خاصة الاسفيرية و مسالة الراي و الحكمة لا جنس لها ولا تتطلب تميز فسيولوجي أو تحتاجه اعمال أخرى كالعتالة مثال أو المصارعة الحرة... لو كان كل الأعضاء يكتبون بمعرّفات مجهولة لا تشير للجنس كيف كنت ستفرز كتابة المرأة من الرجل ؟ اهو عندك مثلا الفاضلابي ما قدر يفرز بلدي يا حبوب من كتابته الكتابة و الحكمة و سلامة الرأي يقف فيها الجنسان كتفا بكتف و التميز يأتي لأن فلان الإنسان - غض النظر عن جنسه - ذكي مثلا أو حكيم أو بليغ أوتي مجامع الكلم ولا علاقة البتة بجنسه كذلك السجم و العولاق و السوء لا جنس له عادي في زميلات هنا وفي غير مكان أجارك الله بكتبو كتابة مقرفة وسيئة للحد البعيد و لا علاقة لهذا السوء بأنهن نساء فا شنو ... الخلاصة لا فرق بين راجل و مرة في المنابر (من ناحية الكتابة على الأقل)
|
Post: #42
Title: Re: نساء فى بلاط المنبر العام يجذبن المداخلا�
Author: عبدالعظيم مكى
Date: 03-22-2016, 04:51 PM
Parent: #41
تحية للجميع وهذا المنشور لم يجد كل هذه المداخلات الا لانه عن النساء. تخيل لو كان عنوان هذا المنشور(رجال في بلاط المنبر العام يجذبون المداخلات) بالتاكيد لن تجد حتى مداخلتي هذه. انه قدرنا الازلي ان نحب هذه العنصر الجميل بغض النظر ان كانت كتاباتهم ترقى او لا. وتزداد مداخلاتنا مع العنصر النسوي كل ما كانت الكاتبة غامضة وليس لها صورة موضوعة في البرفايل فنرسم لها صورة في مخيتنا اقرب ان تكون لحورية في جنات الفردوس.
|
Post: #43
Title: Re: نساء فى بلاط المنبر العام يجذبن المداخلا�
Author: اميرة السيد
Date: 03-22-2016, 05:15 PM
Parent: #42
ايمووون يامسووب )QUOTE) >>>><<<<>><<<<<<<<<<<< حامد بدري ابوننقا.. مسكاقمي نالي مسوووبي.... يمووون مسوبيامووو لكن مسوووبي .. ميميد سليمان.....( واقرأ كلامه في نافذة الفيس بوك.تحت... والله يديك الصحة والعافية
|
Post: #44
Title: Re: نساء فى بلاط المنبر العام يجذبن المداخلا�
Author: حامد بدري
Date: 03-22-2016, 05:42 PM
Parent: #43
| Quote: حامد بدري ابوننقا.. مسكاقمي نالي مسوووبي.... يمووون مسوبيامووو لكن مسوووبي .. ميميد سليمان.....( واقرأ كلامه في نافذة الفيس بوك.تحت... والله يديك الصحة والعافية |
|
Post: #45
Title: Re: نساء فى بلاط المنبر العام يجذبن المداخلا�
Author: حامد بدري
Date: 03-22-2016, 05:48 PM
Parent: #41
| Quote: الزملاء الكرام البشكّروا في الزميلات و كتابتهن معليش للرأي القد يبدو غريب لكني أرى ما تقومون به تمييز سلبي ضد المراة بالذات عبارة قرأتها أعلاه تتحدّث عن ان ما يكتبنه الزميلات يعجز عنه الرجال - او في ما معناها - كأن الكتابة و الرأي السديد و النظرة و الفهم السليم أمور رجالية بحتة و عندما تبرز فيها المراة فهذا استثناء يستوجب الثناء و الاحتفاء في حين الكتابة و خاصة الاسفيرية و مسالة الراي و الحكمة لا جنس لها ولا تتطلب تميز فسيولوجي أو تحتاجه اعمال أخرى كالعتالة مثال أو المصارعة الحرة... لو كان كل الأعضاء يكتبون بمعرّفات مجهولة لا تشير للجنس كيف كنت ستفرز كتابة المرأة من الرجل ؟ اهو عندك مثلا الفاضلابي ما قدر يفرز بلدي يا حبوب من كتابته الكتابة و الحكمة و سلامة الرأي يقف فيها الجنسان كتفا بكتف و التميز يأتي لأن فلان الإنسان - غض النظر عن جنسه - ذكي مثلا أو حكيم أو بليغ أوتي مجامع الكلم ولا علاقة البتة بجنسه كذلك السجم و العولاق و السوء لا جنس له عادي في زميلات هنا وفي غير مكان أجارك الله بكتبو كتابة مقرفة وسيئة للحد البعيد و لا علاقة لهذا السوء بأنهن نساء فا شنو ... الخلاصة لا فرق بين راجل و مرة في المنابر (من ناحية الكتابة على الأقل) |
مسا الخير يارشاشه الدور ده بدري بدري ونقول ياديجانقو افرز كلامك الفوق ده ماشتارة بالعكس يااااخ ده السلوك المعتاد من واقع خبرتنا الاسفيرية شعب السودان البطل مع الجكسي برجف برجف زي ابراهيم عطا زمان وتقريشاتو بدون لكن او الا والعجب ناس الانبوكسي عندي بوستي فيس بوكي اسمو البنات ايرباق القروبات ده للناس البفرزو ويضعو ضوابط عشان معانا بنات
|
|