لم اجد قط اداء موسيقي وصوتي روعة لهذه الاغنية الا هذه - قطار الشوق - ..

سودانيز اون لاين
الهادي ابوبكر-الرياض
مكتبتى
رابط مختصر

كلامك كله صحيح وجميل .

الأعزاء الافاضل:

الهادي ابوبكر

محمد أبو العزائم أبو الريش

عباس محمود

شكرا .. شكرا .. شكرا يا ملوك.... لكنكم في نفس الوقت نزلتو دموعي...

انا كل ما اسمع اغنية قطار الشوق من البلابل او أي فنان آخر... بنسى الدنيا

وبنسى مصاعب الغربة القساية ... وبحلق بروحي وبنفسي وبكلي في أجواء

السودان... حتى اقف على باب ام المدائن .. اتبرا...

اللحن رائع وانيق .. وكلمات الاغنية أروع .. والتحية من هنا للموسيقار الرائع بشير عباس

وللنجمات الثلاثة البلابل ..

TODAY YOU MAKE MY DAY

يظهر الصوت (الألطو) الصريح لهادية طلسم الصوت الدارس لتفانين الغناء والاداء

ويظهر صوت هادية اكثر ما يظهر وسط المجموعة في اغنية (طير الجنة) و(رجعنالك)

لانها بتأدي بصورة عجيبة نتاج لتمارين الصوت

هادية صوتها امتداد (لألطو) شريفة بت بلال (انطلاق الالطو النسائي) وورثته الى ومهلة العبادية وبدورها ورثته الى فاطمة الحاج

ومنها الى الصوت الاذاعي العجيب عشة الفلاتية

حقيقة أنا أيضا حضرت هذه الحلقة

كان فيها قفشات وضحكات من القلب

إضافة للصوت الحنين والاداء الروعة لبنات سلطان

ومن مزحات وقفشات عمنا الفكي عبد الرحمن مع البلابل وجه

ليهن سؤال : الناس بقولوا عليكم يا النوبة إسلامكم ضعيف ... ؟!

فردت هادية : لا هذا ما صحيح ... لأننا نحن حتى في أفراحنا بزف العرسان

بالطبول والاناشيد الدينية .

ثم تحدث د. عوض دكام : عن الأسنان وصلتها بمخارج الحروف ..

فكان المرح والفكاهة إلى جانب إبداع البلابل وتمكن بشير عباس في العزف

اضفى على البرنامج الكثير من الشجن والمرح ...

وكما قال الإخوة هذه ليست من أغاني الحقيبة ...

فالبلابل من بنات الأسر المثقفات الرائدات في هذا الضرب من الفن

وقد أثنى عليهن الروائي السوداني العالمي الأديب الطيب صالح .

وذكرهن بانه زامل والدهن في كلية غردون ..

ولهن إبداعات في أغاني الحقيبة كثر ..

الرحمة والنغفرة لمن رحل ممن شارك في هذا البرنامج ..

+++

بشير عباس طبعا والمبدات ...

عشان كمان نسمع مرة..ومرة..ثانية

فعلا قطار الشوق أغنية كانت تدغدغ شغاف قلوبنا في نهاية السبيعنيات وبداية الثمانينيات ، بسحر كلماتها وروعة أداءها من البلابل .

يا سلام يا الهادي ذكرتنا أيام جميلة حينما كانت قلوبنا حيه وتشتاق في غربتنا الداخلية ، تخيل كم كنت أشتاق لقريتي وأن أدرس بمدينة الثغر .

وكنا نردد قطار الشوق ، لأنني كنت أعبر من هيا لعطبرة ومن ثم للخرطوم وبعد أيام قليلة أتوجه للقرية .

بالمناسبة أكد لي كثير من زملاء الدراسة أن شاعر الأغنية كان طالباُ في عطبرة الصناعية وهو من أبناء نهر النيل .

الهادي وضيوفه سلام يغشاكم جميعاً

فعلاً كان أداء البلابل اكثر من رائع في هذه الاغنية وكل أغاني تلك السهرة البديعة

لم يعجبني أداء الفنان حسين شندي لاغنية قطار الشوق فقد افقدها بعدها وما تحمله من حنين

وبرضو عجبتني جداً في تلك السهرة اغنية ليل الشجن لحنها وكلماتها وموسيقتها وأداء البلابل

كل هذه الأشياء خلقت من هذه الاغنية شيئ يهز الوجدان وفيها كثير من التطريب

تهدينا وترسينا

يالها من سهرة محفورة في الخاطر ، ابدع فيها البلابل ايما ابداع وكل ضيوف تلك الحلقة المميزة .

