الليلة والليلة دار ام بادر يا حلييلا

08:23 AM March, 14 2016

سودانيز اون لاين
Haytham Ghaly-
مكتبتى
رابط مختصر

زمان زمن الصبا وزمن الزمن زين والشعر مغطي الاضنين

كنت لما زول يقول لي كلام او يبدأ يقول في كلام انا ما عايز اسمعو

او بزهج منو كنت طوالي ببدأ اغني الغنوة دي وبي صوت عالي

عشان ما اسمعو

الان الحاصل في المنبر من كلام شيييين لا يليق لا بالمنبر ولا بالقايل ولا بالمتلقي

خلاني امارس نفس طريقتي القديمة وحا اقعد اغني باعلى صوت الى ان تنتهي هذه الموجة

من السباب والشتايم المتناثرة في صدر الصفحة الأولى من المنبر

وهنا بي صوت الفنانة صباح عبدالله

حلوة يا غالي

لكن مع البورد المكعوج دا أخشى ينط ليك من يقول اختيارك للأغنية دي تحديدا فيها عنصرية وحركات جلابة منك :)

Quote: لكن مع البورد المكعوج دا أخشى ينط ليك من يقول اختيارك للأغنية دي تحديدا فيها عنصرية وحركات جلابة منك :)

ود البشرى سلام

زمان في مقولة بتقول الفارس لو شم ريحة الدم بكتل من طرف وما بفرز

اها الجماعة ديل بس ما يكونو فرسان ويشمو ريحة المشاكل ويضايرونا معاهم

ياخ الشي الحاصل دا والله ما سمح ويزهج ومحبط للغاية

الغالي يا ود الغالي،

شوق مطر سواري بس .

يا زول كان قُتلك يبقى ما تصدقني زاتو، والله يا هيثم ماسك الصفحة اللُوّلة دي

من بدايتا لحدي ما وصلت نهايتا كنت قررت أفتح بوست تقريباً يحمل نفس

فكرة بوستيك دا، والحقيقة من اُمبارح فكرت في الحكاية دي بس البارح السبب

كان مخالف لكن برضو في نفس الإطار . المهم من آخر بوست عملت اسكرول

لأعلى ؤ دربي عديييل علي بوست جديد، كان إستوقفني بوستيك دا، قلت سبحان

الله !، .

عموماً سأفتح البوست وإن شاء الله حايكون بوست فيهو كلآم كتير جداً .

في رأي لو كل زول يتخطى الحدود بيدمسوهو ؤ ما يعشموهو يكون أفضل،

في كثير من الأحيان يأتيني شعور ان المُستهدف هو المنبر .

كلّ الأشواق آه بتجرح قلب المشتاق .

Quote: حلوة يا غالي لكن مع البورد المكعوج دا أخشى ينط ليك من يقول اختيارك للأغنية دي تحديدا فيها عنصرية وحركات جلابة منك :)

إنت بالزآت يا ود البشرى انا عايزك تكون حضور بكامل أحاسيسك

في بوستي بعد افتحو . عليك الله فضي لينا نفسك شوية .

لك الوُد والإحترام ...

حاضرين آ ود المدير

تامر أمر

Quote: الغالي يا ود الغالي، شوق مطر سواري بس . يا زول كان قُتلك يبقى ما تصدقني زاتو، والله يا هيثم ماسك الصفحة اللُوّلة دي من بدايتا لحدي ما وصلت نهايتا كنت قررت أفتح بوست تقريباً يحمل نفس فكرة بوستيك دا، والحقيقة من اُمبارح فكرت في الحكاية دي بس البارح السبب كان مخالف لكن برضو في نفس الإطار . المهم من آخر بوست عملت اسكرول لأعلى ؤ دربي عديييل علي بوست جديد، كان إستوقفني بوستيك دا، قلت سبحان الله !، . عموماً سأفتح البوست وإن شاء الله حايكون بوست فيهو كلآم كتير جداً . في رأي لو كل زول يتخطى الحدود بيدمسوهو ؤ ما يعشموهو يكون أفضل، في كثير من الأحيان يأتيني شعور ان المُستهدف هو المنبر . كلّ الأشواق آه بتجرح قلب المشتاق .

حبابك يا مدير

كان للشوق والله متل شوك الكتر

طعن الجسم لامن خدر ووالله لو ما منجبر ما كت بفارق السودان لو شبر

والله يا معاوية غلبنا حيلة في جنس البحصل دا

غايتو نتمنى ربنا يهدي النفوس ويهدينا ويهديهم

افتح بوستك وافصح وكلنا بتلقانا هناك

ؤ حتى المتشاكلين ديل بجوك

محتاجين صوت قوي وعالي اكتر لانو الشكلة سخنت شديد

الا رحم الله فناننا الجميل محمود عبدالعزيز

هيثم تحياتى

نطق المفردات حنينو براهو، قِمْرِيّة٠

مودتى

Quote: هيثم تحياتى نطق المفردات حنينو براهو، قِمْرِيّة٠ مودتى

مرحبتين حباب اخونا ابوبكر

بالتأكيد لطريقة نطق الكلمات والمسميات شيئ من الحنين وذلك يرجع لغياب هذا النطق

وتغييره بطرق أخرى بعد اختلاط المجتمعات ببعضها فانتج ثقافات متلاقحة ولكن بالتأكيد

أصول الثقافات المحلية محفوظة في وجدان الناس ولن تضيع ابداً

مشكور على الطلة ولك التحايا والاحترام

شوفو بعض معالم كردفان الجميلة في الفيديو الجاي دا

وشوفو جمال الطبيعة وبهاء أهلنا وجمالهم المستمد من جمال الطبيعة في تلك

البقعة واللوحة الزاهية من ربوع وطننا الحبيب

ؤ تعالوا نغني حنية ونبيض النية

نعمي تقعد صاحي تحلم

بي بيوت بي نور ودش

بي محبة تشق دروبا

وفي قلوب الكل تخش

عرفت الشقى والشقاوة

الا ما عرفت تغش

سلامات هيثم

لو لم تنجب كردفان إبراهيم موسي أبا لكفاها

لك التحيه ولكل أهلنا في كردفان