بالله لسه في ناس جادين و بتابعو في الهلال و المريخ ؟ أكاد لا اصدق

سودانيز اون لاين
خالد المبارك-
مكتبتى
رابط مختصر

اقسمت انو تاني ما اشجع المريخ و لا الهلال

اسألوني ليه

معقول يا جماعة ؟ كأس الابطال الافارقة دي حام و لف و دور على الافارقة كلهم من عرب و عجم الا السودان من عشرات السنين

افترضنا جدلا انو الهلال او المريخ نال البطولة هل بعد السنين دي كلها ممكن الواحد يفرح لانو رفعنا كأس البطولة ؟؟

دي نفس نظرية التطور بتاعت الهالك دارون

الصدفة وحدها هي التي تجمعنا بي كأس البطولة و لعمري ماف اي فرحة او انتشاء لما الحاجة تجي بالصدفة

و اتحدى اي زول بيفهم في الكورة لو افترضنا جدلا انو الكاس كان من نصيب احد الفريقين يقول انو ما صدفة

لانو بعد السنين دي كلها و العمر ده كلو لو كان بجي باللعب كان جا زمااااان

يعني نقعد ننتظر الصدفة تجيب لينا الكاس عشان نفرح ؟

هو بالله الهلال والمريخ السنة الفاتت لعبوا في بطولة أندية أوروبا.

الحقيقة هو الفريق كووولوو عايز يغيروهو

ناس اساسيات اللعبة ما عارفنها و الله لي ما يقارب الخمس سنوات ما شفت لي باص ون تو و لا تمويهة حلوة و لا لعبة قرمبوزية من ناسنا ديل بس عك عك ساااي و جري

يجيبو كاس من وين و كيف ينافسو شباب طموح عايز يلعب في اوروبا زي الافارقة و العرب

الافارقة الواحد فيهم بيلعب مش عشان فريقو او الوطن ، بيلعب عشان ينافس و يلقى فرصة في الدوريهات الاوروبية لي نفسو عشان كده ما بيحتاج تشجيع من زول براااهو بيدي افضل ما عندو

و ما دام ناسنا ديل مقتنعين بي اللعب في المقابر حقتنا دي و ما عندهم طموح ينتقلو لي فرق اوروبية لو جابو ليهم كأس شنبي ده يقوم في الظلط ( الزمن ده الشنب لم يعد من علامات الرجولة )

الافارقة ديل كل سنة عندهم فرق جديدة و شباب فت و اخر موديل لانو الموديل الفات بكون انتقل الى اوروبا و اللاتينية

ناسنا يلعبو بي موديل عشرة سنوات و اكتر مكنكشين كنكشة عجيبة و برضو بدون خبرة و راكبنها حمارية سااااي

كاس شنو البجيبوهو لعب مع الشباب ديل ؟

هلال مريخ ما احسن من القرف الحاصل في الساحة السياسية؟؟

لكن كلامك صاح يا خالد المبارك

و شاكر لكم المرور العطر

ليه يا طلحة ما ارد ليك ياخي

لك التحية انا عارف انو اي زول عقلاني بيوافقني في الكلام ده و الحل معروف

لكن منو البقدر يغير المسامير الصدئة دي

الوسط الرياضي متهالك و العقلية السودانية ولوفة لا تحب التجديد و التطور بس عشان في واحد بكون مصاحب آخر و ما عايزين يتفرقو على حساب التاريخ و المجد

كلو بي سبب العقليات الادارية الساذجة خريجي الخدمة المدنية العقيمة

حصل في زول شغال في الحكومة رفدوهو و لا عاقبوهو لانو ما بعرف الشغل