شكرا للتصحيح ، ولكن عدم ظهور الاغنية بجمل موسيقية ، بمفهوم الاغنية الحديثة عندنا ، والاداء الموسيقي كما يقول اهل الفن - الميلودية - جعلني اصنفها ضمن اغاني الحقيبة، اعني بالاغاني الحديثة - مقدمات الموسيقية والحان عثمان حسين واحمد المصطفى و محمد وردي محمد الامين والملحنين ود الحاوي والسني ...

مشكور يا غالي على المرور الجميل، سافرت بنا الاغنية الى ايام جميلة في احضان الوطن ، وشوقتنا حقيقة لنسايم الحرية والشعور الجمعي في حبنا للوطن المكان والزمان.

حقيقة رغم استفزاز عمنا الفكي عبدالرحمن لنا في برنامج عام وفي جهاز اعلامي عام كان له اثر بالغ في نفوسنا الا ان روعة الموسيقار بشير عباس وروعة اداء البلابل، جعلتنا نتجاوز عنه.

Quote: سلام يا الهادي كلامك كله صحيح وجميل . أضيف انه الحلقة قدمها الدرامي والمربي الفكي عبد الرحمن وأعتقد أنه بالأضافة للبلابل كان فيها أنس العاقب وخليل أسماعيل.

نتمنى دائما ان نتحفك بما هو جميل من هذا الجيل الذي لن يتكرر على السودان، بجد هذا الجيل جيل استثنائي ، شكل وجدان كل سوداني بشكل جامع، حتى اننا كدنا ان ننسى القبلية والجهوية، فالاغنية السودانية لم تكن مجرد اغنية عادية، فعند سماع اي اغنية لهذا الجيل فانت تقف حائرا بين جمال واناقة ورصانة الكلمة وروعة وجمال وعبقرية اللحن، حقيقة شيء يذهل العقل.

Quote: الأعزاء الافاضل: الهادي ابوبكر محمد أبو العزائم أبو الريش عباس محمود شكرا .. شكرا .. شكرا يا ملوك.... لكنكم في نفس الوقت نزلتو دموعي... انا كل ما اسمع اغنية قطار الشوق من البلابل او أي فنان آخر... بنسى الدنيا وبنسى مصاعب الغربة القساية ... وبحلق بروحي وبنفسي وبكلي في أجواء السودان... حتى اقف على باب ام المدائن .. اتبرا... اللحن رائع وانيق .. وكلمات الاغنية أروع .. والتحية من هنا للموسيقار الرائع بشير عباس وللنجمات الثلاثة البلابل .. TODAY YOU MAKE MY DAY ودمتم بالف خير وصحة وعافية

شكرا على هذه المداخلة المتخصصة، ويعجبني التحليل المتخصص كثيرا، فانتم اكثر من يستطيع وضع الكلامات والمصطلحات لمناسبة في مكانها المناسب، ونحن مجرد متطفلين ، ولكن هذا لا يعني اننا لا نمتلك اذن موسيقية ذواقة وان كانت متواضعة ..

وبالمناسبة دي نحن كل المغنيات عندنا صوتم (الطو) ليه ؟؟ ول انا بتخيل لي كده...

Quote: طبعا معاك حق يا الهادي يظهر الصوت (الألطو) الصريح لهادية طلسم الصوت الدارس لتفانين الغناء والاداء ويظهر صوت هادية اكثر ما يظهر وسط المجموعة في اغنية (طير الجنة) و(رجعنالك) لانها بتأدي بصورة عجيبة نتاج لتمارين الصوت هادية صوتها امتداد (لألطو) شريفة بت بلال (انطلاق الالطو النسائي) وورثته الى ومهلة العبادية وبدورها ورثته الى فاطمة الحاج ومنها الى الصوت الاذاعي العجيب عشة الفلاتية

شكرا لهذا التوثيق ورد الحق لاصحابه، وكم هي كثيرة الحقوق الضائعة لاصحاب الاغنيات والمطربين.

