اسمها سفاره ياخلق

11:24 AM March, 16 2016

سودانيز اون لاين
عمر عثمان عبد الوهاب-
مكتبتى
رابط مختصر

يعني بيت السفير البنوم فيهو هو واسرتو

الناس الكل يوم والتاني كواريك وشايلين دلاقينوم وهاجمين علي سفاراتنا

في الخارج لا والبعض يطلب خروج السفير لهم في الشارع لتسليمه مذكره

وهم من مواطنيها

اهمدو حبه وكفاياكم فضايح

كل كم نفر اتشمطو ليهم بي بناطلين جينز وعلقو ليهم

شنيطه في كتافوم قالو يمرقو مظاهره ضد بلدهم

واحد يلعلع وتاني يهلل ويكبر وكم حرمه يزغردن

واتنين يتدردغو في الظلط

يطلعو لينا تاني يوم ويسموها مسيره هادره

السفارة يا عمر ليست بيتا للسفير بل هي الممثل الرسمي لحكومة السودان في البلد التي هي فيه.

سلام سيف

حكاية ينوم دي تورية ساي

ومعلوم ماهوعمل السفارات للقاصي والداني

الناس تقف وقفة احتجاج امام السفارات الموجوده في بلدانهم

لارسال رساله الي حكومه تلك السفاره

لكن ماسمعنا مواطني دولة يحتجون امام سفارات بلدهم والتي تمثلهم في الخارج

محاولين او ظنا منهم تشويه صورة النظام القائم في دولهم طلبا لتعاطف تلك الدول

في منحهم الجنسيه او تحسين اوضاعهم

الجنوبيين طلعو وطنيين وغيورين وذوي نخوة اكثر من هؤلاء

نعم يا عمر اعرف انها تورية عشان كده ثبت ليك انو السفارة هي المكان الذي توصل

فيه صوتك للحكومة و لا تنس أن هؤلاء معظمهم مزدوجي الجنسية و سفارة السودان

بالنسبة لهم هي المكان الذي يمكنهم من خلاله مخاطبة حكومة السودان.

و بعدين هذه التظاهرات يشارك فيها مواطنين من البلد المضيف ينشطون في قضايا

حقوق الانسان و قضايا البئيه و اضرار السدود و كافة القضايا التي تمثل سياسات الحكومة

السودانية انتهاكا صارخا لها.

التظاهر امام السفارة هو اضعف الايمان.