ويكفي ما نحن فيه الان رغم وجود هيئة مصنفات ادبية، نجد شباب هذا الجيل، اصبحو اصحاب سيارات الهمر والسكن في الفيلل، بأدائهم لاغنيات الجيل السابق من الفنانين والشعراء والملحنين، وهذا هو الظلم بعينه، بينما اصحاب الاعمال الاصلين يعيشون في فقر يكاد يكون مدقع.

مشتاقين مربع ، وين ايامك ... فنان دي كتيرة علي ياخ، وبكاي كمان ههههها..

تشكراتي على المرور يا غالي،،

Quote: والله الهادي ما كنت قايلك فنان وحساس وبكاي كده

كانت ايام جميلة كنا حينها في مقتبل العمر ، وما زال العمالقة في عنفوانهم، وعطائهم، جيل العصر الذهبي في السودان، لقد اعطوا وما بخلوا ، كان بحق قمم.

Quote: الهادي - سلام كتير حقيقة أنا أيضا حضرت هذه الحلقة كان فيها قفشات وضحكات من القلب إضافة للصوت الحنين والاداء الروعة لبنات سلطان ومن مزحات وقفشات عمنا الفكي عبد الرحمن مع البلابل وجه ليهن سؤال : الناس بقولوا عليكم يا النوبة إسلامكم ضعيف ... ؟! فردت هادية : لا هذا ما صحيح ... لأننا نحن حتى في أفراحنا بزف العرسان بالطبول والاناشيد الدينية . ثم تحدث د. عوض دكام : عن الأسنان وصلتها بمخارج الحروف .. فكان المرح والفكاهة إلى جانب إبداع البلابل وتمكن بشير عباس في العزف اضفى على البرنامج الكثير من الشجن والمرح ... وكما قال الإخوة هذه ليست من أغاني الحقيبة ... فالبلابل من بنات الأسر المثقفات الرائدات في هذا الضرب من الفن وقد أثنى عليهن الروائي السوداني العالمي الأديب الطيب صالح . وذكرهن بانه زامل والدهن في كلية غردون .. ولهن إبداعات في أغاني الحقيبة كثر .. الرحمة والنغفرة لمن رحل ممن شارك في هذا البرنامج ..

عشان تعرف ان السودان دا غني جدا بالفن والتفانين .. وزي ما انت قلت وانا اكدت كلامك

ان الصوت (السوبرانو) نادر جدا بل ممكن نقول لبس له وجود

زمان الفنان (الفاضل احمد) وعبدالرحمن الريح) هو من اتى به للساحة الفنية

الفاضل يا الهادي وفي ذلك الزمان غنى اغنية (كان بدري عليك) بصوت (سوبرانو) صريح

يعني استلف (الصوت النسائي) بكل اتقان .. وبصوت طفولي بحت

بنلقى برضو الفنان (ابراهيم عبدالجليل) غني اغنيتين بصوت (الطو ) نسائي صريح

والاغنيتين هم (وين انت يا بدر السماء ) و (افكاري ديمة مقسمة )

ورائد الاستلاف الصوتي طبعا هو (فضل المولى زنقار) كان يمتلك صوتين رجالي ونسائي

وبرضو في اغنيات محمداحمد عوض في واحد في الخلفية وهو (عبدالعزيز قسم الله) تقريبا بعزف الدنب

بستعير صوت (عشة الفلاتية) و (فاطمة الحاج) وبغني بيهم كورس خلف محمد احمد عوض بصوت الطو نسائي واضح

دخلنا على منطقتك الخاصة دون استئذان ، نأسف ولكن هذا الكم الهائل من الطرب والشجن لم يدع لنا مجال.

شكرا ود الشغيل على المرور وهذه الكلمات الجميلة.

Quote: آآآآآآآآآآه هذه الأغنية لها وقع خاص على كل سوداني عامة وعلى كل عطبراوي على وجه الخصوص لما تحمله من مضامين فكرية وقيمية رائعة ولحن عذب ينساب كما الماء الرقراق . كيف لا وهي تذكرنا بعطبرة الحبيبة التي يتغلغل حبها في حنايا الفؤاد . عطبرة : أسرتي قلبي بحبك وياله من أسر جميل أتمنى أن يطول إلى أبد الآبدين .. فأنا لا أحب أن أعتق من حبك وأُمنح حريتي لسعادتي الغامرة بهذا الأسر فأنا أسعد أسير ولا أرغب في الحرية من حبك . العاشق المتيم ود الشغيل عطبراوي حتى النخاع

كان في الحلقة ايضا علي ابراهيم اللحو و لم يسلم من قفشات استاذ الفكي عبد الرحمن

وأنا معك اقول لماذا ؟

شكرا على مرورك والملاحظة.

Quote: و حظنا الهباب في ضيق مواعيننا فالانيس الجليس المحاور البارع كان ينبغي (حبسه) في حيشان الاذاعة و التلفزيون و لا نجد له الا عددا محدودا من الاعمال

لا نضيف عليك حرف، كيف وانت الاديب الاريب، فكلماتك لا تدع لنا مجالا لذلك..

كن بخير، وشكرا لمروركم الكريم..

Quote: البلال ثروه فنيه قيمه وثوره إبداعيه متفرده وتجربه غنائيه يندر أن تتكرر كالكاشف ووردى والجابرى وزيدان وأحمد المصطفى وعثمان حسين، لونيه متميزه وجماعيه متوائمه وأدائيه لا تنفك من الوقوع فى أسرها يسلبن فؤداك إعجاباً وينزعن حضورك عنوة وإراده ويصنعن الفرح فيك كيفما شئن.

وفيه حليات وجماليات وليهو قدرات ادائية فائقة.

بالنسبة للالات .الوتريات كمثال (الكمنجة) و(الفيولا) والاتنين التنويت يتم بمفتاح (صول)

(الكمنجة ) تصنف ويدون ليها في مجال (السوبرانو) اما (الفيولا ) في مجال (الالطو)

وبعد داك حنرتفع لباقي الوتريات (التشيلو) وصولا الى (الكونترباص) .. دا كمثال بس ياحاتم

الصوت الجبلي دا اشهر من وصفوهو بيهو هو الراحل (فهد بلان)

ودي مسميات لبنانية ما عارف موقعها وين من البارتون- باص

اما الصحراوي دا الا يكون مكيف

Quote: ممتاز جداً السوبر سوبرانو دا هل مدى متاح للصوت البشري ولا الآلة؟ لأنو حسب علمي المتواضع إنو التقسيم بيتم بناء على تردد الصوت في المدى الغنائي المريح للمؤدي وليس أعلى نوتة يمكنه أن يصلها لحظياً. بالمناسبة، في تصنيف ظهر جديد للأصوات بيقسمها لأصوات جبلية وأصوات صحراوية، رأيك شنو في التقسيم دا؟.

الغريبة ما فيكم زول قال البلآبل من اتبرا،

بالمناسبة البلآبل عطبراويات من حِلة الصاج .

هسّع تجي بسمات تقول لي، حِلة الصاج دي وين ؟!.

يا حاتم بتاع الزمبارة ناس عطبرة اصواتهم من بف نفسك يا القطار .

من زمن كايس لي فرقة عشان ابدي لك إعجابي بثقافتك العالية

ومعلوماتك الثرّة . ما شاء الله، أسأل الله ان يزيدك .

بوست الأصوات الجبلية والصحراوية كان مدرسة ينقصها الفصول،

يا زول علي اليمين القوما ليك .

زمبارة دي شنو ياخ ، ده راجل استاذ في آلة حديثة وانيقة والصراحة مزعجة في نفس الوقت هههها، ول ناسنا ديل لم يعزفو عليها بيعزفوها بشكل مزعج ما عارف، بحس انها بتغطي على باقي الآلات وما عايزة تدي مجال معاها لي زول تاني، بس لم تتوظف التوظيف الصحيح بتحس بي جمالة.

بعدين حلة الصاج دي شنو ، قبل ما تجي بسمات ان نسألك ...

غايتو اصوات ناس الجزيرة القالها حاتم دي ، بتدخله في مشاكل مع اخوانا السلفيين ههههها .. شنو الدار قطني ..

بس ده ما يمنع انه راجل مثقف في المجال ده ياخ..

Quote: سلآمات الهادي وضيوفه . الغريبة ما فيكم زول قال البلآبل من اتبرا، بالمناسبة البلآبل عطبراويات من حِلة الصاج . هسّع تجي بسمات تقول لي، حِلة الصاج دي وين ؟!. يا حاتم بتاع الزمبارة ناس عطبرة اصواتهم من بف نفسك يا القطار . من زمن كايس لي فرقة عشان ابدي لك إعجابي بثقافتك العالية ومعلوماتك الثرّة . ما شاء الله، أسأل الله ان يزيدك . بوست الأصوات الجبلية والصحراوية كان مدرسة ينقصها الفصول، يا زول علي اليمين القوما ليك . مودتي للجميع ...

لكن ياحاتم نسيت ناس القضارف اصواتهم (سمسمية)

اما قولك ان ناس الخرطوم اصواتهم نيلية يمكن دا يكون بسبب ايقاع التم تم الحار

انتاج طبول افريقيا على قاعدة ايقاعات وضربات ثنائية / رباعية ا مع انه ايقاع ثلاثي صريح

وانطلق في التلاتينات من الرديف كوستي واستوطن الوسط النيلي وناسة كنكشو فوقو هربا من (النقرزان) التقيل

ومداخلتك الطلعت بينا فوق وبقيت لينا يا حاتم وممكن نقول ليك

انت فوق للقوس و السماك الاعزل

ورجعتنا تاني للتم تم المفتوح واحلى مثال ليهو (ابراهيم عوض) في اغنية (ياسلوى قلبي شت سوى) دا

كان بخلي الحيط ترقص ...

اما اذا جينا للتم تم المقفول غنوا بيهوا (البلابل) ـ موضوع الحلقة ـ اغنية :ـ

البنريدو تايه يا حليل البريدنا .. و احكام الليالي متين كانت بايدنا

Quote: بناء عليه، جادت قريحتي بالآتي: ناس الخرطوم أصواتهم نيلية وناس الجزيرة أصواتهم دارقطنية وناس الأبيض أصواتهم رملية وناس دارفور أصواتهم دارفورية وناس بورتسودان أصواتهم ساحلية وناس الجنوب أصواتهم استوائية أما أصوات ناس عطبرة ففيها قولان: - حديدية استالينية - شويعية أربعة-لينية

بالنسبة لي أجمل أغنية للبلال هي الاغنية ( بابور كوسونا )

وهي مناحة عن حلفا والهجرة ..

ديل بنات أصيلات رغم حياة المدن كل واحدة تجيد النوبية وكأنها نشات هناك ..

مبالغة وترف لحني يذهب بك إلى عالم آخر ..

التحية للبلابل ..

أصالة وفن ..

ود المدير .. ود حلتنا

انا بعرف عطبرة شبر شبر.. .ز وتأكد بعرف حلة الصاج .. بس ما كنت عارفة ان البلابل من حلة الصاج

لكن بعرفهن من حلفا دغيم...

وما تنسى انك اشرت لحلة الصاج في هذه القصيدة الرائعة الانيقة في حب عطبرة...

ودمت بالف خير وصحة وعافية

والمرور الكرام في هذا البوست الانيق بالف صحة وعافية

عــــطــــبــــرة...

يا غالية ريدك في مسارب

روحي إسرّب سرى

ومازج دمايَ معاها

في الشريان جرى

ما إنت يا حبي الكبير

داخل قليبي محكرا

وبلاك ما بطيق الحياة

تصبح رِويحتي معكّرا

يا حلوة يا مصدر غُناي

وشموخي وأكبر مفخرا

من جوف مشاعري الهايمة بيك

بهديك حروفي معطرا

وأنا ما نسيتك لحظة

شان أطراك يوم يا عطبرة

سيالة يا مرتع صِباى

أوتار غُناي

ينبوع سعادتي ومصدرا

أنا ببدا مِنّك شوط طوافي

على المدينة وبندرا

بطرا الجزيرة نواوي

كيف زمن التسآب

النيل حواها وحاصرا

والعارفين ناس ود نواوي

أهل العِلِم

ورثوا الصلاح من الورى

الداخلة في جوارهم أمان

روعة وحنان

ما أحلى ناسها ومنظرا

السكة الحديد والسودنة

آيات جمال، وكرم خِصال

جلّ البرا

في حِلة الصاج

الكنيسة ومدرسة

ودار الرياضة وجمهرة

في القيقر السوق القديم

والمدفعيّة وعسكرا

حوش المخازن والوِرش

ومبنى العموم

آيات فخار ما أظهرا

في ساحة المولد

فرح في كل عآم

بمولد النور السرى

الجامع الكبير وشارع السلك

وللهندسة كلية فيك ما أشهرا

وبين أُمبكول والسوق دوام

أجمل حديث ومناظره

الأتبراوي مع الطليح

والقلعة نورا وجوهرا